https://dr-mohamedabdelwahed.com/

Dr/Mohamed Abd El-Wahed - دكتور محمد عبد الواحد, Fowa (2025)

14/10/2025

- نظرا لأن بوست الميتفورمين " الجلوكوفاج و اخواته " تقريبا دخلت فى منطقة محظورة :D
ومفيش حد بيتكلم علم " الكل داخل يشتم و خلاص "
- خد يا باشا علاج التكيسات من الألف لليـاء .. العلاج الحقيقى على الأرض بالفعل بحالات تتشافى و تتعافى طبقه بس انت وشوف بعد 3 شهور الوضع عامل إزاى.
- https://www.facebook.com/reel/616276124470867
- خد يا باشا مقاومة الإنسولين اهى من الألف لليـاء .. طبقه بس 3 شهور و نبقى نتكلم بعد كده ..
- https://www.facebook.com/reel/1554348792610785/

يا قـــوم تخلصوا من عبادة هبل و اللات و العزي .. اليس فيكم رجل رشيد ... الناس بتقول اتعالجنا .. الناس بتقول تعافينـا .. الناس ده كلامها مش جايبه من عند خالتى والله .. الله المستعان ..

14/10/2025

- من الأمور النادرة فى الحياة ان طبيب يرفض يكتب " سيدوفاج او جلوكوفاج " او اى ميتفورمين لحالة تكيسات و مقاومة إنسولين 👏👏
صراحة اول مرة اشوفها ولذلك يجب الإشادة و الإحترام .. انا معرفش دكتور احمد الصراحة لكن يستحق كل ثناء و تقدير على ذلك والله .

- تنوية : ارجوك لو معترض على البوست ادخل ناقشنى بلاش تشتمنى وتجري ارجوك 😓

13/10/2025

⛔️⛔️-السادة مرضى الغدة الدرقية .. البوست ده كل حرف فيه مهم . وكل حرف فيه بإذن الله صحيح والله على ما اقول شهيد
(( وابقى شوفوا التعليقات تحت لناس زيكم ))
1️⃣- الغدة مرضى مزمن و هفضـل مريض طول عمري ؟
- الرسول عليه افضل صلاة و سلام قال " ما خلق الله من داء الا و جعل له دواء الا الموت " وبالتالى دا بيضرب فى صميم لفظ مزمن .. ف الكلام ده مغلوط دينيا .. و طبيا ! طاب طبيا ازاى ماهو لو فى حالات تعافت بالفعل يبقى اكيد ده مش مزمن صح ؟ ابقى انزل بص فى التعليقات .
ف اللى يقولك مزمن "مخطأ او تم تغييبه بالفعل "
2️⃣- يتم تشخـيص مريض الغده فقط عبر تحليل الـ TSH يعنى لو الـ TSH عالى انا كده مريض غده ؟
- الكلام ده خطأ .. لان الـTSH واقع تحت تأثير إفراز الغده النخامية .. وبالتالى علشان أأكد ان الشخص ده مريض خمول غده لابد من تحقق شرطين .. إرتفاع الـ TSH و إنخفاض الـ T3 و الـ T4 .. لان دول هرمونات الغده الدرقية نفسها فلو هى بتفرز هرموناتها بشكل سليم إذا لا خلل بها .. وانما يوجد إضطراب فى الغده الأم المفرزة للـ TSH و هى النخامية .

3️⃣ لازم افضـل ماشى على الحباية طول حياتى ؟
- دا الكلام اللى موجود فى الكتاب " اللى لا يعالج شخص " وبالتالى حضرتك تعبانه وهتفضلى تعبانه طول عمرك لان حالتك الصحية بقت اسيرة لـ ارقام تحاليل على الورق لكن اعراضك كما هى .. ف اصل الطب هو الأعراض وليست الأرقام .. ف لو ارقام تحاليل حضرتك دايما مظبوطه لكنك لسه بتعانى من مشاكل و اعراض يبقى حضرتك بتشتغلى نفسك او بيتم إشتغالك .. والدليل العيادات مرطرطه مرضى مش بيتعالجوا .. والعجيب ان كلهم او اغلبهم " سيدات " :D توء توء مش علشان النفسيه بالمناسبة .. علشان عشق الحلويات و الدقيق الأبيض و الشيكولاتات .

