Ismailia DIC

20/12/2025

✳️ علاج chickenpox ✳️

💊كلاميل لوسيون موضعي لتقليل الحكة
💊باراسيتامول لخفض درجة الحرارة
💊مضادات الهيستامين لتقليل الحساسية والحكة
🥤شرب كميات وفيرة من الماء
💦الإستحمام بالماء الدافئ يُقلل من فرص الإصابة بالعدوي البكتيرية

💊اسيكلوڤير يتاخد خلال اول ٢٤ -٤٨ ساعة من بداية ظهور البثور (لأن ذلك يُقلل من فترة و حِدة الأعراض )لكن لامانع من البدء به بعد مرور ٤٨ ساعة طالما مازالت البثور نشطة(ممتلئة بالسوائل).
💊يُفضل تناول اسيكلوڤير عن طريق الفم إلا في الحالات الشديدة والمرضي ذوي المناعة المنخفضة
💊جرعات اسيكلوڤير المعتادة :
الكبار : ٨٠٠مجم ٥ مرات يومياً لمدة من ٥-٧ أيام أو يستمر حتي يتم جفاف البثور وتكوينها لقشرة خارجية
الاطفال : ٢٠مجم/كجم ٤مرات يومياً لمدة ٥ أيام (الجرعة القصوي ٨٠٠مجم لكل جرعة)

💉جرعات اسيكلوڤير بالحقن الوريدي في
الحالات الشديدة :
الكبار والأطفال : ١٠مجم/كجم كل ٨ ساعات لمدة من ٧-١٠ أيام ويمكن الإنتقال من الحقن للأقراص بعد إنخفاض درجة الحرارة ويستمر العلاج حتي يتم جفاف البثور وتكوينها لقشرة خارجية

20/12/2025

⁉️‼️بيتنقل ازي chickenpox من شخص للتاني؟
بيتنقل بطريقتين
❇️ لمس السوايل داخل الحبوب المنتشرة علي جلد المريض
❇️ بالهواء لو لامست الافرازات التنفسية المريض لو عطس 🤧او كح😮‍💨
⛔️المريض بيكون مُعدي من قبل يومين من ظهور البثور علي جلده لحد ماتنشف وتكون قشرة
⏱️وفي الفترة دي المفروض المريض يتعزل عشان ماينقلش المرض لغير

20/12/2025

20/12/2025

هنتكلم انهاردا عن مرض مُعدي هو chickenpox او varicella او الجدري المائي كلها مُسميات لنفس الحاجة ✨
🤌🏻تعالو نعرف الاول هو ايه؟
هي عدوي فيروسية بيسببها ڤيروس اسمه
Varicella zoster virus
هو ڤيروس مُعدي جداً لو أصاب الشخص اول مرة بيعمله الجدري المائي اللي منتشر اكتر بين الاطفال وبيفضل الڤيروس كامن في الاعصاب وفي حالة الشخص دا اتعرض تاني لنفس الڤيروس في الحالة دي بيسبب له الحزام الناري او shingles

⚠️الاصابة في الاطفال غالباً مش بتكون حادة لكن بتكون اكثرحدة في الكبار وكمان المشكلة ان بيكون له مضاعفات شديدة في الكبار والحوامل وذوي المناعة الضعيفة

17/11/2025

📣 دعوة :الاسبوع العالمي للتوعية بالمضادات الحيوية
…………………………………………………………………….

تزامناً مع الاسبوع العالمي للتوعية بالمضادات الحيوية وفي إطار حرص هيئة الرعاية الصحية بمحافظة الإسماعيلية على تعزيز الوعي الصحي داخل جميع المستشفيات والوحدات والمراكز التابعة لها، نطلق فعاليات أسبوع التوعية بالمضادات الحيوية، والذي يُقام سنويًا في الفترة من 18 إلى 24 نوفمبر.
تهدف هذه الحملة إلى نشر الفهم الصحيح لاستخدام المضادات الحيوية، والتأكيد على مخاطر إساءة استخدامها، ودورها في ظهور مقاومة المضادات الحيوية التي تُعد من أكبر التحديات الصحية عالميًا.
وتستهدف فعاليات الأسبوع كلًّا من الأطقم الطبية من أجل دعم الممارسات العلاجية الرشيدة، والمرضى وذويهم لرفع مستوى الوعي بالاستخدام الآمن والمسؤول للمضادات الحيوية، بما يساهم في حماية صحة المجتمع والحفاظ على فعالية الأدوية للأجيال القادمة.
تدعوكم هيئة الرعاية الصحية بالإسماعيلية للمشاركة في هذه الحملة الهامة، والمساهمة في نشر المعرفة وبناء ثقافة صحية واعية تضمن مستقبلًا أكثر أمانًا للجميع.

