عيادة د / أحمد رشدي غانم لأمراض الصدر و الحساسية

13/11/2025

11/11/2025

🫁 إيه هو الربو المهني؟

في ناس بيشتغلوا في أماكن معينة ويبدأوا يحسوا بضيق نفس أو كحة أو صفارة في الصدر، والأعراض دي بتزيد في الشغل وتخف بعد ما يرجعوا البيت أو في الأجازة.
ده اسمه الربو المهني.

🔹 أسبابه:

التعرض للغبار (دقيق – خشب – إسمنت)

الروائح والكيماويات في المصانع

الدخان والأبخرة

بعض المواد في مهن زي الزراعة أو الدباغة

🔹 الأعراض:

كحة متكررة

صفير أو أزيز مع النفس

ضيق تنفس خصوصًا في الشغل

أعراض تخف في الأجازة

💡 الحل:

تشخيص بدري عند دكتور صدر

تجنب أو تقليل التعرض للمسبب

أدوية الربو المعتادة بتساعد لكن الأهم إزالة السبب

لو بتحس بالأعراض دي في شغلك.. متأجلش الفحص 👨‍⚕️

📍 Ghanem Chest Clinic
🩺 عيادة دمياط: 01022417172
🩺 عيادة فارسكور: 01063615192

11/11/2025

حلويات العيادة 😅😅
بس من غير سكر علشان الكحة 😂😂
صديقى أحمد إيهاب 💖💖💖

10/11/2025

🌬️ الأكسجين مش رفاهية.. الأكسجين حياة

مريض السدة الرئوية ساعات رئته مش بتقدر تدخل أكسجين كفاية للجسم، وده يخليه تعبان ومرهق طول الوقت.
وهنا ييجي دور العلاج بالأكسجين المنزلي:

✅ بيساعدك تتنفس كويس.
✅ يقلل النهجان والإرهاق.
✅ يحافظ على القلب والمخ من نقص الأكسجين.
✅ ويطوّل العمر ويحسّن جودة الحياة.

👨‍⚕️ مهم تعرف إن استخدام الأكسجين لازم يكون تحت إشراف دكتور.. مش أي حد يقرر يوصله لوحده.

💡 لو الدكتور كتبلك على أكسجين.. اعرف إن ده علاج أساسي، مش مجرد جهاز للزينة.

09/11/2025

إن شاء الله موجودين اليوم
فى عيادة دمياط القديمة من الساعة 2 م للساعة 3.5 م
و الحجز بالتليفون على الرقم ده
01022417172

و فى عيادة فارسكور من الساعة 5 م للساعة 9 م
و الحجز بالتليفون على الرقم ده
01063615192

07/11/2025

درج الكومودينو اللى كان المفروض يتملى شيكولاتة و شيبسى 😭😭

07/11/2025

🫁 خلي بالك لو عندك سدة رئوية (COPD)

كتير من الناس أول ما يحس بضيق نفس بيجرى يحط أكسجين من نفسه… بس الحقيقة إن ده ممكن يكون خطر جدًا 😮‍💨

لو مريض السدة خَد أكسجين بكمية زيادة عن اللزوم، ممكن يحصل العكس — جسمه يتكاسل وياخد نفسه بالعافية، وساعتها نسبة ثاني أكسيد الكربون تعلى في الدم ويدخل في غيبوبة تنفسية 😔

✅ عشان كده:

الأكسجين في حالات السدة لازم يكون بجرعة محددة حسب التحاليل وقياس الغازات.

مايستخدمش إلا تحت إشراف دكتور الصدر.

مش كل ضيق نفس محتاج أكسجين.

🩺 الأكسجين دواء زيه زي أي دواء… ليه جرعة وحدود، والزيادة فيه ممكن تبقى خطر أكتر من النقص!







📍 Ghanem Chest Clinic
🩺 عيادة دمياط: 01022417172
🩺 عيادة فارسكور: 01063615192

05/11/2025

🫁 التهاب الشعب الهوائية (التهاب القصبات)

لو الكحة مطوّلة معاك وناشفة أو ببلغم، ومعاها صوت "صفارة" في النفس أو ضيق نفس، ممكن تكون عندك التهاب في الشعب الهوائية.

👨‍⚕️ بيحصل عادة بعد دور برد أو إنفلونزا، أو بسبب التدخين والتعرض للتراب والدخان.

⚠️ أهم الأعراض:

كحة مستمرة (أكتر من 3 أسابيع).

بلغم أبيض أو أصفر أو أخضر.

صفارة في النفس أو إحساس بضيق.

تعب عام وحرارة أحيانًا.

💡 النصيحة:

متستهونش بالكحة الطويلة.

ابُعد عن التدخين والمدخنين.

اشرب سوائل دافية كتير.

ولو الأعراض زادت أو النفس ضاق 👉 لازم دكتور صدرية يكشف عليك.

📍 Ghanem Chest Clinic
🩺 عيادة دمياط: 01022417172
🩺 عيادة فارسكور: 01063615192

05/11/2025

استخدام أدوية الكحة من غير استشارة

في أنواع ممكن تضر في بعض أمراض الصدر أو تخفي الأعراض.