4️⃣ انا استأصلت الغده هل ينفع اترك حباية الغده ؟
لا .. لان الغده اتشالت بالفعل للاسف .. اللوم على اللى وصلك لمرحلة الإستئصال .

5️⃣الغده بتتسبب فى زيادة الوزن ؟
- لا علاقة .. فى ناس نحيفة و عندها خمول غده ... اغلب الناس اللى اتشخصت مرضى غده اتشخصوا خطأ و بأعراض ليست اعراض غده و اشخصوا بناء على رقم الـ TSH فى التحليل وبالتالى لن يتعافوا طول حياتهم وعلشان كده حضرتك كل شهر عند دكتور مختلف لان الأعراض دايما زى ماهى لكنك ماشي بشوية ورق اسمه تحليل عمال بتلعب فى جرعات الأدوية كل شوية علشان تظبط الرقم و ناسى صحتك اللى بتضيع .
دا مش كلامى دا الواقع يا فندم .. والله دا الواقع اللى على الأرض اللى بتحاولوا تكذبوه بعنيكم .
6️⃣انا ماشية على الحباية و محدش اتكلم معايا عن نمط و سلوك الأكل ؟
- لو حضرتك مشيتى على الحباية من هنا ليوم القيامة و سلوك اكلك بايظ حضرتك هتفضلى مريضة ليوم البعث " مريضة اعراض " هتفضلي تشتكى طول عمرك .. ف اى شخص لا يربط النمط الغذائى بعلاج الغده " تم تغييبه بالفعل بنجاح " ماشى ورا شوية ورق قراءه فقط و التجارب على الأرض خير مثال .

7️⃣- بس انا عندى هاشيموتو والجهاز المناعي بتاعى بيهاجم الغده ! ؟
- الجهاز المناعي بتاع حضرتك بيهاجم الغده ليه ؟ حد جاوبك على ده !
ايوة لانه شايفها جسم غريب !
شافها جسم غريب ليه ؟ ما حضرتك كنتى عايشه عشرين تلاتين سنه زى الفل مرة واحده هاجمها !
لان ببساطة عند حضرتك كمية إلتهابات محترمه فى الجسم و بناء عليه الجسم كله ردود افعاله هتكون غير منضبطه .. و الإلتهابات دى جات منين ؟ من الأكل يا فندم مش من الهوا والله .. ف اللى يقول لحضرتك غير كده هو عاوز حضرتك مريضة تحت طوعه طول حياته بتفنى صحتك و وقتك معاه فى السراب .. والدليل شوفى زمايلك اللى ظبطوا اكلهم اتحسنوا كلهم .

8️⃣ كل ما ازود جرعه الغده هتحسن اكتر و ارقامى هتظبط اكتر ؟
- والله يا فندم اللى هيحصل ان حته الورقة اللى حضرتك ماشية بيها " تحليلك " اه ممكن ارقامه تظبط بس اللى هيحصل ان كل ما جرعه الغده " الحباية " يرتفع الهرمونات الأخري بتاعت الجسم بيحصلها خلل و معرضه لمشاكل تانية زى البهاق و غيره .. ودا والله مش كلامى يا فندم دا تجارب الناس على ارض الواقع الناس بيحصلها كده بالفعل ^_^ مش اختراع منى ف اللى فاكر انه كل ما يزود الجرعه كده بيفيدك هو للأسف الشديد ساحبك الى الهلاك ويحسب نفسه يحسن صنعا .

