24/11/2025
أغلب الناس بتتعامل مع جرثومة المعدة كأنها ““مجرد بكتيريا” ❌
لكن الحقيقة إنها مرض ذكيّ بيغيّر كيمياء معدتك ويعمل فوضى في جسمك من غير ما تحس 🚫
⏺️ ايه هي جرثومة المعدة ... ؟
جرثومة المعدة هي كائن قادر إنه ...
1️⃣ يقلل الحمض
2️⃣ يجرّح الجدار
3️⃣ ويلخبط هرمونات الهضم والعصب الحائر،
وعشان كده أعراضها بتبان ساعات إنها نفسية ولكنها تأثيرات مباشرة على العصب الحائر vagus nerve.
◀️ إزاي بتعيش داخل المعدة ..؟
رغم ان بيئة المعدة حمضية قوية…إلا ان الجرثومة عندها 3 حلول ذكية وهي ... 👇🏻
1️⃣ بتفرز “يورييز” .... إنزيم يقلب منطقة وجودها من حمضية → قلوية
وده يسمح لها تبقى عايشة في مكان المفروض يقتلها .
2️⃣ بتدفن نفسها جوه طبقة المخاط ... فتمنع وصول المضاد الحيوي
3️⃣ بتاكل جزء من الخلايا المبطنة للمعدة ... فتعمل قرح صغيرة + التهاب مزمن + ألم بعد الأكل .
🛑 أشهر أعراضها .. 👇🏻
🔻 إحساس بالشبع السريع أو جوع شديد (ناتج من لخبطة الهرمونات )
🔻الشعور بغثيان الصبح و مرارة بالفم
🔻تسارع ضربات القلب
🔻 توتر وعصبية غير مبررة (من سموم الجرثومة)
🔻صداع مستمر و وجع في الظهر أعلى اليمين
أعراض شائعة جدًا بين الناس… ومع ذلك قليل اللي بيربطها بجرثومة المعدة.
📌 التشخيص الصحيح .. 👇🏻
وهنا السر اللي يخلي 60% يعالجوا غلط :
❌ تحليل دم: بيظهر إيجابي حتى لو الجرثومة اختفت .
✔️ تحليل براز Antigen: بيكشف وجود الجرثومة نفسها .
✔️ اختبار النفس Urea Breath Test: أدق اختبار لأنه بيقيس نشاطها الحقيقي مش وجودها فقط .
⏺️ العلاج الفعّال ... 👇🏻
هي خطة كاملة من :
1️⃣ مثبط حمض .. أهم خطوة في العلاج ...
زي .. Nexium / Pariet / Pantazol : ✔️ الحمض يقل / طبقة المخاط تنفصل / الجرثومة تبتدي تطلع للسطح / المضاد يوصل لها بسهولة .
34% من حالات فشل العلاج كانت بسبب استخدام المثبّت غلط.
🔹 الجرعة: قبل الفطار بـ 30 دقيقة (ولو الحالة شديدة قبل العشا كمان)
2️⃣ مضادين .. كل واحد له وظيفة محددة :
* Amoxicillin → يفتح جدار الجرثومة لدخول المضاد التاني
* Clarithromycin / Metronidazole → يقتلها فعليًا
🔹 الجرعة: مرتين يوميًا لمدة 14 يوم ( إلتزام بالجرعات )
3️⃣ دواء ترميم المعدة – اللي بيمنع الانتكاسة بنسبة 60%:
ثاني أكتر سبب لعودة الجرثومة إن جدار المعدة يبقى مجروح بعد الكورس فالجرثومة ترجع تمسك فيه.
علشان كده لازم: Sucralfate لحماية الجدار ومنع رجوع الالتهاب .
🔹 الجرعة: قبل الأكل بساعة أو بعده بساعتين ... 3 مرات يوميًا لمدة 10 أيام.
4️⃣ البروبيوتيك ..
المضاد الحيوي يمسح البكتيريا النافعة من الأمعاء.
وساعتها:
✔️ الهضم يتلخبط / الانتفاخ يزيد / والجرثومة تلاقي فرصة ترجع (من أقل عدوى)
وأقوي نوعين مثبتين ..
هما : Florastor (Yeast مش بكتيريا… وده بيقتل الجرثومة كمان)
و Align (سلالة دقيقة تصلّح بطانة الأمعاء)
🔹 الجرعة: مرتين يوميًا لمدة 10–14 يوم بعد الكورس.
5️⃣ وأخيرًا Gaviscon ..
طبقة واقية تمنع أي حموضة تطلع فوق الجرح.
بعد الأكل مباشرة.
🚫 أكلات لازم تتجنبها مؤقتًا ...
حمضيات – شوكولاتة – مقليات – منبهات – بقوليات – بصل وثوم نيّ – أكلات سبايسي .
✅ علامات التحسن ... 👇🏻
▫️ اختفاء المرارة
▫️ نوم أعمق و هدوء في ضربات القلب
▫️ انتفاخ أقل وراحة حقيقية في أعلى البطن
⏺️ إعادة التحليل ... بعد شهر كامل من انتهاء العلاج ولازم توقف المثبّط قبل التحليل بـ 10 أيام.
الخلاصة .. 🤍
جرثومة المعدة مش حموضة… دي بكتيريا ذكية بتغيّر توازن المعدة وبتأثر على الهضم والأعصاب
وعلاجها مش مضاد وبس ، لكنه خطة كاملة:
تطلع الجرثومة من مخباها → نقتلها صح → نرّمم جدار المعدة → ونرجّع البكتيريا النافعة لمكانها.
وبكدا … الجسم يرجع من تاني في وضعه الطبيعي 💙
