Dr/adel m diab

13/01/2024

||📈>>فيتامنD
يعتبر من الفيتامينات المهم للجسم الإنسان سواء لصغار او الكبار
<

24/12/2023

تحليل المخدرات دلوقت بقي ممكن يتعملك وإنت ماشي في الشارع في أي كمين وكمان كل الموظفين بقي يتعملهم بشكل دورى لكن الموضوع دة ممكن تتظلم فيه لو إنت خدت بعض العلاجات عشان دور برد أو قولون أو كحة أو سكر حاجات كتير هقلها في البوست بتدي إيجابى .

التحليل ممكن يتعمل عن طريق الدم أو البول أو الشعر
خلينا نقول إن المشهور هو عن طريق البول ودا الأسرع واللى ممكن يتعملك وانت ماشى فى الشارع ..
بيتم عن طريق كارت تحليل مخدرات (زى شريط إختبار الحمل)
Drug Of Abuse (DOA) Test or Multi-Drug Test
الكارت أنواع والكارت الواحد بيكشف عن كذا نوع من المخدرات لكن إجمالي الحاجات اللي بيتكشف عليها ٩ والمشهور ٥ أنواع :

1) المواد الأفيونية ومشتقاتها زي المورفين والترامادول في الكشف هنا تبع ال OPi وبيظهر في البول لمدة ٤ أيام بعد أخذه .

❌❌- الأدوية اللي ممكن تطلعك إيجابي :
-مادة ال dextromethorphan اللي موجودة في بعض أدوية الكحة زي التوسكان وغيره .

-مادة ال doxylamine اللي موجود في بعض أدوية الترجيع والبرد زي فوميبريك وسيفامول إكسترا وبنتافلو .

-عيلة المضادات الحيوية ال quinolons زي الليفوفلوكساسين وغيرها .

2) الكشف عن الحشيش والماريجوانا والبانجو ودى بتكشف عن مادة Tetrahydrocannabinol واختصارها THC
❌❌- فيه بعض المسكنات اللي ممكن تطلعك إيجابى :
-إيبوبروفين زي البروفين
- نابروكسين زي النابروفين.

3) الكشف عن المواد المنشطة الأمفيتامين والكبتاجون والميث وتختصر AMP
❌❌ - الأدوية اللي ممكن تطلعك إيجابى :
- مادة السودفوفيدرين اللي موجودة في كل أدوية البرد زي الكونجستال وترايمد فلو وغيرهم .
-مادة الميتفورمين اللي موجودة في أدوية سكر كتير زي الجلوكوفاج والفيلداجلوز وغيرهم .
-مادة البوبرابيون المهدئة زي الفوميبان.
-مادة الفلوكستين المهدئة زي البروزاك .
-مادة اللابيتالول لعلاج الضغط زي اللابيبرس .

5) الكشف عن الكوكايين ويرمز لها بالإختصار COC
بتدي إيجابي مع الكوكايين بس .
6)الكشف عن الميثادون ويرمز لها بالإختصار MTD
❌❌ - الأدوية اللي ممكن تطلعك إيجابى :
-مادة الكويتابين زي الكويتابكس .
- مادة داي فينهيدرامين في ادوية كحة وبرد زي كولد كونترول وتوسين .
-مادة دوكسيلامين
7)الكشف عن تعاطي بعض مواد المهدئة Benzodiazepines ويرمز لها BZD

❌❌ الأدوية اللي ممكن تطلعك إيجابى :
أدوية القولون العصبي المخصصة لمرضى القولون اللى بيتأثروا بالقلق والتوتر زى ليبراكس او كولوفيرين أ عشان مادة الكلورودياسيبوكسيايد .
😎 الكشف علي عقارات مهلوثة زي ال L*D
❌❌ الأدوية اللي ممكن تطلعك إيجابى :
-مادة السيرتالين اللي موجودة في أقراص زي المودابكس

وفيه كشوفات عن مضادات إكتآب وحاجات تانية زي مجموعة ال TCA مش شائع في مصر والجدول موضح المواد اللي بتدي إيجابي معاها .
❌❌❌المهم تعمله لو بتاخد دواء من الأدوية دي تحتفظ بروشتة مختومة من الدكتور المتخصص بتاعك عشان هتفيدك في الموقف دة .
التحليل بيتم عن طريق عينة بول بيتم أخذها فى حضور أحد أفراد الأمن ..
وبتظهر سريعا النتيجة ..