9️⃣ خمـول الغده المفروض ان له اعراض ايه هى ؟
- المفروض ان حضرتك طول اليوم نايمة 24 ساعه .. ضربات قلب حضرتك واقعه فى الأرض طول الوقت و ضغطك واطى جدا .. و إمساك مستمر
** بس انا يا دكتور عندى ارق دايم و ضربات قلبى عالية و بتزيد كمان بعد الحباية ! هههه لان حضرتك معندكيش غده اصلا وتشخيصك اساسه غلط دا مش كلامى اهو دا كلام الطب نفسه اتشخصتى يا فندم بناء على حته ورقة " تحليل " TSH

1️⃣0️⃣- بس انا عندى الغده خاملة الـ TSH عالى ودا عاملى الم عضم و مفاصل و ضعف حرق !
- يا فندم حضرتك مش عندك بس الـ TSH عالى ! حضرتك عندك كل هرمونات الغده النخامية بايظة يعنى الغده عالية .. التكيسات او الهبات الساخنة او لغبطة الهرمونات شغاله او تثدى و ضعف إنتصاب عند الرجال .. زيادة فى البطن و الجسم منفوخ .. الالام العظم و المفاصل .. جفاف فى الجلد و تصبغات او بهاق ... لان يا فندم دا ملوش علاقة بالدرقية .. دا كله تابع للغده الأم " النخامية " اللى محدش بيسأل عليها لانها تحت ضغط التهاب عنيف من اكل حضرتك وعدم وصول الجلوكوز ليها يا فندم .. اللى محدش قعد اتكلم معاكى كلمتين على بعض بخصوصهم .

1️⃣1️⃣- بس انا محدش اتكلم عنى عن الأكل و ماشية على الحباية بس !
- ما ده التجهيل المتعمد .. بيتم تجهيلك عن عمد يا فندم .. طول ما حضرتك بتاكلى دقيق ابيض و معجنات و مخبوزات و منتجات البان هتفضلى مريضة " بالأعراض " طول عمرك وافرحى شوية بالأرقام على الورق لكن كل شهر هنلاقيكى مشرفه العيادة عند الدكتور عمال يغيرلك فى الجرعه و يديكى شوية فيتامينات و النهارده عند دكتور و بعده عند غيره الى ان يشاء الله .

1️⃣2️⃣- انا اقدر اوصل لمرحلة تعافى من الغده تماما و اوقف الحباية خالص !
الفيصل بينا ايه ! تجارب الناس صح ؟
ابقى شوف التعليقات انا ساكت اهو .

1️⃣3️⃣- بس بيقولولى ان الغده مرض وراثى ؟
- جهل .. علشان يخليك ترضى بوضعك الصحى انك مريض .. و كون ان والدك او والدتك او اختك بيعانوا من نفس مشكلتك لانهم بياكلوا نفس اكلك ببساطة ^_^

1️⃣4️⃣- طاب انا اعمل ايه ؟
- بص لو ماشى على الحباية و نظام اكلك بايظ هتفضل مريض يوجع دماغنا بشكاويه و هتفضل تلف على العيادات كلها و تجرب فى انواع برشام كتير و شوية و تصرف كل ما تملك و هتفضل اسير للتجهيل المتعمد اللى عايش فيه .
- عليك بالصيـام لتقليل الإلتهابات اللى بتحصل في جسمك
- منع الدقيق الأبيض بكل اشكاله و انواعه و منع مشتقات الألبان كلها
- يوميا داوم على العسل و التمر بشكل دائم
- ميكونش فى إمساك او نتفاخات او غازات يعنى راقب الأكل المتسبب فى ده
لو عملت دول بس بنسبة 80% هتتحسن و قارن بين وضعك فى عصر التجهيل وانت ماشى على الحباية فقط بدون نظام اكل .. و قارن وضعك بعد ما تعمل كده ...

