أكاديمية مصطفى الديب للدعم النفسي والتعليمي

  • Home
  • Egypt
  • Giza
  • أكاديمية مصطفى الديب للدعم النفسي والتعليمي

أكاديمية مصطفى الديب للدعم النفسي والتعليمي Contact information, map and directions, contact form, opening hours, services, ratings, photos, videos and announcements from أكاديمية مصطفى الديب للدعم النفسي والتعليمي, Speech Therapist, Giza.

إرشاد نفسي- تخاطب- تنمية مهارات - صعوبات تعلم - قياس ذكاء - تعديل سلوك- تكامل حسي
للحجز والاستفسار 01119082578
العنوان 14 عمارات بيومي آخر شارع فيصل أمام مدرسة المستقبل الجيزة

20/04/2026

مهارات على الانتباه والتركيز 🤓
تساعد هذه المهارات، عند التدرب عليها بانتظام، على تحسين القدرة على الدراسة، والعمل، والتعامل مع تحديات اليومية بفاعلية أكبر.
اكاديميه دكتور أكاديمية مصطفى الديب للدعم النفسي والتعليمي للتواصل٠١١٢٠٧٨٩٤٤١

15/04/2026

الربيع وجماله🤩🥰

الربيع وتلوين البيض 😻
15/04/2026

الربيع وتلوين البيض 😻

14/04/2026

يعني إيه توحد ببساطة؟

التوحد هو "اضطراب نمائي عصبي"، يعني حاجة بتحصل في طريقة نمو وتطور الدماغ وبتأثر على الشخص من صغره. الفكرة إن دماغ الشخص المصاب بالتوحد بتعالج المعلومات وبتفهم العالم بطريقة مختلفة عن الباقيين، وده بيخليه يواجه تحديات في التعامل مع الناس أو في الكلام والتعبير عن نفسه.

ليه اسمه "طيف"؟

بيسموه "طيف" (Spectrum) عشان الأعراض مش واحدة عند كل الناس؛ فيه طفل ممكن يكون عنده ذكاء عالي جداً بس مبيعرفش يتكلم مع حد (زي متلازمة أسبرجر)، وفيه شخص تاني ممكن يحتاج مساعدة كبيرة في حياته اليومية.

هو زي "قوس القزح" فيه درجات وألوان كتير.

إيه العلامات اللي بتبان؟

حسب تقارير منظمة الصحة العالمية، العلامات بتتركز في حاجتين:صعوبة في التواصل الاجتماعي: زي إنه مبيعملش "تواصل بصري" (Eye Contact)، مبيفهمش لغة الجسد أو الهزار، وبيلاقي صعوبة في تكوين صداقات، مع حركات واهتمامات مكررة: زي إنه يرفرف بإيده، يلف في مكانه، أو يتعلق جداً بنظام يومي ثابت (روتين) وأي تغيير بسيط فيه بيضايقه جداً.

ليه بيحصل؟لحد دلوقتي مفيش سبب واحد محدد، بس الأبحاث في وزارة الصحة بتقول إنها "خبطة" بين العوامل الوراثية (الجينات) و عوامل البيئة اللي بتأثر على نمو المخ، وموش شرط خالص يكون بسبب طريقة تربية الأهل.خلاصة التعامل معهالتوحد ملوش "علاج" بيخفيه تماماً لأنه مش مرض، هو "اختلاف"، بس التدخل المبكر والجلسات (تخاطب، تعديل سلوك، وتنمية مهارات) بتساعد المصاب جداً إنه يطور قدراته ويعيش حياة مستقلة وناجحة.

إحنا في أكاديمية مصطفى الديب
بنوفر لك الدعم الكافي لاضطراب طيف التوحد على أيدي متخصصين اكفاء
للحجز والاستفسار والمواعيد واتس اب 01119082578

12/04/2026

اساعد ابني المتأخر في الكلام إزاي...

