29/09/2025
المتابعة المتابعة المتابعة
المتابعة المستمرة
العنصر المهم
العامل الذي يتم بناء القرارات عليه
لما بدأ السكر يظهر مع حضرتك
وبدأت علاج.... كان بناءاً على تحليل
تحليل تشيك عادي
فحص ما قبل العملية الجراحية
فحص روتيني بيطلبه زميلنا دكتور جراحة أو تخدير لتقييم حالة المريض بشكل عام
ظهر سكر معانا
بدأنا أنسولين عشان العملية
لانتوس أنسولين قاعدي
وكمان دواء بالفم
سكرنا وصل لمرحلة الضبط
وبناءًا على التقييم الجديد ......دكتور حضرتك وقف العلاج
هنا نقطة توقف هامة جوهرية
اماريل ام ولانتوس
لو هوقف لحضرتك العلاج عشان سكرك مظبوط .....كده غلط مليون بالمائة
لو هوقف لحضرتك العلاج عشان حضرتك بتعاني من نوبات هبوط متعددة وكثيرة وقوية......كلام مقبول جداً على شرط
أول كلمة قلناها
متابعة متابعة متابعة لصيقة لقياسات السكر على مدار اليوم
مع نظام غذائي مناسب
وبصراحة
لو حضرتك متابع معايا
مش هوقف كله مرة واحدة
هنزل بالتدريج
يعني إيه ؟
هشوف معدل السكر الصائم لو كويس هكمل على لانتوس
والهبوط بعد الغداء مثلاً
هوقف اماريل وهمشي على الميتفورمين مع لانتوس ونعمل تقييم كل فترة
لو العكس
نوبات الهبوط صباحاً
هوقف لانتوس ونقلل جرعة اماريل ام أو نبدلها نوع تاني
لو حضرتك متابع معايا هوقف اماريل بالبطع وهكمل على نظام غذائي مع الميتفورمين
مع متابعة متابعة متابعة متابعة
ليه عشان لو سكرنا مظبوط على النظام الغذائي والعلاج الجديد هنكمل
لو سكرنا مش مظبوط
بيعلى أو يحصل هبوط
نعيد تقيبمنا تاني
القياسات اليومية
وتراكمي كل ثلاث شهور
كافية جداً مع مراجعة النظام الغذائي
لعمل تقييم شامل نبني عليه قرار
بالتالي
هنا حضرتك مجتاج تبدأ علاج بناءاً على التقييم الجديد
تراكمي عالي زي ده
فوق ال11
مع قياسات يومية فوق ال200 وممكن فوق 300
مع نزول الوزن خاصةً الكتلة العضلية
مع التاريخ القديم
هرشح لحضرتك
تبدأ أنسولين
يا ريت سريع مع قاعدي
مع تعلم حساب الكارب وجرعات ابتدائية يتم تعديلها على حسب قياسات السكر اليومية خلال أسبوع
لو مفيش نزول في الكتلة العضلية
وحضرتك رافض الأنسولين حالياً
هصمم بصراحة على ترشيحي وهحاول أقنع حضرتك
حتى لو على سبيل التجربة لمدة شهر
مع عمل دعم كامل
رقم طوارئ شغال على مدار اليوم
كتيب لتعلم حساب الكارب
متابعة لصيقة خلال أول أسبوع
لعمل تعديلات على الجرعات لو احتجنا لذلك
ثم
نعيد تقييمنا تاني بعد شهر
لو حضرتك رفضت برده
هرجع بحضرتك خطوة للوراء
هرشح لحضرتك النظام القديم
لانتوس مع دواء تاني غير اماريل ام
ثم نظام غذائي صارم شوية لا شويتين
ثم متابعة متابعة متابعة متابعة متابعة متابعة متابعة متابعة
ونعيد تقييمنا تاني خلال أول أسبوع
لو أرقامنا بتتحسن..... هنكمل ونعيد تقييمنا تاني بعد شهر
لو أرقامنا لسه وحشة .... هرجع مع حضرتك ل الأنسولين بشكل كامل
أنسولين سريع مع أنسولين قاعدي
على جنب كده
فين تحاليل الغدة الدرقية
نسبة فيتامين د
مواعيد النوم وكم عدد ساعات النوم
الأدوية المصاحبة اللي لها دور وتأثير على السكر
الضغط العصبي والاستريس
وزنك كم الآن وخلال أخر سنة
و....... كفاية كده عشان طولنا كثير
لو حضرتك استفدت معلومة أدعو لي بصلاح الحال وتيسير الأمور
لو في حاجة مش واضحة
نتناقش ونشرح من جديد
#الأنسولين