- لو بتاخد أي عقار وشاكك إنه يطلعك إيجابي إسال الصيدلي أو الطبيب الخاص بيك

30/07/2023

شوفت شخص بينزف في الشارع
هتتعامل معاه ازاي ؟!
القاعده هنا انك تحاول تشوف مصدر النزيف و توقف النزيف ده لحد ما الاسعاف يجي

طيب شخص جاي المستشفى بنزيف
ايه أول حاجه هتتعمل ؟! 🤔
أوعى تقول أوقف النزيف
هنا أول حاجه هتتعمل هي
Volume resuscitation and hymodynamic stabilization
فقد fluid ... اديله fluid
فقد دم ... اديله دم

في حالة فقد الدم لازم اعوضه بدم مينفعش اعتمد ع المحاليل
المحاليل هتظبط الضغط بس من غير دم ممكن يخش في hypoxia

وبعد كده بقا تبقا تدور على سبب النزيف وتعالجه.

01/07/2023

عدوى كبدية تهدد الحياة سببها فيروس HBV، يمكن أن يسبب أمراضاً مزمنة وحادة ويعرض الناس لخطر الموت من تليف الكبد وسرطان الكبد.

❕التهاب الكبد ب:

⚠️الأعراض:
في الحالات الحادة من المرض تشمل:
اصفرار الجلد والعينين (اليرقان).
بول داكن.
تعب شديد.
آلام بطن وغثيان وإقياء.
فشل كبدي حاد في بعض الحالات.

⏳فترة الحضانة:
من 30 إلى 180 يوم.

♻️طرق العدوى:
ملامسة الدم أو سوائل الجسم الأخرى أثناء الجنس أو الحقن غير الآمن أو التعرض لأدوات حادة.

من الأم إلى طفلها أثناء الولادة.

💊العلاج:
في الحالات الحادة يكتفى بالراحة وتعويض السوائل المفقودة من الإقياء والإسهال.

في الحالات المزمنة يتم العلاج بالأدوية المضادة للفيروسات بهدف تأخير تطور المرض إلى تليف الكبد وسرطان الكبد.

🔰الوقاية:
اللقاح.

30/06/2023

💎التهاب الاذن الخارجية:-👂
✍️تحدث بسبب عدوي بكتيرية سببها غالبا دخول الماء داخل الاذن وهذا يخلق بيئة مناسبة لنمو البكتيريا لذلك يسمي باذن السباح Swimmer's ear
✍️اعراضه
✔️ضعف القدرة على السمع
✔️الم عند لمسها
✔️افرازات فالاذن وله ريحة كريهة
✔️احساس بالحكة والهرش
✔️مصحوب بارتفاع في درجة الحرارة
✔️تكوين قشرة عالاذن من بره
✍️العلاج
✔️قطرة مضاد حيوي وفيها كورتيزون
💘local AB as
viotic, otocort, ciprocort E.D
dose: 3dps/8hr
✍️نكتفي بالقطرة لو الحالة بسيطة اما لو الحالة شديدة ندي اقراص او شراب مضاد حيوي زي
Hibiotic, Augmentin, Flumox, ceporex .... syr if infants or tab if adult........
✍️لو المريض عنده مشاكل في المعدة وارتفاع ف ضغط الدم ندي مسكن خفيف زي
panadol or paramol or adol if adults. if child , give brufenor catafly or paramol....... syr

✍️نصائح للمريض
✔️يحافظ ع اذنه نظيفة وجافة
✔️عدم دخول الماء بداخلها اثناء
✍️لو الادوية مش عاملة حاجة ريفير لاخصائي انف واذن 👌
وبس كده وسلااااااام🌸💓