أولا..
الموضوع محتاج صبر وهدوء عشان الطفل ما يحسش بضغط. دي نصايح عملية ومختصرة تساعدك في البيت:

اتكلمي معاه كتير: احكي له بتعملي إيه طول اليوم (مثلاً: "يلا نلبس الشوز"، "ناكل التفاحة")، ده بيزود حصيلته اللغوية.

اقفلي الشاشات: الموبايل والتلفزيون بيخلوا الطفل "مستقبل" بس مش "متفاعل"، وده من أكتر أسباب تأخر الكلام.

بلاش تفهميه بالإشارة: لو شاور على حاجة، ما تديهالوش فوراً. استني ثواني واسأليه "عايز مية؟" وكرري الكلمة بوضوح عشان يحاول يقلدك.

انزلي لمستوى طوله: وانتي بتكلميه خلي عينك في عينه عشان يشوف حركة شفايفك وتعبيرات وشك.

الاختلاط بالأطفال: وديه حضانة أو خليه يلعب مع أطفال في سنه؛ الاحتكاك بيشجعهم جداً إنهم يحاولوا يعبروا عن نفسهم.

القراءة والغنا: اقرئي له قصص فيها صور واضحة وغني له أغاني بسيطة فيها حركات بالإيد.

بلاش تصحيح مباشر: لو نطق كلمة غلط، ما تقولوش "لأ غلط"، قولي الكلمة صح في جملة (مثلاً لو قال "عوة"، قولي له "أيوه، دي كورة").

إمتى تقلقي؟لو وصل لسنتين وما بيقولش كلمات واضحة، أو لو مش بينتبه لاسمه ومش فاهم الأوامر البسيطة، يفضل تستشيري أخصائي تخاطب.

لحجز جلسات التخاطب بالأكاديمية يرجى التواصل واتس اب 01119082578

08/04/2026

ابنى ابنك اولا☝️

06/04/2026

🥰🥰😍

تعتبر مهارات فرز الأشكال والألوان من المهارات الإدراكية الأساسية التي تطور الانتباه، الذاكرة، والقدرات الرياضية لدى الأط...
06/04/2026

تعتبر مهارات فرز الأشكال والألوان من المهارات الإدراكية الأساسية التي تطور الانتباه، الذاكرة، والقدرات الرياضية لدى الأطفال. يتم تعليمها بالتدرج، بدءًا بفرز لونين أو شكلين فقط (مثل المكعبات) ثم زيادتها، مع تعزيز مباشر لكل محاولة صحيحة. الأنشطة تشمل التصنيف بالألوان، الأشكال، والأحجام باستخدام أدوات منزلية أو ألعاب تعليمية.
أكاديمية مصطفى الديب للدعم النفسي والتعليمي للتواصل٠١١٢٠٧٨٩٤٤١

01/04/2026

س: إيه هما أفظع ثلاث مشاعر من رد فعل الآخرين
- الترحيب الباهت بك بعد مدة غياب،
الحديث المطول عن معاناتك الرد عليك بكلام باهت، التعامل مع معاناتك باستخفاف وتبلد مشاعر من حد عزيز عليك.
س: ليه بسهولة واحد يقتل مراته وعياله أو يستسهل القتل بشكل عام بلا رحمة؟
= فتش عن المخدرات خصوصًا (الآيس والشابو).
س: ليه الاهتمام والانشغال بتوثيق اللحظات الجميلة من خلال التصوير، وعدم الاكتراث بعيش هذه اللحظات السعيدة؟
= لإن بعض الناس ماعندناش أي ثقة إن اللحظات دي ممكن تتكرر، اللحظات الجميلة للأسف أصبحت نادرة.
س : اتمسك بمين الفترة دي ؟
= بصديق وفي، بالصلاة في مواعيدها، بصنايعي أمين وشاطر وملتزم في مواعيده (سباك، نجار، كهربائي، ميكانيكي.. إلخ) حتى لو غالي.

س: إيه هما أشهر ثلاثة أسباب للطلاق ؟
= المخدرات، الخيانة، عدم تحمل المسؤولية خصوصًا الفلوس.

