16/10/2025
📌 التهاب الأذن الوسطى عند الأطفال 👂
يا أمهات، التهاب الأذن الوسطى من أكتر الأمراض اللي بتحصل للأطفال خصوصًا تحت سن 5 سنين، وبيكون غالبًا بعد نزلة برد أو التهاب في الجهاز التنفسي. بيحصل لما تتجمع سوائل خلف طبلة الأذن ويتكاثر فيها البكتيريا أو الفيروسات.
🩺 أهم الأعراض اللي ممكن تلاحظيها:
ألم شديد في الأذن (الطفل ممكن يمسك ودنه باستمرار).
بكاء متواصل خاصة وقت النوم.
ضعف في السمع أو عدم الاستجابة للأصوات.
ارتفاع في درجة الحرارة.
خروج إفرازات من الأذن (لو الطبلة اتخرمت).
قلة الشهية أو القئ أحيانًا.
🌿 الأسباب:
نزلات البرد المتكررة.
تضخم اللحمية.
الرضاعة في وضعية غير صحيحة.
💡 النصيحة للأمهات:
لو الألم شديد أو في حرارة لازم تروحي للطبيب فورًا.
ما تستخدميش أي نقط أو أدوية بدون استشارة الطبيب.
في الحالات المتكررة ممكن يحتاج الطفل لتركيب أنابيب تهوية صغيرة في الأذن.
