29/12/2025
أهم 10 نصايح تحمي بيها طفلك من أمراض الشتاء
1. اكله أكل صحي
خلي أكله مليان فواكه وخضار زي البرتقال والجوافة والكيوي عشان تقوي مناعته، ومعاهم أكلات فيها بروتين زي البيض والفراخ.
2. شرب المياه والمشروبات الدافية
خلي بالك إنه يشرب مياه كفاية، ومعاها شوية مشروبات دافية زي الينسون والبابونج عشان تدفيه وتقوي المناعة.
3. ينام عدد ساعات كفاية
خلي طفلك ينام كويس من 8 لـ 10 ساعات حسب سنه، النوم بيفرق كتير في مناعته.
4. النظافة الشخصية
علميه يغسل إيده كويس بالمية والصابون، خاصة قبل الأكل وبعد ما يعطس أو يكح.
5. تجنب الزحمة
بلاش الأماكن المزدحمة على قد ما تقدرى، عشان العدوى بتنتشر بسرعة فيها.
6. يلبس تقيل
خلي لبسه مناسب للبرد، يلبس طبقات تحافظ على جسمه دافي، خاصة لما يخرج.
7. تهوية البيت
افتحى الشباك كل يوم شوية عشان تغيير الهواء في البيت وتقليل انتشار الجراثيم.
8. بلاش لمس الوش كتير
علميه ما يلمسش وشه (العين، الأنف، أو الفم) بإيديه، إلا لما يكون غسلهم الأول.
9. التطعيمات مهمة
لو في تطعيمات زي لقاح الإنفلونزا، اتأكدى إنه خدها في ميعادها عشان تحميه.
10. البعد عن الناس اللي عندهم برد
لو حد في البيت عيان، حاولى تبعدى طفلك عنه، ونضفى الأدوات والأسطح اللي الكل بيستخدمها.
نصيحة كمان:
لو ابنك بدأ يبان عليه أي أعراض زي سخونية أو كحة، روحى للدكتور فورًا عشان تطمنى وتلحقى الموضوع بدري.
👈لو عندك أي استفسار أو محتاجة تطمني على صحة طفلك، إحنا هنا لخدمتكم
🔹عيــادة دكتـور رامــــي راجـــح
استشاري الأطفال وحديثي الولادة والجهاز الهضمي وتغذية وكبــد الأطفال
استشاري دولي الرضاعة الطبيعية
🔹 العنوان : كفرالشيخ - شارع الخليفة المأمون - بجوار مستشفي الخياط اعلى مخبز كلاسيك
🔹 للإستفسار والحجز: 01063595118 - 0473113296
🔘 رقم الطبيب للطوارئ: 01002302629
