صيدليات د.أحمد مرزوق

صيدليات د.أحمد مرزوق نحن في خدمتكم..
ونتمني لكم دوام الشفاء

23/05/2020

كل عام وأنتم بخير تقبل الله طاعتكم❤️

عيدكم مبارك🎈

12/04/2020

عشان نفهم علاقة التدخين بفيروس كورونا، شوف يا سيدي :
الفيروس عشان يدخل الخلية يعني يهاجم الجسم لازم حد يوصله ويدخله جواها ، الحد ده اسمه ACE2 ودي موجودة في الرئتين بشكل طبيعي ، ماعلينا من اسمه دي مستقبلات بتستبقل الفيروس وتساعد دخوله جوة الجسم , يبقى كل ما زادت المستقبلات دي يزيد معاها فرصة العدوى.
إيه بقى علاقة التدخين بكل ده؟
التدخين يا سيدي بيزود المستقبلات دية بنسبة ٥٠ ٪ عن الإنسان اللي مش بيدخن.
يبقى المدخن يكون عارف إن نسبة إصابته بالفيروس أكتر من غيره عشان كدة يكون حريص أكتر وأكتر....

حفظكم الله

12/04/2020

بشري لكل أهالي المنطقة
تواصل معي أمس حالة من المخالطين وكانت عليها أعراض البرد العادي ، تم توجيهم بالأمس إلى دمنهور وتم عمل اللازم هناك وجائت التحاليل اليوم سلبية يعني الحالة ماعندهاش حاجة :
نفهم من كدة إيه؟
نفهم إن الخوف الشديد مالوش مبرر ولا فايدة ، حرَّص من غير رعب، مش معنى انك خالطت تبقى بقيت مريض ، دي واحدة
التانية إن الحالة عزلت نفسها وده لان ابنها فاهم ومتابع، جزاه الله خيرا .
التالتة مش معنى كدة إن باقي الحالات المخالطة يخرجوا وياخدوا راحتهم، لا طبعا، زي مانت يا غالي خليك في البيت في أمان الله وإن ظهر عليك أي أعراض هانعمل زي ما عملنا مع الحالة دي.
شكرا للحالة وابنها اللي سمعوا الكلام كلمة بكلمة وأخدوا بالأسباب، عزلوا نفسهم في الأول واتحركوا في الوقت المناسب وكانت النتايج مطمئنة بفضل الله وحده.

حفظكم الله...

12/04/2020

يا أهل الخير
عشان بس نكون مع بعض في الصورة، فيه طريقتين للعلاج مالهومش تالت، يا إما تسيب الموضوع مفتوح عالبحري ومحدش يتعزل عن حد وكله ياخد المرض وبالتالي ياخد مناعة ضده بعد كدة، يا إما تعزل على قد ماتقدر وتحاصر الحالات على قد ماتقدر...
الطريقة الأولى ثبت بالنسبة لغالبية العالم انها مش هاتنفع لانه واضح كدة إن كورونا مش زي الانفلونزا خالص وإلى الأن فيه كلام على المشاكل اللي بتعملها داخل الجسم يعني مختلفة شوية عن اللي كنا فاهمينه عنها وأنه مش أمان انك تسيب الناس فريسة للفيروس، الأرقام صعب تحسبها دلوقتي.
يبقى مفيش غير الطريقة التانية ودي اللي احنا ماشيين بيها، الحالة اللي بتظهر وتم التأكد انها إيجابية بيتم حجرها، دي كدة معنديش مشكلة فيها، المشكلة في المخالط، لو اتأكدت انك خالطت حالة إيجابية لازم تعزل نفسك فورا، مافيهاش هزار، ولو ظهر عليك أعراض هاتروح تكشف وهايعملولك أشعة وتحاليل لو كان فيها حاجة هايتم عمل تحليل الفيروس نفسه.
المشكلة فين بقى، المشكلة ان يكون فيه واحد أو اكتر مخالط لحالة وبقي حامل للفيروس وماعزلش نفسه وماشي وسط الناس عادي، هنا انت ممكن بعد اسبوع او عشر ايام تلاقي الأرقام نطت نطة كبيرة تعملك كارثة صحية واقتصادية واجتماعية، عشان انت بس ماعملتش اللي عليك، بس خللي بالك ممكن ساعتها يكون ابنك أو اخوك او ابوك هو اللي محتاج حجر ومحتاج رعاية بس الاعداد بقت كبيرة ومايلاقيش حد يعتني بيه.... وهنا المشكلة الأكبر.
عقلك في راسك تعرف خلاصك
ربنا يحفظكم جميعا

11/04/2020

طبعا أهلنا الطيبين اتعودوا من زمان اوي ان لو حد فيهم حرارته ارتفعت أو جاله صداع يبقى علطول نوفالحين أقراص.
وده اللي بنشوفه تقريبا كل يوم ولحد النهاردة الصبح.
عشان كدة لازم نقول :
استعمال النوفالجين هذه الأيام خطيئة لا تُغتفر لأنه بمنتهى السهولة كدة بيقلل قدرة الجسم على مقاومة الأمراض المعدية .
تقدر تستشير طبيبك في البدائل المتاحة .

حفظكم الله

نسال الله تعالى السداد والتوفيق🤲❤️مع تمنياتنا بالشفاء العاجل💛
20/03/2020

نسال الله تعالى السداد والتوفيق🤲❤️
مع تمنياتنا بالشفاء العاجل💛

Address

الخضره شارع احمد عرابي
Kafr Al-Dawar

Website

Alerts

Be the first to know and let us send you an email when صيدليات د.أحمد مرزوق posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category