عيادة د هناء ابوزيد للأطفال وحديثي الولادة

07/05/2021

فريق عمل رائع ومكان محترم جدا وبنصح أي حد محتاج علاج جلدية أو ليزر وتجميل يروح هناك

اعملى لايك -كومنت وشير للبوست على صفحتك وعلى اكتر من جروب وممكن تكسبي معانا بوكس مقدم من شركة بقيمة 700 ج هدية 🙈🙈

وعشان نفرح كلنا بالعيد سوا عملنالكوا خصم 50% على قيمة الكشف في أسبوع العيد كله من يوم السبت ليوم التلات

ومش بس كده 😉
كل يوم حيكون فيه سحب لكل اللي حينورونا على عيدية💵💵 مقدمة من شركة
وكل اللي حينورنا خلال الأسبوع حيدخل معانا السحب على كحك العيد مقدم من شركة

على كل الخدمات عروض متتفوتش 😉😉😉

😍😍 معانا انتي دايما احلى 😍😍



عنواننا 🏠🏠 كوم حمادة بجوار مستشفى المبرة
☎️☎️☎️
01143561122
0453697301

09/01/2021

ان شاء الله سيتم التواجد في العياده من جديد من ٤ عصرا حتي ٨ مساءا يوميا ماعدا الاربع والجمعه

22/12/2020

شوية دردشه طبية ...

* بنشوف اليومين دول حالات إسهال كتيره جداً وللأسف جزء لا بأس به من الأطفال بييجي بعد ما يكون دخل فى جفاف فخلينا نحكى معاكم شويتين ..
* مستحيل نفرق بين سبب دور النزلات المعويه الماشى فى البلد دلوقتى بالذات فى الأطفال هل ده كورونا ولا روتا ولا أى سبب تانى . الحل ؟ نتعامل بحذر جداً والأمهات تتعقم كويس بعد التعامل مع إفرازات الأطفال . وطبعاً نبعد عن كبار السن خالص طول فترة النزله.
* انسوا كل حاجه ومتنسوش محلول الجفاف ، النزلات المعويه بكل أنواعها self limited يعنى بتاخد وقتها من ٧-١٤ يوم وتخف ... هل المشكله فى الإسهال ؟
أبسوليوتلى ، المشكلة فى الجفاف اللى بيحصل بسبب الإسهال ، طفل همدان عينه داخله لجوا ملهوف عالمياه ده لازم يتعوض بمحلول جفاف عن طريق الفم ، ولو الترجيع مستمر إبرة ترجيع فى أى صيدليه بوصف الطبيب الصيدلى توقفه بعدين محلول جفاف .
* تعليق المحلول الوريدى مش هوا الأساس طالما الطفل مش بيرجّع وقادر على الشرب ؛ لكن فى بعض الحالات مع القئ المستمر بنضطر ندّى محاليل وريده ونريح المعده لفترة من ٨-١٢ ساعه بعدها نرجع نعطى محلول الجفاف بالفم ؛ الكلام ده بقوله لإنى شفت أطفال كل يومين يروحو يعلقو محلول وريدي و يرجعو البيت يسهلو تانى يدخلو فى جفاف يعلقو محلول يتحسنو يسهلو يدخلو فى جفاف ودوخينى يا لمونه .. والحل ؟

محلول الجفاف.
طيب مطلوب مضاد حيوي🤔
* لأ مش مطلوب أى إبر مضاد حيوى فى النزلات المعوية ، إلا النزلات البكتيرية ودي نادره جدا بيكون معاها حراره عاليه وإسهال مدمم غالباً ؛ بالعكس المضاد الحيوى شرب أو حقن هيدمر البكتيريا النافعه فى الأمعاء و احتمال يعمل تكاثر فطرى أو بكتيرى ضار ويزود الإسهال .

* ندى أد إيه محلول جفاف ؟

كيس على ٢٠٠ سم مياه ده التخفيف ، بيتاخد لكل ٤ مرات إسهال أو ترجيع ، ببطء رشفه صغيره ٥ سم كل ٣ دقايق ، لو رجّع ؟ يبقى كل ٧ دقايق ، لو رجع نصبر نص ساعه ونجرب تانى ولو الطفل تقبل المحلول تمام ما تقبلوش خالص يبقي علي حسب درجة الجفاف هيحتاج محاليل وريدي ولا هيعوض عصاير وسوايل ف البيت زي ما هنقول اهو ف الاكل 👇

* الأكل المناسب للنزلات الأكل التقيل اللى يمسك المعده - بالمعنى الدارج - البطاطا بطاطس رز نشا ، بلاش مياه لوحدها كتير بنبدلها بمحلول جفاف، ممكن عصاير من داخل البيت كتعويض ، ممكن شوربة خضار نزود الملح بتاعها ، محلول الجفاف فايدته انه بيعوض الأملاح والبيكربونات اللى بتفقد من الإسهال ، المياه لوحدها مش مناسبه للامتصاص لإن الصوديوم فيها قليل فهتنزل زي ما هيا وتزود الإسهال .

