14/02/2022
حكاية الكالسيوم وڤيتامين د 🦴
📩📩📩📩📩📩📩📩📩📩📩
اليومين دول الناس ملاحظة👀 ان كل ما حد يروح لطبيب يشتكى من حاجة يطلبله تحليل للكالسيوم وڤيتامين د ‼️
وان كل ما حد يعمل تحليل لنسب الكالسيوم وڤيتامين د يلاقيهم ناقصين ‼️
هو ايه الحكاية ⁉️🤔🤔
وايه مدى أهمية الكالسيوم وفيتامين د دول علشان يتعمل حواليهم كل الضجة دى ⁉️🤔
وهل فعلا الموضوع مستاهل كل الهيصة دى⁉️ 🤫🤫
ولا هى شركات أدوية عاوزه تبيع منتجاتها والسلام مثلا , وعادى نسيب الكالسيوم وڤيتامين د ناقصين مش هيجرى حاجة ‼️
بصوا يا جماعة 👁 علشان نرد على كل التساؤلات الملحة دى لازم الأول☝️ نعرف الكالسيوم وڤيتامين د دول بيعملوا ايه فى الجسم بالظبط🤷🏼♀️ ‼️
نتكلم الأول عن الكالسيوم بحكم انه قديم 🤷♂️, والناس سامعة عنه من زمان ومن ايام آبائنا👵🏻 كان أى حد عضمه🦴 بيوجعه وللا سنانه🦷 مخوخة يقولك دا لازم عنده نقص⤵️ كالسيوم ‼️
الكالسيوم ده واحد من الأملاح المعدنية🧂 اللى موجودة فى الطبيعة عموووما🤷🏼♀️ وبما ان الأنسان اصلا مخلوق من طين من تراب يعنى فطبيعى كل العناصر الموجودة فى التربة
هنلاقيها موجودة فى جسمه💁♀️ دور الكالسيوم ده فى الجسم مش بس تكوين العظام🦴 والأسنان🦷 على فكرة اها هو المكون_الأساسى للعظام والأسنان ومن غيره يبقوا العظام والأسنان دول ضعاف ونلاقى العضم خوخ وبقى هش وممكن من اقل خبطة يتكسر وأحيانا من غير خبطة أصلا 💁♀️‼️
لكن دى مش وظيفة الكالسيوم الوحيدة متستغربوش🙄 لو عرفتوا اننا منقدرش نعيش من غير كالسيوم تخيلوا ‼️
لأن الكالسيوم ده :👇
☑️-يساهم فى تنظيم 〰️ ضربات القلب
☑️-نقل الأشارات_العصبية من المخ🧠 الى العضلات💪 والعكس 🙅🏻♀️
☑️-ينظم ضغط_الدم🌡 ويقلل خطر ارتفاعه 🔺
☑️-يساعد فى الحفاظ على وزن صحى✅ ومنع تراكم الدهون فى الخلايا الدهنية 💁♀️
☑️-ينشط معظم الأنزيمات الهضمية المسئولة عن هضم الطعام🍱 فى المعدة والأمعاء .
