15/10/2025
البيبي الصغننه دي ليها قصه كبير ة
الام الجميلة دي ولدت قبل كده ٣ مرات قيصريه وحالتي في الحمل ده
اثناء المتابعه لقيت المشيمة نازلة تحت في اول الحمل
قلت للمريض وقلت هنتابع. لان من العادي انها تبا في التكوين تحت قرب عنق الرحم وتدريجيا ترتفع
كملنا الشهر الرابع والخامس والسادس ولسه المشيمة متقدمة placenta previa
وبلغتها انها مشيمة متقدمة يعني مغطية عنق الرحم ولسه في احتمال انها ترتفع
وصلنا للشهر الثامن وفي نصه بلغت المريضه خلاص التشخيص تاكد وهي مشيمة متقدمة وطلبت منها اعمل رنين مغناطيسي عشان نتاكد هل هي متوغله في عضلة الرحم واكتر ولا بس في جدار الرحم وبالفعل المريضة كانت علي درجة عاليه من الفهم والعلم والثقه فيه وعملت فعلا والي خد ما تطمنا انها متقدمة بس لكن مش متوغله
احلي حاجة لما اكون بحاول بكل مجهود ابسط المعلومة وافهم المريضه كل ابعاد المشكلة اللي احنا فيها وخطورة العمليه والتجهيزات والتحاليل واختيار المستشفي والاقي المريضه الجميله دي قد ايه فاهمة ومهتمة ومركزة وبتسمع التعليمات والخطوات كلها بجد كنت سعيدة بيها جدا
الحمد لله جيه يوم العمليه وعملت كل حاجة مع التيم اللي معاي ومستشفي الندي وعملتلها القيصريه وتم الحفاظ علي الرحم والسيطرة علي النزيف وخرجت المريضه هي والبيبي بالسلامة
انا بحكي ليه القصه
عشان اشكر ربنا انها قامت بالسلامة وقدرت احافظ علي الرحم بتاعها وتقدر تنجب تاني
وعشان الناس تفهم ان المشيمة المتقدمة ايا كانت درجتها من الحالات الصعبه اللي تحتاج مريض فاهم ومتقبل العواقب اللي ممكن تحصل من استءصال رحم او نزيف عند محاوله استءصال المشيمة المتقدمة او الملتصقة او المتوفاه
ومستشفي مجهزة وجراحةفاهمة
الحمد لله والشكر لله
#دكتورةمهازمزم
. #قيصرية.
#صحةالمرأة #نصايح _طبيه
