Faculty Of Medicine Suez Canal University - Students' Union

24/11/2025

و رجعنالكم تاني زي ما عودناكم 🥰
تعلن اللجنة الاجتماعية والرحلات عن اقامة
رحلة الي مدينة الا سكندرية (الجمعة١٢/٥) 🌅💙
البرنامج بتاعنا هيكون كالآتي ..
- 💥كورنيش القلعة: هنبدأ يومنا بزيارة كورنيش قلعة قايتباي ونتمشي علي الممشي اللي جنبها ولو حد حب يجيب اي سوفينير هيلاقي هناك حاجات جميله
-💥رحلة بحرية في اليخت :هنركب اليخت ونلف فالبحر بقي ونغني ونهيص (اختياري)
-وواحنا طالعين من القلعه هنروح ناكل من عند جيلاتي عزه اشهر مكان بيبيع جيلاتي ف اسكندريه ❤🔥.
-💥محطة الرمل :بعد كدا هنروح جولة حره في محطة الرمل وهنروح لكبدة الفلاح 🔥🔥وفي ناس مننا هتقعد ع الكورنيش🔥😌.
-💥جليم باي : هنطلع علي جليم باي علشان لو حد حب ياكل او يشتري حاجه .
-💥مول جرين بلازا : ونكمل سهرتنا في جرين بلازا اللي حابب يدخل الملاهي و يجرب العاب الاركيد و لو حد يشتري حاجة او يدخل السينما . (اختياري)

-💥الرجوع: هنتحرك الساعه 9 مساءاا علشان نرجع الاسماعيليه الساعه 1ان شاء الله.
*** سعر الرحله 370 جنيه (شامل التنقلات فقط)

💥💥💥💥💥💥💥💥💥💥💥💥

****معاد التجمع الساعه 4 فجرا امام بوابة صيدلة
والتحرك 4:30 ان شاء الله.
رئيس اتحاد الكلية: مصطفى عبدالجيد
أمين اللجنة الاجتماعية والرحلات : محمود علي عبدالعاطي

24/11/2025

ببالغ الحزن والأسى، ينعي إتحاد طلاب كلية الطب – وجميع طلاب الكلية – وفاة الطالب/ مصطفى محمود علام (الفرقة الأولى – طب قناة السويس).
نسأل الله العظيم أن يتغمد فقيدنا الغالي بواسع رحمته، وأن يسكنه فسيح جناته، وأن يلهم أهله وذويه الصبر والسلوان.

25/10/2025

“في إطار دور جامعة قناة السويس في إعداد أطباء واعين بقضايا مجتمعهم، تنظم كلية الطب ندوة بعنوان (بداية جديدة لبناء انسان.. ومجتمعنا امانة) بالتعاون مع الأزهر الشريف و مركز الدعم الاكاديمى بالجامعة دعماً لمبادرة السيد رئيس الجمهورية لبناء الإنسان ونشر الفكر الوسطي بين الطلاب.” و ذلك يوم الاثنين الموافق ٢٧ اكتوبر في تمام الساعة الواحدة ظهراً بمدرج ٢ بالكلية
تحت رعاية
🔹الاستاذ الدكتور/ناصر مندور، رئيس الجامعة
🔹 الأستاذ الدكتور/ محمد عبد النعيم، نائب رئيس الجامعة
لشئون التعليم والطلاب
وتحت إشراف:
🔹الأستاذ الدكتور / احمد انور، عميد كلية الطب
🔹الأستاذة الدكتورة / رانيا مصطفى، وكيلة الكلية لشئون التعليم والطلاب

05/06/2025

بمناسبة حلول عيد الأضحى المبارك، يسر اتحاد طلاب كلية الطب البشري أن يتقدم إليكم بأطيب التهاني وأصدق الأمنيات.🖤🌙

نسأل الله أن يعيده عليكم وعلى أمتنا الإسلامية بالخير واليمن والبركات، وأن يتقبل طاعاتكم، ويجعل أيامكم أفراحًا وسعادة.

08/05/2025

كجزء من أول أسبوع بيئي تنظمه كلية الطب جامعة قناة السويس، ندعوكم للمشاركة في ماراثون طلابي مميز
تنظمه وكالة الكلية لشئون خدمة المجتمع وتنمية البيئة
و بمشاركة طلاب:-
1. SCMSA
2. الاتحاد الطلابي لطلاب الطب

التاريخ و الوقت: ١١ مايو 📅
📍خط الماراثون:
سيبدأ الماراثون من أمام مبني رئيس الجامعة مرورا بالرعاية المركزية وكلية طب الاسنان ونقطة النهاية عند كلية الطب.
❗أول ثلاث مراكز سيحصلون على:-
_المركز الأول الميدالية الذهبية 🥇
_المركز الثاني الميدالية الفضية 🥈
_ المركز الثالث الميدالية البرونزية 🥉
بالإضافة إلي حائزة مالية🔥

لو مهتم وعايز تشارك معانا املا الفورم دي ومتنساش المعاد 🔥🔥

https://forms.gle/WUCqvfdyuaifUeKf9

As part of SCU’s Environmental Week, you're invited to join us in an exciting student marathon organized by the College’s Community Service and Environmental Affairs Unit with participation of SCMSA and the FOMSCU Student Union Students. 📅 Date and Time: 11th May at 9.5 am 📍Marathon line: ...

