https://www.facebook.com/727855577348172/

عياده الدكتور /محمود عبد الغفار, Kafr el Sheikh (2025)

06/03/2025

علاج الضغط والسكر في رمضان..اوعي تقلق ...👌👌

29/09/2022

كل يوم جديد لحماية قلبك❤️❤️❤️

# الكبسولة الثلاثيه Polypill للوقاية من حدوث النوبات القلبيه والسكتات الدماغية #

👈 الكبسولة الثلاثيه Polypill تحتوي عَلي ثلاثه أدويه مجمعه في كبسولة واحده ومكونه من

🌹عقار الاسبرين
🌹عقار لخفض ضغط الدم
🌹عقار لخفض الكوليسترول بالدم

Aspirin 100 mg
Ramipril 2.5 , 5 or 10
Atorvastatin 20 or 40

👈 👈👈 في مؤتمر الجمعية الاوروبية لأمراض القلب المنعقدة في برشلونة _اسبانيا في 26 اغسطس 2022

تم عرض دراسة طبيه SECURE Trial وهي دراسه طبيه عشوائيه هي الأولي من نوعها لدراسه تأثير الكبسولة الثلاثيه Polypill في الوقاية من حدوث النوبات القلبية والسكتات الدماغية secondary prevention

وذلك في المرضي الذين تعرضوا لحدوث جلطه سابقه بالقلب Post MI في غضون ستة أشهر من الإصابة بحدوث جلطة في القلب

👈 اجريت الدراسه علي 2499 مريض وتم تقسيمهم الي مجموعتين :

*المجموعة الأولي تم اعطاؤها الكبسولة الثلاثيه
*المجموعة الثانية تم اعطاؤها الأدوية متفرقه

تم متابعه المرضي في المجموعتين لمده 3 سنوات من حيث معدل حدوث النوبات القلبية والسكتة الدماغية والموت نتيجه أمراض القلب والأوعية الدموية

*Death of CV causes
*Non fatal MI
*Stroke
*urgent revasculrisation

👈👈👈 نتائج الدراسه

كان معدل حدوث النوبات القلبيه او السكتات الدماغيه اقل في المرضي الذين تناولوا الكبسولة الثلاثيه Polypill ( 9.5 %) بالمقارنه بالمجموعه الثانيه الذين تناولوا أدويه متفرقه
(12.7 %) وهذه نتيجه معتبرة (P=0.02)

👈 ولذلك خلصت الدراسة الي ان استعمال الكبسولة الثلاثية المحتوية علي الاسبرين وعقار لخفض ضغط الدم وعقار لخفض مستوي الكوليسترول بالدم كانت اكثر فعاليه في الوقايه من حدوث النوبات القلبيه والسكتات الدماغيه للمرضي الذين تعرضوا لجلطات سابقه بالقلب وهذا بالمقارنه بالمرضى الذين تناولوا هذه الأدوية متفرقة

👈 ولذلك تعد الكبسولة الثلاثية جزء مهم جدا في أستراتيجية منع حدوث النوبات القلبيه والسكتات الدماغيه للمرضي الذين تعرضوا لجلطات سابقه بالقلب
حيث ان استعمال الكبسولة الثلاثيه ستجعل من السهل على المرضى الالتزام بأدويتهم.

وذلك لان معظم المرضي يلتزم بشكل كامل بتناول العلاج medication adherence بعد حدوث النوبات القلبيه الحاده ولكن عاده يزول هذا الالتزام بعد الأشهر الستة الأولى

👈 من خلال تبسيط العلاج وتحسين الالتزام ، فإن هذا النهج باستخدام الكبسولة الثلاثية لديه القدرة على الحد من مخاطر تكرار حدوث النوبات القلبيه وموت القلب والأوعية الدموية على نطاق عالمي
دمتم سالمين❤️❤️❤️❤️
د.محمود عبد الغفار
مدرس واستشاري امراض القلب والضغط والشرايين
وقسطرة الشرايين التاجية

