عيادة طب الاطفال - د/شكرى ممدوح

17/08/2025

12/08/2025

🚨 تنبيه مهم للأمهات 🚨

جتلي طفلة عندها نزلة شعبية بتكشف عندي وعندها سوء تغذية، وكانت كاشفة قبل كده عند حد شغال في التغذية مش طبيب… وكان كاتب لها ٥ حقن (الحقنة ب٥٠٠ جنيه) معرفش هي ايه لفتح الشهية وزيادة الوزن!
وكل ده من غير ولا تحليل ولا فحص ولا تشخيص! 😡
ده اسمه عبث بصحة العيال.

👶 العيال مش زي الكبار
❌ مش أي حد خد كورس تغذية يبقى بيعالج أطفال
❌ التغذية مش جدول أكل ولا ادوية وحقن مجهولة المصدر وخلاص

💡 أكتر من ٩٠٪ من سوء التغذية عند الأطفال سببه مشكلة مرضية ممكن تكون مرض مزمن او اضطراب في الهضم او مشاكل هرمونية مش الأكل نفسه.

والموضوع دا محتاج:
- دكتور يكشف
- يعمل فحوصات
- ويحدد خطة علاج مناسبة

✅ التغذية مهمة… بس التشخيص الصح هو الأساس.

نصيحة لله للأمهات: بلاش تشتروا الوهم .

12/08/2025

كل الشكر لحضرتك🙏🙏🙏
ومستمرين دايما في عمل الخير

09/08/2025

أخر تحديث لوزارة الصحة بخصوص
١- بقوا اربعة معادوش خمسة
٢- لو الكلب او القطة كانت حيوان منزلي هيتاخد ٣ جرعات في اليوم الاول والرابع والثامن وبعد كده لو الحيوان كان سليم مناخدش حاجة ولو ظهر عليه اي تعب ناخد الجرعة الرابعة في اليوم الخامس عشر (خدها وريح دماغك)

07/08/2025

🚫 احرصي دائمًا على إبعاد المواد الكيميائية الخطرة مثل:

1. الكلور

2. البنزين

3. ماء النار (الأسيد)

4. الكحول الطبي

5. الجاز

6. المنظفات القوية (زي البوتاس، ومزيلات الدهون)

7. مبيدات الحشرات

8. العطور المركزة أو الزيوت الطيّارة

9. الأدوية بكل أنواعها

📦 خزني كل هذه المواد في مكان مرتفع ومغلق بإحكام، بعيدًا عن متناول الأطفال، ويفضّل يكون عليه قفل أمان.

🧴 ما تستخدميش زجاجات مياه أو عصير لتخزين أي مادة خطرة، لأن الطفل ممكن يفتكرها حاجة صالحة للشرب.

🆘 وفي حالة ابتلاع أو ملامسة أي مادة خطرة، لا تنتظري أعراض، توجهي فورًا لأقرب مستشفى.

07/08/2025

🚨 تنبيهات هامة لكل أم وأب:

١- الكمادات قبل خافض الحرارة خطوة ضرورية جدًا في خفض السخونة، ولا تُغني عنها الأدوية وحدها.

٢- إعطاء خافض الحرارة (بارامول أو بروفين) يجب أن يكون بالجرعة الصحيحة:

الجرعة = نصف وزن الطفل، أي إذا كان وزن الطفل 10 كجم، يأخذ 5 مل.

أما في حالة استخدام سيتال أو كونتافيفر، فالجرعة = ربع الوزن، أي 2.5 مل لطفل وزنه 10 كجم.

٣- أدوية الكحة غالبًا لا تفيد، ومجرد مصاريف على الفاضي.
علاج الكحة يبدأ بعلاج السبب، وغالبًا ما يكون من الأنف، لذا نظف أنف الطفل جيدًا باستخدام نقط وشفاط أو محلول ملح، وستلاحظ تحسنًا كبيرًا.

٤- محلول الجفاف (هيدروسيف) لا غنى عنه في كل بيت.
عند حدوث إسهال أو ترجيع، يجب البدء في إعطاء المحلول فورًا.
دانسيت ضروري لإيقاف القيء، والجرعة: 1 مل لكل 10 كجم (طفل 10 كجم = 1 مل، طفل 20 كجم = 2 مل... وهكذا).

