Agzakhangy

17/12/2022

https://youtu.be/Ve-wF-c9dcg
ده فيديو عملناه انا وزمايلي توعية عن التصرف فى حالات الاغماء اتمنى تشوفوه وتقولوا رايكم وتشيروه عشان يستفيد منه اقصى عدد ❤️

فيديو تعليمي من تنفيذ طلاب برنامج دكتور الصيدلة (فارم دي)منة الله منصور ابوالحسن محمد علا جمال عبدالناصر كريم الصادق محمد احمد احمد محمد محمد عبدالهادي احمد ...

20/11/2020

ليه كل دوا ليه جرعته و ليه الطريقة ال بيتاخد بيها ؟
و ليه مهم اننا نلتزم بمواعيد الدوا ؟! 🧐🧐
وهل فعلا فعاليه الدوا ممكن تتاثر لو المريض اخده فى غير وقته المظبوط!
لو عايزين تعرفوا اجابة السؤال دا ادخلوا على اللينكو اتفرجوا على الفيديو

ادوية بتتاخد قبل الاكل وفيه ادوية بتتاخد بعده و فيه ال بيتاخد مرة او اتنين او تلاته ايه اللخبطة دى ؟!! و احنا هنحفظ كل الحاجات دى ازاى ؟ علشان كدا عملنا الفي...

14/11/2020

كتير بنتعرض فى الصيدلية لادوية كتير فيها كورتيزون و بنشوف رد فعل المريض لما يتوصفله الكورتيزون
بس فى الحقيقة الكورتيزون هو اكتر دوا مظلوم ف الصيدلية و دايما بنسلط الضوء على اثاره الجانبية و بننسى دوره فى علاج و تخفيف امراض كتير جدا

لينك الفيديو على اليوتيوب:
https://youtu.be/o2c7XkjN2pM

تابعوا معانا معلومات اكتر عن الكورتيزون فى فيديو مميز جديد و ف تعاون مشترك بين اجزاخانجى Agzakhangy و Shimaa Hafez Shield - شيلد
presenter Shimaa Hafez
Intro Amerah Mostafa
Scribt Mennatallah SA

#اجزاخانجى

اوعوا تنسوا الشير و subscribe على قناة اجزاخانجى و شيلد :
https://www.youtube.com/channel/UCoZJ0Cl4ksCPW9rCGeF3Dzw/
https://www.youtube.com/channel/UCeSt6V--mACr-zwAW9AtAlw

16/06/2020

تبسيط العلوم رسالة اكتر ما هو فكرة ⁦❤️⁩
ولاننا مؤمنين باهمية تبسيط العلوم و نشر العلم و مؤمنين اكتر بمهنتنا كصيادلة و بدورنا كخط دفاع اول فى اى مشكلة طبية ..... قررنا اننا لازم نكمل المشوار
سيزون جديد هنبدأ فيه بعد فترة انقطاع
و المرة دى السيزون مختلف و شكل جديد و مميز
و حبينا تكون اول حلقة لينا بمشاركة وجه مميز جدا Shimaa Hafez
شيماء بدأت طريقها فى مجال تبسيط العلوم و فى فترة صغيرة قدرنا نشوف ان ليها بصمة مميزة فى المجال دا
و بحلقة مميزة جدا ومفاجأة استنونا
و فعلا هتشوفوا حاجة جديدة
زى ما عودناكم دايما 😉😉
دا لينك الفيديو هتعملوا لايك ع البوست و سبسكرايب على قناتنا على اليوتيوب علشان يوصلكم الفيديو اول ما ينزل
https://www.youtube.com/watch?v=_9Ez6z2JfIg

15/06/2020

تبسيط العلوم رسالة اكتر ما هو فكرة ⁦❤️⁩
ولاننا مؤمنين باهمية تبسيط العلوم و نشر العلم و مؤمنين اكتر بمهنتنا كصيادلة و بدورنا كخط دفاع اول فى اى مشكلة طبية ..... قررنا اننا لازم نكمل المشوار

سيزون جديد هنبدأ فيه بعد فترة انقطاع
و المرة دى السيزون مختلف و شكل جديد و مميز
و حبينا تكون اول حلقة لينا بمشاركة وجه مميز جدا Shimaa Hafez
شيماء بدأت طريقها فى مجال تبسيط العلوم و فى فترة صغيرة قدرنا نشوف ان ليها بصمة مميزة فى المجال دا

و بحلقة مميزة جدا ومفاجأة استنونا
و فعلا هتشوفوا حاجة جديدة
زى ما عودناكم دايما 😉😉

دا لينك الفيديو هتعملوا لايك ع البوست و سبسكرايب على قناتنا على اليوتيوب علشان يوصلكم الفيديو اول ما ينزل

a new journey is about to start. join us and set your seat belt 😁

22/11/2019

هنكمل انهاردة موضوع الرانتدين بيجيب سرطان !😖??
امبارح وقفنا عند بيان ال FDA ال اصدروه عن الرانتدين
و قلنا ان مش هم ال اكتشفوا المشكلة
امال مين ال اكتشفها ؟ 🙄

ال اكتشفها شركة ادوية اسمها Valisure و دى شركة ادوية موزعة (زى الصيدلية بس على كبير شوية ) بس فيها حاجة مميزة 👌

