صيدلية بيكسول الجيزة . فرع الاربعين . فيصل

25/12/2017

متوفر الآن ...
اقلام انسولين نوفورابيد NovoRapid Flexpen
سعر قديم 250 جنيه فقط
كمية محدودة جدا ...

10/12/2017

متوفر الان جهاز البخار الهوائى Accurate Nebulizer
لعلاج أزمات التنفس وحالات الاختناق فى الشتاء للاطفال والكبار
اسهل الاجهزه وابسطها فى الاستعمال
اطلبه الآن ..
متوفر بكميات محدودة

09/12/2017

متوفر الان جهاز قياس السكر "سمارت تيست"
سهل الاستعمال ودقه رائعه
شرائط متوفره باستمرار وبأسعار مناسبة جدا

29/11/2017

الأن متوفر حقن لانتوس سولوستار Lantus Solostar
بسعر قديم
كمية محدودة
متوفر بفرع الأربعين الطوابق فيصل

22/11/2017

موقع صيدلية بيكسول على خرائط جوجل

Al Arbeein, Atati, Al Haram, Giza Governorate, Egypt

22/11/2017

ما يقوله الاخرون عن صيدلية بيكسول 😍😍😍

★★★★★ "Awesome "

17/11/2017

اطفالنا الأعزاء 🤗🤗🤗

النهارده جالي تليفون من احد المعارف في محافظة مجاورة قال لي أخوه شاب تعبان بقاله فترة حاسس بإجهاد بسيط و عمل مجموعة تحاليل شاملة اتضح منها ان عنده ارتفاع في وظائف الكلى ...

على الفور سألته عن نتيجة فحص اشعة الموجات فوق الصوتية لقيته معملهاش .. طلبت منه يعملها و يكلمني ...

بعد حوالي ساعتين لقيته بيتصل بيا و بلغني بنتيجة الاشعة ...

نتيجة الاشعة + نتيجة التحاليل = فشل كلوي مزمن و لا بد من الاسراع بعمل غسيل كلوي من الآن و بشكل مستمر ...

مش هتكلم كتير عن الحالة النفسية السيئة جدا للمريض لما عرف حالته و مصيره ( مزيج من الانهيار العصبي و الهيستيريا ) .. مش هتكلم عن ده لأن ملوش داعي .. لكن هاتكلم ف موضوع اخر متعلق و هام و اتكلمنا فيه بدل المرة كذا مرة ...

المريض ده اللي جاله فشل كلوي و هو لسه عنده ٣٩ سنة .. ليه جاله فشل كلوي 🤔🤔🤔

الاجابة : المسكنات !! ايوة المسكنات ... و كل وحدات الغسيل الكلوي مليانة شباب عايشين ٣ ايام ف الاسبوع على ماكينة الغسيل الكلوي بسبب كمية المسكنات اللي بياخدوها ...

الناس اللي شغالة تبلع كيتوفان و باى الكوفان و باى بروفينيد و كتافاست و كتافلام و فولتارين و كل الكلام ده هو تذكرة دخولك لعالم الفشل الكلوي ...

طبعا عارف ان ناس كتير عايشة بالمسكنات لاسباب مختلفة منها آلام الاسنان و آلام العمود الفقري و الام المفاصل و الرقبة و غيرهم ... نتصرف ازاى ؟؟؟

الامر بسيط و الله بس ركز انت ف الكلام اللي جاى ...

#اولا : لو عندك اى مشكلة صحية تسبب ألم و تضطرك تاخد مسكن يبقى الاهم انك تعالج المشكلة نفسها سواء تسوس أسنان تروح لدكتور اسنان او تقلل وزنك علشان المفاصل و العمود الفقري او تعالج ارتفاع الضغط أو غيره لو عندك صداع مزمن ....

#ثانيا : لغاية ما توصل لحل او علاج نهائي للمشكلة اللي عندك ... متاخدش مسكنات إلا عند اللزوم فقط .. و يفضل تاخد مسكنات عبارة عن مادة باراسيتامول و ما أكثرها.. زى ابيمول و بنادول و بارامول و بيرال و سيتال و أدول ......

#ثالثا : لو ربنا ابتلاك بمرض صعب العلاج او محتاج تعمل عملية مثلا لكن الظروف الصحية لا تسمح و هتضطر تاخد مسكنات لوقت طويل يبقى تحاول تتعالج بطرق بعيدة شوية عن ابتلاع او حقن المسكنات بكثرة زى مثلا وسائل العلاج الطبيعي و الفيزيائي و طرق العلاج الموضعية زى الدهانات مثلا للمفاصل ..