* اللبن ومنتجات الألبان بشكل عام مش ممنوعه فى النزلات المعويه إلا لو النزله طولت فوق ١٤ يوم و ساعتها ممكن نوقف لبن مؤقتاً أو ندّى لبن خالى اللاكتوز للأطفال اللى بيرضعوا صناعى طبعاً بوصف طبيب .

* مفيش أى دليل طبى قوى على فايدة المطهرات المعويه وأدوية الإسهال المنتشره اللى للأسف أحياناً بتتكتب من غير محلول جفاف .

* مش مطلوب بشكل عام تحليل براز غير فى حالات نادره اللى الإسهال فيها مستمر أو شاكين فى دوسنتاريا أو معاها أعراض التهاب بكتيرى زى الإسهال المدمم مع تدهور الحاله العامه والحراره العالية جداً .

ربنا يحفظ أولادنا ويحفظنا جميعاً ويرفع عنا الوباء والبلاء قولوا آمين ..

#د.أحمد الخطيب
د. هناء ابوزيد

20/12/2020

أطفال كتير بتشتكي من وجع في مفاصلها والناس تجري تدي بنسلين طويل المفعول ودا غلط كبير جدا وللاسف دكاتره كتير بتكتبه وبيبقي مش دا العلاج
من اشهر اسباب الام العظام والمفاصل عند الاطفال دا بيبقي بسبب
١. نمو العظام ااه والله تخيلي 😄 طفلك بيكبر وبيطول👶💁‍♂️
٢.التهاب المفاصل التفاعلي أو "التهابات المفاصل التفاعلية التالية للعقديات".
يصيب التهاب المفاصل التفاعلي التالي للعقديات في العادة الأطفال ما بين 8 سنوات إلى 14 سنة والشباب اليافعين ما بين 21 و27 سنة. وعادة ما يظهر هذا المرض خلال 10 أيام بعد التهاب الحلق. وهو يختلف عن التهاب المفاصل المصاحب للحمى الروماتيزمية الحادة والتي تؤثر في المقام الأول على المفاصل الكبيرة. بيأثر علي المفاصل الكبيره او الصغيره
ومدته أطول من الحمى الروماتيزمية الحادة - حوالي شهرين، وفي بعض الأحيان يكون أطول من ذلك.
والأعراض بتاعته بتبقي حمى منخفضة الدرجة مع زياده ف سرعة الترسيب وعلامات الالتهاب ف الدم وارتفاع Asot ab
مع غياب الأعراض والعلامات للحمى الروماتيزمية الحادة حسب "معايير جونز". ودي اللي بندي فيها بنسلين طويل المفعول لما بتتشخص فعلا اما الالتهاب العادي بناخد مضادات التهاب وراحه وكمادات ونطمن 😊
دمتم بخير
دهناء ابوزيد

13/12/2020

كشف الاطفال مش سماعه وزور وبس ياجماعه
لازم نشوف نمو الطفل اخباره ايه
نبص علي الاذن بمنظار مشاكلها كتيره وبتفوت من ناس كتير وممكن احنا كدكاترة اطفال نبقي اول مكتشفين مشاكلها ونوجه الناس صح زي حالات ثقب الطبله مابتتحسش غير ف مرحلة التعقيدات لكن لو بنبص عليها دوريا هنكتشف بدري
او صديد الاذن اللي ممكن يعمل مصايب كتير زي طفل برضه لف كتير وصراخ بدون سبب وحراره مابتخفش علي علاجات كتير وجالي وبمجرد ما بصيت على الاذن عرفنا المشكله والحمد لله اتحلت
وكمان نحس البطن
ناخد تاريخ مرضي كويس ماتزعلش من الكشف بياخد وقت كله لمصلحتك ومصلحة طفلك
انا اكتشفت كذا حالة اورام ف البطن لمجرد كشف باليد لحقنا بيها اطفال كتير الحمدلله
واطفال كانت هتنفجر الزايدة عندهم لانهم بقالهم كذا يوم بيلفوا ع الدكاتره ويتشخصوا التهابات ونزلات معويه ومحدش عمل كشف للبطن او حتي سونار
دا غير حالات الانغماس المعوي اللي كان ممكن الطفل يستأصل فيها جزء كبير من امعاؤه