08/05/2025

فعاليات سيشن الاسعافات الاولية مع دكتور احمد عادل طبيب الطوارئ🔥🔥🔥🔥🫡

By.Ameer Eyiad🤍
#اللجنةالعلمية
#اتحادبشرى🔥

02/05/2025

تهنئة من اتحاد طلاب كلية الطب البشري
نتقدم بخالص التهنئة والتبريكات
لسعادة الأستاذ الدكتور/ أحمد أنور
بمناسبة توليه منصب عميد كلية الطب البشري – جامعة قناة السويس

ونسأل الله أن يوفقه ويسدد خطاه في خدمة الكلية والارتقاء بها،
وأن يكون عهده بدايةً لمزيد من التقدم والنجاح والتميز العلمي والإداري.

مع خالص التحية والتقدير،
اتحاد طلاب كلية الطب البشري
جامعة قناة السويس

02/05/2025

هل عندك شغف بالتنظيم وحب للعمل الجماعي؟
نحب نعلن إن باب الانضمام للجنة التنظيمية (OC) الخاصة بمؤتمر البيئة اتفتح!

تحت شعار:
“دور القطاع الصحي في مواجهة التلوث والتحديات البيئية نحو التنمية المستدامة”

لو نفسك تكون جزء من حدث مميز
وتحب تسيب بصمتك في مؤتمر قوي،
وتكتسب خبرة في التنظيم، التواصل، والتعامل مع لجان مختلفة…

دي فرصتك!

المجالات المتاحة:
• التنسيق والمتابعة
• العلاقات العامة
• الاستقبال والتسجيل
• التصميم والإعلام
• اللوجستيات

متفوتش الفرصة، وقدم دلوقتي!
رابط فورم التقديم: https://forms.gle/axawUZvgxrKs6uEv6
موعد المؤتمر من ١٢/٥ ل ١٥/٥

خليك جزء من التغيير، وخلي صوتك يوصل!

25/04/2025

تحت مسمي حدث (ساعه الارض )
تطلق مسابقات (الشعر والالقاء -الاحاديث النبويه -دوري المعلومات -مجلة الحائط -تصميم بوستر )
للتسجيل من خلال الفورم
https://forms.gle/b17NiVJ98vLCVfvG9

تحت رعاية
أ.د / ناصر مندور رئيس جامعة قناة السويس

إشراف عام
أ.د / محمد عبد النعيم
نائب رئيس الجامعة لشؤون التعليم والطلاب

منسق عام الانشطة
أ.د / محمود شعيب

اشراف عام النشاط الثقافي :
أ/ مروه عدلي

مسابقه الشعر يوم 27/4
مسابقه مجلة الحائط يوم28/4
مسابقه دورى المعلومات 29/4
مسابقه الاحاديث النبويه وتصميم البوستر يوم30/4

الندوة الختامية بمسرح رعاية الشباب الساعة العاشرة صباحا يحاضر فيها دكتور محمد يس

يليها اعلان النتائج وتوزيع الجوائز

الجوائز مالية لأول ثلاثة مراكز

25/04/2025

نــداء للعـابـــقــرة! 🧠✨
لو شايف نفسك دماغ.. ودماغ صحابك تقيلة زيك
يبقى جه وقت التحدي الحقيقي! 🔥

كون فريقك دلوقتي! 👥
كل واحد مطلوب منه يجمع فريق مكون من 2 أفراد
واستعدوا لـ مسابقة العباقرة! 🏆

فكر – جاوب – تنافس – اكسب
المنافسة هتبقى نار، بس العباقرة دايمًا قدها! 🔥🧠
مين هيكون بطل النسخة الجاية؟ ممكن تكونوا انتوا! ⭐

تاريخ المسابقة ٢٩ أبريل ل ٦ مايو
ادخل على الفورم وسجل دلوقتي
https://forms.gle/VLKkhYzdN4JzK1dz9

17/04/2025

اتحاد طلاب كلية طب – جامعة قناة السويس بيقدملكم:

سيشن إسعافات أولية مهم جدًا لكل طالب طب ومش طالب طب كمان!
الحدث اللي مستنيينه كتير… جه وقته!
يوم الحد 20-4-2025 الساعة 10 صباحا
مع نايب الطوارئ د. احمد عادل هيعرفنا إزاي تتصرف في لحظات بتفرق بين الحياة والموت!

هنتكلم عن:
• التعامل مع الإغماءات 😵
• الجروح والنزيف 🩸
• إنقاذ الحياة في الحوادث 🚑
• وكتير من المواقف اللي ممكن تقابلك فجأة ⚠️

اللي هتحضره مش هتنساه !
هتتعلم وتستفيد.. وكمان هيبقى فيه تفاعل وتطبيق عملي بسيط ✋

استعدّوا! وسيبوا أي حاجة وراكم وتعالوا
ده مش مجرد سيشن.. دي مهارة حياة! ❤️‍🔥

استنونا في قاعة البحوث وتطوير التعليم الطبي بالمبنى الإداري الدور التالت
ومتنساش تاخد صاحبك عشان تتعلموا سوا 🤝

30/03/2025

بمناسبة حلول عيد الفطر المبارك، يسر اتحاد طلاب كلية الطب البشري أن يتقدم إليكم بأطيب التهاني وأصدق الأمنيات.🖤🌙

نسأل الله أن يعيده عليكم وعلى أمتنا الإسلامية بالخير واليمن والبركات، وأن يتقبل طاعاتكم، ويجعل أيامكم أفراحًا وسعادة.