1️⃣5️⃣- بس انا الدكتور " محمود " .. " إبراهيم ".. " حسين "" الخ الخ الخ .. مفهمنى غير كده و بيقولى كل اللى بيقول الكلام اللى انا بقوله ده " نصاب و جاهل " ! و بيتكلم بهجوم شديد علي اللى زيي و غيرهم ( علشان كده الرد هنا عنيف بردو )
- بلغيه حاجة واحده .. الكتاب الوحيد اللى لاغبار عليه ولا تشكيك فى حرف واحد فيه ويجب إتباعه و طاعته طاعه عمياء هو القراءن الكريم فقط ... غير ذلك ابحاث .. كتب ..دراسات لا يمكن إتباعها و طاعتها طاعه عمياء لانها من وضع بشر .. البشر دول متناسين سلوك الغذائى لكل مريض .. البشر دول بيكون عندهم اوقات اغراض كتير ومنها التربح المادي من استمرار امراض الناس .. حضرتك نفسك مطلعتش ابحاث بنفسك انت مجرد ناقل حافظ لما تم إرساله لك وبالتالى من حقى لا اصدقك عادي .. .. قولي للدكتور ده انا جيالك تعبانه ومازلت تعبانه ..مهما ارقامى مظبوطه انا دايما تعبانه .. فكر برا الصندوق اللى انت اتحطيت فيه غصب عنك .. البروتوكول النمطى اللى انت بتقدسه لا يعالج بل يزيد المرض مرض .. وانا كمريضة الضحية انا كل يوم اتشخص بمرض جديد و كل يوم عند عيادة و كشف شكل و لستت الأدوية عندى بتزيد .. يا دكتور محمود .. يا دكتور ايراهيم يا اي دكتور فى الدنيا اول حرف فى القراءن كان " إقراء " العند يولد الكفر محدش فينا عاوز يكون " كالأنعام بل اضل سبيلا " المريض لا يزداد الا مرض بالبروتوكل النمطى و المريض قرف ولما يحاول يمشى فى طريقة او سكه مختلفة بتمنعوه بالتخويف و اتهام غيرك بالنصب و الجهل و الله اعلم مين اللى جاهل ..
- و من ينكر علاقة الغدة الدرقية بالغده النخامية و الكبد و الجهاز الهضمى لا يصح ان تأخذ منه اى معلومة طبيه اطلاقا لانه وصل الى مرحلة " تغييب وجهـل " لاحدود لها .
- ابقى بص على تعليقات الناس نفسها اللى ربنا انعم عليها بالتعافى وبمجرد تطبيق فيديوهات لوجه الله منشوره بدون حتى ما اشوفهم .. تعافوا إزاى !!!!!!!! تعافوا بالحباية اللى بياخدوها بقالم 20 سنه ! لحد ما هيموتوا و هما بياخدوها !! ربنا وهبك عقل و مخ ارجوك لا تساق خلف القطيع .. افتكر الجمله دى اوي " جميع حالات التعافى من الأمراض الذى يروج لها انها مزمنه هى حالات تعافى فردية " البروتوكل الطبى لن يعالجك .
والتعافى معناه " زوال " الأعراض يا ريس .. الطب اعراض مش ارقام .. انت مريض طول ما عندك شكاوى .. انت سليم طول مفيش شكاوي .
- لا تتبع كلام اى حد عميانى حتى انا... ربنا وهبك عقل و مخ استخدمه .. مفيش حد معاه السلطة المطلقة لعلاجك علشان كده اقرا و اسمع لتجارب " المرضى " اللى زيك اهم من اى شئ .
ودمتم بكل خير .

13/10/2025

- المنافق اخطـر مليون مرة من العدو المباشر .. العدو المباشر انت تعد العده دائما لمواجهته .. لكن المنافق يطعنك فى ظهرك وانت تعطيه الأمان .
- على مر التاريخ لا ينتصر الكفر على الدين الا بخيانة اهل الدين انفسهم .. لا ينتصر اليهود على اى شعب الا بعملائهم .
- علشان كده ربنا سبحانه و تعالى خصص سورة كاملة " التوبة " لفضح المنافقون و تحديد صفاتهم للحذر منهم مليون مرة .. و خصص سورة بإسمهم " المنافقون " .
- و علشان كده فى حكمة قديمة بتقول " "اِحذر عدوَّك مرَّةً واحذر صديقكَ ألف مَرَّه فَلَرُبَّما اِنقَلَبَ الصَّديقُ فكانَ أعلَمَ بالمَضَرَّة"

12/10/2025

وَلَئِن قُتِلْتُمْ فِي سَبِيلِ اللَّهِ أَوْ مُتُّمْ لَمَغْفِرَةٌ مِّنَ اللَّهِ وَرَحْمَةٌ خَيْرٌ مِّمَّا" يَجْمَعُونَ"

12/10/2025

الدهون ج ٢ ... أعظم مكون غذائى .. الدهون الصحية

11/10/2025

افضل اكل ف الدنيا كلها ..