07/12/2020

هوا ليه الناس بتتخض لما بنقول ان دي حالة اشتباه 😏 هو المرض اللي واخد العالم كله مش هيجيلنا احنا يعني ولا احنا بعيد عنه ولا ايه
يا جماعه مفيش حد مش هيجيله كرونا بس فيه حد هيجيله بدون اعراض وهيخف وميعرفش وحد هيجيله باعراض بسيطه الي متوسطه وهيخف وحد هيجيله الاعراض بشده واما يخف او لأ
فنبطل نضحك علي نفسنا ان مفيش حاجه ونبطل نعيش الوهم اننا بعيد وحتي لو دور برد عادي ماهو معدي برده ما نقعد ونعزل نفسنا ونتوخي الحذر
و نعمل اللي علينا ونلتزم التباعد ونلبس الكمامة واللي يتعب يكشف علطول ونصدق ان فيه مرض لعين وقبل كل شيء ندعي ربنا لان هوا القادر على رفع الوباء ده

07/12/2020

الامهات ربنا يعينهم

29/11/2020

الناس اللي بتسأل عن المصل بتاع الانفلونزا المصل موجود ف صيدلية د رضا عز الدين عند المحطة وبيتاخد من عمر ٦ شهور ياريت اللي ماخدوش يروح ياخده بسرعه قبل ما الشهر دا يخلص وسعره ١٦٥ج

09/11/2020

👌👌

12/10/2020

هنتكلم النهارده عن مرض الخِناق لأن دا الموسم بتاعه
وحالات كتير بالفعل ظهرت وشفتها اليومين دول🤷‍♀️
بصي يا ست الكل بص يا سيد الناس 😁
👈يشير الخناق إلى عدوى في المجرى التنفسي العلوي، تعوق التنفس وتتسبب في كحة نابحة مميزة.
تنتج عن التورم حول صندوق الصوت (الحنجرة)، القصبة الهوائية (الرغامي) والشعب الهوائية (الشعب). عندما ترغم الكحة الهواء عبر هذا المجرى الضيق تنتج الأحبال الصوتية المتورمة ضوضاء شبيهة بنباح كلب البحر. وبالمثل أخذ النفس ينتج غالبًا صوت صفير عالي النباح (صرير)
عشان كدا الكحه بتاعة الدور دا مميزه جدا لو سمعتها مره عمرك ما تنساها وهتعرفها علطول👌
ايه اكتر عمر بيتصاب بالمرض؟ 👈 الاطفال مابين ٦شهور ل٣سنوات يعني سن الحضانه وعشان كدا معظم الاطفال بتتعب اول ما تروح الحضانه لانه مستنيهم بقي 🙃 ونادرا ما بيصيب الاطفال الاكبر سنا بس بتحصل عادي
طيب ايه سببه يا دكتوره؟؟؟ 🤔
عدوي فيروسية شبه عدوي فيرس البرد وعشان كدا الاعراض متشابهه رشح وعطس🤧 وكحه وسخونيه بسيطه 🤒
وطبعا بيتنقل بالرذاذ الناتج عن الرشح والعطس والكحه دول سواء من شخص لآخر او من ملامسة سطح عليه الفيرس
وطبعا الاطفال ف الحضانات أحضان وبوس وفي قلب بعض وهيصه بقي 😄 مش عايزه ترتاحي منهم البسي بقي😁
طيب نعمل ايه لو سمعنا الكحه دي؟؟؟؟ 👇
تجيلي العياده وانا اقولك 😁
اهم حاجه ما تتخضيش وما تتأخريش⏰
دمتم بصحة وعافية 💙

05/10/2020

👈👀 تم فتح باب حجز مصل الانفلونزا للحجز يرجي التواصل مع رسائل الصفحة
...

●احتمال وجود موجه كورونا تانى هذا العام فى فصل الشتاء وارد جدا ولذلك وجب التنويه على أهميه تطعيم الإنفلونزا السنه دى

.....
او كما يقال تطعيم البرد ...

■ ارجوكم اهتموا بتطعيم الإنفلونزا السنه دى بتاع ٢٠٢٠ اكتر من اى سنه فاتت و لازم تشوفوا طريقة كل افراد الاسرة تتطعم قبل الشتاء

● تطعيم الانفلونزا في احسن احواله بيعمل وقاية ٧٠٪؜ وفي اقل احواله بيعمل وقاية ٣٠٪؜
يعني من ٣٠٪؜ الى ٧٠٪؜ وقاية
صحيح مش ممتاز بس هو ده اللي موجود

■ لازم لو داخلين على موسم فيه فيروس البرد جاي مع فيروس كورونا في وقت واحد نتقي شر واحد منهم على الاقل على قد مانقدر

■ انا متوقع ان هيبقى فيه نقص في التطعيم السنة دي بسبب الفزع العالمي على الرغم من ان هناك اقاويل ان امريكا طلبت من الشركات المصنعة ان تنتج ضعف الكمية

■ تطعيم اﻻنفلونزا الموسيميه من التطعيمات المهمه اللي ممكن تقلل مضاعفات نزﻻت البرد عند اﻻطفال بنسبه تصل ل70% ودي نسبه كبيره مش قليله.