٥- جلسات الاستنشاق بجهاز النيبولايزر مهمة جدًا في حالات:
الكحة الناتجة عن حساسية الصدر أو الكحة الحنجرية.
لا يُستخدم ماء مقطر في الجلسات، بل محلول ملح فقط.
أمبولات البالميكورت يجب حفظها بعيدًا عن الضوء وتُرج جيدًا قبل الاستخدام.

٦- المضاد الحيوي المكتوب من الطبيب يجب:
حفظه بعد التحضير في رف الثلاجة (وليس في الباب).
استكمال الكورس كاملًا من 5 إلى 7 أيام، ولا يجوز إيقافه بعد يومين أو ثلاثة فقط.

---

📌 لو استفدت من البوست، لا تنسَ اللايك والشير ليستفيد غيرك.
🤲 حفظكم الله ورعاكم.

07/08/2025

الاطفال نطقت من فعل الامهات 😁😁

06/08/2025

امتي الأهل يقلقوا علي طول الطفل؟
كثير من الأهالي بيلاحظوا إن طفلهم أقصر من أقرانه في نفس العمر، وده بيخليهم يقلقوا ويسألوا:
"هو كده طبيعي؟ ولا في مشكلة محتاجة علاج؟"
أول حاجة لازم نعرفها إن قصر القامة مش مرض في حد ذاته، لكنه ممكن يكون مجرد اختلاف طبيعي… أو عرض لحالة صحية محتاجة متابعة.

النمو مش واحد عند كل الأطفال
مافيش رقم ثابت نقدر نقول بعده إن الطفل قصير، لكن بنقارن طوله بمعدلات النمو الطبيعية، وبنشوف طوله بالنسبة لعمره وجنسه.
كمان بنراعي طول الأب والأم، لأن العامل الوراثي له دور مهم.
لو الطفل بيطول بشكل منتظم حتى لو أبطأ شوية من غيره، غالبًا الأمور طبيعية ومافيش داعي للقلق.

إمتى يكون قصر القامة طبيعي؟
في حالات كتير بتكون ضمن النطاق الطبيعي تمامًا، زي:
• لما يكون الأب أو الأم طولهم أقل من المتوسط، فالطفل بيكون على نفس النمط الوراثي.
• بعض الأطفال نموهم بيكون أبطأ في البداية، لكن بيعوّضوا ده لاحقًا في سن البلوغ، وده شيء طبيعي مش مرضي.

وإمتى نبدأ نتابع طبيًا؟
لو لاحظنا إن معدل الطول ما بيزيدش بشكل طبيعي، أو إن الفرق في الطول كبير مقارنة بزملائه، هنا بننصح بالفحص.
من الأسباب اللي ممكن تسبب تأخر في النمو:
• نقص في هرمون النمو
• قصور في الغدة الدرقية
• سوء تغذية
• أو بعض الأمراض المزمنة اللي بتأثر على الصحة العامة

ايه اللي بيساعد في الطول وزيادة هرمون النمو؟
- التغذية المتوازنة والتركيز علي زيادة البروتين وتقليل السكريات
- تعويض العناصر الغذائية الناقصة في الجسم مثل الحديد والزنك وفيتامين د
- النوم الهادئ ليلا في وسط مظلم
- التربية السلوكية السليمة وتجنب العنف والشجار والخلافات الأسرية.

الخلاصة
مش كل طفل قصير عنده مشكلة صحية، لكن المتابعة هي اللي بتطمن.
طول الطفل بيتأثر بعوامل كثيرة، ومهم إننا نتابع مع الطبيب بشكل منتظم علشان نعرف إذا كنا فعلاً محتاجين تدخل… أو بس نطمن.

02/08/2025

أضف الي معلوماتك:
#فيتامين دال
- مهم لنمو العظام والأسنان.
- يشارك في تكوين الجهاز العضلي والعصبي والمناعي
-اساسي لكل الأطفال في جميع الأعمار.
- يتأثر بالضوء والحرارة.
- يعطي صباحا مع وجبة دهنية.
- التعرض للشمس وقت الظهيرة من افضل الاوقات للحصول علي فيتامين دال بصورة طبيعية.

د/شكري ممدوح
أخصائى الاطفال و حديثي الولادة
عضو الجمعية المصرية لطب الاطفال
الرياض بجوار المسجد الكبير
ت ٠١٠٦٣٣٤٦٨٣٣ - ٠١٠٣١٦٣٢٠٠٦