Psych Clinics

Psych Clinics In a safe accepting holding environment we facilitate your healing journey with evidence based therapy. Fighting mental illness stigma.

We are a team of mental health professionals (psychiatrists and psychologists). All team members are internationally trained and supervised to assure providing you with evidence based treatment plans that are individualized, flexible, and more responsive to patient needs, goals and changes. Our team of psychiatrists provide medical care and pharmacotherapy when needed based on the latest internati

onal guidelines. We offer praise for the force of life through supporting your mental health, mind body wellness and facilitating your self healing journey in a safe, contained environment. Embodied therapeutic presence is a central resource in our clinical work as the therapeutic relationship is the primary and most important vehicle for healing and change. As psychotherapists we provide individual psychotherapy sessions (adult and child), couples and group therapy. Our services are provided in Arabic, English and German.

انك قد تنسى كل شئ ولا تنسى البداياتمن رواية سرور - طلال فيصل
01/05/2026

انك قد تنسى كل شئ ولا تنسى البدايات

من رواية سرور - طلال فيصل

إزاي القلق يكون "قوّتك الخارقة"؟القلق مش دايماً شعور مزعج محتاجين نتخلص منه؛ بالعكس، القلق المعدل هو شعور صحّي له وظيفة ...
30/04/2026

إزاي القلق يكون "قوّتك الخارقة"؟

القلق مش دايماً شعور مزعج محتاجين نتخلص منه؛ بالعكس، القلق المعدل هو شعور صحّي له وظيفة في حياتك، ودور أساسي في حمايتك، وبقاءك، وحتى تحسين جودة الحياة!
إعرف إزاى وإمتى القلق بيشتغلك لصالحك مش ضدك:
القلق هو رادارك الشخصي، بيخلي حواسك تحس الخطر قبل ما يقع ويشجعك تاخد خطوات تحمي نفسك. مثلا ماشي في شارع ضلمة، القلق بيخليك تختار شارع تاني منوّر.

جرعة القلق المعتدلة بتعلّي أداءك وتزوّد تركيزك. لو قلقان من الامتحان، هتذاكر بتركيز وكفاءة أكبر وهتحل أفضل تاني يوم!

القلق الاجتماعي البسيط بيساعدك تراعي مشاعر الآخرين، وتتجنب الرفض وتحترم الآخرين، يعني لما توصل في معادك مظبوط هتكون محبوب ومقبول، وتضمن الانتماء للمجموعة.

ضيف خفيف، بيزورك وقت ما تحتاجه فقط، يعني إنت عديت الشارع خلاص؟ خلّصت الامتحان؟ وصلت في معادك؟ كده مشكلتك اتحلت، والقلق مهمته خلصت فبيمشي.

اسمع لصوت قلقك، وخليه يكون البوصلة اللي بتدلك على الطريق، والطاقة اللي بتعلي كفاءتك، اسمحله يكون"سوبر باور" بتساعدك، بدون ما يزيد عن حدّه ويعطلك.

وإنتِ.. إزاي القلق ساعدك بشكل فعّال قبل كده في حياتك؟ شاركنا قصتك!

ليه الفيتامينات لوحدها مش هتعالج جسمك القلقان؟أول نصيحة بتسمعها لما تحس بإجهاد مزمن هي: "خد فيتامينات تقويك!". لكن لو تع...
27/04/2026

ليه الفيتامينات لوحدها مش هتعالج جسمك القلقان؟

أول نصيحة بتسمعها لما تحس بإجهاد مزمن هي: "خد فيتامينات تقويك!". لكن لو تعبك سببه القلق المستمر، الفيتامينات لوحدها مش هتكون الحل.
القلق بيحط جسمك في "وضع طوارئ" مستمر، ومخك مابيبقاش شايف إن الخطر انتهى. لما الحالة دي بتطول، أجهزة جسمك بتستهلك فعلاً، وبتبدأ تظهر أعراض مرضية مزعجة ومأثرة على جودة حياتك..

القلق = صداع واكتئاب:

هرمونات الإجهاد لما تزيد في مخك، بتؤدي لصداع المستمر وبتسحب طاقتك لحد ما تلاقي نفسك في فخ الاكتئاب.

القلق = ضغط وأمراض قلب:

قلبك مش مصمم يفضل يدق بسرعة طول العمر؛ ولكن زيادة ضربات القلب المتكررة مع القلق، بترفع ضغط الدم وبتحط حمل كبير على شرايين، وبيعرضك لأمراض القلب المزمنة.

القلق = مناعة ضعيفة:

جسمك لما ينشغل بـ خناقات وهمية مع أفكارك، بيسيب خط دفاعك الأساسي مكشوف، بتلاحظ إنك بتمرض أكتر، وبتتعدى من أى حد بسهولة، وكمان تاثير التطعيمات في جسمك مش بنفس الكفاءة.

القلق = قولون عصبي:

القولون والمخ بينهم شبكة تواصل، ولما القلق يتمكن من المخ، القولون بيكون ضحيته بالتبعية، بتلاقي نفسك بتعاني من انتفاخ ومغص واسهال أو إمساك بشكل مزعج ومأثر على حياتك اليومية.

