د. الهيثم علاء الدين - عيادة طب وجراحة العيون

30/08/2019

تقبل الله منا ومنكم صالح الاعمال⁦و ⁦❤️كل عام وأنتم بخير بمناسبة ذكرى هجرة خير خلق الله عليه الصلاة والسلام ⁦❤️⁩
أسأل الله أن يجعلها بداية أعوام قادمة من الخير والنصر والتمكين والسلام والرخاء لأمتنا الإسلامية 🤲

08/08/2019

الموضوع ده سأل فيه كتير من متابعينا .. وعشان كده عملنا موضوع كامل عنه
لأنه فعلا مهم و يتوقف عليه إنقاذ عيون من فقد البصر .

» يعنى إيه كسل العين ؟
• هو كسل يصيب عصب العين اللى بيجمع الصور من شبكية العين وينقلها للمخ ..
(زى اى عضو يقل استخدامه ، فتقل وظيفته بالتدريج )

» و ده بيحصل ليه ؟
• نتيجة وجود ضعف نظر أو احتجاب الرؤية فى عين (وأحيانًا العينين) وإهمال علاجه .

» ده ممكن ييجى لأى حد ؟
• أى حد عنده ضعف نظر لم يتم علاجه ، وبصفة خاصة :
- الأطفال : لأن إكتشاف ضعف النظر بيكون عادة متأخر (عند سن دخول المدارس أو بعده) .
- وجود فرق كبير فى ضعف النظر بين العينين (عين ضعيفة جدا والنامية سليمة أو بها ضعف بسيط) ، لان فى الحالة دودى المخ بيعتمد على الصورة الواضحة اللى جياله من العين السليمة (او الأقل ضعفًا) .
• حالات إحتجاب الرؤية عن العين لفترة نتيجة : (مياه بيضاء - عتامة بالقرنية ) .

» إيه مراحله ؟
• الموضوع بيبدأ بضعف نظر أو بداية مياه بيضاء أو ظهور سحابة بالقرنية .. لكن النظر بيتحسن بالنظارة .
- نتيجة لإهمال علاج السبب ، بعد فترة يبدأ الضعف يزيد والتحسن بالنظارة يقل .
- إذا كان الضعف فى عين واحدة .. تبدأ العين دى يظهر بها حول ويزيد مع الوقت .
- المرحلة الأخيرة .. يحصل كسل كامل فى العصب .. إن العين ماتشوفش خالص ولا تتحسن بالنظارة أو غيره .

• أعرف إزاى لو عندى كسل أو لأ ؟
عن طريق الكشف فى العيادة طبعا ..
لكن ممكن نعمل اختبار مبدئى لنفسنا واحنا فى البيت او الشارع (الإختبار موجود فى لينك فى آخر الموضوع ) .

• يا ترى له علاج ؟
فى المراحل الأولى إن شاء الله له علاج
وهو علاج سبب الضعف الموجود .. عن طريق :
- الإنتظام على لبس النظارة / عدسات لاصقة / عملية تصحيح إبصار / عملية إزالة المياه البيضاء / إزالة عتامة القرنية)
- فى حالة ضعف نظر عين اكتر من التانية بنعمل تمارين للعين الضعيفة لتنشيط العصب البصرى وتحسين الرؤية بالعين دى (طريقة التمرين موجودة فى لينك فى آخر الموضوع) .
- تحسين الحالة الصحية العامة للجسم عن طريق :
- معالجة الأنيميا إن وجدت .
- تنظيم الضغط والسكر لمرضى الضغط والسكرى .
- فيتامينات ومقويات للأعصاب .

* لينك إختبار النظر :
https://m.facebook.com/story.php?story_fbid=1046322232232477&id=843719142492788

* لينك تمارين كسل العين :
https://m.facebook.com/story.php?story_fbid=1046338278897539&id=843719142492788

عافانا الله وإياكم ⁦❤️⁩

لو استفدت من الموضوع ده :
- اعمل لايك ومتابعة لصفحتنا .
- شير الموضوع عشان تفيد غيرك .

