صيدلية الدكتور/أحمد ممدوح شاهين Dr/Ahmed shahin Pharmaceutical

30/08/2022

01/04/2022

كل عام وانتم بخير
رمضان كريم 🌙

03/03/2022

غداً #الجمعة اول ايام شهر #شعبان 🌙🕌
كل عام وانتم بخير 🤲🏻
اللهم بلّغنا #رمضان 💜💜

15/11/2021

🌟 الشتاء داخل ⛈ وأدوار البرد مش هتلاحقي عليها 🤒

🌟 ده طبعًا اللي شاغل تفكير كل الأمهات 🤔

ياترى نعمل إيه عشان نحسن مناعة أطفالنا خصوصًا في وجود الكورونا ⁉️

💡هنقولك على شوية نصايح تعمليها:

✔️ لو طفلك لسه بيرضع اهتمي جداً بالرضاعة الطبيعية🤱

ولو بترضعي صناعي اهتمي بنظافة وتعقيم الببرونة🍼

✔️حافظي على جدول التطعيمات وياخد فيتامين دال لحد سن السنتين✌️.

👈 طب لو طفلك كبير وخلص رضاعة 🧒

✔️لازم الأكل يكون صحي، وبلاش مقلي وسكريات كتير🍱

✔️الاكل يكون غني بالخضروات والفواكه ومضادات الأكسدة، زي: البروكلي 🥦

فيتامين C، زي: البرتقال واليوسفي والليمون🍋🍊

✔️اهتمي بالخضروات الورقية، زي: السبانخ🍀البتنجان🍆.

✔️لازم الوجبة يكون فيها بروتين، زي: الزبادي والبيض🥚

✔️لازم طفلك ينام كويس ويأخذ قسطا من الراحة🛌

✔️نخصص ساعة يوميًا للمشي والتعرض لأشعة الشمس 🌞عشان ينشط فيتامين دال.

✔️إبعدي طفلك عن أي مصدر تدخين في البيت🚭

✔️نلتزم بالكمامة والتباعد الاجتماعي قدر الإمكان😷

❌بلاش كل ما الطفل يتعب تديله مضاد حيوي من غير داعي🚫

عالجي الأعراض و زوري طبيبك المختص لتحديد العلاج المناسب 💊

دمتم لأطفالكم أبطال ولصحتهم دائماً مهتمين ❤️

‎🌹نسعى لخدمتكم بعناية🌹
‎

15/09/2021

معلومه دوائية 💌

07/09/2021

🍀 كل يوم معلومه طبيه ☘️

مش كل وجع لازم ناخدله مُسكن! ❌ 💊

للأسف ناس كتير بتتعامل مع المسكنات - بمختلف أنواعها - بطريقة غلط جداَ؛ زي إنهم ممكن ياخدوها مع أبسط ألم يحسوا بيه، لكن مهم تعرف إن كتر المسكنات ممكن يسبب أضرار ومشاكل صحية على المدى الطويل وبكدة إنت زوّدت المشكلة أكتر.🤷‍♀️

الإكثار من المسكنات بيأثر على الطبقة الحامية لجدار المعدة واللي ممكن تسببلك إلتهابات في المعدة، قرحة المعدة، أو تعمل نزيف في الامعاء أو فشل كلوي 😞

💊 مهم تاخدها لأقصر وقت ممكن وتحاول تاخد اقل جرعة منها.
💊 مهم إنك متاخدش المسكنات على معدة فاضية عشان متأثرش على المعدة.
💊 لو حامل او مرضعة فمهم استشارة الطبيب الخاص بيكي قبل ما تاخدي أي مسكنات، وتعرفي إيه النوع المناسب ليكي.
💊 مهم إنك متجمعش نوعين من المسكنات مع بعض لان المواد المكوّنة والفعالة بتكون مختلفة وممكن تعمل آثار جانبية.
💊 لو حسيت إن الألم بيتكرر في المعدة دايماً فمهم إنك تلجأ لدكتور متخصص لان المشكلة ممكن تكون اكبر من مجرد مسكن.

10/08/2021

💥 💥

يجب غسل الفم والمضمضة بعد استخدام بخاخات الصدر، في حال احتوائها على دواء ستيرويدي، وذلك لتجنب الإصابة بفطريات الفم👍
صيدليه دكتور أحمد ممدوح شاهين 👍

21/07/2021

مكملات غذائية مفيدة لمريض السكر

1- عصير الصبار
-غني جداً بالمادة الغذائية ليس فقط التي يحتاجها جسم الإنسان بل التي تمثل مكون أساسي في جسم الإنسان مثل الأحماض الأمينية ويحتوي على مجموعة من الفيتامينات ومن أهمها فيتامين ب المركب أي من سلسلة فيتامين ب من ب 1 إلى ب 12. كلها يحتاجها أي شخص لا سيما مريض السكر.
- يحتوي على المادة الغذائية التي يحتاجها والتي تكون له الطاقة وتمده بمادة تجعل الخلايا العصبية في حالة ممتازة جداً جداً من الدماغ إلى بقية أعضاء الجسم وخصوصاً الأطراف وخصوصاً الكبد (المايسترو للجسم لأن الكبد لديه أكثر من 400 وظيفة).
-عطب مريض السكر هو من غدة البنكرياس ومقاومة الأنسلين المعروفة التي تعرضنا لمرض السكر وأمراض أخرى.
-نقاوم مقاومة الأنسولين ونجعل الأنسولين ينسال في جسمنا طبيعي بإتباع الحمية الغذائية الجيدة حتى لا يتسبب عكس ذلك لأن الأنسولين يقوم بتخزين الجلكوز في جسمنا.

