12/11/2025
🌟 إزاي نفرّق بين "فرط الحركة" و"الشقاوة" عند الأطفال؟ 🤔🏃♂️🏃♀️
كتير من الأهالي بيتلخبطوا بين الطفل النشيط اللي “شقي شوية” 👦، وبين الطفل اللي عنده فرط حركة وتشتت انتباه (ADHD).
الفرق بينهم مش في كمية الحركة بس، لكن في نوعها وهدفها واستجابة الطفل للتوجيه 👇
🔹 الطفل الشقي:
▪️حركته لها هدف (بيطلع على الكرسي عشان يجيب اللعبة).
▪️لما نوجّهه أو نزعق له بيقدر يهدأ.
▪️بينام كويس في نهاية اليوم بعد ما يفرّغ طاقته.
▪️بيقدر يركّز في اللعب أو الحاجات اللي بيحبها.
▪️سلوكه بيتنظّم مع الروتين والتربية الهادئة.
🔹 طفل فرط الحركة (ADHD):
▪️يتحرك بدون هدف واضح، كأنه مش قادر يوقف نفسه.
▪️ما بيقدرش يهدأ حتى بعد التوجيه أو العقاب.
▪️بينام بصعوبة أو نومه متقطع.
▪️يتشتت بسرعة ومش قادر يركّز حتى في الألعاب اللي بيحبها.
▪️حركته الزايدة مستمرة في البيت والمدرسة والنادي.
💬 نقطة مهمة:
✅ إيذاء النفس مش علامة على فرط الحركة، لكن محتاج تقييم لو حصل.
✅ وأعراض الـADHD بتبدأ عادة بين سن 3–6 سنوات، مش قبل كده بالضرورة.
✨ الخلاصة:
✅ الطفل النشيط بيتعب وينام بعد يوم مليان حركة 💤
أما طفل فرط الحركة فطاقته ما بتهدأش وبتأثر على تركيزه وسلوكه 👀
✅ لو الشك موجود، الأفضل تقييمه عند طبيب أطفال أو أخصائي سلوك وتطور علشان نطمن ونبدأ دعم مبكر لو في حاجة.
👩⚕️ معًا لصحة أفضل لأطفالنا 💚
منقول للافادة 🌷
