Spaceak - برنامج الفضاء لك

12/09/2025

ظهور بحيرة مباركة في مصر !!

من كام يوم ظهرت فجأة بحيرة مايه مالحة جدًا في قلب الصحراء الغربية، تحديدًا جنب قرية البهنسا شمال المنيا.
والناس هناك سموها "البحيرة المباركة" لأن قرية البهنسا ليها مكانة دينية كبيرة ومعروفة كمان ب "البقيع التاني"، لأن فيها قبور كتير لصحابة وتابعين استشهدوا في الفتح الإسلامي لمصر.

طب إيه التفسير العلمي للي حصل :
1. منطقة البهنسا زمان كان فيها محاجر رملية كتير، وبعد ما خلصوا شغل فيها فضل في منخفضات وحفر في الأرض.
2. مع الوقت بدأت المايه الجوفية تتسرب للحفر دي
3. ومع تجمع المايه وارتفاع درجات الحرارة دا خلى المايه تتبخر بسرعة، وبالتالي تركيز الأملاح بقى فيها عالي جدًا.

الخلاصة هي إن دي ظاهرة طبيعية جدًا حصلت بسبب تسريبات جيولوجية طبيعية، وهي مش مياه مباركة دا بالعكس هي غير صالحة خالص للشرب ولا للزراعة ولا حتى للحيوانات.

تفتكروا البحيرة دي ممكن نستفيد منها بايه؟ شاركوا معانا رايكم تحت في الكومنتات.👇🏻

07/09/2025

"اللهم ارحمنا إذا برق البصر وخسف القمر وجمع الشمس والقمر، اللهم اجعل خسوف قمرك هذا رحمة لنا ولا تؤاخذنا بذنوبنا ولا تنزل غضبك علينا واغفر لنا وارحمنا يا أرحم الراحمين"

timeanddate.com's live stream covering the total lunar eclipse on September 7–8, 2025, visible to residents of Europe, Asia, Australia, and Africa.https://ww...

06/09/2025

القمر الدموي .. ☠️

خسوف القمر الكلي أو زي ما بنسميه القمر الدموي هيحصل بكرا الأحد ( 7- سبتمبر )

♦️طب إزاي الخسوف دا بيحصل ؟
الخسوف القمري بيحصل لما تكون الأرض بين الشمس و القمر (اللي بيكون بدر) وبيكون القمر موجود في ظل الأرض.

♦️إيه اللي بيخلى القمر يظهر باللون الأحمر ؟
الغلاف الجوي للأرض بيشتت الضوء الأزرق وبيخلى الضوء الأحمر ينحني ويعدي للقمر. عشان كده القمر بيظهر بلون أحمر أو نحاسي.

♦️إمتى نقدر نشوف الخسوف في مصر ؟

مراحل الخسوف هتكون عبارة عن:

• بداية الخسوف الجزئي: 7:27 م
• بداية الخسوف الكلي: 8:30 م
• الذروة (هيكون أحمر تمامًا): 9:11 م
• نهاية الخسوف الكلي: 9:52 م
• نهاية الخسوف الجزئي: 10:56م

هنحاول نقعد في مكان مفتوح بعيد عن التلوث الضوئي ومتقلقوش هنقدر نشوف الخسوف من غير أي أدوات احترازية، بس يفضل طبعا يكون موجود تليسكوب.

ومتقلقوش سبيساك هتكون معاكم لايف من الساعة 7 بليل عشان تشارك معاكم الحدث لحظة بلحظة.

تفتكروا صلاة الخسوف ممكن يكون ليها علاقة بالحماية من السحر والطاقة السلبية؟ .. ولا هي مخصوصة بس لتذكيرنا بقدرة ربنا وقت الظاهرة؟

22/07/2025

النهاردة مش أقصر يوم في تاريخ البشرية !!

◼️في الأول خلونا نكون متفقين أن في نوعين من القُصر:

1) في يوم بيكون أقصر من حيث ضوء الشمس (النهار بيكون أقصر)، ودا بيحصل في الإنقلاب الشتوي يوم 21 أو 22 ديسمبر من كل سنة، ودا بيكون النهار فيه أطول من الليل.

2) تاني نوع بيكون أقصر من حيث التوقيت، يعني الأرض بتلف حوالين نفسها بشكل أسرع من الطبيعي فبالتالي اليوم بيكون أقصر وأقل من 24 ساعة بحوالي جزء من الثانية، ودا النوع اللي هنتكلم عليه دلوقتي.

◼️سنه 2024 بالتحديد يوم 5 يوليو .. اتسجل إن اليوم دا أقصر من 24 ساعة بحوالي 1.66 مللي ثانية وتم اعتباره أقصر يوم تم تسجيله من سنة 1973 لحد دلوقتي.