2-فيتامين ب المركب
- داعم للبكتريا النافعة،
- داعم لحمض المعدة،
-داعم للطاقة.
- داعم للهموجلوبين
-داعم لكريات الدم الحمراء والبيضاء
- يحتوي أيضاً معدن الكروم وهو مفيد جداً لمريض السكر لأنه يقلل نسبة الجلوكوز لمريض السكر
-يحارب مقاومة الأنسولين ويعين الأنسولين أن يمرر الجلوكوز إلى الدم بصورة طبيعية.
- يحتوي أيضاً على ميثيل فولات وميثيل كوبالامين. ومجموعة الميثيل هي التي تجعل جسمنا صحيح مائة في المائة لأنها تحارب الشوارد الحرة ومحاربة لأي مايكروبات ومحاربة لأي فيروس وهي موجودة في فيتامين ب المركب.

3- فيتامين سي .
-كشفت دراسة أسترالية حديثة أن أقراص فيتامين C تخفض مستويات السكر في الدم بعد الوجبات لدى مرضى السكري من النوع الثاني
-يحوي فيتامين C مضادات أكسدة قادرة على التخفيف من أمراض شائعة مصاحبة للسكري كارتفاع ضغط الدم أيضاً

4- عسل النحل
-يُساهم تناول العسل يومياً بخفض مستوى الجلوكوز والكولسترول في الدم، ما يُفيد مرضى السّكري بشكلٍ كبير.

منتجات دوائيه

21/07/2021

فوائد 💪❤️

16/07/2021

27/06/2021

✅ تصرف واحد سريع كان السبب في إنقاذ طفلة من الاختناق ⚠️

من فتره بسيطه انتشر فيديو لأب وأم داخلين مستشفى بسرعة وحالتهم صعبة جدًا..

بيدوروا على أي دكتور يلحقهم لأن بنتهم بتتخنق 💔

الأب حرفيًا كان بيتنطط من الخوف على بنته 💔، وأول ما الدكتور مسك البنت وقدر ينقذها بحركة بسيطة.. الأب سجد لله وكان مش عارف يشكر الدكتور إزاي 🥺🤍

✅ لحظات صعبة وموقف يمكن أهالي كتير اتعرضوله بدرجات مختلفة 🥺💔

بس تعرف أنك ممكن تنقذ ابنك بنفسك من الاختناق لو اتعلمت كام طريقة بسيطة؟ 🤔

🌟 الأطفال في السن الصغير وارد جدًا يبلعوا حاجات صغيرة، والبلع في حد ذاته أمره أسهل من أنه يخنقه وميتبلعش 🤷🏼‍♀️

👈🏻 في حالة إنه متبلعش فيه حاجة من اتنين:

١. لو عمل اختناق جزئي وهنا الطفل بيكون قادر يتنفس بس بصعوبة شوية وقادر يكح ويتكلم وهنا بيديك وقت شوية تتصرف.

٢. اختناق كامل، هنا مجرى التنفس قافل بالكامل والطفل مش بيتكلم ولا يكح ولا يتنفس وهنا التصرف لازم يكون سريع جدًا جدًا.

✍🏻 طيب في الحالتين تتصرف إزاي؟؟ 🤔

✅ التصرف هيكون حسب الطفل كبير ولا صغير أو رضيع!!!

🌟 في حالة كان طفل كبير فوق السنة: 🧒

١- تخبط على ظهره بين الكتفين خمس مرات بقوة 🤛

٢- تلف إيدك حواليه وأنت من الخلف وتضم كف إيدك فوق منطقة السرة والإيد التانية فوقها وتضغط للداخل وفوق في نفس الوقت خمس مرات 👋

🌟 لو كان طفل رضيع: 👶

١. بتنيم الطفل على ركبتك وبطنه لتحت ودا اللي عمله الطبيب في الفيديو، وتخبط خمس مرات على الظهر بين الكتفين.

٢. لو لسه مخنوق بتنيمه على ظهره وتضغط في منتصف صدره بصباعين فقط لو رضيع، أو بإيدك لو طفل أكبر من سنة، خمس مرات✌

✍🏻 في كل الحالات بتعيد الخطوتين بالتناوب لحد ما الطفل يخرج الحاجة اللي مسببه الاختناق 😃

🌟 الخطوات البسيطة يا ريت نتعلمها وننشرها عند كل اللي نعرفهم لأنك ممكن تكون سبب في إنقاذ حياة طفل 🤍