Send a message to learn more

18/06/2023

💊 معلومة مهمة

بنسمع دوما إن اللي بيستخدموا منتجات ال Minoxidil سواء كان بخاخ أو فوم أو جيل بيرجع شعرهم يقع تاني لما يوقفوه.. وده طبعا ككلام عام مش صحيح..
اللي فعلا هيحصل معاهم كده هم الناس اللي عندهم Androgenetic alopecia اللي بنقول عليه صلع وراثي.. ده أصلا مش Curable لأن المشكلة بتكون جينية وراثية، بيمشي ع ال Minoxidil عشان يعمل Control وخلاص، وطبيعي لو وقف استخدامه هيرجع الشعر يتساقط تاني..
لكن الناس اللي عندهم Telogen efluviam، اللي هو تساقط للشعر ولكنه غير وراثي ومنتشر أكتر في ال Females وبنعرفه من خلال تسريح الشعر وإن الشعر بيخف كل ما بنسرحه.. فالنوع ده لما بنستخدم معاه Minoxidil لفترة معينه وبيحصل تحسن للشعر والتساقط بيقل مع الاستخدام، فلما بنيجي نوقف الدواء بيفضل الشعر ع الهيئة الكويسة اللي وصلنالها بعد استخدام الدواء، لأن الحالة دي بتكون Curable..
ده مثال صغير جدا عشان بس اعرفكم إن مش كل الناس اللي بتستخدم Minoxidil شعرها هيرجع يقع بعد وقف الدواء

16/06/2023

قصة ال Champix من أولها لحد هذه اللحظة مرورا بسحبه ورجوعه للسوق مرة أخرى.. القصة دي حكاها د دهشان بالتفصيل والترتيب الزمني بالظبط زي مانت هتقرا معايا كده..

- مايو 2006 .. طلع ال Champix للنور ونزل السوق لأول مرة بعد ما خد APPROVAL من ال US FDA بالاستخدام

- في 2007 .. طلعت Reports وقالت إن البرودكت بيؤدي إلى الانت_حار

- في 2009 .. طلعت فعلا ال FDA تحذير بالكلام ده وحطته في Black box warning

- في 2014 .. لقينا Systematic reviews قالت إن كل اللي اتقال ملوش أساس من الصحة والبرودكت برئ براءة الذئب من دم ابن يعقوب، فرجعت ال FDA في 2016 وشالت الكلام اللي في ال Black box warning

- سبتمبر 2021 .. طلعت بقى شركة فايزر نفسها وقالت هاتولي البرودكت اللي عامل صداع للناس ده، داحنا اكتشفنا إن فيه أصلا Nitrosamines، وفعلا اتسحب البرودكت من العالم كله في نفس السنة

- مايو 2022 .. رجعت ال FDA ووقفت المرادي في صف البرودكت وقالت عادي لو اتصنع ونزل السوق تاني بس أهم حاجه نسبة ال Nitrosamines متتخطاش 37 نانوجرام/اليوم، وهي النسبة الآمنة

- مايو 2023 .. شركة فايز فعلا نزلت البرودكت مرة تانية السعودية وأكيد الفترة دي هينزل مصر.. وقبلها كان أصلا نزلت برودكتس تانية من شركات تانية تحتوي ع نفس المادة Varenicline وطبعا ده في إطار الالتزام بكلام ال FDA

ودي كانت معلومة updated جدا، يعني بجد بارك الله في د دهشان وكل التيم بتاع فارما أكادمي إنه بيقدملنا معلومات وداتا لسه متحدثة الشهر اللي فات، بس كده ❤️

15/06/2023

💊 معلومة مهمة

الأقراص القابلة للمضغ مينفعش تتبلع ي جماعة.. ويمكن دي معلومة مش كتير يعرفها..
الدواء لو مكتوب عليه أقراص للمضغ يبقى حضرتك هتاخد القرص تعمله عملية مضغ لحد ما يدوب ويختفي وهو في بؤك، يعني حضرتك مش هتمضغه وبعدين تبلعه..