مواضيع ذات علاقة :
* كل ما تريد معرفته عن النظارات الطبية :
https://www.facebook.com/843719142492788/posts/871885109676191/?substory_index=0
* تعليمات هامة لمستخدمى العدسات اللاصقة :
https://www.facebook.com/843719142492788/posts/895479467316755/?substory_index=0

08/08/2019

يتوقف العمل بالعيادة هذا الأسبوع وحتى يوم الأحد الموافق ١٨-٨ بمناسبة عيد الأضحى المبارك
تقبل الله منا ومنكم صالح الأعمال⁦❤️⁩ كل عام وأنتم بخير

04/08/2019

تقبل الله منا ومنكم صالح الأعمال ⁦❤️⁩ كل عام وأنتم بخير

03/08/2019

- الضغط والسكر منتظمين ؟
= أيوة .. بآخد العلاج بإنتظام .
مع كتير مرضى السكري والضغط .

والحقيقة إن الإنتظام فى العلاج (وهو شئ مهم جدا) لا يعنى بالضرورة إنتظام الضغط أو السكر .
لأنه من الممكن أن يكون العلاج غير كافى أو زائد ، وبالتالى يظل الضغط أو السكر غير منتظمين .
فلابد من قياسهما ولو مرة واحدة أسبوعياً على الأقل مع الإنتظام فى الأدوية .. للتأكد من النتيجة الفعالة للعلاج إن شاء الله .
عافانا الله وإياكم⁦❤️⁩
#توعية

01/08/2019

أعاننا الله وإياكم⁦❤️⁩ وتقبل منا ومنكم .

27/07/2019

لو بتفكر تعمل ليزك .. يبقى لازم تقرأ الموضوع ده
عن عمليات ⁦👁️⁩
سأل عنه كتير من متابعينا ..

» يعنى إيه عملية تصحيح الإبصار ؟
• هو إصلاح ضعف النظر بأنواعه (بيتحسن بالنظارة) ، عن طريق عملية للتخلص من النظارة .

» اللى هى الليزك ؟
• ده مفهوم خاطئ عن كتير من الناس أن عمليات تصحيح الإبصار هى الليزك بس .. إنما الحقيقة أنه الليزك نوع من عمليات تصحيح الإبصار .

» طب إيه الأنواع التانية ؟
• خلينا نقول الاول أن الليزك نفسه مش نوع واحد :
ليزك / ليزك سطحى / فيمتوليزك (أحدث) / فيمتوسمايل (أحدث) / كاستم ليزك (أحدث) .
• النوع التانى من عمليات تصحيح الإبصار واللى ناس كتيرة ماتعرفوش ، هى عمليات زراعة العدسة أو استبدالها .
و دى ثورة فى عالم تصحيح الإبصار ، أصبحت حل للناس اللى ماينفعش تعمل ليزك .

» طب وإمتى ماينفعش أعملها ؟
• لو فيه حاجة من الحاجات دي :
- عتامة كثيفة بالقرنية .
- رقة فى سمك القرنية . (لو ليزك)
- القرنية المخروطية .
- مياه بيضاء .
- مياه زرقاء .
- ضعف بالشبكية أو عصب العين .
- من يعانون من جفاف شديد بالعين . (لو ليزك)
- عدم انتظام مستوى السكر فى الدم لمرضى السكرى .
- الحمل والرضاعة .
- مصابى الأمراض المناعية .

» وإيه شروط العمليات دى ؟
- السن : لايقل عن ٢٠ سنة .
- سمك القرنية مناسب للضعف المراد تصحيحه (لو ليزك)
- الشبكية سليمة ، وعصب العين سليم .
- عدم وجود مياة بيضاء بالعين .
- العين تكون بتتحسن بالنظارة قبل العملية .

» طيب ايه احسن عملية اعملها ؟
مفيش احسن عملية فى المطلق ، لكن كل عين لها العملية اللى تناسبها .

» ايه المطلوب عشان اعمل ليزك ؟
⛔ احنا اتفقنا إن اسمها تصحيح إبصار مش ليزك
•الخطوات بالترتيب كالآتى :
- الكشف الكامل بالعيادة .
- فحص قاع العين ( الشبكية وعصب العين ) .
- أشعة على القرنية (لو ليزك)
- أشعة مقاس عدسة (لو زرع العدسة)

» النظارة أحسن ولا العملية ؟
• إذا كانت العملية فقط للتخلص من النظارة ، فهى عملية (اختيارية) ، حسب رغبتك انت .
• إنما مع تطور التقنيات والأجهزة ، بقى فيه اغراض علاجية لتصحيح الإبصار ، وبالتالى ففى بعض الأحيان بتبقى العملية (ضرورية) ، مثل :
- ضعف النظر مع رفض للبس النظارة تماما .
- وجود ضعف نظر شديد فى عين ، والعين الأخرى نظرها سليم .
- وجود بعض العتامات أو النتوءات بالقرنية واللى ممكن علاجها بالليزك .

