23/09/2019
مكناش نتمني ان الاستغلال والكذب والنفاق يوصل للتعليم ويبقي الي بيعلمنا هو الي بيكذب وينافق وينصب وعيني عينك ولا بيهمه ..
جعامتنا اللذيذه قررت انها تضيف مصاريف ماده بساعتين علي سنه خامسه ودا بدون اي حق ولو مش عاجبك الحيطه جنبك اهي والي هيتكلم هيلبس شئون قانونيه ويترفد عادي مفيش مشكله لما يضيع مستقبله ..
من هنا بنقولكم ادارتكم فاسده ومش هنسكت عن شغل غسيل الاموال دا ..
الي بستغربله إزاي دكتره المفروض انهم اتعلموا تعليم قيم وناس متفتحه ومحترمه تتعامل بالنفاق دا .. لا وفي الآخر العيب يجي علينا اننا همج ومتخلفين ومش متحضرين !
فين التحضر في انك تقول للدفعه دي يوم مقدموا في كليتك إن مفيش زيادات خالص وتزود برضو علي كل طالب حاولي ١٠٠٠ جنيه زياده كل ترم واضرب بقي في عدد دفعه كامله علشان تشوف السبوبه ..
فين التحضر في انك تخلي تصوير الورق عندك ضعف برا !!!
فين التحضر ومهنيه تعليمك في انك تخلي الميدترم أسبوع واحد وتخلي الطلاب تموت من قله النوم والارهاق علشان يقدر يواصل .. يا كدا يا ام هيشيل مواد عادي وانت تلم فلوس..
ودا غير مصاريف الباسات ومرتبات السواقين فيها وغيرها وغيرها يا متحضر !!
بالنسبه لدفعه خامسه
أولا ..
لازم محدش يسجل يا جماعه الماده دي حتي لو مقتدر لان في ناس معندهاش اي امكانيه انها تدفع جنيه زياده ودا حقهم ولو انت متنازل عن حقك يا ريت متضيعش حق غيرك
ثانيا
في حاله عدم استجابه الوكيل لمطالب الطلاب يتم الامتناع عن حضور المحاضرات والسكاشن نهائي ويلبس بقي هو أسبوع بدون دراسه ..
ثالثا ودا مهم جدا ...
يا ريت يا جماعه منلاقيش مجموعه ماشيه علي هواها وسلبين ومفيش اي استفاده من كلامهم ... لو سمحتوا لو مش هتقفوا مع الناس يبقي سيبوهم يجيبوا حقهم بطريقيتهم
لان حرام الي بيحصل والسكوت عنه جريمه في حق كل واحد فينا ..