20/06/2021

رسايل مهمه جدا وبسيطه لارتباط السن ببعض الامراض👌👌

16/06/2021

بشري سارة للعاملين ب #البريد..ب #كفرالشيخ

16/06/2021

قريبا ان شاء الله حملة مجانية موسعه للاطمئنان علي قلب الاطفال في الحضانات لاكتشاف العيوب الخلقية علي القلب💞💞..وعند بدء الدراسة ستستمر الحمله لطلبة الابتدائي لاكتشاف ومتابعة امراض روماتيزم صمامات القلب.
#اطمن علي قلب ابنك وبنتك❤️❤️
#احمي قلبك
#سنبدأ من الريف #اسحاقه.ثم #الشمارقه و #الخادميه وجواريها
امتدادا #كفرالشيخ .
#سخا .و #الحمراوي ثم #اريمون و #روينه

#قلين....ثم #سيدي غازي
#بلطيم..و #الحامول

01/06/2021

في عز شغلنا مع المرضي..بكون سعيد جدا وانا بدرس للطلبة وبكون حريص اني اوصللهم المعلومه بأسهل وافضل الطرق..
#يوم جميل في كلية الطب ..والقائي محاضره لطلبة الفرقة التالتة عن اساسيات فحص القلب وصماماته❤️❤️
بالتوفيق للجميع❤️

29/04/2021

حقيقه مصل الكورونا 📢📣

بوست طال انتظاره والأسئلة كترت عليه 👥🎤📞.
فى البداية هنتكلم نبذة مختصرة عن تطعيم كورونا وبعدها هنستعرض اهم الأسئلة ال بتخطر على بال معظم الناس :
التطعيمات ال متوفرة فى مصر نوعين

* المصل الصينى( Sinopharm vaccine ):
ودة فكرته ببساطة انى باخد الفيرس الميت ال غير نشط ( killed vaccine ) واحقنه فى جسم الإنسان وبكدا الجسم هيبدأ يكون أجسام مضادة هتكون قادرة فيما بعد للتصدى للفيرس الحقيقى النشط والمحصلة ف الأخر انك بقيت محمى من العدوى ودة فكرة اغلب الامصال ال موجودة عندنا فى مصر

* مصل AstraZeneca ودة ال صنعته حامعة Oxford فى بريطانيا:
ودة فكرته متقدمه شوية انهم بياخدو جزء من الحمض النووى (spike protein ) للفيرس الحى ويحقنوه بطريقه معينة فى جسم الإنسان ( live attenuated vaccine ) وبعدها برضه الجسم يبدأ يكون أجسام مضادة تقدر تكون قادرة ومستعدة لمواجهة فيرس الكورونا فيما بعد .

نستعرض الأسئلة بقا 🎤📞:

اى هى اهم الفئات ال مفروض تاخد المصل ؟؟
فى ظل تزايد الاعداد حاليا كله مفروض ياخده انما برضه الأولوية للطاقم الطبى واصحاب الأمراض المزمنة من الضغط والسكر وخلافه وكبار السن

أنا اتصبت بكورونا هل أخد المصل وامتى ؟؟
أه حضرتك تاخد المصل بس مش أقل من ٣ شهور من الإصابة ..لانه ببساطة الاصابة كونت عندك اجسام مضادة مفروض تستمر ٣ شهور..

أنا عندى دور برد هل أخد المصل؟
ممنوع تاخد المصل وانت عندك دور برد الا بعد ما تتاكد تماما انه الدور دة مش كورونا وكمان الاعراض تنتهى عندك تمام

أخد كام جرعة ؟
التعطيمات بتكون على جرعتين بينهم من ٣ ل ٤ اسابيع

مصل AstraZeneca بيسبب تجلطات ؟ (هام جدا )
فى انجلترا لقى انه كل مليون اتطعمو بمصل AstraZeneca فيهم حوالى ٤ اشخاص تعرضو لجلطات وطبعا مش كلهم ماتو ودة كان سببه وجود اجسام مضادة للصفائح الدموية ولذلك النوع دة من التجلطات لو انا خدتله مضادات التجلطات ال هو من عائلة Heparin كما هو شائع هتكون الحالة قاتلة لانه كدا عدد الصفائح هتقل اكتر... يعنى ناخده ولا لأ ؟؟ ايوة خده لانه انا بكلمك عن ٤ حالات لكل مليون ومش كل ال ٤ حالات قاتلة وانجلترا الى الان شغاله تطعيم ومبطلتش والمصدر هتلاقيه ف التعليقات تحت 👇

