دكتور علي صبحي الشطلاوي Dr. Ali Sobhy Elshatlawy

03/07/2024

الشوكه العظميه (التهاب اللفافة الاخمصية)
اولا : لابد من معرفة سن المريض
ثانيا : فحص الحذاء للمريض ( يفضل حذاء طبي، الأفضل كعب طري)
ثالثا : استبعاد ان تكون الأملاح مرتفعه بالدم او البول
وبعد فحص المريض اكلينكيا، يتم اختيار خطوات العلاج

وهي كالاتي :
١.معالجه الالتهابات بواسطة مضادات الالتهابات
٢.تظبيط الحذاء ليكون طبي
٣.معالجه ارتفاع الأملاح بالدم بعد اختفاء الألم
٤.احتماليه جلسات علاج طبيعي مع عمل تمارين اطلات للقدم والكاحل واللفافه الاخمصية
٥.العلاج بالصدمات(shock wave)
٦.الحقن الموضعي
٧.التدخل الجراحي المحدود (لا انصح به)

12/03/2024

كل عام وانتم بخير وبالف صحه وسلامه

10/08/2023

بعض تمارين شد عضلات البطن

30/12/2022

متواجد في العياده أن شاء الله
السبت، الأحد القادم من ٤ ل ٨ مساء
للتواصل أ. عبد العزيز 01092850828

24/04/2022

10/07/2021

منظار الركبة الجراحي Knee Arthroscope
السلام عليكم
هنتكلم النهارده عن موضوع مهم جدا، وبسيط أن شاء الله، وهو منظار الركبة الجراحي
أمتي أقول إن المريض اللي قدامي محتاج منظار
ركبه؟
فيه اسباب كتير جدا، هنتكلم عن أهمها
١.قطع بالرباط الصليبي الأمامي للركبه
طيب ده ازااي بيحصل
غالبا الاصابه بتكون في سن صغير لشخص رياضي وحصل التواء للركبه أثناء اللعب والاحتكاك، بيحصل على طول ان المريض ميقدرش يكمل اللعب وبيحصل ارتشاح اي تورم بالمفصل
بيروح يكشف وبعدين بيعمل اشعه عاديه في الغالب بتبقى كويسه وبعدين بفتره بنعمل رنين وبنشخص بيه قطع الرباط الصليبي الأمامي
وده بنسبه كبيره لازم عمليه ماعدا مريض سنه كبير نسبيا مثلا فوق ٤٥ وهو مش رياضي ومبيشتكيش من عدم اتزان بالركبه
٢.قطع بالغضروف الهلالي للركبه وده بيحصل زي اصابه الرباط الصليبي بس بيبقى الورم أقل أو في اليوم التالي للإصابة
وده فيه نسبه كبيره انه ميحتاجش منظار على حسب شكل القطع اللي في الغضروف وعلى حسب شكوى المريض وعلى حسب سنه
والمريض ده بنسبه كبيره بنحاول معاه في العلاج الطبيعي الأول
٣.الحاله دي كل يوم تقريبا بشوفها في العياده ست بيت في الغالب أو سيده في آخر الثلاثينات أو الأربعين عندها تهتك بالغضروف الهلالي الداخلي للركبه
دي بنسبه كبيره جدا مش هتحتاج منظار
الحالات دي مبيبقاش فيه اصابه في الغالب
هي مريضة وزنها في الغالب زياده عن الطبيعي بتطلع وتنزل السلم كتير جدا
وعلشان كدا بيحصل تهتك الغضروف دي لازم الأول تظبط طبيعه حياتها اللي بنقول عليه تظبيط (life style)
وزن وسلم وتمارين للركبه أو علاج طبيعي ونادر انها تحتاج المنظار الجراحي

طبعا فيه حالات تانيه كتير زي قرح المفصل أو تآكل بجزء من المفصل او التهابات بالغشاء السينوفي وحالات
تانيه كتير.....، بس احنا اتكلمنا عن أشهر الأسباب

دمتم بصحة وعافية

13/01/2021

03/04/2020

ايه اللي المفروض يتعمل لما يحصل التواء بالركبه؟

اول حاجه لازم ارتاح , ونحط ثلج , ولو فيه امكانيه أعمل اشعه عادي هيبقي كويس جدا ونستشير أخصائي العظام مع المسكنات ومضادات التورم

طيب امتي اقلق؟

لو حصل تورم في المفصل فوري , ده يستحق القلق لان ده بنسبه كبيره بتبقي اصابه في الرباط الصليبي

او لو تاني يوم بيبقي اصابه بالغضروف بنسبه كبيره وهنحتاج نتابع مع احتماليه اني احتاج اشعه رنين مغناطيسي

اللي هتوصلني للتشخيص النهائي

طيب امتي أدخل جراحيا بالمنظار؟؟؟

ده بيتوقف علي عوامل كتير

سن المريض و وزنه وشكوته وطبيعه عمله ولاينصح باجراء منظار في المرحله الحاده الا في بعض الحالات النادره.

03/04/2020

بعض التمارين البسيطه لتقويه عضلات الرقبه

02/04/2020

بعض التمارين لتقويه العضله الرباعيه للركبه والتي ينصح بها في حالات خشونه الركبه, وحالات تهتك الغضروف الهلالي للركبه واصابات الرباط الصليبي.