القلق المستمر رسالة استغاثة بتقولك: هدّى جهازك العصبي قبل ما يفقد قدرته على الاحتمال

وإنت؟ القلق المستمر بيظهر في جسمك إزاى؟ شاركنا

توفيق الحكيم - أشواك السلام
24/04/2026

توفيق الحكيم - أشواك السلام

هل تعلم يا صديقي إن القلق مُعدِي؟اعرف إزاى لغة الأهل بتنقل القلق للطفل، مش بس تصرفاتهم!أولا مخ الطفل زي الإسفنجة: بيمتص ...
23/04/2026

هل تعلم يا صديقي إن القلق مُعدِي؟

اعرف إزاى لغة الأهل بتنقل القلق للطفل، مش بس تصرفاتهم!

أولا مخ الطفل زي الإسفنجة: بيمتص الإشارات والكلمات من محيطه، زي لغة جسدك القلقانة، ونبرة صوتك واختيارك للكلمات، كل ده بيساعد القلق ينتقل لطفلك.

ثانيًا اختيارك للكلمات: كلمات زي "حاسب" "خد بالك" "هتقع" "اوعى تسيب إيدي" بتوصل للطفل إن اللعب ده خطر لازم يهرب منه، واللعب الحر اللى بيحتاجه عشان يطلع طاقته ويتعلم مهارات جديدة، بيتحول لمصدر تهديد.

ثالثًا تعبيرات وجهك: القلق الواضح على وشك، مع النَفَس والحركة السريعة بيدي للطفل إشارة إن العالم كله مكان غير آمن، وبيتحول من طفل بيستكشف العالم، لطفل بيراقب العالم بحذر، زي ما اتبرمج من صغره!

رابعًا التفكير الكارثي: يعني تهويل الأحداث اليومية العادية، وإعطاء ردود أفعال غير متناسبة مع حجم الموقف، وده بيعلّم الطفل يفكر في أى مشكلة على إنها مصيبة، وده بيؤدي للهشاشة النفسية، والعجز عن حل المشكلات واتخاذ القرارات لما يكبر.

عشان كده تغيير لغة الأهل وكمان السعي لعلاج أعراض القلق عندهم، خطوة مهمة لسلامتهم وسلامة أولادهم النفسية!

لو القلق مأثر على حياتك وحياة أولادك، سايك كلينيك هي مكانك المناسب، هتلاقي متخصصين يساعدوك تتعامل مع أفكارك القلقة وتعيش الحياة اللى تستحقها إنت وأولادك!

تواصل معنا أو زور موقعنا (اللينك في التعليقات)

At Psych Clinics, we believe in bringing the latest neuroscience research directly into our treatment rooms. Proud to ha...
21/04/2026

At Psych Clinics, we believe in bringing the latest neuroscience research directly into our treatment rooms. Proud to have our therapists representing our commitment to evidence-based care at the BUE conference.

ديمًا حاسس إن فيه مصيبة هتحصل؟القلق ممكن يظهر في حياتك بأشكال مختلفة، تفكير زيادة في كل موقف، خوف إن حبايبك يكون حصلهم ح...
20/04/2026

ديمًا حاسس إن فيه مصيبة هتحصل؟

القلق ممكن يظهر في حياتك بأشكال مختلفة، تفكير زيادة في كل موقف، خوف إن حبايبك يكون حصلهم حاجة لو اتأخروا في الرد شوية، مش قادر تقعد في مكانك وبتفرك كتير، وأعراض تانية كتير.

إيه اللى تقدر تعمله بنفسك عشان تقلل القلق شوية؟

*قلل قعدة، زوّد حركة: اتحرك كتير، إمشي، إلعب رياضة، قوم من على الكنبة شوية، اطلع وإنزل السلالم كلما أمكن،

*قلل من الشاشات: سيب الموبيل من إيدك قبل النوم بنص ساعة عالأقل، متمسكش الموبيل أول ما تصحى من النوم.

*قلل من الكافيين: الكافيين بيزود القلق لأنه بينشط الجهاز العصبي، إشرب 3 جرعات اسبريسو، أو 4 أكواب شاي، أو كوبين قهوة سريعة الذوبان فقط في اليوم، وابعد تمامًا عن مشروبات الطاقة. وقف كافيين عالعصر عشان ميأثرش على جودة نومك بليل وبالتالي يزود التوتر أكتر.

*متقعدش لوحدك: قرّب من حبايبك، شارك أفكارك مع صديق بيسمع كويس وبيهوّن عليك، أو فرّغ أفكارك في كشكول أو نوت على موبيلك أول بأول.

*قول "لأ": اتعلم إزاى تحط الحدود اللى تناسبك، أجّل الموافقة على طلبات الآخرين لحد ما تفكّر فيها، واقرأ عن الأسلوب التوكيدي في التعامل مع الآخرين.