و فيه دهانات بتشتغل بطرق و نظريات مختلفة عن طرق عمل المواد المسكنة التقليدية ( زى دهانات ابو فاس مثلا ) ... و الشريط اللاصق و غيره من وسائل التعامل مع الألم ... و فيه طرق حديثة يقوم بها بعض اطباء التخدير في تخصص طبي حديث اسمه علاج الألم

#رابعا : الفشل الكلوي مرض صعب جدااا .. مرض يعيق الإنسان عن ممارسة حياته بسهولة و يجعلك و انت في عز شبابك تبقى اقرب لعجوز قعيد و يؤثر على كافة اجهزة جسمك و لا يوجد علاج له سوى الغسيل الكلوي بشكل مستمر او زراعة الكلى و هو امر لا يتوافر بسهولة لارتفاع التكلفة او عدم توافر متبرع بسهولة .. و كمان احتمالية رفض الجسم للكلية التي تم زراعتها ....

#خامسا : أخطار و مصايب تناول المسكنات بكثرة لا تقف عند الفشل الكلوي فقط لكنها تسبب التهابات و قرحة المعدة و التي قد يحدث بها ثقب و نزيف حاد مفاجىء ربما يؤدي للوفاة خلال وقت قصير للغاية ... و حتى لو تم تشخيصه .. ربما لا تجد جراح متخصص قريب منك .. يعني الوقاية خير من العلاج ...

#سادسا : احنا مش بنعمل ذعر للناس و نرعبهم ع الفاضي .. لا خالص .. احنا بنحاول ننقل لكم مشهد متكرر يوميا و ربنا اراد اننا كأطباء نشوف الموقف ده كل يوم فشل كلوي او نزيف داخلي حاد بسبب ثقب قرحة المعدة ... و واجبنا ننقله لكم من بدري لأن مش هتستفاد حاجة لما اقول لك المعلومة دي بعد ما الفاس تقع في الرأس ...

رجاء تهتموا بنفسكم و تبلغوا معارفكم بالكلام ده ...

منشنوا الناس و اعملوا شير لأن الموضوع خطر جدااا مفيهوش هزار و للأسف لا توجد توعية كافية رغم خطورة و هول ما نراه ...







#الحاج
منقول

14/11/2017

بعد اذنك لو سمحت ...
لما تقرر تاخد مضاد حيوى لأى سبب كان ...
يبقى لازم تاخد كورس المضاد الحيوى كاملا وبدون استهتار
لان عدم الالتزام بكورس المضاد الحيوى بيعالجك فعلا المره دى من العدوى اللى عندك لكن المره الجايه البكتيريا بتكون أقوى ولو حد اتعدى منك هيتبهدل جدا ولو فرضنا انك كل مره بتاخد مضاد حيوى يوم او يومين وبس يبقى كل مره هتجيلك البكتيريا اقوى وبالتالى هتاخد وقت اطوا عشان تعالجها وهتحتاج كل مره مضاد حيوى اقوى
يعنى عدم التزامك بالمضاد الحيوى مش هيضرك انت لوحدك ده هيضر اسرتك وزمايلك فى الشغل وبالتالى هيضر المجتمع كله ..
أكيد كلنا سمعنا فى نهاية الشتاء اللى فات عن الاسرة اللى دخلت مستشفى حميات امبابة مصابين كلهم بالحمى والدكاتره مش عارفه تعالجهم ..
الحاله دى لا تنبئ بالخير نهائيا ربنا يحفظنا ويسترها علينا جميعا
لكن هذا الشتاء لازم تبقى حريص جدا من البرد ..
ولادك تاخد او تاخدى بالك منهم كويس جدا ..
اللى يتعب تروحى بيه للدكتور .. ايوه للدكتور مش للصيدلى ..
حتى لو الصيدلى خبره كبيره مينفعش .. لأن الدكتور نفسه لازم يكشف عالحاله بنفسه ...
وخصوصا الاطفال
ولازم الطفل ياخد المضاد الحيوى حسب جرعات الدكتور بالظبت التزمى بالوقت جدا والجرعه ..
وبلاش تفتى فى اللى متعرفوش الله يكرمك ...
والصيدلى شاطر وكل حاجه بس دى مش شغلتك ( حتى الطبيب احيانا بيحتاج تحاليل ومزارع عشان يعرف يحدد العلاج المناسب )
ده مش وقت خبرات نهائى .. البلد داخله على كارثه طبيه
لو مش مدركين كده يبقى لازم ناخد بالنا.
وربنا يحفظنا جميعا
دمتم بكامل الصحة والعافية