◼️أما بالنسبة للنهاردة اللي هو يوم 22 يوليو 2025 فدا أقصر بحوالي "1.34 مللي ثانية" ويعتبر تاني أقصر يوم في سنة 2025 لأن أول أقصر يوم هو يوم 10 يوليو 2025 فهو أقصر بحوالي "1.36 مللي ثانية".

◼️تفتكروا ليه الأرض بقت بتدور أسرع وهل دا ممكن يأثر علينا ؟! شاركوا معانا في الكومنتات 👇🏻

05/07/2025

تخيل إن ضوء الشمس اللي بيوصلنا دلوقتي … بدأ رحلته قبل البشر ما يعرفوا يزرعوا أصلاً !!

يعني قبل ما الإنسان يكتشف الزراعة بآلاف السنين، كان في شعاع ضوء لسه بيحاول يخرج من جوه الشمس !!

كلنا عارفين إن الضوء في الفضاء بياخد حوالي 8 دقايق عشان يوصل للأرض ... إلا إنه جوا الشمس بياخد حوالي 100,000 سنة عشان يوصل لسطحها !!

ده لأن جوا الشمس الدنيا زحمة جدًا، فيه بلايين البلايين من الذرات والإلكترونات والنوى الذرية، وكلهم بيخبطوا في شعاع الضوء فبالتالي بيغيروا مساره يمين وشمال، فوق وتحت.

يعني الضوء بيعيش جوا الشمس في متاهة، لحد ما يلاقي طريقه للخروج.

المعلومة دي مبنية على أبحاث موثوقة في فيزياء الشمس، منها ورقة NASA عن Radiative diffusion وشرح MIT عن تركيب الشمس.

NASA The Structure of the Sun
MIT - How photons travel through the Sun

قولنا في الكومنتات: إيه أغرب معلومة تعرفها عن الشمس؟!

16/03/2025

شراكة هتفتح لك باب ..
Spaceak × Oraimo

بنعلن بكل فخر عن شراكتنا الجديدة
مع شركة oraimo

الشركة الرائدة في عالم التكنولوجيا والإلكترونيات 🎉 واحتفالًا بالشراكة دي سبيساك بتقدملكم 10 فرص تدريب مميزة جدا داخل Oraimo مصر.

مدة العمل: شهرين تدريب في مشروع خاص بالشركة.
فرصة للاستمرار: اللي هيثبت جدارته، هيكون ليه فرصة للاستمرار في بعد انتهاء المشروع.

ليه Oraimo؟
واحدة من أسرع الشركات نموًا في مجال الإلكترونيات ومتخصصة في تصنيع إكسسوارات الموبايلات، السماعات، الباور بانك، والساعات الذكية، وبتتميز بجودة عالمية وأسعار منافسة

الفرص محدودة، لو نفسك تبدأ في واحدة من أقوى الشركات في المجال

# الفرصة_الانت_مستنيها_وصلت

11/03/2025

الذكاء الاصطناعي يقودنا نحو النجوم؟🚀

باستخدام ال AI حاليًا قدرنا نوجه المركبات الفضائية بشكل ذاتي إلى تحليل البيانات، و ده خلانا نفهم الكون بشكل أعمق وأوسع.🤹🏻‍♀️

وقدر يتكيف ويتعلم من مجموعات بيانات شاسعة مكّنت الفلكيين من كشف الظواهر السماوية بدقة وسرعة لا مثيل لها.🛸

وقدر يتنبأ بالأحداث الكونية وفتح الطريق للاستكشافات العلمية.🛰️

ومع مساعدته تجاوز الفلكيون الحدود التقليدية وبدأوا ثورة جديدة في كيفية فهمنا للكون من فك تشفير البيانات المعقدة إلى توقع الظواهر السماوية.

من الآخر.. الذكاء الاصطناعي بقا أداة لا غنى عنها في كشف أسرار الكون، بسبب معالجة كميات ضخمة من المعلومات بسرعة البرق، دفعت العلماء نحو مدارات جديدة مُمكِنة اكتشافات كنا نعتقد أنها لا تمكن!🎯

تفتكر بالAI هنوصل لمجرات تانية زي الأفلام؟👀

09/03/2025

أكبر كمبيوتر ذكاء اصطناعي خارق في العالم!⚡

بالتعاون بين شركة Microsoft وOpenAI بيتعمل مشروع أكبر مركز بيانات فيه كمبيوتر فائق بيشغل الذكاء الاصطناعي.

وهيكون باسم "Stargate"، واللي هتموله مايكروسوفت بتكلفة 100مليار دولار!