لو القلق مأثر على حياتك وعلاقاتك، ومانعك تعيش حياة طبيعية، سايك كلينيك هي مكانك المناسب، هتلاقي متخصصين يساعدوك تتعامل مع أفكارك القلقة وتعيش الحياة اللى تستحقها!

تواصل معنا أو زور موقعنا (اللينك في التعليقات)

18/04/2026

إيه الحاجة اللي قررت إنها محتاجة تخلص.. بدون ما تكون مثالية؟

نجيب محفوظ - أفراح القبة
17/04/2026

نجيب محفوظ - أفراح القبة

تخيل إن على الأقل 300 مليون إنسان حوالين العالم بيعانوا من القلق!البيئة اللي حوالينا ليها دور كبير في شحن أعصابنا؛ بداية...
15/04/2026

تخيل إن على الأقل 300 مليون إنسان حوالين العالم بيعانوا من القلق!

البيئة اللي حوالينا ليها دور كبير في شحن أعصابنا؛ بداية من الظروف اللي اتربينا فيها زي القسوة أو الحماية الزيادة اللي بتخلق خوف جوانا، وضغوط الحياة اليومية والمشاكل المادية اللي مابتخلص.

ده غير تأثير المكان نفسه، لأن الحياة في دوشة وزحمة وتلوث، مع نقص المساحات الخضراء والزرع، بيخلي الواحد يحس بضيق وعجز.

ضيف عليهم الضغط الاجتماعي الرهيب عشان نثبت نفسنا، وحتى الخوف من كوارث الطبيعة ومستقبل الكوكب، كل دي عوامل بيئية بتجمع مع بعضها وتخلي التوتر جزء دائم من يومنا.

دي علامات لو لقيتها عندك، يبقى مستويات القلق عندك عالية ومحتاجة منك تدخّل في أقرب وقت:

العصبية وسرعة الاستثارة: جسمك بيبقى في حالة استنفار، وأعصابك مشدودة طول الوقت، خُلقك ضيق وأي كلمة صغيرة من حد في البيت أو الشغل ممكن تخليك تنفجر.

دوامة الأفكار: بتحس إنك محبوس جوه فكرة "لو حصل كذا.. هعمل إيه؟" بتفكر في الشغل، والفلوس، والعيال، وصحتك.. كله في وقت واحد، مش عارف توقف الأفكار دي حتى وإنت نايم.

صعوبة الاسترخاء: بتحس بالذنب لو قعدت مبتعملتش حاجة، وكأن الاسترخاء ده "تضييع وقت" أو رفاهية، حتى وأنت قاعد قدام فيلم أو في خروجة، دماغك "مش هنا"، بتفكر في اللي وراك بكرة أو في مشكلة حصلت امبارح.

التململ والحركة العصبية: لو حاولت تقعد ثابت، بتحس بضيق في صدرك أو عدم راحة بيخليك لازم تتحرك عشان تهدي التوتر ده. طاقة القلق المحبوسة بتتحول لحركات لا إرادية زي هز الرجل أو طقطقة الأصابع، أو إنك تقوم وتقعد كل شوية.

توقع الكوارث: دايمًا بتتوقع الأسوأ، لو حد اتأخر في الرد على التليفون، أول فكرة بتيجي في بالك إنه عمل حادثة! عقلك بيرسم سيناريوهات مستقبلية من منظور الخوف حتى لو كانت غير واقعية.

لو القلق مأثر على حياتك وعلاقاتك، ومانعك تعيش حياة طبيعية، سايك كلينيك هي مكانك المناسب، هتلاقي متخصصين يساعدوك تتعامل مع أفكارك القلقة وتعيش الحياة اللى تستحقها!

تواصل معنا أو زور موقعنا -اللينك في التعليقات🔗⬇️

الأعياد والأجازات فرصة هايلة لشحن الطاقة، إعادة التواصل مع الأسرة والأصحاب، والخروج من هدوم الشغل لملابس مجازية أكثر راح...
13/04/2026

الأعياد والأجازات فرصة هايلة لشحن الطاقة، إعادة التواصل مع الأسرة والأصحاب، والخروج من هدوم الشغل لملابس مجازية أكثر راحة وتلقائية.

سايك بالعربي بتقولك: استغل الأجازة الطويلة دي في الاستمتاع، اعتذر عن أى شغل إضافي، أجّل القلق وحدد معاد لاحق تقعد تراجع فيه كل أفكارك القلقة، وخد قرار واعي إن الأجازة دي للاستمتاع والراحة وبس!

قولنا إيه أول كلمة بتخطر على بالك لما تسمع عن "عيد الربيع"؟ 😍🌼🌸🌺

دليل النجاة الفردية -أحمد أبو الوفا
10/04/2026

دليل النجاة الفردية -أحمد أبو الوفا

Address

عمارة 11 شارع اسحق يعقوب متفرع من شارع النزهه/الماظه/الدور الثاني شقه 4
Heliopolis
4461134

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 9pm
Saturday 9am - 9pm
Sunday 9am - 9pm

Telephone

+201116174490

Website

Alerts

Be the first to know and let us send you an email when Psych Clinics posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Psych Clinics:

Shortcuts

Share

Category