10/10/2025

جمـعة مباركة ..
الجزء الاول من سلسلة بوستات " (قل هل ننبئكم بالأخسرين أعمالاً الذين ضل سعيهم في الحياة الدنيا وهم يحسبون أنهم يحسنون صنعا )
اه السلسلة اسمها كده ..
و أول بوست فى السلسلة دى عن " التكميم " و إتفرج على التعليقات .
=
جريمـة القـ..تـل المقننة قانونيا و طبيا برعاية و موافقة الإله الأعظم الـ FDA منظمة الغذاء و الدواء و نصوص التشريع الدينية الجديدة الـ WHO منظمة الصحة العالمية .. الذان لا ينطقان عن الهوا ! اكيد .
=
بالأمس على احد الجروبات شخص دخـل حكى تجربته عن التكميم بكل صدق واللى حصل معاه .. لتنهال التعليقات من كل الأشخاص اللى دخلوا فى الدايرة دى يوضحوا الحقيقة الـمرة اللى لازم الكل يكون عارفها من اشخاص حقيقة خاضت بالفعل التجربة المريرة لان مكانش فى حد بيوعيهم لمدى ضرر اللى بيعملوه فى جسمهم .. لان اى حد بيتكلم هيتهاجم ببساطة بس .. لانك هتوقف سبوبة كبيرة .
=
احنـا هندخل نشيل 80% من معدتك بالمشرط و نرميها فى صفيحة الزبالة و تعيش اول شهر على شرب الماء و السوائل بس ..
بسم الله ماشاء الله شوفت وشك نور إزاى بعد ما خسيت 40 كيلو فى سنه ! عملنا إعجاز حقيقى فشل عن تحقيقه الأخرين !
= طاب يا دكتـور انا شعري بيقع بطريقة هستيريه .. ناخد فيتامين ا ب ت ث ج ح خ د خدهم كلهم مرة واحده على بق واحد .. الشعر لسه بيقع بردو ! ممم النفسيه اكيد ..
= طاب انا راجل يا دكتور و الرغبة و الإنتصاب عندى تحت الصفــــــــر !!! العب رياضة .. لعبت ولسه مفيش حاجة .. مممم النفسيه اكيد .
= طاب الإرتجاع هيموتنى مش بيروح نهائى ! ممم ناخد مثبط حموضة يزيد الطين بله !
= طاب انا حاسس بألم شديد فى العضم و المفاصل و جسمى بيعجز بشكل كبير جدا ! كله فدا الـ 40 كيلو اللى خسيتهم اول سنه يا بطل .. استحمل .
= طاب انا بعد سنتين من العملية حاسس انى بتخن بسرعه رغم انى مش باكل كتير والله و بدأت اميل تانى للحلويات و السكريات الخ ! مممم اكيد انت بتلغبط ! يا دكتور و حق الـ FDA و الـ WHO انا مش بلغبط انا ملتزم .. طالما حلفت بيهم تبقى صادق .. ممم اكيد ده نفسيه ...
= طاب انا حاسس انى تعبان و مرهق دايما و حاسس ان فى حاجة غلط .. هعمل سونار .. يعمل سونار يكتشف ان المرارة بدءت تروح فى داهية !
يا دكتـور المرارة ! مممم نشيلها ايه المشكلة مالهاش لازمة ما احنا شيلنا 80% من المعده هيكون عندنا اعز من المعدة !
= يا دكتـور الحقنى انا رجعت زدت كل اللى خسيته بعد 4 سنين من العملية وزنى كله رجع تانى ! اعمل ايه ! ؟؟ نعمل تكميم تانى ! لا مش هينفع لان الـ Version بتاع المعده الأولانى راح خلاص احنا نقضى عليك بقى من الحياة المزرية اللى انت عايشها دى ونعملك تحويل مسار وخلاص ..
= ونرجع لنفس النقطة من تانى ونلف فى دايرة مقفولة ...
- ملحوظة 1 : انزل بص على تعليقات الناس شوف الكوارث اللى الناس بتتعرض لها .. شوف جرائم الشروع فى القتل المقننه !
- ملحوظة 2 : متجيش تكلمنى بعد العملية بسنه لان انت لسه فى سكرات الفرحة اللى انت فيها باللبس الجديد اللى انت لابسه و الوزن اللى بتنزله .. انت تكلمنى بعد 4 او 5 سنين من العملية .
- ملحوظة 3 : فى ناس بقالها سنين طويلة عملاها و وضعها كويس ! ايوة لان كل قاعده شواذ و الشاذ انه يعدى 5 سنين بدون الدخول فيما سبق ذكره .
- ملحوظة 4 : انا مش ضد الشخص اللى يقرر يعمل اى شئ فى جسمه .. جسمك وانت حر فيه .. انا ضد اللى يخفى عنك الكلام المذكور ده لانه حقيقة واقعيه على ارض الواقع مش هروح اصدق شوية ورق و اكدب عينيا الإتنين و اكدب تجارب الناس ..
- ملحوظة 5 : الكلام ده مش مظبوط انا عامل العملية بقالى 1900 سنه من قبل ميلاد المسيح و لسه زى الفل ... انزل بص على تعليقات الناس و المعاناه بتاعتهم و ذنب كل واحد فيهم هتشيله فى رقبتك .. تجربته انت تجربه شخصية .. انا بتكلم عن تجارب عامه لحالات بتدمر كل يوم .. ف بلاش ترضى ضميرك و تضحك ع نفسك علشان تعظم الإنجاز اللى انت فاكر نفسك عملته على حساب الناس متفلقناش .
- ملحوظة 6 و اخيرة : افتكر الأيه الكريمة " (قل هل ننبئكم بالأخسرين أعمالاً الذين ضل سعيهم في الحياة الدنيا وهم يحسبون أنهم يحسنون صنعا ) بتنطبق على فئات كتير جدا فى حياتنا فاكرين انهم بيقدموا شئ عظيم و للأسف يحسبون انهم يحسنون صنعا .. ربنا لا يجعلنا منهم .

