SLT : Osama Elsakhawy

23/11/2025

تتصرف ازاي لو الطفل حصل له تشنجات ؟؟ 🤔

17/11/2025

النجاح طريقه عمره ما كان سهل، ومش أي حد يقدر يكمله.
ولازم تختار الناس اللي حواليك بعقلك قبل قلبك، لأن في ناس بتشجّعك وفي ناس ممكن توقعك من غير ما تقصد.
ولازم تختار إيه اللي بتسمح يدخل دماغك أفكار، كلام، أو حتى طاقة.
وكمان تبقى ثابت على قراراتك وماتتأثرش بحد… اسمع لقلبك وعقلك بس، مش لأصوات الناس اللي عمرها ما هتعيش حياتك بدالك.
وما تقارنش نفسك بحد، لأن كل واحد ليه رحلته وزمنه.
وخليك فاكر إن أهم خطوة في طريق النجاح إنك تكون راضي عن نفسك وعن كل خطوة بتاخدها حتى لو محدش شايف اللي انت شايفه.
وفي الآخر… النجاح بيحب اللي بيكمل، مش اللي بيبدأ بس .

SLT: Osama Elsakhawy

25/10/2025

الطفل الشقي عايز يتفهم مش اكتر .

23/10/2025

فن ادارة العلاقات ومهارات الاتصال والنجاح في مجال التربيه الخاصه .

02/10/2025

ياترى مستقبل ابني هيبقى عامل إزاي؟
هل هيشتغل؟
هل هيقدر يعتمد على نفسه؟

الإجابات كلها عندنا باذن الله
📌 استنونا يوم الجمعة في بث مباشر على فيسبوك مع اخ عزيز علي قلبي السيد محمد عبدالعزيز
قدر يساعد أطفال كتير يرسموا مستقبلهم المهني بخطوات عملية.

هيحكيلنا:
✅ إزاي قدر يعمل ده معاهم
✅ إزاي نأهل أولادنا لسوق العمل
✅ وكمان هيرد على أسئلة كتير بتدور في عقلنا كـ أخصائيين وأولياء أمور

🕙 الجمعة – الساعة 10 مساءً بتوقيت مصر
📍 بث مباشر على فيسبوك

متفوتوش الفرصة 🔥

لينك جروب المحاضرات والورش المجانيه :
https://chat.whatsapp.com/CHoXlujBCli4ppwSFebFch

19/09/2025

اللي محضرش الworkshop يقدر يسمعها من هنا 🤍

Enjoy the videos and music you love, upload original content, and share it all with friends, family, and the world on YouTube.

18/09/2025

النهارده لايف مهم جداً

في الورشة دي هنتكلم عن:
° إزاي تتجنب الأخطاء المهنية اللي ممكن تعطل نجاحك.
° أهم مهارات التواصل اللي هتفرق معاك في بيئة العمل.
° خطوات عملية تخليك مميز وناجح في مجالك.

📍 الورشة مجانية أونلاين + ماده علميه
✓ بث مباشر على الفيسبوك.
🗓️ الخميس 18 سبتمبر
⏰ الساعة 10 مساءً

لينك جروب المحاضرات والورش المجانيه

https://chat.whatsapp.com/CHoXlujBCli4ppwSFebFch

03/09/2025

الغرور هو العدو الأشرس للإنسان في طريق النجاح.
لأن أول ما تحس إنك "فهمت كل حاجة" أو إنك "أكبر من إنك تتعلم"، ساعتها بتقف مكانك واللي حواليك بيتقدموا.

مش عيب إنك تتدرب تحت إيد مدير أصغر منك سنًا، أو تتعلم من شخص خبرته أقل منك في مجالات تانية.
المهم مش مين بيعلمك… المهم إنك تاخد خطوة لقدام.

التواضع قوة مش ضعف.
اللي بيفتح دماغه لأي معلومة جديدة بيكبر بسرعة.
واللي يقول "أنا خلاص عارف" هو أول واحد بيتأخر.

النجاح مش بالسن ولا بالمنصب… النجاح باللي عنده استعداد يتعلم أكتر.
افتح قلبك للتجربة، وسيب الغرور على جنب… هتلاقي نفسك بتجني ثمار عمرك أسرع مما تتخيل.

