09/10/2025
في زمن كل حاجة فيه بقت سريعة 🏃🏼 وكل الناس معتمدة على السوشيال ميديا والموبايلات 📲.... حقيقي الحياة بقت أسهل بس دا ميمنعش انهم بردو ليهم أضرار كتيره ⚠️ رغم مميزاتهم
وعشان كدا النهاردة هنتكلم عن :-
---
🧠 أضرار السوشيال ميديا على المخ والصحة النفسية:
🎯 السوشيال ميديا بتأثر بشكل مباشر علي الدماغ وكمياء المخ وبتصيب المخ بالتعفن ودا بيخليه مش قادر يشتغل بشكل افضل ولا بنفس الكفاءة اللي المفروض يشتغل بيها ومن التأثيرات الواضحة دي :-
1️⃣ ضعف التركيز والانتباه: التمرير السريع بين الفيديوهات بيقلل قدرة المخ على التركيز لفترات طويلة وبتخليه يتعود ع السرعة
2️⃣إدمان الدوبامين: كل لايك أو إشعار بيفرز دوبامين في المخ، وده بيخليه يدمن الإحساس ده زي أي نوع إدمان تاني وعشان كدا بيقضي ع الموبايل وقت اطول ومبيبقاش قادر يفارقه 🤝
3️⃣ قلة النوم: الضوء الأزرق من الشاشات بيقلل إفراز الميلاتونين، فبتقل جودة النوم وبتحصل اضطرابات نوم. 🥱
4️⃣ القلق والتوتر: متابعة أخبار مزعجة بتزود القلق والتوتر العصبي. 😮💨
5️⃣الاكتئاب: كثرة المقارنة والشعور بالنقص بيأثروا على المزاج وبيزودوا خطر الاكتئاب. 😔
6️⃣ انخفاض الثقة بالنفس: المحتوى المثالي اللي الناس بتعرضه بيخليك تحس إنك أقل أو مش كفاية. ❌😕
7️⃣ضعف الذاكرة: التشتت المستمر بيأثر على قدرة المخ في تخزين المعلومات واسترجاعها.🧠
8️⃣ العزلة الاجتماعية: الاستخدام المفرط بيقلل التواصل الواقعي وبيخليك تحس بالوحدة وتعتمد علي وجود الناس أونلاين.👥
9️⃣ضعف القدرة على اتخاذ القرار: كثرة المعلومات والآراء بتخلي المخ في حالة "تشويش" وصعوبة في الاختيار. 🤔
🔟 تأثير على تطور الدماغ عند المراهقين: الاستخدام الزائد في سن المراهقة ممكن يسبب خلل في تنظيم المشاعر وتكوين الهوية. 🤷🏻
📌عشان كدا لازم
✅ متستخدمش الموبايل اول ما تصحي من النوم علطول عشان دا هيأثر علي بداية يومك ولا تستخدمه قبل ما تنام بساعتين ع الأقل عشان ميأثرش علي نومك
✅ تخلي بالك من الوقت اللي بتقضيه ع السوشيال ميديا وتحاول تقلله بالتدريج
✅وكمان تختار المحتوي اللي بتابعه بعناية عشان المحتويات الكتيرة اللي مش مفيدة هتشتتك وهتسرق وقتك وتتعب نفسيتك ✅ استغل وقتك في حجات مفيدة زي القراءة📖 او ممارسة الرياضة💪 او الخروج مع صحابك 🫂
دا هيساعدك تتخلص من تعفن الدماغ وتقلل من السوشيال ميديا
015 59393772