09/11/2017

حقنة البرد 😣 😏
كارثة شااااائعة
تتكون من 1- مضاد حيوي وعرفنا مدي خطورة سوء استخدامه.. عشان المقاومة اللي بعد كدا بتنتج وبالتالي مش هيبقي فيه علاج وهتفضل تاكل في جسمك ولا حد يوقفها... المضاد الحيوي الحقن فيه انواع منه جرعته كل 12 ساعة وفيه كل 24 ساعة، وطبعا بنسبة كبيرة جدا الجرعة بتكون غير مناسبة او غير مضبوطة لانها عملية معقدة نوعا ما عشان الجرعة مش بس بتتقاس بالوزن لا كمان بناخد ف الاعتبار مدي خطورة والبكتريا وشدة العدوي فهي محتاجة متمرسين لضبط الجرعة 😏😏
2- مسكن وخافض للحرارة ومضاد للالتهابات اكثرهم استخداما هو( فولتارين) ودي مشكلتها ف كثرة الاستخدام علي الكلي والمعدة الخ..
3- الكارثة الكبري وهي الكورتيزون اشهرهم استخداما (ديكساميثازون) وطبعا مش محتاجين نعرف حضراتكو خطورة الكورتيزون.. اولا الكورتيزون بيقلل المناعة وبالتالي ماينفعش يتاخد مع مضاد حيوي ولكن بعض الدكاترة بتوصفه في حالات التهاب الحلق الشديد لدرجة عدم القدرة علي البلع وفد حالة فشل الفولتارين في علاجه (وحط تحت دي الف خط) وشرط انه يكون مافيش عدوي بكتيرية ويعطي تحت تغطية من المضادات الحيوية تنبؤا بحدوث عدوي متوقعة نتيجة انخفاض المناعة الناتجة عنه ... ممنوع ايضا استخدامه لمرضي الضغط والسكر بدون استشارة طبيب.
الحقن عامة ماينفعش تتاخد في حالة وجود بديل شراب او اقراص ومافيش حاجة اسمها عشان اسرع وكدا حضرتك انت جاي الصيدلية برجلك وماشي والدنيا فل اوي مش جاي ع نقالة لاستقبال ف مستشفي 😏😏
طبق علي نفسك وحاور الصيدلي مش عيب انك تبقى فاهم 😊

07/11/2017

مرض السكري من أكثر الأمراض انتشاراً في وقتنا الحالي ويمكن أن يصيب الإنسان في أي سن.. شاهدوا هذا الفيديو واكتشفوا 9 علامات تخبركم بالإصابة بمرض السكري

06/11/2017

مجموعة البرد 😣😏😏😣
تعرفوا ان دي كاااارثة بمعني الكلمة!!
مجموعة البرد بتتكون من: 1- قرص يحتوي علي (pseudoephedrine) ودي حباية لانسداد الانف ودي ممنوعة للي عندهم ضغط ⬆️
2- قرص يحتي علي (diclophinac) ودي للسخونية وبتقلل من التهابات الحلق ودي مش كارثة قووووي يعني مشكلتها دايما ف الجرعة مش بتبقي مظبوطة 😏
3- الكارثة الكبري واللي تعتبر اهم حباية ف المجموعة بالنسبة للصيدليات وكمان الناس وهي المضاد الحيوي!! اولا المضاد الحيوي هي عبارة عن جرعة لازم تتاخد كاملة ماينفعش حباية ولا اتنين نهائي والا كدا بيحصل حاجة اسمها مقاومة للمضاد الحيوي دا.. يعني يجيلك دور عدوي بكتيرية بعد كدا مالوش اي تلاتين لازمة ماتلاقيش مضاد حيوي يعالجك وتستني معجزة بقي ان ربنا ينفخ في صورة المناعة عندك، ثم ان هو المضاد الحيوي مالوش علاقة بدور البرد دا نهائي 😏😏
وساعات بيكون فيه اقراص مضادة للهيستامين لعلاج الرشح وحكة الانف ممنوع للي عندهم ضغط واطي ⬇️ يعني ماينفعش للبنات 🤗 😀 وبيسبب النعاس واضطراب ف ضربات القلب
عندنا ف مصر مافيش اي رقابة ع الادوية ال (OTC) اللي هي بيطلعها الصيدلي بدون اشراف طبيب، عشان كدا انت لازم تقرا وتعرف الصح والغلط عشان صحتك 😏
انتظرونا ف موضوع عن حقنة البرد بردو 😂😂

31/10/2017

انتباه كل الامهات عشان نفهم

دي صورة التهاب في الحلق ( الزور ) لطفلين ..

- الصورة اللي فوق: الطفل عنده التهاب بكتيري في الحلق و باين الصديد اللي على اللوز .. الطفل اللي فوق محتاج طبعا مضاد حيوي و يا ريت كمان لو دكتور شاطر ياخد مسحة و يعمل مزرعة عشان لو الالتهابات متكررة

- الصورة اللي تحت (( ودي اللي بيجي بيها ٩٥٪؜ من الاطفال على فكرة)) .. احمرار و احتقان في الحلق .. حضرتك دي عدوى فيروسية مش محتاجة مضاد حيوي ابدا .. كل اللي محتاجاه راحة و سوايل و تنضيف للانف لو في رشح ..

السخونية مش بنشخص بيها ابدا احتياج الطفل للمضادات الحيوية .. حتى لو حرارته وصلت ٤٠ !!

لو ابنك بيسخن و زوره بيوجعه بصي عليه .. في صديد في مضاد .. مفيش صديد مفيش مضاد و متزنيش على دكتورك عشان يكتبهوله !