الغرور والكبر خرج ابليس من الجنه .. متنسااش

SlT : Osama Elsakhawy

17/08/2025

هو اي مفهوم النجاح ؟؟

فيه واحد بالنسباله النجاح إنه يبقا قاعد في البيت واحتياجاته من الأكل والشرب موجوده.
وفيه واحد بالنسباله إنه يخطب ويتجوز، دا بالنسباله نجاح.
وفيه واحد بالنسباله إنه يسافر ويشتغل برا مصر، دا نجاح.
وفيه واحد بالنسباله إنه يبقا غني ومعاه فلوس، دا نجاح.
وفيه واحد بالنسباله إنه يملك سياره وبيت، دا نجاح.
وفيه واحد بالنسباله إنه يبقا صاحب بيزنس، دا نجاح.
وفيه واحد بالنسباله إنه يحس إنه مشهور والناس بتشاور عليه، دا نجاح.
وفيه واحد بالنسباله إنه يوصل للي صديقه وصله، دا نجاح.
فيه واحد النجاح عنده إنه يخلص تعليمه بعد تعب سنين.
وفيه واحد شايف النجاح إنه يلاقي شغل ثابت يضمن له حياة كريمة.
وفيه واحد النجاح عنده إنه يدي أهله اللي كانوا محرومين منه.
وفيه واحد شايف النجاح إنه يعمل حاجة بيحبها حتى لو مكسبها قليل.
وفيه واحد النجاح عنده إنه يعيش من غير ما يحتاج لحد.
وفيه واحد النجاح عنده إنه يتغلب على مرض كان مأثر على حياته.
وفيه واحد شايف النجاح إنه يربي ولاده صح ويشوفهم ناجحين.
وفيه واحد شايف النجاح إنه يكون مرتاح نفسياً وعايش بسلام.
وفيه واحد شايف النجاح إنه يقرب من ربنا ويكون راضي عن نفسه.
وفيه واحد النجاح عنده إنه يسامح نفسه عن غلطات الماضي.
وفيه واحد النجاح عنده إنه يساعد الناس ويكون ليه بصمة في حياتهم.
وفيه واحد شايف النجاح إنه يحقق حلم طفولته.
وفيه واحد شايف النجاح إنه يحافظ على صحته وجسمه.
وفيه واحد النجاح عنده إنه يسيب أثر كويس بعد ما يمشي من الدنيا.
وفيه واحد النجاح بالنسباله إنه يشتري حاجة كان بيتمناها من زمان.
وفيه واحد شايف النجاح إنه يلاقي شريك حياة يريحه ويفهمه.
وفيه واحد النجاح عنده إنه يتخلص من عادة سلبية أو إدمان.
وفيه واحد النجاح عنده إنه يحافظ على صداقة حقيقية طول العمر.
وفيه واحد شايف النجاح إنه يعيش حر من غير قيود.
وفيه واحد النجاح عنده إنه يبقى قدوة لغيره.
وفيه واحد شايف النجاح إنه يقدر يوازن بين شغله وحياته الشخصية.
وفيه واحد النجاح عنده إنه يلاقي هويته الحقيقية وما يفضلش عايش في قناع.
وفيه واحد شايف النجاح إنه يسافر ويشوف العالم.
وفيه واحد النجاح عنده إنه يلاقي راحته في حاجات بسيطة زي قهوة الصبح أو قعدة هادية.
بص بقا كدا :
الحقيقة إن النجاح مش قالب واحد للكل .. يعني حياتك مش هينفع تفصل عليها حياة شخص تاني، لأن كل شخصية مختلفة عن غيرها، ومش كل حياة إنتا بتتمناها هتبقى على مقاسك.

مشكلة السوشيال ميديا إنها وهمت الناس إن النجاح طريق واحد، وهو إنك تبقى غني وعايش في رفاهية وتخرج وتتفسح وتبقى بلوجر.
السوشيال ميديا عملت عالم وحياة وهمية وخلقت صورة مزيفة للنجاح .

تحياتي
Slt : Osama Elsakhawy

12/08/2025

مهم جدا لكل اسره .. ارجوك كمل الفيديو للأخر

04/08/2025

هل الاكل ممكن يسبب مشاكل سلوكية !

21/07/2025

ليه الطفل مش بيعمم الاستجابه في البيت !؟