» نسبة نجاحها ؟
• بعد الكشف الكامل والفحوصات :
- توافر الشروط .
- إختيار صحيح لنوع العملية المناسب .
- إجراء العملية بالتقنية المناسبة .
- إلتزام الشخص بالتعليمات والعلاج بعد العملية .
(يعنى أخذنا بكل الأسباب) بتكون نسب النجاح بإذن الله عالية جدا .

» هو صحيح النظر بيضعف تانى ؟
• بالنسبة لليزك : على مستوى العالم تم تسجيل حالات رجعلها (جزء) من الضعف تانى ، بنسبة أقل من ٥٪ من إجمالى من احتفظوا بنظر سليم باقى حياتهم .
• وبالنسبة لزراعة العدسة أو استبدالها ، فلم تسجل أى حالات رجعلها الضعف تانى .

» يعنى اعملها ولا بلاش ؟
زى ما قلنا ده اختيارك .
إلا فى الحالات العلاجية (ضرورى تعملها ) .
أو الحالات اللى ماينفعش تعمل (ممنوع تعملها) .

عافانا الله وإياكم ⁦❤️⁩


💌 لو استفدت من الموضوع :
- اشترك واعمل متابعة للصفحة عشان تستفيد أكتر من الموضوعات اللى جاية .
- شير البوست عشان تفيد غيرك .

👀 موضوعات ذات صلة :

• نصائح هامة لمستخدمى الشاشات :
https://www.facebook.com/843719142492788/posts/1001699113361456/

• معلومات تهمك عن المياه البيضاء :
https://www.facebook.com/843719142492788/posts/908851745979527/?substory_index=0

• تعليمات هامة لمستخدمى العدسات اللاصقة :
https://www.facebook.com/843719142492788/posts/895479467316755/?substory_index=0

• كل ما تريد معرفته عن النظارات الطبية والشمسية :
https://www.facebook.com/843719142492788/posts/871885109676191/?substory_index=0

• مهم عن ضعف النظر فى الأطفال :
https://www.facebook.com/843719142492788/posts/860678680796834/?substory_index=0

• معلومات مهمة عن إحمرار العين :
https://www.facebook.com/843719142492788/posts/851893175008718/?substory_index=0

27/07/2019

التمرين ده مهم جدا لتحفيز العصب البصرى لإستعادة الرؤية فى فى حالات .
التمرين كالآتى :
* تغطية العين السليمة أو الأحسن رؤية (كما فى الصورة) والتركيز بالعين الضعيفة على هدف على بعد (تلفزيون/من الشباك) لمدة ساعة ونصف يوميا بإنتظام (ممكن متواصلة وممكن نقسمهم نص ساعة على ٣ مرات) .. والمتابعة مع طبيب العيون .

* ملحوظة : يتم عمل التمرين بالنظارة (كما فى الصورة) أو بالعدسات اللاصقة (العدسة فى العين الضعيفة فقط خلال التمرين) أو بعد عملية تصحيح الإبصار أو المياه البيضاء .
بحيث تكون العين فى أفضل مستوى للرؤية وأقل إجهاد للعين ، لتمرين العين على الرؤية الواضحة والصورة الصافية .

* وارد جدا طبعا إن التمرين يضايق فى البداية (زى اى تمرين بيكون صعب فى الأول) خاصة للأطفال .
لكن مع التعود خلال أيام هيكون الموضوع أسهل كتير إن شاء الله .

عافانا الله وإياكم⁦❤️⁩


💌 لو استفدت من الموضوع :
- اشترك واعمل متابعة للصفحة عشان تستفيد أكتر من الموضوعات اللى جاية .
- شير البوست عشان تفيد غيرك .

