مركز بداية - للدعم والتأهيل النفسي والاستشارات التربوية والأسرية

28/10/2025

صباح الخير والطمأنينة
#حنانـالقزاز
#مركزـبداية

27/10/2025

وما توفيقنا الا بالله ❤️
تعديل السلوك فى بداية
#حنانـالقزاز
#مركزـبداية

24/10/2025

بلاش تشترط الخير ييجي على إيد مين، ساعات ربنا بيختارلك الخير من طريق مكنتش متخيله، ومن ناس يمكن ماكنوش في بالك أصلاً.
مش لازم اللي ساعدتهم هما اللي يقفوا جنبك، ومش دايمًا الوفا بييجي من الاتجاه اللي كنت منتظره.
الأزمات مش دايمًا وجع، ساعات بتكون غربال بيظهرلك حقيقة العلاقات، وبيعيد ترتيب الناس في حياتك.
اتعلم تشوف الموقف بحياد، وتسيب كل واحد ياخد مكانه الطبيعي من غير وجع ولا عتاب
🧠 من الناحية النفسية:
الكلام ده بيعبر عن النضج العاطفي والمرونة النفسية. الشخص الناضج بيفهم إن الدعم مش التزام، وإن كل إنسان بيتصرف حسب قدرته ووعيه. لما نبطل نحط توقعات من الناس، نقلل من الإحباط والخذلان ونعيش براحة أكتر.
الأزمات بتكون فرصة لإعادة تقييم علاقاتنا، وتحديد مين فعلاً وجوده صحي ومين لأ. وده جزء مهم من النمو النفسي والاتزان الداخلي.
#حنانـالقزاز
#مركزـبداية

19/10/2025

لا تتخلَّ عن طيبتك، حتى وإن تغيّر من حولك! ✨

في علاقاتنا مع الآخرين، من المهم أن نتعلم كيف نضع حدودًا واضحة تحمي راحتنا النفسية وتُعبّر عن احترامنا لذاتنا.
كن صريحًا في آرائك، وعبّر عن مشاعرك بوضوح دون خوف من الرفض أو الابتعاد.
ولا تنسَ المواقف التي استُغلّت فيها طيبتك، فكل تجربة هي درس يساعدك على النضج والوعي.
تذكّر دائمًا أن وضع الحدود لا يعني القسوة
وما دمت لا تؤذي أحدًا، فلا تخشَ أن يُساء فهمك أو أن يبتعد عنك البعض.
فطيبة القلب ليست ضعفًا، بل قوة ناعمة تستحق أن نحافظ عليها. 🤍

17/10/2025

إرهاق التظاهر بالقوة

أوقات بنحاول نكون بخير قدام
الناس ، بنضحك ونتكلم عادي، بس جوانا تعب كبير محدش شايفه.
بنخاف نبان ضعاف، فبنلبس قناع القوة طول الوقت، لحد ما القناع نفسه يتقل علينا.
القوة الحقيقية مش إنك ماتتعبيش، لكن إنك تعترفي إنك محتاجة ترتاحي، تتنفسي، وتسيبي نفسك تكوني إنسانة عادية مش دايمًا قوية.
اسمها راحة نفسية مش ضعف.
#حنانـالقزاز
#مركزـبداية

14/10/2025

وما توفيقنا الا بالله ❤️
علاج اضطرابات الشخصية فى بداية
#حنانـالقزاز
#مركزـبداية

13/10/2025

وجود ناس حوالينا مش دايمًا معناه إننا في أمان نفسي.

في ناس تخليك تشك في نفسك، وفي ناس تخليك تتصالح معاها.

الفرق بين الاتنين هو "الأمان النفسي" اللي بنحسه معاهم.

اختاروا الناس اللي:

بتسمعكم من غير حُكم.

بتفهم مشاعركم من غير ما تستهين بيها.

بتحترم حدودكم.

وبتكون سبب في هدوءكم مش توتركُم.