و دمتم بخير . .

06/10/2025

اكتوبر العزة و الشرف .. ٦ اكتوبر .. ٧ اكتوبر

06/10/2025

تخيـل الموقف ده كده مثلا ..
- تعمـل ايه لو صحيت من نومك عادي زى كل يوم بتفتح الفيسبوك مثلا لقيت صورتك انت منتشرة فى كل الجروبات و تحتها ان الشخص ده " اللى هو انت " مطلوب القبض عليه بتهمه السرقة واللى منزل البوست هو مجرد ناشر صورتك و يعرفك ف كاتب إسمك .! و كاتب انك سرقة منه كذا كذا .
- اللى هيحـصل ببساطة شديدة ان الناس هتقرر تقوم بواجبها الوطنى البطولى و تعمل Share للبوست علشان يساعدوا " الضحية " اللى بيدعى انه تمت سرقته .. وبالتالى الموضوع بينتشر بشكل اكبر .. بدون ما يتبينوا من حقيقة الأمر اصلا .
- طبعـا الشخص اللى كان نايم فى سريره مش فاهم فى ايه ولا ايه اللى بيحصل هو فجأه لقي صورته منتشرة وتحتها انه حرامي ! مع انه لا سرق شئ ولا يعرف اى شئ .. بس للأسف الموضوع بدأ ينتشر و بدأ يوصل للناس كلها و وصل لأهله و جيرانه و الناس كلها بدأت تبصله انه حرامى ..
- الراجل مظلوم و بيحاول يوضح للناس انه مالوش علاقه بالكلام ده كله و انه كان نايم فى سريرة فى مكانه مسرقش اى شئ و اكيد دا شئ " كيدى " او "لبس " او " حد مزقوق " او اى شئ ... لكن للأسف لا احد يسمع له لان الموضوع خـلاص انتـشر و تصديق الإشاعات اسرع بكتير من تكديبها .
- اللى هيحصـل ببساطة ان كل اللى حواليك هيبدءوا يخافوا منك و يكونوا حذرين جدا من التعامل معاك ... بالإضافة انك انت نفسك هتبدء تفقد الثقة فى نفسك لا و الكبيرة انك ممكن تشك فى نفسك انك فعلا تكون سرقه رغم ان ده متمش !
- و العجيب فى الأمر بقى ان حتى لو طلعت برئ و مظلوم فعليـا الناس كلها هتفضل تتعامل معاك انك " الحرامي " حتى لو تم إظهار براءتك .. لان زى ما قولتلك فوق انتشار اى اشاعه اسرع بكتير من نفيها ..
= علشان كده ربنا سبحانه و تعالى فى كتابة قال " يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ "
الموضوع ده متكرر بشكل عجيب جدا بتلاقى كل يوم إنتشار لمنشورات الناس كلها بتفضل تعملها Share بدون اى إدارك او وعي لاي شئ وبدون ما يتقصى كامل الحقيقة من كل الأطراف هو فاكر انه كده بيخدم الناس و بيحذرهم و يوعيهم لكن فى الحقيقه انت كده مشارك فى ذنب و مشارك فى باطل بجـهلك و تسرعك .. وللأسف الشديد بعض الأمور كمان بيكون فيها مس بشرف بنات و سيدات يعنى مش شئ قليل و بالتالى الموضوع بيكون اصعب و اشد !