👀 موضوعات ذات صلة :

• تعليمات هامة لمستخدمى العدسات اللاصقة :
https://www.facebook.com/843719142492788/posts/895479467316755/?substory_index=0

• كل ما تريد معرفته عن النظارات الطبية والشمسية :
https://www.facebook.com/843719142492788/posts/871885109676191/?substory_index=0

• مهم عن ضعف النظر فى الأطفال :
https://www.facebook.com/843719142492788/posts/860678680796834/?substory_index=0

27/07/2019

ده إختبار بسيط للنظر نقدر من خلال نكتشف لو فيه ضعف أو كسل بصرى فى عين من العينين .. ميزته إنك تقدر تعمله لنفسك فى أى وقت وأى مكان ..
مطلوب منك بس حاجتين :
الأولى : تكون مركز فى كل مرة .
التانية : تكون عينيك غير مجهدة .. يعنى مانعملوش بعد سهر أو سواقة لفترة طويلة .
الإختبار كالآتى : تبص بعين واحدة على حاجة على بعد ٦ أمتار بالتقريب (يافطة اعلانات / لوحة فى البيت) وبعدين نكرر نفس الموضوع بالعين التانية .
السليم إننا نشوف تفاصيل الحاجة دى (مثلا: كلام على اللوحة) بكل عين زى التانية أو قريبة منها ، لكن لو حسيت بفرق فى الرؤية بين العينين يبقى لازم نكشف .
كل واحد عمل الإختبار يطمنا فى تعليق .



💌 لو استفدت من الموضوع :
- اشترك واعمل متابعة للصفحة .. هنقولك على اختبارات تانية .
- شير البوست عشان تفيد غيرك .

👀 موضوعات ذات صلة :

• كل ما تريد معرفته عن النظارات الطبية والشمسية :
https://www.facebook.com/843719142492788/posts/871885109676191/?substory_index=0

• مهم عن ضعف النظر فى الأطفال :
https://www.facebook.com/843719142492788/posts/860678680796834/?substory_index=0

23/07/2019

لحرصنا على زيادة الوعى والثقافة الصحية فيما يخص مجال طب وجراحة العيون ، بتقديم كل ماهو مفيد لكم من خلال صفحة العيادة .
حبينا نشارككم اهتماماتكم عن مواضيع يمكن مش كتير من الصفحات الطبية الخاصة بطب وجراحة العيون بتتكلم عنها .

كل واحد عايز يعرف اكتر عن موضوع مهتم به ، يكتبه فى تعليق هنا .

واكتر موضوع هيتكرر فى التعليقات هيكون موضوعنا اللى جاى على الصفحة اللى هنكلمكم عنه بالتفصيل إن شاء الله .

* ماتنسوش تشتركوا فى صفحتنا
وتعملوا متابعة للصفحة (follow) عشان تتابعوا الموضوع اللى اختارتوه ، وموضوعات تانية تهمكم .
وشير للمواضيع اللى ممكن تفيدول بيها اللى حواليكم .

20/07/2019

قال : (يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ )
قال : ( مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ )
عشان كده بنقدم تهنئة لكل طلبة وطالبات الثانوية المتفوقين و(تكريم خاص) منا تقديرًا لمجهودكم وتعبكم
وتكريمًا للعلم وأهله والقائمين عليه ..
• أولاً لكم كشف مجانًا .
مش بس كده ..
• انت كمان لو احتاجت مقاس نظارة أو فحص قاع عين .. هتعمله مجانًا ..
ومش بس انت ..
• كمان والدك ووالدتك اللى تعبوا معاك مايصحش ننساهم .. هم كمان لهم خصم ٢٥٪ على أول كشف .
• وبرده فحص قاع العين ومقاس نظاراتهم مجانًا .
• ولو محتاج نظارة شيك عشان الكلية .. قسم النظارات بالعيادة عاملك خصم لأول نظارة تختارها من أى موديل عندنا .
• ولو مش عايزة تروحى الجامعة بالنظارة .. ولا يهمك .. خصم على أول جوز عدسات لاصقة (شفافة/ملونة) من أفضل الماركات .
• والتكريم مش بس للعشرة الأوائل ..
لكل طلبة وطالبات الثانوية العامة والأزهرية الحاصلين على ٩٧٪ فأكثر .

∆ إعملوا mention لأصحابكم و قرايبكم المتفوقين عشان نكرمهم .

* التكريم سارى خلال شهر ٧ ، ٨ إن شاء الله .
* يرجى إحضار مستخرج رسمى (أصل او صورة) موضح به المجموع الكلي للطالب/الطالبة .
ألف مبروك ، ونتمنى لكم دائم النجاح والتوفيق .

19/07/2019