وطبعا هو المادة الخام الأساسية للعظام🦴 والأسنان🦷
ومن الجدير بالذكر✍️ ان العظام والأسنان بيعتبرهم الجسم مخزن الكالسيوم الرئيسى🧳 لأن أغلب الكالسيوم موجود فيهم💁♀️ , علشان كده 👈 لما الكالسيوم يقل🔻 فى الدم والجسم ميلاقيهوش , هو ميقدرش يعيش من غيره قلنا , فيعمل ايه ؟؟🤔🤔
💜🧡💛💚💙❤💜🧡💛💚💙❤💜
يروح يجيبه من العظام🦴 والأسنان🦷
فباتالى محتوى المخزن ده يقل⤵️ بمرور الوقت⏳ ماهو خد من التل يختل ‼️
فتظهر اعراض هشاشة_العظام🦴 وضعف الأسنان🦷 وسقوطها وفى الأطفال👶🏼 يحصل لين العظام (الكساح) وتأخر المشى والتسنين ‼️
💜🧡💛💚💙❤💜🧡💛💚💙❤💜
وعلشان كده أول الأعضاء المتأثرة بنقص🔻 الكالسيوم بتكون العظام🦴 والأسنان🦷 وعلشان كده هما دول اللى كل الناس ربطتهم بالكالسيوم
💜🧡💛💚💙❤💜🧡💛💚💙❤💜
لكن طبعا نقص الكالسيوم له اعراض تانية :👇
☑️-اضطراب النبض
☑️-ارتفاع ضغط الدم 🌡
☑️-التشنجات العضلية والعصبية 💪
☑️-زيادة الوزن وصعوبة التحكم فيه 🔝
☑️-عسر الهضم وخاصة هضم
الدهون لأن انزيم الليبيز اللى بيهضمها اللى بينشطه هو الكالسيوم 🤢
طيب ادينا عرفنا أهمية الكالسيوم اللى ماشى ورانا فى كل حتة ده💁♂️ نيجى بقى لفيتامين د 👈 ايه حكايته دا كمان ‼️ واشمعنى مبقيناش نسمع عن نقصه الا اخر عشر سنين مثلا ؟؟🤔🤔
اقولكم 🗣
مبدأيا نتكلم عن أهمية👌 فيتامين د زى ما عملنا فى الكالسيوم كده 💁♀️👇
☑️-ڤيتامين د مهم للوقاية من مرض سكر النوع الثانى لأنه منشط للبنكرياس
☑️-يقى من الأصابة ببعض أنواع_السرطان 👈 وخاصة سرطان الثدى والقولون والبروستاتا
☑️-يحمى من الأصابة بتصلب الشرايين والجلطات بأنواعها والأمراض القلبية وارتفاع ضغط الدم
☑️-وأهم وأشهر وظايفه انه بيقى من الأصابة بهشاشة العظام🦴
يا ترى ليه ⁉️🤔
لأن فيتامين د 👈 هو المسئول عن ان الكالسيوم اللى موجود فى الدم يتخزن فى العظام🦴 ومن غيره الكالسيوم ده يفضل فى الدم مش لاقى حتة يتخزن فيها🤷🏼♀️ فأما انه يخرج فى البول وكان الله بالسر عليم أو يترسب فى الكليتين ويسبب فيهم حصوات
وعلشان كده الكالسيوم وفيتامين د مع بعضهم كده ارتبطوا بمشكلات العظام🦴 تحديدا
يعنى لو الواحد عنده كالسيوم ومعندوش ڤيتامين د هيجيله هشاشة عظام برضه🤷🏼♀️ لأنه زى ما اتفقنا الكالسيوم من غير فيتامين د يا عرف يخرج فى البول يا معرفش لأن تركيزه عالى📈 فأترسب فى الكليتين غير ان تركيزه العالى فى الدم ده هيسبب مشكلات⚠️
اللى هى :👇
☑️-عدم انتظام ضربات القلب .
☑️-انخفاض🔻 ضغط الدم .
