Dr Bola Adel

22/12/2025

صباح الخير
الحلقة دي عظيمة عظيمة عظيمة
مهمة جدا لكل ام وكل اب
مهمة للمدرس والمدارس محتاجة تنتبه وتنشر الثقافة دي

بنصحكم تحضروها لمصلحة ولادكم
حطوها في جدولكم النهاردة

تدور الحلقة حول مصطلح تعفن الدماغ الذي تم اختياره كلمة العام من اكسفورد العام الماضي ، وهو يعبر عن تدهور الحالة العقلية والفكرية بسبب الافراط في استهلاك المح...

17/12/2025

ممكن وجع بسيط…
نقول عليه شدّ عضلي، برد في العضم، أو تعب يومين ويعدّي.
نمسك أول مسكن، وبعده مسكن…
والألم يهدى شوية، بس المشكلة لسه موجودة.

نكمّل في نفس السكة،
مسكنات أكتر، فترات أطول،
ومع الوقت الألم يرجع أقوى…
وتبدأ مشاكل تانية تظهر:
المعدة تتعب، الكلى تتأثر، وإجهاد عام مش مفهوم سببه

والحقيقة إن أوقات كتير
الوجع ده بيكون إنذار من حاجة بسيطة في الأساس،
لو اتشخّصت واتعالجت صح من الأول
ما كناش دخلنا الدوامة دي كلها

------------------------------------------------------------
د/ بـــــــــــــولا عــــــــــــــادل
ماجستير جراحة العظام والكسور وجراحات اليد
عضو الجمعية السويسرية لجراحة التثبيت الداخلى للكسور
عضو الجمعية المصرية لجراحي العظام
البرنامج التدريبي لجامعة هارفارد الأميركية

العنوان:
الأقصر: شرق السكة الحديد أمام مزلقان القراريش بجوار كنيسة الأنبا انطونيوس
الغردقة: ش الحجاز ابو عشرة عيادات كابيتال
الدهار عيادات الرجاء بجوار كنيسة الأنبا شنودة

التليفون:
012 89791975

17/12/2025

جاتلي حالة بابنها عشان ركبته واجعاه
كشفت وطمنتِها وشرحت المشكلة بهدوء، وإنها بسيطة وهتمشي على كورس علاج وهيبقى كويس إن شاء الله
ودار بينا الحوار دة:
– لا يا دكتور، لازم أشعة 🙅‍♀️
– مش محتاجة صدقيني
– لا، لازم عشان نطمن🙅‍♀️ ... وبص .. ياريت نعملها جرانيت 🧏‍♀️
– جرانيت إيه يا ست الكل؟! 🤔
– أشعة جرانيت! 😊
– تقصدي رنين؟ 🙃
– ااااااااايوة… هي دي 😅

–🤦 طيب

وادي الأشعة الجرانيت .. اهو خلاص 😆

ازاي هاقنعها تشيل الفكرة دي من دماغها
بس اقتنعت في الآخر 😁😁😆 ... غالبا قالت اجيب منين حد بتاع جرانيت دلوقتي 😆

الحمد لله،
اطمّنت…
والركبة كويسة…
والجرانيت رجع مطبخه تاني 😄

13/12/2025

ساعات كتير يجيني مرضى
شايلة قلق أكتر ما شايلة ألم.

دورنا ساعتها
مش بس نشخّص،
لكن نخفّف الحمل شوية.

10/12/2025

الستر دة جزء كبير من حياة أي جراح.. 😷

جالي النهاردة مريض كنت عملتله عملية، جاي يتابع. بصيت على الجرح 👀..
تمام، نظيف، الالتئام كويس، الشريحة مكانها زي الكتاب ما بيقول 📏✨

قاعد أراجع معاه العلاج وأسأله عن انتظامه على الأدوية…
أكتشف إنه ما أخدش ولا جرعة مضاد حيوي! 😳
كنت هتجلط في ساعتها 😅
ازاي يا جدع؟! 😱
لأنه كان هيودي نفسه في داهية ويضيع التعب والمجهود اللي اتعمل لولا ستر ربنا عليه 🙏🏻

والموقف خلاني أفكر..
إحنا كجراحين بناخد كل احتياطاتنا داخل غرفة العمليات 🏨
تعقيم كويس ♻️
تغطية لأي احتمال ميكروبي
وكورس مضاد حيوي محترم 💊
وبرضو ممكن يحصل عدوى بكتيرية رغم كل شيء!

وفي المقابل.. حالة زي صاحبنا يعدي منها ويبقى زي الفل 💪🙂

الستر مش رفاهية.. الستر نعمة،
يارب دايمًا خليك "ساترا علينا في كل شيء" 🤲

08/12/2025

عشان نسهل عليك الحجز
ونوفر عليك طول الانتظار
دلوقتي ممكن تحجز، وتاخد دورك
برسالة على الواتساب أو بالاتصال على رقم
012 89 79 19 75

#جراحةالعظام

07/12/2025

ثقتكم الكبيرة اللي بنلمسها في كل زيارة لمريض بتخلينا دايما نسعى اننا نكون افضل ونطور من نفسنا كل يوم عشان نقدملكم كل ما هو جديد طبيا وعلميا وبمستوى يليق بحضراتكم
شكرا على ثقتكم ومحبتكم

02/12/2025

بعد يوم شاق وطويل في غرفة العمليات… الحمدلله على ستره وفضله. 🙏🏻
شغلنا مرهق، لكنه دايمًا يستاهل لما نشوف المريض بخير لأن مفيش أحلى من إحساس إنك بتخفّف ألم حد. ❤️

تصوير المبدع احمد رشدي
roshdy

27/11/2025

نستأنف العمل بالعيادة إن شاء الله النهاردة الساعة ٧م بعد العودة من المؤتمر

26/11/2025

النهاردة كان عندي واحد من أجمل وأثرى التجارب… زيارة المتحف المصري الكبير!
بصراحة، ما توقعتش كمية العظمة والتنظيم والجمال اللي شوفته هناك ❤️

من أول ما تدخل وتحس بعظمة المكان، لهفة التاريخ، وروعة العرض… كل قطعة ليها قصة، وكل زاوية معمولة بإتقان يخلّيك فخور إن ده تراث بلدنا 🇪🇬

المتحف مش مجرد مكان للآثار… ده رحلة زمنية راقية، بتحسسك بقيمة مصر الحقيقية وحضارتها اللي عمرها آلاف السنين.

أنصح أي حد يروح… فعلاً تجربة تستحق 👌✨

✨ وسيبت لكم في الآخر مجموعة صور من اللي صورتها هناك… يمكن تحسّوا من خلالها بجزء صغير من الجمال اللي شوفته ❤️📸

25/11/2025

مع استاذنا الكبير دكتور اشرف محرم
استاذ جراحة العظام العظام واليد والطرف العلوي والجراحات الميكروسكوبية بالقصر العيني
من المؤتمر السنوي ال٧٧ للجمعية المصرية لجراحي العظام