س: هل أنا اتأخرت؟
= لا متأخرتش، ولا غيرك اتأخر، الفرص لغاية ما تموت هاتبقى موجودة، بس الأهم ابدأ.

س: جوزي أسوء شخص ممكن تعاشره، مالوش كبير نرجعله، ولا بيكبر لحد، ولا ينفع أطلق منه لأني ماليش حد أصلا من أهلي، ومافيش صحة أو فلوس عشان أستقل بنفسي وبالولاد.
= في حالتك دي لازم علاج نفسي مباشر مع متخصص ويتبع معاكي مدرسة علاجية اسمها التقبل والالتزام وبتجيب نتيجة كويسة.

س: طفل فرط الحركة وقصور الإنتباه له علاج؟
= له أكيد حسب شدة القصور، يا علاج دوائي مع طبيب مخ وأعصاب، يا علاج نفسي سلوكي مع اختصاصي نفسي وتأهيل، يا الإتنين مع بعض.

س: إيه اللي يمنع الجفا بيني وبين ولادي؟
ج: القسوة خصوصًا من الأب والأم، وعدم المشاركة في كل كبيرة وصغيرة جوة البيت، مع اصدار الأحكام بدون سماع الآخر.

س: انا قلبى موجوع قوى
عندى خالى سافر العراق من 40 سنة بسبب ظلم، اتقطعت أخباره عننا فجأة ومبقاش يبعت لحد في مصر، وحاليا بالصدفة اكتشفنا إنه مات في الغربة وعنده 70 سنة.. نفسي في حاجة تريحني أنا وماما بسبب الصدمة دي.

ج: خالك غالبًا وقع عليه ظلم كبير، أخد قرار إنه مش هايرجع المكان اللي اتظلم فيه وبنفس الأشخاص، عمل تحديد للكل ثم شيفت ديليت، وده بيبقى في لحظات ضعف نتيجة قهر شديد، هو كان غلطان إنه أخد العاطل بالباطل، لكن دي نفسيته، ودي كانت دماغه، ادعوا له بالرحمة واطووا صفحته، فالغائب دائمًا حجته معاه، لربما أصيب بشيء عطله عن الوصول بكم زي ما انتوا ماعرفتوش توصلوا له برضه.. صاحبة الرسالة تبعت لي واتس اب 01119082578.

س: ثلاث أشياء أعملها مع المراهق؟
ج: الاستماع ثم الاستماع ثم الاستماع ثم التقدير والاحترام خصوص أمام الغرباء.

س: ابني متأخر في الكلام والتواصل البصري والسمعي معانا وعنده تشتت إنتباه وتركيز ؟
ج: ابعدي عنه أولا التليفون والتلفزيون وأكل السكريات والشيبسي، ومحتاج متابعة مع أخصائي تخاطب وأخصائي نفسي.
متاح بأكاديمية مصطفى الديب الشغل ده على إيد متخصصين.
التواصل واتس اب
+20 1120789441

27/03/2026

ماحصلش ولا هايحصل ولا يمكن يحصل إنك تتخيل لو حاولت تعالج البخيل ويتعالج بسهولة .. أو تعاشر البخيل ويتعاشر بسهولة.. اللي يقدر يعاشر البخيل ثلاث أشخاص .. يا هو بخيل زيه.. يا عنده قصور عقلي ومش قادر يستوعب الصفة دي.. يا إما عايش مقهور ومصاب بالأمراض النفسية كلها.

انت مش عارف بكرة فيه إيه.. قلقان صح..؟ حروب وهرج ومرج وسرعة وتعاظم معيشة.. عقلك أكيد مش مستوعب ده.. انت صح وقلبي معاك..

طب الحل..؟ اشتغل وطور من نفسك، وصلي الخمس فروض في وقتهم وبلاش تأذي حد... وكفاية عليك كده.

أهالينا كانوا أكثر حظا مننا.. ؟ ربما.. طب يعني هاتفضل في النغمة دي لامتى.. حظهم ورزقهم ياعم كان كده واهي دنيتهم كلها وخلصت غالبًا .. ركز انت في نفسك وخلاص.. البكاء والتحسر على الماضي معاناه حقيقية.