04/10/2025

السلام عليكم 🫡 يارب تكونو بخير🥰

تفتكرو ليه بنستخدم مضاد حيوي وقائي قبل
العملية (Antibiotic Prophylaxis)؟🤔

الهدف الأساسي مش علاج عدوى موجودة، لكن منع حدوث عدوى جراحية
(Surgical Site Infection – SSI).
🤌🏻أثناء الجراحة، حتى مع التعقيم الشديد، في فرصة إن بكتيريا من الجلد تدخل الجرح.
👌🏻إعطاء جرعة مناسبة من مضاد حيوي مناسب
(قبل شق الجلد بـحوالي ساعة ) بيضمن إن الدواء واصل لتركيز علاجي في الدم والأنسجة وقت العملية.
طيب لو ما استخدمناش المضاد الحيوي الوقائي ممكن يحصل ايه⁉️‼️
⚠️معدل حدوث عدوى الجرح يزيد بشكل كبير
⚠️العدوى دي ممكن تسبب تأخر التئام الجرح.
⚠️احتياج لإعادة فتح الجرح وتنظيفه.
⚠️استخدام كورس طويل من مضادات حيوية علاجية (مش جرعة وقائية بسيطة).
⚠️في الحالات الشديدة ممكن توصل لتعفن الدم (Sepsis) أو فشل العملية نفسها
⚠️كمان بتزود مدة بقاء المريض في المستشفى وتكلفة العلاج.

✳️✳️✳️نيجي بقي لجزء تاني احنا ليه بنقول ان سيفازولين في غالب العمليات هو الاختيار الأمثل⁉️‼️
✅سعره رخيص
✅تغطيته للبكتيريا مش واسعة المدي ودا أفضل عشان مايعملش مقاومة للمضادات الحيوية ورغم كدا بيغطي انواع البكتريا اللي غالباً مُسببة للعدوي في العمليات
✅بيوصل بتركيز كويس في الانسجة وبالتالي بينفع مع غالب انواع العمليات

🔺🔺🔺خلي بالك سيفوتاكس مش من الاختيارات المُفضلة في الجرعة الوقائية قبل العمليات لانه مش بيغطي اشهر البكتيريا الموجودة علي الجلد والمُسببة لغالب حالات العدوي اثناء العمليات وهي
Staph aureus لكن سيفازولين بيغطيها عشان كدا كل الجايدلاينز اختارت سيفازولين كالمضاد الحيوي الاول والمثالي كوقاية قبل العملية مش سيفوتاكس

27/09/2025

السلام عليكم 🫡
يارب تكونو بخير
لو تفتكرو اخر مرة اتكلمنا عن
wilson disease
وقولنا بيحصل فيه تراكم للنحاس في الجسم والعلاج بيكون فيه محورين أساسيين الدواء والأكل
الدواء💊💊
أساس العلاج عندي D-penicillamine
جرعته بتبدأ ب ٢٥٠-٥٠٠مجم في اليوم متقسمة علي مرتين أو تلاتة في اليوم وبنزود بالتدريج ٢٥٠مجم كل اسبوع لغاية مانوصل الجرعة المزمنة اللي بتكون حوالي من ٧٥٠-١٠٠٠مجم في اليوم وبتكون برضو متقسمة علي مرتين او تلاتة يومياً
💥بيتاخد علي معدة فاضية قبل الأكل بساعة أو بعد الأكل بساعتين
💥لازم نفصل بينه وبين أي أدوية تاني بساعة
💥لو حصل حمل للمريضة اللي متشخصة ويلسون وبتاخد penicillamine بصورة مزمنة مطلوب تقلل الجرعة أثناء فترة الحمل لحوالي نصف الجرعة اللي ماشية عليها قبل الحمل
💥لو المريض هيعمل عملية جراحية لأي سبب بمافيها عمليات الولادة القيصرية يقلل جرعة penicillamine قبل العملية بحوالي ٢٥٠مجم عن الجرعة المعتادة ويرجع بعد العملية لجرعته العادية
💥لو المريض مش بيعرف يبلع الكبسولات ممكن يفضي محتوياتها في ٣٠ مللي عصير بس ياخدها علي طول من غير مايركنها
💥يُوصي إن المريض ياخد مع penicillamine ڤيتامين ب٦ بجرعة ٢٥،مجم أو ٥٠،مجم لأن مع طول الوقت penicillamibe بيقلل ڤيتامين ب٦ في الجسم

بالنسبة للأكل فدكاترة التغذية الإكلينيكية 🥰 عملو الفلاير دي 👇🏻👇🏻
فيها جدول بالأطعمة المسموحة والممنوعة مع مرض ويلسون

