24/10/2025
"حاسس إنك بتتعب كل شوية؟
#كحة طول الوقت؟
صوتك مبحوح و #صدرك مكتوم؟
يمكن المشكلة مش فيك... يمكن الجو هو السبب!"
🚫في الفصول اللي "نصها شتا ونصها صيف"
جسمك بيتعرض لاختبار حقيقي. والتقلبات الحرارية المفاجئة مش بس بتلخبط هدومك
دي كمان بتلخبط الجهاز #التنفسي كله!
وده بيخلي كتير من الناس يدخلوا في دوامة
"نزلات #برد - #كحة - #مضاد #حيوي - راحة يومين - تعب تاني"، وكأنها دايرة مش بتقف
👩⚕️إزاي التغيرات الجوية بتأثر على الشعب الهوائية؟
🚫1. الهواء البارد والمفاجئ يؤدي إلى تقلص #العضلات الملساء في جدار الشعب #الهوائية
وده بيقلل من قطرها وبيصعّب مرور الهواء، خاصة عند مرضى #الحساسية و #الربو.
🚫2. الانتقال السريع بين أجواء دافئة وباردة يسبب اضطراب في وظيفة الخلايا #الهدبية الموجودة في بطانة الجهاز #التنفسي، واللي مسؤوليتها تنظيف الممرات الهوائية من #الميكروبات والأتربة.
🚫3. الضعف المؤقت في #المناعة الموضعية نتيجة التغير الحراري بيخلّي الجسم أقل قدرة على التصدي #للفيروسات #والبكتيريا اللي بتنشط في الجو المتقلب.
🚫🚫ليه بنشوف حالات متكررة؟
لأن #التهيّج المتكرر في الغشاء #المخاطي للشعب الهوائية بيسبب:
👈زيادة الإفرازات #المخاطية
👈 #كحة مزمنة أو متقطعة
👈صعوبة في #التنفس أو صفير عند #الزفير
وفي بعض الحالات، تطوّر الحالة لـ #التهاب مزمن أو متكرر في #الشعب الهوائية لو مفيش تدخل علاجي مبكر.
🧏♀️نصائح وقائية مهمة جداً خصوصاً في الجو المتقلب
خاصه #للأطفال
👈ارتداء طبقات متعددة من الملابس يمكن تعديلها حسب تغير الجو.
👈تجنّب التعرّض المفاجئ للهواء البارد بعد التدفئة.
👈استخدام الكمامة في الأماكن المزدحمة أو متغيرة التهوية.
👈الاهتمام بتقوية #المناعة: التغذية السليمة، فيتامين C وD، النوم الجيد، وممارسة الرياضة.
👈مرضى الربو أو الحساسية الصدرية لازم يلتزموا #بالبخاخات الوقائية ويتابعوا بانتظام.
👩⚕️الخلاصة:
الوقاية خير من العلاج
والتهاون مع أعراض بسيطة زي
"كحة خفيفة" أو "تزييق في الصدر "
في الجو المتقلب ممكن يفتح الباب لنزلات صدرية متكررة أو مزمنة
خصوصًا للأطفال وكبار السن وأصحاب الأمراض التنفسية المزمنة.
