مركز شفاء للعلاج الطبيعي والتأهيل

21/01/2026

31/12/2025

أسباب الدوخه

28/12/2025

النوم ليس مجرد راحة للجسم، بل هو أحد أقوى “الأدوية” الطبيعية التي يمتلكها الإنسان، وأحيانًا يفوق في تأثيره كثيرًا من العقاقير، خاصة عندما نتحدث عن المناعة. أثناء النوم العميق يدخل الجسم في وضع الإصلاح الشامل، حيث يزداد إفراز هرمون الميلاتونين وهرمون النمو، وهذان الهرمونان لا ينظمان النوم فقط، بل يحفزان الجهاز المناعي ويزيدان من قدرته على محاربة الفيروسات والبكتيريا. في هذه الحالة يرتفع إنتاج الخلايا التائية القاتلة، وهي الجنود الأساسية التي تتعرف على الخلايا المصابة وتدمرها، كما يزداد تصنيع السيتوكينات، وهي جزيئات يستخدمها جهاز المناعة للتواصل وتنظيم الاستجابة الدفاعية. على العكس من ذلك، قلة النوم تضعف هذه الآليات الحيوية، فتقل كفاءة الخلايا المناعية ويصبح الجسم أكثر عرضة للعدوى حتى مع توفر الأدوية. المدهش أن النوم الجيد لا يساعد فقط في الوقاية، بل يجعل الأدوية واللقاحات أكثر فعالية، إذ أظهرت دراسات أن الأشخاص الذين ينامون جيدًا يكوّنون أجسامًا مضادة أقوى بعد التطعيم مقارنة بمن يعانون من الأرق. لهذا السبب يمكن اعتبار النوم علاجًا أساسيًا يعمل من الداخل، بلا آثار جانبية، يعيد برمجة جهاز المناعة كل ليلة، ويمنح الجسم قوة دفاعية قد لا تستطيع بعض الأدوية وحدها توفيرها.

27/12/2025

من فترة كبيرة كان عندي مريض،
شاب ، طويل، قوي، وقت دخوله عليا في العيادة مكنتش متصور أصلا ان هو دا المريض.

بكل هدوء حكى لي مشكلته الصحية، و اللي هي بإختصار؛
الام في كل حتة في جسمه.

الام في الرقبة و في الظهر
الام في الساقين
تنميل قي الأطراف الأربعة.

الشاب كان شايل شنطة سفر،
لكن المفاجاءة
إنه لما فتحها، طلع منها مئات من الأشعات و التقارير الصحية
و عشرات من علب الأدوية، اللي كلها مسكنات و مهدئات و فيتامينات.

حطهم كلهم قدامي على المكتب ،
و قالي
إتفضل، ادي كل اللي عندي
عالجني.

طبعاً، أي طبيب متخصص حيفهم ان المريض دا مش محتاح أشعات
و لا فحوصات
دا مريض محتاج تدخل من نوع آخر.

عادة، أنا في الحالات دي مبضيعش وقت المريض في ادوية او اشعة جديدة،
بأشوف اللي موجود و خلاص.

و زي ما توقعت، الأشعات كلها سليمة،
و التحاليل كلها طبيعية.

بس المريض مش عايز يسمع منى دا، هو جاي عايز علاج لحالته.
هو مش عايز واحد تاني يقوله معندكش حاجة.

و بدأ يتوتر و يتنرفز، رغم هدوئه في البداية.
و كل اللي عايز يعرفه
حتعالجني ازاي.

طبعا انا حاولت امسك الاشعة واحدة واحدة و اشرح له انها سليمة.
بس هو تقريبا مسك ايدي و رفض انه اقول اي شرح.

هو عايز علاج.
و هنا كانت اللحظة الحاسمة،
و هي إني أصارحه بحالته،
و انه معندوش أي مرض عضوي.

الحقيقة اللي المريض بيحاول ينكرها من شهور،
بالعكس
هو بيعمل كل حاجة علشان يثبت عكس كده.

متصور ان أشعة الرنين المغتاطيسي مرة كل اسيوع حتطلع حاجة مكانتش ظاهرة قبل كده.
أشعات على كل جزء في الجسم.
تحاليل انا عمري ما سمعت عنها غير في الكتب و المراجع.
أدوية كلها زي ما بتدخل زي ما بتطلع من الجسم.

المريض بيتمنى انه يكون فعلا مريض،
نفسه دكتور يقوله اه عندك حق
انت عيان
انت تعبان.

بس هو مش عيان
هو عايز يطلع تعبان،
و من كتر الاحتياج دا، فعلا بقى بيحس بالالام و التعب.

المريض اقنع نفسه و اقنع الدكاترة بتوعه انه محتاج تدخل،
بس في الحقيقة التدخل الوحيد اللي محتاجه هو تدخل نفسي.

انا معرفتش اوصل معاه لحاجة، غير ورقة صغيرة كتبتها و انا عارف إنه حيرميها في الزبالة على باب العيادة.

ورقة مفيهاش ادوية و لا اشعات و لا تحاليل،
ورقة مفيهاش غير سطر واحد؛
تحويل لطبيب نفسي.

المريض مشي وهو بيزعق،
متضايق من الكشف اللي مجابش نتيجة.
مشي و انا متأكد انه حيشوف اول دكتور تاني يكتبله علاج جديد
يدفع فيه فلوس و خلاص.

لكن المفاجاة؛
انه بعد فترة كبيرة بعتلي و قالي
انا روحت لطبيب نفسي
و حجزني في مستشفى
و بقيت احسن.

رسالة من ٥ كلمات من حساب غريب على الفيس بوك،
رسالة مبعوتة على السبام اللي مبفتحوش غير كل فترة.
رسالة فضلت باصص ليها و باعصر دماغي مين دا.

لغاية ما افتكرت
هو دا الشخص العنيد اللي مكانش مصدق مشكلته و بينفيها و بيتهرب منها.

اخيرا واجه المشكلة بدل ما يلف حواليها، راح للي يعرف يحلها.
راح للدكتور المتخصص، و بعد ما استريح، دور عليا في الفيس بوك علشان يقولي؛
عندك حق، انت كنت صح.

المرض النفسي كتير بيسبب الام عضوية
حتى لو معندكش اي حاجة
المريض بيحس بنفس الاعراض بتاعة المرض العضوي.
حاجة بنسميها
Psychosomatic Disorder.
إضطراب نفسي - جسدي
و للاسف دكاترة كتير بيقعوا في الفخ دا.
فخ بينصبه المريض للدكتور من غير ما يحس.
فخ علاجه الوحيد عند دكتور نفسي متخصص.

انا باشكر الدكتور اللي عرف يقنع المريض بمرضه.
ربنا يكرمه لانه اكيد دكتور شاطر.

Dr Ahmed Baseem