■ التطعيم ممكن يتاخد فى الاطفال من عمر 6 شهور فما اكبر
ولجميع الاعمار وبالاخص كبار السن

■ التطعيم بيتاخد #جرعتين لمن لم يسبق تطعيمه فى السنين السابقه الفاصل بين الجرعتين اربع اسابيع(شهر) وان تم اخده قبل ذلك يتم اخذ جرعه واحده

■ التطعيم بيعطي عضل وبالسرنجه الخاصه بيه. ويعطى نصف الحقنه فقط للاطفال من سن ٦ شهور الى ٣ سنوات و الحقنه كامله لأكبر من سن ٣ سنوات

■ افضل وقت لاعطاء التطعيم قبل موسم اﻻنفلونزا يعني يفضل فى شهر سبتمر واكتوبر ونوفمبر ولكن ممكن اعطائه لمن فاته الميعاد في شهر يناير.

● وهو حتى وقت كتابه المنشور غير متوفر وفى اغلب الأحيان بيكون متوفر فى نهايه شهر سبتمبر و بدايه اكتوبر بالكتير....

● يفضل ان يعطي التطعيم لكل اﻻطفال ولكل الفئات ولكن هناك بعض الاطفال الذين يجب اعطائهم التطعيم وهم اﻻطفال الذين يعانون من امراض مزمنه مثل امراض الجهاز التنفسي( مثل حساسية الصدر)،امراض القلب المزمنه واﻻطفال اللي بيعانو من مرض السكر،بعض امراض نقص المناعه وغيرها من اﻻمراض المزمنه.

■ التطعيم ممنوع فقط على الأطفال اللي بتعاني من حساسيه مؤكدة من البيض لانه بيدخل فى تركبيه جزيئات من بروتينات البيض...

■ التطعيم يؤجل لﻻطفال اللي بيعانو من ارتفاع في درجة الحرارة او مصابون بامراض بكتيريه تحتاج لمضاد حيوي لحين الشفاء.

● اﻻعراض الجانبيه للتطعيم قليله الحمد لله منها سخونيه قليله واحتقان بالحلق وحكه مكان الحقن.

■ التطعيم بيكون موجود فى المصل واللقاح و الصيدليات وفى المراكز الطبيه على حسب الطلب...
# منقول للأهميه

26/09/2020

هنتكلم النهارده عن بعض المعتقدات الخاطئة عند الأمهات 😌
👈طفلك لما يسخن تعرفي بمقياس حراره متعتمديش علي ايدك واحساسك 😁
👈قبل ما تجري ع الصيدليه اعملي كمادات اعملي كمادات وحياة الغالي عندك يا شيخة اعملي كمادات الاول 😄
وفيه بوست كامل عن الحراره نتعامل معاها ازاي دوري عليه وشوفيه هنا 👀مش هجيبهولك دوري انتي😜😁
👈مفيش اكل بيزود السخونيه مفيش اكل ممنوع الا بأمر الطبيب علي حسب حالة ابنك لو فيه تحسس من حاجه
لكن ليه نمنع البيض واللحمه والعيل تعبان لييه😒
اومال هيقاوم المرض والميكروب ازاي🙆‍♀️
👈مفيش حاجه اسمها اللحمه بتعفن البطن عند الطفل اللي هنبدأ نأكله نفسي اعرف مصدر الخرافه دي🤬
👈مينفعش الطفل عشان بيرجع ويسهل نبطل نشربه
لا نديله سوايل نعوضه ونتعالج
👈بلاش بالله عليكم المنكير للاطفال💅 مش ناقصه يعني سموم يبلعوها وهما بيمصوا ف صوابعهم اشتريلك عروسه لعبه حطيلها😏
👈بلاش تزوقي بنتك وتحطيلها توكه يمين وشمال وفي النص وهيا اصلا قرعه 😜 وتطيري الشعرتين اللي عندها عشان المظاهر سيبيهم ف حالهم مشطيهم بفرشة اطفال وكتر خيرك🙏
عشان بعد كدا لما بنتك تبقي شعرها ناحل من قدام متبقيش تزعلي وتعرفي انك السبب 🤦‍♀️
كفايه كدا النهارده لو افتكرت حاجه تاني هبقي اكتبهالكم 😁