Bestfed Clinic

Bestfed Clinic The first multi-specialty clinic focused on women's and children's health in the areas of breastfeed

كل سنة وانتو بألف خير،العيادة هتكون أجازة، بكرة الجمعة ٦ أكتوبر..
05/10/2023

كل سنة وانتو بألف خير،
العيادة هتكون أجازة، بكرة الجمعة ٦ أكتوبر..

ذكرى المولد النبوى الشريف، كل سنة وانتو طيبين..العيادة اجازة يوم الجمعة ٣٠ سبتمبر..
27/09/2023

ذكرى المولد النبوى الشريف، كل سنة وانتو طيبين..
العيادة اجازة يوم الجمعة ٣٠ سبتمبر..

كل رمضان وانتو بخير 💕
22/03/2023

كل رمضان وانتو بخير 💕

Bestfed clinic team wishes you a happy Mother’s day 💕
21/03/2023

Bestfed clinic team wishes you a happy Mother’s day 💕

28/02/2023

خبر مهم...
We are relocating..
نعتذر عن حجز أي مواعيد الفترة الحالية، ودة عشان بننقل مكان العيادة..
هنكون موجودين إن شاء الله في نفس الشارع،
هنتنقل بس عمارة واحدة
24 شارع نبيل الوقاد،
الدور الخامس،
شقة 11..
التليفونات هتفضل مفتوحة في مواعيد عمل العيادة،
نوعدكم هنحاول نخلص في أقرب وقت، والسكرتارية هيبلغوكم بالمواعيد إن شاء الله..
شكرا لتفهمكم..

اتكلمنا البوست اللي فات عن تخزين اللبن المتشفط، وهنتكلم في البوست دة عن الأوعية المناسبة للتخزين:- أولا: وعاء زجاج، ده آ...
17/11/2022

اتكلمنا البوست اللي فات عن تخزين اللبن المتشفط، وهنتكلم في البوست دة عن الأوعية المناسبة للتخزين:
- أولا: وعاء زجاج،
ده آمن جدا لأنه أقل تفاعل مع أي سائل،
عيوبه: ممكن يتكسر، ولو حطيناه في الفريزر ممكن يفرقع لو الوعاء مليان علي الاخر.

- ثانيا: وعاء بلاستيك،
زي أكواب تخزين اللبن،
ميزته إنه مش بيتكسر،
عيوبه: لو نوع مش كويس ممكن يتفاعل مع اللبن، فا لازم نتأكد إن البلاستيك نوعه كويس، ويكون BPA free، ولازم يكون مكتوب كدة على الوعاء.

- ثالثا: أكياس تخزين اللبن،
ميزتها إنها بتاخد كمية كبيرة في مساحة قليلة،
عيوبها: لو هي خامتها مش كويسة ممكن تتقطع، وكمان غالية شوية، ومش دايما متوفرة.

- رابعا: الوعاء الخاص بمكعبات التلج،
ميزته إنه بيخزن كميات صغيرة منفصلة؛ عشان نقدر نحسب كل مكعب أد إيه لو هنحضر رضعة صغيرة،
لازم كمان يكون BPA free وله غطاء يفصله عن محتويات التلاجة او الفريزر..

اتكلمنا في البوست اللي فات عن الشفاط،البوست دة هنتكلم عن اللبن المتشفط، وازاي نخزنه لحد ما نستعمله..طبعا لازم نتفق إن ال...
10/11/2022

اتكلمنا في البوست اللي فات عن الشفاط،
البوست دة هنتكلم عن اللبن المتشفط، وازاي نخزنه لحد ما نستعمله..
طبعا لازم نتفق إن الرضاعة الطبيعية هي الأهم، فا المباشر يكسب.

- لو درجة الحرارة مابين ٢٤-٢٨، ممكن نسيبه ٤ ساعات أما لو أبرد شوية من ١٨-٢٤، ممكن نسيبه ٦ ساعات.
- طيب لو هنطول عن المدة دي أو الدنيا حر أكتر من كدة:
يبقى هنحتاج تلاجة، اللبن يقعد فيها من غير ما يتأثر أسبوع -٧ ايام- بس، بشرط يكون في أول رف من فوق، جوة مش في الباب.
- لو المدة هتطول عن كدة، أو الأم بتخزن عشان لما تنزل الشغل:
يقعد في الفريزر لمدة ٦ شهور، وهنا في شوية خصائص -وإن كانت بسيطة- بتتغير في اللبن مش بيكون زي الفريش، ولكنه مش مضر، ولا فايدته قلت..
- أما لو -لا قدر الله- الطفل محجوز في الحضانة، بنقلل مدة التخزين دي شوية؛ عشان نتأكد إن اللبن ماتأثرش اطلاقا..

ماتنسيش تسألي استشاري رضاعة طبيعية عن أي شيء يتعلق بتخزين اللبن؛ عشان تاخدي المعلومة الصح من المتخصصين.

هنتكلم البوست اللي جاي عن الأوعيه المناسبة لتخزين اللبن بصورة صحيحة.