- وبالمناسبة الموضوع مش بس فى المجتمعات بتاعتنا حاليا لا دا " الصهاينة " همـا كمان بقوا بيستخدموا الأمور دى فى نشر إشاعات غير حقيقة هدفها زعزعه استقرار اى مجتمع و تحقيق رغباتهم وانت بتشارك معاهم فى مشاركة و تصديق اللى بينشروه ببساطة ..
= الخلاصة من الرغي ده كله لان الموضوع فعليا مستفز و منتشر واحنـا كأفراد بنشارك فى ضلال و ذنوب يوميا بجهاله مننا .. لما تسمع اى خبر فى الدنيا متتسرعش و تصدقه او تنشره الا لما تسمع من الطرف الأخر الأول و ياريت كمان تسكت خالص مش لازم تشارك فى كل حاجة .. لان المجتمع حاليـا مقلوب الباطل بيتكلم بإسم الحق و الحق مش عارف يتكلم من علو صوت الباطل .. دا فى كل شئ ... متبقاش ماشى ورا القطيع بتردد و تنشر اللى بينشروه و يرددوه .. محدش بيتحاسب مع حد يوم الدين .
ودمتم جميـعا بكل خير .. ومعلش مش لازم كل البوستات تبقى طبية :D

04/10/2025

الصيام و الإلتهام الذاتي .. Autophagy ونوبل للطب

01/10/2025

- الثلاث ايات دول فيهم خلاصة الوضع الحالي بالترتيب .
- يَا قَوْمِ ادْخُلُوا الْأَرْضَ الْمُقَدَّسَةَ الَّتِي كَتَبَ اللَّهُ لَكُمْ وَلَا تَرْتَدُّوا عَلَىٰ أَدْبَارِكُمْ فَتَنقَلِبُوا خَاسِرِينَ (21)
- قَالُوا يَا مُوسَىٰ إِنَّ فِيهَا قَوْمًا جَبَّارِينَ وَإِنَّا لَن نَّدْخُلَهَا حَتَّىٰ يَخْرُجُوا مِنْهَا فَإِن يَخْرُجُوا مِنْهَا فَإِنَّا دَاخِلُونَ (22)
- قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ ۚ وَعَلَى اللَّهِ فَتَوَكَّلُوا إِن كُنتُم مُّؤْمِنِينَ" ( 23 )

(((( فإذا دخلتموه فإنكم غالبون و على الله فتوكلوا ان كنتم مؤمنين ))))
وعد الله ولن يخلف الله وعده .

Dr/Mohamed Abd El-Wahed - دكتور محمد عبد الواحد

14/10/2025

14/10/2025

13/10/2025

13/10/2025

12/10/2025

12/10/2025

11/10/2025

10/10/2025

06/10/2025

06/10/2025

04/10/2025

01/10/2025

Address

Website

Alerts

Contact The Practice

Shortcuts

Share

Category