نكرر تاني، أقراص المضغ لا يتم ابتلاعها بعد المضغ ولكنها تُمضغ حتى الذوبان في الفم، لأنه مُصنّعه بهذه التقنية حتى يتم امتصاصها من الفم وليس المعدة..
ماهو لو ينفع نبلعها كنا بلعناها من الأول وخلاص..
والكلام ده ينطبق ع جميع أنواع أقراص المضغ بلا استثناء، بس كده ❤️

13/06/2023

💊 معلومة مهمة

متستغربش لما تلقى معظم البيبيهات اللي تغذيتها بتكون ألبان صناعية بيجيلهم بشكل متكرر عدوي الجهاز الهضمي والتنفسي ، وبيكون معدل إصابتهم بالعدوى أكبر بكتير من البيبيهات اللي تغذيتها رضاعة

المعلومة دي والشرح اللي هقوله دلوقتي ناقلهالك من د دهشان اللي دايما بنتعلم منه، خاصة من دبلومة فارما أكادمي العظيمة SCP..

قالك بقى إن الرضاعة بيكون فيه كل أنواع ال Immunoglobulins، ولكن النوع اللي بيكون متواجد وبيوصل للبيبي بشكل كبير جدا هو ال IgA، وده بيكون من أهم ال Immunoglobulins في دور ال المناعة من خلال تواجده في ال GIT, Respiratory & Genitourinary mucosal tissues.. وبالتالي وجوده في الأماكن دي هيقلل ال عدوة بشكل كبير..

ولما البيبي يدخله ال IgA عن طريق ال الرضاعة بيكون جاهز للشغل ع طول فيكون زي ماقولنا فيه حماية أكبر ودفاع أكتر ضد ال العدوة خاصة بقى إن البيبي في الأسابيع والشهور الأولى بيكون لسه بدري ع جسمه عشان ينتج كمية كويسة من الحاجات الحلوة اللي ذكرناها دي..

وبما إن ال IgA مينفعش يتحط في الألبان الصناعية فمن هنا جت إجابة سؤالنا اللي كان في أول البوست خالص وكده يبقى عرفنا السبب، وعشان كده بردو يفضل إن لو الأم مش عاوزة ترضع ابنها فعلى الأقل تصبر لحد ٦ شهور يكون البيبي كبر شوية ومناعته اتحسنت، وفي الإسلام يكون الفطام من حولين كاملين، وهذا لصحة وسلامة الرضيع، بس كده ❤️

10/06/2023

أكلت من ساعة كده تقريبا وبعدها بحبة أخدت واحدة بنبوني نعناع من الدرج.. وكاااانت الجريمة قد ارتكبتها بدون تركيز..

أصلا النعناع من الحاجات المشهورة اللي بتقلل ال LES pressure..
وفعلا بشكل ملحوظ وفي خلال نص ساعة بالكتير حسيت بارتجاع مرئ وحموضة..
كنت عارف المعلومة دي نظريا، أول مره اجربها واحسها بها عمليا، وياريتني ما جربتها 🙂

09/06/2023

هذه البُـقَـع البيـضَـاء هي إصابــة جلدية تُسَمَّـى pityriasis alba نراها بكثــرة عند الأطفال أقل من 12 سنة.
‏وأشـهـر سَـبـب لـها هـو وجـود ديـدان مَـعَـويـة helminthes

‏لـمَّـا تـشـوف هذا المنـظـر رجـاء أطـلـب فـحـص بُـراز الطـفــل

09/06/2023

💊 معلومة مهمة

من الأدوية المشهورة اللي بتعمل حساسية هي ال Devarol-S amp.. ولكن ده مش بسبب ال Vitamin D.. لأن فيه حقن كتير غيرها مبتعملش حساسية..

الفكرة في ال Solvent نفسه اللي مستخدمينه في البراند ده..

عشان ندوب ال Vitamin D فاحنا محتاجين مذيب دهني، وهنا بقى استخدموا ال Sesame oil.. ومعروف طبعا إن السمسم من ضمن أشهر الحاجات اللي بتعمل حساسية للناس، فلما استخدموا Sesame oil حصل من الحقنة حساسية مع حالات كتير، بس كده ❤️