هل ممكن اخد مضادات تجلط او أسبرين احتياطيا بعد مصل AstraZeneca؟
ملوش لازمة حضرتك

اى الافضل الصينى ولا AstraZeneca؟
الاتنين كويسين بس فى تفاوت بسيط فى تكوين الأجسام المضادة الصينى حوالى ٨٤% و AstraZeneca حوالى ٩٢%

حضرتك انا اخدت المصل وظهر عندى اعراض سخونة وتكسير وهمدان ذى اعراض الكورونا بالظبط اى تفسير دة وحله ؟
لا حضرتك دى اعراض عادية للمصل. (constitutional symptoms) متقلقش منها اهم حاجة الزم الراحة والسوايل الكتير وخد باراسيتامول قرصين / ٨ ساعات لحين اختفاء الأعراض

هل الحوامل تاخد المصل؟
لا

هل ف تحليل معين ممكن اعمله قبل المصل ؟؟
والله حضرتك بعض الدول بتعمل وانت حضرتك لو عايز تعمل اعمل
IgG
ودة ال هيثبت انك عندك اجسام مضادة وبالتالى المصل مش هيكون له قيمة ف الوقت الحالى
IgM
ودة ال هيثبت انه عندك عدوى حديثة لسة موجودة
(recent infection)
وبالتالى مينفعش ناخد المصل( flaring of infection )
بس من فضلك لو عايز تعمل دول اعملهم ELISA مش Rapid

المصل هيدينى مناعة لمدة كام ؟
الأجسام المضادة بتفضل ف الجسم لشهور معظم الابحاث بتقول من ٤ ل ٦ شهور انما بقا بعد الفترة دى فى خلية محترمة بتفضل موجودة لفترة اطول بكتير يقال انها بتفضل لسنوات ودى برضة يتساعد ف المناعة والخلية دى اسمها Memory B cell
والمصدر برضه هيكون موجود ف التعليقات 👇👇

أخيرا :
الكورونا حاليا تضرب بضراوة ولا تستثنى أحد ومفيش ادامك غير انك تاخد المصل ..أنت أمام حاجتين مرض قتل اكتر من ٣ مليون ف العالم كله ولسة شغال يقتل ومصل ممكن ينقذ حياتك عدد الوفيات بعده لا تتجاوز ٥٠٠ حالة على مستوى العالم والله اعلم ان كانت من المصل او لا اصلا ...اختار أنت بقا ..
المصل مش هيقلبنا قرود او هيلعب فى الجينات بتاعتنا والكلام الفارغ ال احنا بنسمعه ديما
وسائل الإنقاذ حاليا ليك ول غيرك بتتمثل فى : المصل + الكمامة + التباعد الاجتماعى .
دمتم بعافية وسلام

24/04/2021

بيان من الجمعيه المصريه لامراض القلب والجمعيه الاوروبيه لامراض القلب،،،،
🙏هل يُنصح جميع مرضى القلب بتلقي التطعيم ضد الكوفيد 19 أم أن هناك استبعادًا محددًا لبعض المرضي؟
👈ننصح أن يتلقى جميع المرضى الذين يعانون من أمراض القلب والأوعية الدموية تطعيم COVID-19. لا يمنع اللقاح بالضرورة الأشخاص من الإصابة بـ COVID-19 ولكنه سيقلل من احتمالية الإصابة بمضاعفات خطيرة قد تتطلب دخول المستشفى ويمكن أن تؤدي إلى الوفاة. ثبت من الدراسات ان الأشخاص المصابون بأمراض القلب في خطر متزايد من الموت من COVID-19 لأن العدوى تضع ضغطا على القلب لاسباب عديده منها الالتهاب المباشر للقلب. لذلك يجب علي جميع المرضى الذين يعانون من أمراض القلب ان يقبلوا التطعيم عند تقديمه. يشمل مرضى القلب وأمراض الدورة الدموية أولئك الذين يعانون من الرجفان الأذيني، الذبحة الصدرية، اعتلال عضلة القلب، أمراض القلب الخلقية، النوبة القلبية ، فشل القلب، انسداد الشريان الرئوي (جلطة دموية في الرئتين)، مرض تصلب الشرايين الطرفية، سكتة دماغية.