☑️-انخفاض🔻 الوزن وصعوبة زيادته ⤴️
☑️-الخمول🥴 وضعف قدرة العضلات💪 على الأنقباض , يعنى الواحد يحس انه جسمه سايب🤪 , لا قادر يتنى رجله🦵🏽 ولا يفرد دراعه💪 ولا يشيل حاجة من مكانها‼️
💜🧡💛💚💙❤💜🧡💛💚💙❤💜
ماهو اللى يزيد عن حده يتحول لضده علطول🙅♂️ فزى ما نقص🔻 الكالسيوم فى الدم له مشاكله⚠️ زيادته🔺 فى الدم برضه لها مشاكلها⚠️🤷🏼♀️
فلازم يبقى موجود فيتامين د علشان ياخد اللى يزيد منه فى الدم , يخزنه فى العضم🦴 والأسنان🦷 ‼️
💜🧡💛💚💙❤💜🧡💛💚💙❤💜
طيب واشمعنى يعنى🤔 زمان مكانش الناس بينقص🔻 عندها ڤيتامين د وكان الكالسيوم بس هو اللى ممكن ينقص🔻 ⁉️🤔🤔
لأن جلدنا , ربنا عمل فيه خلايا متخصصة👌 بتخلية لما يتعرض لأشعة الشمس المباشرة🌞 يكون فيتامين د منه لنفسه كده ‼️
💜🧡💛💚💙❤💜🧡💛💚💙❤💜
حتى لو مخدناهوش من أى مصدر غذائى🍱 ولا دوائى💊 يكفى اننا نتعرض للشمس🌞 يوميا , فزمان كانت معظم ان مكانش كل البيوت🏠 بتدخلها الشمس , وكانت معظم الناس بتتعرض يوميا لأشعة الشمس🌝 , غير طبعا انه غذاهم كان كمان بيحتوى على فيتامين د‼️
فأزاى كان هينقص عندهم🤷🏼♀️ دا حتى لو مخدوهوش فى الأكل هيتعرض جلدهم للشمس فيكونوه 💁♀️
لكن حاليا معظم البيوت مبتشوفش الشمس🤦♀️ وحتى لمابنخرج بنقضيها عربيات🚗 ووسائل مواصلات🚌 و مبنتعرضش للشمس🌞 , غير شيوع ثقافة انه كل الستات👩🦳 عاوزه تبقى بيض💁♀️ , فمبيرضوش يتعرضوا للشمس🌞 علشان ميسمروش🤷🏼♀️ , ولو اتعرضولها بيبقوا حاطين صن بلوك ‼️
علشان كده شاع ⤴️ نقص فيتامين د فى العصر الحديث , وخاصة بين النساء👩🏼 وأطفالهم👧 لأنهم طبعا مرتبطين بأمهاتهم ومبيخرجوش الا معاهم ‼️
حتى أحواش المدارس🏢 اللى كانت الأطفال بتلعب فيها🏃♂️ اختفت فى معظم المدارس واتبنت فصول ,وبقوا الأطفال بيقضوا الفسحة وحصص التربية الرياضية فى الفصول 🤦♀️‼️
غير طبعا ان نظام التغذية🍱 عند غالبية الناس حتى , بقى فقير فى العناصر الغذائية المهمة ومن ضمنها فيتامين د , وبقى غنى جداااا بالدهون المشبعة والنشويات البيضا والسكريات والمواد الحافظة والألوان والطعوم الصناعية ‼️
يعنى لا بنتشمس🌞 فنكون فيتامين د , ولا بناخد أطعمة🍱 فيها فيتامين د ‼️
يبقى طبيعى جدا🤷🏼♀️ ان فجأة كل الناس تصاب بنقص🔻 الكالسيوم وفيتامين د , وما يتبعهما من هشاشة عظام🦴 وسقوط أسنان🦷 , لأن فيتامين د هو اللى بيرسب الكالسيوم فى العظام والأسنان ‼️
وأصبحنا مضطرين لتناول الكالسيوم وفيتامين د عن طريق الأدوية💊 من سن الرضاعة🤱🏻 الى أرذل العمر👵🏻
فالمسألة مش هيصة على الفاضى , ولا حاجة , المسألة فعلا , كارثة⚠️ والموضوع فعلا مستاهل👌 , وفعلا نسبة كبيرة جدااااا من الناس من كل الأعمار عندهم نقص🔻 فى الكالسيوم وفيتامين د وخاصة النساء👩🏼 والأطفال👧 ‼️
صّـيِّدٍلَيِّةّ حًمًيِّدٍ