والمشروع بيتكون من خمس مراحل هم حاليًا في المرحلة التالتة، ومقدر الانتهاء منه في 2028.

بما إننا في عصر الذكاء الاصطناعي.. شاركنا إبداعاتك بأدواته في الكومنتات؟👀

08/03/2025

يا ترى قمر كوكبنا جه منين؟🌚

في كذا نظرية بس العلماء موصلوش لإجابة قاطعة بس دول أهم النظريات:

1- إن جسم بحجم المريخ اسمه Thea ضرب الأرض بشكلها الأولي وحصل اصطدام وانفصل جزء من الأرض واتكون منه القمر.

2- كان في جسمين أكبر من المريخ 5 مرات اصطدموا ببعض، و بفعل الجاذبية الأشلاء اتجمعت وكونوا الأرض بشكلها الأولي وبيدور حولها دوائر من الأشلاء الصخرية وبفعل الجاذبية برضو الأشلاء دي اتجمعت وكونت القمر.

3- إن كان في جسم صخري في المجموعة الشمسية وأثناء سريانه في الفضاء كوكب الأرض شده بجاذبيته وحطه في مدار حوله وبقا القمر.

أغلب النظريات الباقية متفقين مع النظرية الأولى مع بعض الاختلافات.. أنت متفق مع أي نظرية فيهم؟🤔

07/03/2025

عارف إن الشمس عندها نبضات قلب؟! بس على طريقتها الخاصة!

الشمس مش مجرد كتلة نار كبيرة، دي حرفيًا عندها "إيقاع" خاص بيها! كل 5 دقايق تقريبًا، بتعمل حركة غريبة اسمها "وضع الجاذبية" (g-mode oscillations)، ودي زي نبضة طويلة بتهز طبقاتها الداخلية.

الحكاية دي بتسبب تغييرات في البلازما اللي جوهها، وبتأثر على طريقة انتقال الطاقة لحد سطح الشمس. وعشان العلماء مش عارفين يشوفوا الاهتزازات دي بعنيهم، بيحللوا تأثيرها على سطح الشمس والرياح الشمسية، وبيحاولوا يفهموا دورها في الدورة الشمسية وتقلباتها اللي بتأثر علينا على الأرض.

بس خليني أوضحلك حاجة: الشمس مش بتعمل "دقات" سريعة زي قلبك، لأ، هي بطيئة شوية! لو هنتكلم بنفس التشبيه، فالشمس بتنبض مرة كل 5 دقايق، يعني مستريحة على الآخر!
أما الاهتزازات التانية اللي بتحصل فيها، والمعروفة باسم "وضع الضغط" (p-modes)، فدي بتهتز بسرعة جنونية، آلاف المرات في الدقيقة، بس ملهاش نفس الإيقاع البطيء بتاع "نبضات الجاذبية".

يعني، لو الشمس كائن حي، كانت هتبقى الكائن الأكثر استرخاءً في المجرة!

لو عاوز تعرف أكتر عن "نبضات" الشمس وإزاي بتأثر علينا على الأرض، أكتب لينا في الكومنتات.👇🏻

By: Amr M Hamdi

06/03/2025

هل دا مجرد لون أحمر؟! ولا دي آثار دم لطقوس حضارة غامضة مندثرة تحت الجليد؟!

في عالم من الجليد والثلج، آخر لون تتوقع تشوفه هو اللون الأحمر. لما تزور القارة القطبية الجنوبية، هتشوف بحيرة غريبة مليانة مياه حمراء.

العلماء اكتشفوا حاجة غريبة لما سافروا في رحلة استكشافية للقارة القطبية الجنوبية في 1911، سموها "شلالات الدم". وبعد دراسات كتير، العلماء قدروا يكشفوا السر.

فطلع إن لون المياه الحمراء اللي بتنزل من النهر الجليدي بيحصل بسبب تفاعلات أكسدة بين العناصر اللي في المياه المالحة تحت الجليد..

المياه دي فيها كرات صغيرة بتحتوي على حديد وسيليكون وكالسيوم وألومنيوم وصوديوم. من زمن طويل.. العناصر دي اتخزنت في جيوب في الجليد ما فيهاش هوا ولا نور..

لما المياه المالحة بتلتقي بالأكسجين وضوء الشمس والحرارة لأول مرة من زمن طويل، بيحصل ردة فعل أكسدة وبيتكون أكسيد الحديد؛ اللي بيعطي اللون الأحمر لشلالات الدم.

لو شوفت حاجة أغرب من دي اكتب لينا في الكومنتات عشان نتكلم عنها.👇🏻