04/10/2025
كلام صادف اهله ،، ويستحقها عن كل جداره ….
دفعة الفؤاد ♥️
إسم أطلقناهُ نحنُ أطباء الأسنان الدفعة 43 جامعة بنغازي تيمناً وإمتناناً إلي ذلك الإنسان الذي زرع فينا روح التحدي والإصرار ، زرع فينا المثُل والقيم لطبيب المستقبل ، ذلك الرجل الذي جعل من نفسه قدوة لنا دون أن يعلم ، نعم هو الوقود الذي جعلنا نكملُ سنوات دراستنا دون ملل أو كلل .."
بالليبي نعبر وبلغتنا نحنا طلبة بنغازي نحكوا علي في الوجدان
فؤاد مش إسم شخص عادي ،
فؤاد الطبيب الإنسان ، الشخص الطيب الخلوق والراجل القدع الشهم في حياة كل شخص عرفه ورافقه ولا قراه
الشخص اللي كان لطلبة الأسنان في مدينتنا بنغازي أخ وصديق ودكتور لكل حد فينا ،، ولا لا ؟
تقريباً جميع طلبة الأسنان والخريجين من دفعة 36 لعند اخر دفعة في كليتنا يعني تقريبا 11 دفعة كلنا عندها ذكريات معاه ، وكان مؤثر كبير فينا ، وعنده أثر في تطور طلبة الأسنان كلهم ..
من فينا ما عرفش فؤاد ، من فينا دور فؤاد وما لقش ، من فينا ما أستفدش من فؤاد ، من فينا لما انزر ولا تعرض لظروف أيام القراية ما صبش معاه فؤاد ..
ياااا "د.فؤاد مفتاح رحيل البرعصي إنت رمزنا وفخرنا نحنا كطلبة في كلية الأسنان جامعة بنغازي إنت القدوة في مستقبلنا وطريقك هي حنمشوا فيها وكلنا بنكونوا كيفك 🤲"
ويبقي كل شي كتبته هو تعبير علي في نفسي ، وهو شكر وثناء وإمتنان لدكتورنا وأنا متأكد إن في طلبة وأطباء أسنان حيقولوا نفس كلامي ويزيدوا اخرا
حياك الله وبياك دكتورنا إبن ليبيا وإبن مدينتنا بنغازي ♥️
طلبة الدفعة 43 قالولك اليوم كان تخرجنا
الجمعة بتاريخ 3/10/2025 😍
طلبة الدفعة 43 ✍