06/09/2025

السلام عليكم 🫡 يارب تكونو بخير🥰
هتكلم معاكو انهاردا عن مرض اسمه ويلسون Wilson Disease🙂
~~~~~~~~~~~~~~~~~~~
🤌🏻تعالو الاول نعرف ايه هو مرض ويلسون دا⁉️
❇️ دا مرض وراثي بيحصل فيه ان الجسم مش بيعرف يتخلص من النحاس وبالتالي بيتراكم النحاس في الأعضاء والأنسجة زي الكبد والعين والمخ

🥹طيب بيجي المريض بيشتكي من إيه⁉️
الأعراض بتكون حسب النحاس اتراكم في أي عضو في الجسم يعني مثلا لو اتراكم في الكبد هيظهر ع المريض أعراض صفرا وانزيمات كبد عالية لو اتراكم في المخ ممكن يحصل للمريض تشنجات ولو اتراكم في العين بيحصل حاجة مُميزة أوي يعرفها دكاترة الرمد اسمها حلقة قيصر وطبعاً لو الطبيب طلب تحاليل النحاس بيكون قليل في الدم وعالي في البول

🤷🏼‍♀️طيب احنا عاوزين نوصل لإيه من العلاج ⁉️❗️❗️
1️⃣ عاوزين نتخلص من النحاس القديم المتراكم في الأعضاء والأنسجة
2️⃣ عاوزين نمنع ان يتراكم نحاس تاني جديد في الأعضاء والأنسجة
3️⃣ عاوزين نحسن من الأعراض اللي حصلت عند المريض بسبب النحاس المتراكم في جسمه أصلاً
4️⃣ عاوزين نحسن وظايف الكبد

تمام 👌🏻 هنعمل دا ازاي بقي 🤔
العلاج عندنا فيه محورين مهمين الأول هو الأدوية والتاني هو الأكل
ودول اللي هكلمكم عليهم المرة الجاية عشان متزهقوش😁

⚠️⚠️خلي بالكم⚠️⚠️
أنا كمان كنت فاكرة زيكو كدا ان دا مرض نادر أوي ومش بنشوفه خالص لكن مؤخراً بقينا بنشوف حالات متكررة متشخصة بيه

16/08/2025

العدد الخامس من مجلة الرعاية الأولية بفرع هيئة الرعاية الصحية بالإسماعيلية
ودا لينك المجلة👇🏻

https://drive.google.com/file/d/1SKWh7SS7A4MILx7uVDckZI-5uKYsqxjP/view?usp=drivesdk

12/07/2025

هنتكلم انهاردا ان شاء الله عن
Drug eruptions او الحساسية الجلدية اللي ناتجة عن إستخدام دواء 💊 وغالباً بيكون مضاد حيوي

الإحصائيات بتقول ان حوالي٢-٣٪؜ من المرضي اللي بتستخدم المضادات الحيوية بيحصلهم حساسية بتكون علي شكل طفح جلدي او حساسية جلدية وفيه من الحساسية دي أشكال كتير بس هنتكلم انهاردا ان شاء الله عن أشهر نوع فيهم اللي بيظهر بنسبة ٩٠٪؜ من حالات الحساسية او الطفح الجلدي بسبب استخدام الادوية

خلينا نتفق ان معظم الحالات اللي بيحصل معاها الحساسية دي بتكون حالات خفيفة الي متوسطة وغالباً بتخف في خلال أيام

طيب ايه خطوات العلاج؟🤷🏼‍♀️
💥أهم حاجة لازم نوقف الدوا اللي مُتوقع يكون سبب الحساسية
⚠️بس خلي بالك لو مريض محجوز في المستشفي وحالة critical زي حالات العناية و العلاج مهم ومش نافع يوقف او ملوش بديل الطبيب بيختار يوقف او يكمل حسب risk benefit خاصًة لو كانت الحساسية بسيطة وطبعاً بيكون تحت المتابعة الدقيقة
❇️غالباً الأعراض بتخف بعد وقف الدوا خلال من ٣ ايام لاسبوع
💥علاج الأعراض غالباً بنحتاج معاها
كورتيزون موضعي
(Topical corticosteroids) وبنختار من المجموعة high potency زي
Betmathasone زي الديبروزون أو mometasoneزي الاليكون
والجرعة بتكون دهان مرتين في اليوم لمدة اسبوع او لغاية مالحساسية تخف أيهما أقرب
💥الحاجة التانية بنستخدم antihistamine وبنفضل الجيل التاني لأنه مش بيسبب النُعاس زي certizine زي ليڤوهيستام /زيرتك أو loratidine زي كلاريتين وجرعتهم بتكون قرص واحد يومياً قبل النوم
💥طب هنستخدم كورتيزون أقراص أو حقن
(Systemic corticosteroids)ولا لاء؟
في أغلب الحالات لاء إلا لو كانت الحساسية منتشرة في أجزاء كبيرة من الجسم خاصةً لو معاها إحساس شديد بالحكة أو الهرش في الحالة دي ممكن نستخدم حاجة متوسطة القوة زي prednisone وجرعته بتكون
١مجم/كجم/اليوم لمدة من ٣-٥ أيام
💥في بعض الحالات اللي مش بتستجيب للعلاج السابق ممكن نضيف gabapentin زي جابتين وبيكون له نتايج كويسة لكن لازم يكون المريض جرب العلاج التقليدي اللي قولناه فوق الأول وماجابش نتيجة وطبعاً بنبدء بأقل جرعة منه اللي هي ١٠٠مجم
💥بننصح المريض انه يعرف كويس الدوا اللي جاله من الحساسية وبننصحه ماياخودش منه تاني او حتي من دوا تاني له
Cross reactivity معاه

10/07/2025

رابع فيديو في سلسلة patient counseling tips & Tricks by Clinical pharmacist/ Nessrin Alaaeldeen,Ismailia Medical Complex