بص.. غالبية المرضى النفسيين مش شايفين أصلا انهم مرضى.. وغالبًا عندهم إنكار للمرض ومقاومة كمان في علاجه.. دي حقيقة لازم تعرفها لربما يكون أقرب الناس لك مريض نفسي وانت مفكر إنه قاصد يتعبك.

من أسئلة صراحة (أول تعليق) 👇
= خطيبتي اكتر انسانه كنت بحبها و اكتر انسانة كانت بتفهمني فركشت الخطوبه و سابتني منغير سبب.. اعمل ايه؟
- انشغل 24 ساعة، بلاش تقعد لوحدك.. أكيد الأسباب تخصها هي مش شرط تخصك انت أو انك شخص سيء.. لا تقلق هاتبعت لي تاني وتقولي انك خطبت الأفضل.

= بناتي 13 سنه و7 سنين، طول الوقت بينهم مشاحنات وشكاوي مش بتخلص حتي لأتفه سبب بنتي الكبيره عنيده جدااا فوق الوصف..إلخ لنهاية الرسالة.

- البنت الكبيرة تحتاج علاج نفسي لأن نهاية الرسالة توحي إن إصابة المخ مأثرة عليها.

= اعمل ايه يا دكتور مع ابني عنده 18 سنه و كان متفوق و دخل كلية الطب و بعدها اتغير 180 درجه بقى يشرب سجاير و مبيرضاش يروح الكليه و مبيذاكرش و احنا كلمناه بالإقناع و عيطناله أنا و ابوه عشان يبطل السجاير و اتخانقنا.. إلخ نهاية الرسالة.

- الولد محتاج اللي يسمعه.. نشوف ماشي مع مين.. ونعرضه علي طبيب نفسي أو معالج نفسي معتمد.

في مشاكل مالهاش حل غير حاجة واحدة بس وهي (الرضا).. مارس الرضا قدر المستطاع.. انت في دنيا ومعاشر بشر مش ملايكة.

علامات زي تأخر الكلام وتشتت الإنتباه والتركيز وصعوبات التعلم وفرط الحركة.. ماتسكتيش عليها لو موجودة عند حد من ولادك.. الإسراع في العلاج بيوفر كتير مستقبلا.
في أكاديمية مصطفى الديب للدعم النفسي والتعليمي
متاح متخصصين على أعلى كفاءة لعلاج المشكلات دي.. الاستفسار واتس اب
+20 1120789441

أكتر إنسان بيصعب عليا.. اللي شقي وتعب وربى عياله أحسن تربية.. بس مالحقش يفرح بيهم ويشوف نتيجة تعبه ده.. توفاه الله بدري.. بس أكيد مكانه أفضل ان شاء الله عند ربنا.. دعواتكم لهؤلاء المخلصين بالرحمة.

24/03/2026

سلام عليكم..
كل سنة وأنتم طيبين وبخير
نظرا لسوء الأحوال الجوية غدا ان شاء الله أجازة، بقرار وزاري.
بعد غد هانأكد عليكم ان شاء الله لو اجازة برضه أو لا.
ربنا يسترها ع الجميع

غدا ان شاء الله نستأنف معكم العمل مع دكتور مصطفى وباقي الاخصائيين ، فترة صباحية ومسائية.كل سنة وأنتم طيبين وبخير وسعادة ...
23/03/2026

غدا ان شاء الله نستأنف معكم العمل مع دكتور مصطفى وباقي الاخصائيين ، فترة صباحية ومسائية.
كل سنة وأنتم طيبين وبخير وسعادة ❤️

Address

Giza
فيصل

Telephone

+201119082578

Website

Alerts

Be the first to know and let us send you an email when أكاديمية مصطفى الديب للدعم النفسي والتعليمي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أكاديمية مصطفى الديب للدعم النفسي والتعليمي:

Shortcuts

Share

Category