هل شفاط الثدي (breast pump) مهم، ولا لأ؟! سؤال بيدور في بال كتير من الحوامل، أو الأم اللي ولدت، وسمعت إن الشفاط مهم..هو ...
08/11/2022

هل شفاط الثدي (breast pump) مهم، ولا لأ؟!
سؤال بيدور في بال كتير من الحوامل، أو الأم اللي ولدت، وسمعت إن الشفاط مهم..
هو فعلا مهم، وله كذا استخدام:
1- لو حصل احتقان للثدي، وتحجير خاصة في الأيام الأولى..
2- لو لسة وضعية التقام الفم مش مظبوطة فا الشفاط هنا بيساعد على نزول اللبن وبالتالي تخفيف الألم الناتج عن تحجر الثدي ويمنع حدوث التهابات بالثدي.
3- آلام شديدة بالحلمة تخلي الأم مش قادرة ترضع مباشرة، التشفيط مؤقتاً لحد ما جرح الحلمة يتحسن.
4- لو إنتاج اللبن لأي سبب كان مش كافي، الشفاط بيساعد علي تحفيز الثدي، وبالتالي الإنتاج بيكون أفضل مع الاستمرارية.
5- لو الأم نازلة الشغل، بتشفط اللبن عشان تقدر تسيب لبن كافي للطفل أثناء غيابها.
6- في الشغل نفسه عشان تحافظ علي الإنتاج، ومايقلش بسبب قلة الرضاعة اثناء فترات الشغل.
7- لو لا قدر الله الطفل اتحجز بعد الولادة في الحضانة، والأم عايزة تحافظ علي الإنتاج وعشان نتجنب حدوث تحجير بالثدي لحد ما الطفل يخرج لها بالسلامة، وفي نفس الوقت عشان لما يبتدي رضاعة وهو في الحضانة، يكون من لبن الأم اللي هيفرق جدا في تحسن حالته الصحية.

مهم اوي المتابعة مع استشاري رضاعة لمعلومات أكتر عن الاستخدام الصحيح لكل أم ولكل نوع شفاط للتأكد إن مقاسه مظبوط، ومش بيسبب أي ألم أثناء استخدامه.

تابعونا البوست اللي جاي، هنتكلم عن طرق تخزين اللبن المتشفط بطريقة سليمة.

الأفضل إن الأطفال حديثي الولادة ما ياخدوش حمام في أول ٢٤ ساعة،ودة عشان نحافظ على المادة البيضا اللي بيتولدوا بيها على جس...
05/11/2022

الأفضل إن الأطفال حديثي الولادة ما ياخدوش حمام في أول ٢٤ ساعة،
ودة عشان نحافظ على المادة البيضا اللي بيتولدوا بيها على جسمهم -vernix caseosa-، اللي ليها فوايد كتيرة في الحفاظ على المناعة، ودرجة حرارة الجسم..
بعد كدة، الأفضل إن الطفل يستحمى يوميا -مرة أو اتنين- في الصيف،
ويوم بعد يوم في الشتا..

التباس الحلمات، هو رفض الطفل إنه يرضع رضاعة طبيعية مباشرة من الأم، أو إنه يفضل يعض ويرفض يلتقم الثدي بصورة صحيحة،كتير من...
03/11/2022

التباس الحلمات، هو رفض الطفل إنه يرضع رضاعة طبيعية مباشرة من الأم، أو إنه يفضل يعض ويرفض يلتقم الثدي بصورة صحيحة،
كتير من حالات التباس الحلمات اللي بتحصل للأطفال الرضع، ممكن نقدر نتجنبها بإن الطفل بعد الولادة ما ياخدش ببرونة أو تيتينا على الأقل لحد مايكمل ٦ أسابيع من العمر..

بعد الولادة، الأطفال حديثي الولادة بيحتاجوا نتابع الصفرا عندهم اعتبارا من اليوم الأول،أسباب الصفرا كتير، وكل نوع ليه جدو...
31/10/2022

بعد الولادة، الأطفال حديثي الولادة بيحتاجوا نتابع الصفرا عندهم اعتبارا من اليوم الأول،
أسباب الصفرا كتير، وكل نوع ليه جدول المتابعة الخاصة بيه،
بس في كل الأحوال، لازم الصفرا تتقاس على الأقل أول يوم وبعدها الطبيب بيحدد معاد المتابعة اللي بعده..
لو لا قدر الله، الصفرا وصلت لرقم محتاج علاج،
فا دة معناه -للأسف- العلاج الضوئي في الحضانة، او أي وسيلة أخرى للعلاج برده في الحضانة،
لكن اللمبات الفلورسينت العادية مش علاج..
انتظام الرضاعة الطبيعية، واحدة من الأسباب اللي بتحمي من بعض أنواع الصفرا الوليدية..

مش لازم الأم المرضعة، توقف الرضاعة أول ماتعرف إنها حامل..في أغلب الحالات ممكن الأم تكمل رضاعة طول الحمل، طالما الحمل ماش...
03/10/2022

مش لازم الأم المرضعة، توقف الرضاعة أول ماتعرف إنها حامل..
في أغلب الحالات ممكن الأم تكمل رضاعة طول الحمل،
طالما الحمل ماشي كويس بدون اي مشاكل -لا قدر الله-..
الحالات اللي بننصح فيها بتوقيف الرضاعة والفطام الكامل هي بس حالات الحمل الخطرة، أو اللي حصلها أي مشكلة هددت الحمل،
ودة بعد المراجعة مع طبيب النسا والولادة..

Address

24th Nabil Elwakkad
Heliopolis
BESTFEDCLINIC 01222700104 HTTPS://MAPS.APP.GOO.GL/9DKWBCQZANLZRNW78

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Friday 2pm - 9pm
Saturday 10am - 10pm
Sunday 10am - 10pm

Telephone

+201222700104

Website

Alerts

Be the first to know and let us send you an email when Bestfed Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Bestfed Clinic:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category