23/07/2025
حالاتى الحلوين بعد غياب شوية حلوين وحشتونى جدآ❤️ وبمناسبة أن كتير منكم الأيام دى بيبعتولى أسئلة مصحوبة برعب شديد عن مدى صحة المنشور الخاص بأن حبوب منع الحمل المركبة تؤدى لحدوث سرطان فأنا حبيت اجاوبكم كلكم هنا لضيق الوقت أنى ارد على كل حد لوحده حبيت ابدأ كلامى ليكم أن وسائل منع الحمل متعددة وكل اختيار ليه إيجابيات وليه سلبيات زيه زى أى منتج بنشتريه وبما أن المنتج اللى هتكلم عنه هو خاص بحاجة مهمة اوى للجميع وان فشلها معناه مشكلة كبيرة لكل ام بتدور على حياة صحية سليمة سواء بتنظيم فترات الحمل بين كل طفل والتانى أو لظروف صحية ليها قررت عدم الانجاب فبما أن السؤال المخيف ده اتبعتلى منكم كتير
فأنا بقولكم مافيش داعى للخوف ابدآ لأن حدوث سرطان بيتوقف على المدة الطويلة من استخدامك اللى هى سنوات طويلة من غير ما توقفى وده نادرآ ما يحدث أو أن حضرتك عندك جينات معينة لوجود تاريخ مرضي للأسرة فده بيعرضك بنسبة وغير معلومة والأكيد أن قبل الدكتور ما بيوصفها ليكى بيكون سألك السؤال ده ولو في مشكلة مش هيوصفهالك ابدآ وعلشان كدة وجب التنويه لكل أم انها قبل ما تستخدم أى وسيلة المفروض بتتناقش مع الطبيب المختص 🤦🤦🤦
#طيب يادكتورة ممكن تعرفينى ايه هى الوسائل الهرمونية المتاحة لينا نختار منها ؟
هقولكم على الوسائل المتاحة عندنا فى مصر أولهم الحبوب المركبة واساميهم التجارية كتير ودى اللى بتحتوى على نوعين من الهرمونات هرمون البروجسترون وده انا بسميه الهرمون الطيب اللى بيحب كل الستات ومش بيقدر يزعلهم 🫣وهرمون تانى وهو الاستروجين وده بسميه الهرمون الشرير ووجوده بيعمل قلق ومشاكل وده كان السبب الرئيسى لحالة الخوف اللى حصلت ليكم فالحقيقة أن وجود هرمون الاستروجين خلى بعض السيدات مينفعش ياخدوه
زى مين بقى يادكتورة 🤔
ببساطة شديدة السيدات اللى عندها تاريخ للإصابة بجلطات دموية أو سكتة دماغية أو ارتفاع ضغط الدم الشديد أو بعض أمراض القلب أو وجود أنواع السرطان المعتمدة على الهرمونات أو ارتفاع الكوليسترول في الدم بالإضافة إلى التدخين خاصة لو السن اكبر من 35 سنة
علشان كدة لازم لازم تستشيرى طبيبك قبل ما تاخديها🤗
#النوع التانى من الحبوب وهى حبوب المنع أحادية التركيب ودى بقى اللى فيها الهرمون الطيب اللى بيحب الستات هرمون البروجسترون وعلشان كدة معظم السيدات اللى بترضع أول ست شهور ممكن تاخدها ودى بتكون ٢٨ قرص ومش بنوقفها ناخدها متواصل وبتكون وسيلة آمنة خفيفة كدة بس مش كل الحالات هتنفع تستمر عليها طبعآ وده بنحدده سوى🤝
#إبرة منع الحمل
ودى في منها نوعين النوع الأول مركبة بتحتوى على الاتنين هرمون وتأثيرها زى الحبوب المركبة بس الميزة أنها بتتاخد كل شهر مرة واحدة بس مش كل يوم ودى للحالات اللى بتنسى 🙃 النوع التانى بقى بتحتوي على هرمون البروجسترون فقط ودى بتتاخد كل تلات شهور والإختيار بقى الأنسب ده بنعرفه سوى ☺️
#الكبسولة تحت الجلد ودى بتحتوى على هرمون البروجسترون وبتكون مدتها ثلاث سنوات اوقات بتكون اختيار مناسب لبعض السيدات واختيار غير موفق لغيرهم بس لما بنعرفك بالايجابيات والسلبيات انتى هتختارى من غير ما تحتارى☺️
#اللولب الهرمونى وده بقى حبيب الملايين و ستات كتير بيحبوا يطلبوه منى حتى بعد انتهاء مدة فعاليته اللى هى خمس سنوات وده لأنه مريحهم جدآ وطبعآ بيختلف عن اللولب النحاسي أنه بيحتوى على هرمون البروجسترون اللى بيكون ليه أهمية فى بعض الحالات المرضية اللى مش مناسب ليها غيره وده بنحدده سوى واحنا بنختار وبعرفك الفرق بينه وبين اللولب النحاسي واللولب الفضي من حيث الفعالية والمدة الزمنية ليه وهل ينفع ولا لا كل ده بنعرفه واحنا بنختار سوى🤗
#اتمنى اكون جاوبت باختصار بعض الأسئلة اللى جاتلى
#لو محتارة فى اختيار الوسيلة الآمنة ليكى والمناسبة تقدرى تتواصلى معانا ونختار سوى ايه الانسب والأقل ضررآ والأكثر إفادة ليكى ☺️
#متاح فى العيادة تركيب كل انواع اللوالب حسب حالتك
#مستنياكم ♥️
#عيادة النساء والتوليد وعلاج العقم والتجميل النسائى وجراحات المناظير النسائية
#للحجز والإستعلام
٠٤٥٢٨٤٢٦٣٢
#ادكو بجوار مسجد سيدى خلف
#دمتم سالمين وبخير جميعآ❤️