23/04/2021

الكورونا طبقا للبروتوكول الجديد من قبل وزارة الصحة

- التحاليل السليمة لا تلغي الاشتباه
- عمل أشعة مقطعية على الصدر بعد ظهور الاعراض بخمس أيام مش قبل كدا
- فقدان حاسة الشم و التذوق من الاعراض الأساسية القوية للكورونا
- اعراض كتيرة للفيروس زى ضيق تنفس ، قئ ، اسهال ، سخونة ، وجع فى الصدر
- المسحة الأولى لو سلبية قد تكون غير دقيقة ، يجب مسحتين بفرق توقيت ٤٨ ساعة

١) لو ظهرت الأعراض ولم يمر سوى ٢٤ ساعة بلاش تتسرع وتعمل تحاليل معملية ولو الأعراض أقل من ٣ أيام بلاش تعمل أشعة مقطعية ع الصدر لأنه مش هيبان حاجة .
٢)مش معنى انك مش عندك سخونة يبقا مش عندك كورونا انت ممكن ميكونش عندك أى أعراض بس مصاب والسبب جهاز مناعتك قوى ولاعيبة الكورة وغيرهم أوضح مثال
(Mild asymptomatic cases)
٣)فقدان حاسة الشم والتذوق تعتبر كورونا حتى يثبت العكس وإن كان مفيش عكس أصلا
٤) ألم شديد فى صدرك مصاحب لضيق تنفس ، تحرك بسرعة لأقرب طبيب متخصص
( Covid with pulmonary embolism )
٥) سخونة وإسهال ومغص شديد ف بطنك تحرك بسرعة لأقرب طبيب متخصص
( Covid with mesenteric vessels ischaemia )
٦)التحاليل المعملية بتقصر طريق التشخيص وتساعدنا على بداية العلاج لكن لا تجزم باستبعاد المرض
٧)مش معنى اني عملت أشعة مقطعية على الصدر وطلعت سليمه يبقا معناه أنه مش عندى كورونا ، جايز لسة موصلتش الرئتين
Normal CT chest does not rule out extra pulmonary Covid.
٨) لو عملت مسحة وكانت إيجابي ببقا انت كدا عندك كورونا قولا واحدا (highly specific test ).
انما لو عملت وكانت المسحة سلبي فجايز يكون في احتمالية إصابة والمسحة متعملتش صح .
( false negative result)
٩)قرار خروجك من العزل والتعامل مع الناس يعتمد على الأعراض مش على سلبية المسحة ١٠ ايام من بداية الأعراض بشرط آخر ٣ ايام بدون سخونية
PCR test doesn't differentiate between dead and alive virus
١٠)بلاش نعطي بروتوكولات علاجية واحدة لأى مريض . بلاش نعطي مضادات إلتهابات (steroids ) في بداية المرض ومفيش داعي نعطي مضادات الفيروس ( antiviral) في نهاية أو بعد فترة طويلة من الإصابة ..
مضادات التجلط( anticoagulants ) لازم نعطيها بشروطها وبجرعاتها
Prophylactic dose if D Dimer between 500- 1000
therapeutic dose if D Dimer > 1000
١١)أى مريض فوق ال ٦٠ و يعانى من ضغط وسكر أو بياخد جرعات علاج كيماوي أو عيان عنده فشل كلوي ..... الحالات دى كلها الأفضل إنها تتعزل في المستشفى مش في البيت
(High risk groups )
١٢) الإجراءات الإحترازية وكافة طرق الوقاية من لبس الكمامة الطبية والتباعد الإجتماعى وتعقيم الأيدى وتجنب الأماكن المزدحمة هو الحل الوحيد اللي هيخلينا نتخطى المرحلة دي إن شاء الله........
وربنا معانا و يعدي الفترة دي على خير

13/01/2021

رسالة مهمة جدا لمرضي الضغط

30/12/2020

رساله بسيطه للحوامل لمتابعهة الضغط ..وفترة ما بعد الولاده بقليل❤️❤️❤️

04/11/2020

رسالة مهمة لكل أم❤️❤️❤️

عياده الدكتور /محمود عبد الغفار

06/03/2025

29/09/2022

20/06/2021

16/06/2021

16/06/2021

01/06/2021

29/04/2021

24/04/2021

23/04/2021

13/01/2021

30/12/2020

04/11/2020

Address

Telephone

Website

Alerts

Contact The Practice

Shortcuts

Share

Category