الشركة دى ملحق بيها معمل ابحاث ضخم بيحلل كل الادوية قبل ما يبيعها

يعنى ايه ؟! 😅
يعنى اى طلبية ادوية بتدخل الشركة بيتاخد منها عينة ننحلل مكوناتها قبل ما تتوزع

و الفكرة دى عملها Dr. David light (صيدلى متخصص فى البيوتكنولوجى ) الصورة ال ع ايدك اليمين
مع صديقه Dr.Adam Clark (دكتور فى المحاسبة و البيزنس )
الصورة على ايدك الشمال
لما Adam تعرض لوعكة صحية شديدة بسبب غلطة ف دوا ال anticonvulsant بتاعه و كانت الغلطة بسبب شوائب و غلطة ف تصنيع الدوا

شايفين الصحاب 😂😂

بعد ما اكتشفوا الغلطة بسرعة بلغوا FDA لاتخاذ اللازم
و بعد ما تاكدوا من صحة المعلومات و لأن شركة valisure ليها دور كبير فى كشف اكتر من غلطة قبل كدا ابتدت FDA تتحرك

الموضوع واجه مقاومة شديدة جدا من الشركات و كل شركة شايفة انها معندهاش اى غلطات ( احنا الرانتدين بتاعنا زى الفل ) 😂😕

طيب ايه تصرف ال FDA القانونى فى النقطة دى و هل فعلا الرانتدين لازم يتسحب ؟؟ , الناس تاخده و لا لا ؟

هنكمل النقطة المهمة دى بكرة تابعوا معانا البوست
و متنسوش الشير

21/11/2019

الرانتدين بيجيب سرطان !!!😟😵🙌

كلنا الفترة ال فاتت سمعنا الجملة دى و اتسألنا عليها كتير .... ايه الموضوع ؟🤷‍♀️

بالتحديد يوم 13 سبتمبر 2019 طلعت Janet woodcook مدير هيئة الدواء و البحوث التابعة لل FDA ببيان رسمى قالت فيه :

ان بعض الاشكال الدوائية المحتوية على الرانتدين فيها مادة
n-nitrosodimethyl amine----- ال هو (NDMA )
و المادة دى مسرطنه لو اتاخدت بكميات عالية 😵
و قالت ان مفيش قلق لان المادة دى موجودة فى المواد المصنعة كلها تقريبا و دى شوائب متوقع وجودها هى بس ذادت عن الحد الطبيعى 🙅‍♂️

و زودت السطرين المشهورين ان ال FDA تعمل على تدارك الخطا و معرفه سببه و المسؤول عنه و مفيش قلق و الناس تاخد دواها عادى جدا و انهم هينوهوا عن الشركات و الاصناف بالتحديد ال فيها المشكلة 👋

كان فاضل بس تزود فى الاخر الله .... الوطن ..... FDA 🤦‍♀️

طب المادة دى جت ازاى ؟ مدى انتشارها ؟ سفينا منها اد ايه ؟
محدش يعرف المشكلة بدات امتى لان مش ال FDA ال اكتشفتها اصلا 🤷‍♀️🤷‍♂️

ايه !!! مش ال FDA ?!
امال مين ال اكتشف الغلطة دى ؟؟👌🙅‍♀️
تابعوا معانا البوست و هنقولكم باقى الحكاية بالتفصيل و وصلت لفين بالظبط و احنا فين منها 😭🤐

مستنيين تفاعلكم و هننزل البوست كامل على هاشتاج





شارك البوست علشان تعرف اكتر ..... متنساش

30/06/2019

Gaming Gaming Gaming

طبعا الالعاب حاليا بقت الوسيلة رقم واحد للتسلية ايا كان نوع الالعاب ال بتلعبها
و الاجازة متحلاش من غير ال Gaming بس مع الوقت ممكن نزهق من نفس الالعاب ال بنلعبها

انهاردة جايبينلكم نوع جديد من الالعاب ظهر ف نص 2018 تقريبا

و هى BioINC
عبارة عن حالات case study
بس المرة دى مش علشان نعالجها لكن بنسرع ال complications بتاعتها علشان توصل لل death اسرع و دى الحاجة الملفته للنظر فعلا

و دا كان اول release للعبة و ال كان متاح على الموبايل فقط

بعد كدا ظهر release جديد BioINC redemption
و دا فيه انك بعد ما تتعرض عليك الحالة تختار توصلها ل life انك تنقذ حياتها او لل death بتسريع ال complications و دى بتتباع نسخة لل desktop من خلال الجيم ستوديو المصمم للعبة بحوالى 7-8 دولار

اللعبة فيها كمية معلومات طبية مهنية جبارة بتجبرك تكتيب خبره من خلال تعاملك مع الحالات المتدرجة و الاصابات و ال complications غير متوقعه حتى لو كل مرة بتلعب نفس الحالة

دا فيديو للتريلر الخاص باللعبة سواء الجزء الاول او التانى
جرب نزل الجزء الاول على الموبايل و العب و نزل Streaming
و اوعى تنسى الهاشتاج

28/06/2019

قعدنا وقت طويل جدا نمتحن 😥
بس ف الاخر وصلنا 😅
اخيرا اخدنا 🎊🎉🎆🎇 الاجازة 🎇🎆🎉🎊
و لانها غالية علينا اوى فلازم منضيعهاش ف السرير 😏
قولنا هتعمل ايه الاجازة دى و هتقضيها ازاى 🤔
شاركنا و قولنا افكارك 😉

05/05/2019

كل عام وانتم بخير 💙