الأمان النفسي مش رفاهية، ده احتياج أساسي للنفس عشان تقدر تنمو وتتعافى.
#حنانـالقزاز
#مركزـبداية

08/10/2025

07/10/2025

- عارف امتى تسيب صاحب عمرك ؟
١- اما ميبقاش جمبك في وحدتك.
٢-لما يخون ثقتك فيه.
٣- لما يبقى الشخص اللي بيحبطك .
٤- سيب صاحب عمرك لما يجُرك في سكة غلط .
٤- لما ميحفظش سرك .
٥- سيب صاحب عمرك لما يفضل عليك ناس تانية.
- العلاقات موجودة علشان تخلينا احسن ، علشان تبقى خفيفة على قلبنا مش محتاجة مجهود جبار علشان نحافظ عليها ، اي علاقة موجودة بتتعبك نفسياً ومرهقة لازم تنتهي لو مفيش حل طبعاً انها تتحسن.
- فلما تختار انك تستمر في ارهاق نفسك في علاقة لمجرد انها بقالها فترة كبيرة ، ما تشتكيش بعدين إنك تعبت نفسياً وطاقتك إنتهت.
- اختار نفسك دايماً "ما تخافش تصاحب نفسك خليك لوحدك احسن ما تبقى مع ناس وحاسس معاهم بالوحدة".
-هو إنك لو محتار تبعد عن أقرب الناس ليك اللي تعبوك وبقيت بتحس معاهم إنك مش مرحب بيك ومش محبوب ، ابعد وخليك لوحدك وصدقني نفسك هتشكرك في المستقبل ، ما تخافش تبقى لوحدك الوحدة مش مرعبة .
- الصحاب وجودهم بيتعوض انما حياتك ووقتك عمرهم ما هيتعرضوا.💙

05/10/2025

‏"خير الأصحاب من أحبك في الله
من إذا رأى منك خيراً نشره
وإذا عرف عنك عيباً ستره
وإذا ضحكت لك الدنيا لم يحسدك
وإذا عبست لك الدنيا لم يتركك
الصديق الحقيقي
لا يتخلى عنك حتى بعد موتك
يظل يذكرك ويدعو لك
هو من خطط لك مستقبلًا معه في الجنة
وموعدا تحت ظل عرش الرحمن !"☘️

04/10/2025

من التوفيق إنك ما تتوفقش كل مرة 💭
يعني مش دايمًا اللي بيتأخر أو ما بيحصلش، يبقى شرّ!
ساعات بيبقى ربنا مانع عنك حاجة علشان يحميك أو يجهزك لحاجة أحسن 🙏
من الناحية نفسية، العقل محتاج فترات توقف كده علشان يراجع نفسه ويعيد حساباته،
وده بيساعدك تكون أهدى وأنضج في قراراتك 💫
المنع مش دايمًا خسارة،
ده ساعات بيبقى هدية في شكل تأجيل ❤️
لأن اللي ربنا مأجلهولك ممكن يكون هو اللي هيغير حياتك كلها في الوقت الصيح.
#حنانـالقزاز
#مركزـبداية

03/10/2025

ابنى مش واثق في نفسه اعمل ايه ؟؟ 🤦‍♀️
دي مشكلة وتساؤل بقابله كتير
- أولادنا دايما انعكاس للصورة اللى جوانا وخصوصا قبل 7 سنين هو مش واثق فى نفسه لأنك مش واثقة فيه برغم أنك بتطوري قدراته المختلفة بس هو باصص جواكي وشايف تعاطفك وخوفك الغلط حرصك عليه وكأنك بمساعدتك ايد تالتة ليه وكأنه ناقص حتة
انتي عمالة تحسبي انه فاضى ومالوش أهداف
أهداف دى عرفتها بجد لما كبرنا
شغالين جلد وحطيتي قيمته فى أنه شقى مزعج لا يحتمل عنيد وهو صدق ومارس اللى شافه عندك بجدارة
ولو شايفاه ذكى مستقل قوى هيصدق ده برضو
و خلى بالك كل كلمة انتي هتقوليها لابنك سلبية أو إيجابية هتأثر فية هو بيصدقك قبل ما بيصدق قدراته ومواهبه ثقي فيه وصدقي ما يملك وهتلاقي النتيجة طفل واثق فى نفسة ايجابى