د معاذ عطيتو للعيون والليزك

د معاذ عطيتو للعيون والليزك طبيب وجراح العيون والمياه البيضاء والليزك
هذه الصفحة تقدم كل ما هو هادف ومفيد وممتع للعيون ❤️
كتابات ونصائح طبية وروشتات مذهلة ورائعة ومفيدة للجميع 😍
(1)

اسأل عن استخدام المصعد والنزول للعيادة بالدور الرابع

03/10/2025

الحمد لله إن الحرب خلاص هتوقف بعد موافقة كل الأطراف !
صبراً أهل عْزة أحياء وشهداء فإن موعدكم الجنة بإذن الله

جناح حشرة دخل في قرنية العين أثناء سواقة الموتوسيكل لشاب من ٥ أيام ! أنا مش عارف ليه الشاب ساب عينه كدة ٥ أيام ملتهبة وب...
02/10/2025

جناح حشرة دخل في قرنية العين أثناء سواقة الموتوسيكل لشاب من ٥ أيام !
أنا مش عارف ليه الشاب ساب عينه كدة ٥ أيام ملتهبة وبتدمع ومش عارف يفتحها كويس ، وبياخد قطرة على أمل إنها تطلع مع القطرة !

ياريت نتفاعل ونشير المنشور علشان كلنا نعرف إن القطرة عمرها ما تزيل جسم غريب لاصق على العين أو مخترق طبقات قرنية العين 👌

أول مرة في حياتي استخدم تعديل صورتي بالAIوتلقائي لقيت نفسي بعدلها وحطيت صورتي في أكتر مكان في الدنيا نفسي أزوره ، وأمنية...
01/10/2025

أول مرة في حياتي استخدم تعديل صورتي بالAI
وتلقائي لقيت نفسي بعدلها وحطيت صورتي في أكتر مكان في الدنيا نفسي أزوره ، وأمنية أتمناها تتحقق في أقرب وقت بإذن الله ❤️🤲

حد هيستغرب ويقولي يعني يا دكتور معقول معندكش قدرة مادية تروح بيها عمرة ؟!
هقوله آه والله قبل كدة وحالياً لا يوجد بسبب مسؤوليات والتزامات شهرية كتير !

لما توفرت القدرة قبل كدة وديت بيها أمي الغالية ❤️
وأجلت تشطيب شقة لي ولأولادي

وأسأل الله أن يفرجها من عنده ويحقق أمنيتي الغالية لإني محتاج أكون هناك جداً والله

دعواتكم لأخوكم 🤍🤲

"كنت أفكر في اعتزال الطب اليوم! رسالة إلهية على شكل شوكة صغيرة أنقذتني من قرار الندم." ! النهاردة رايح العيادة وانا في ا...
28/09/2025

"كنت أفكر في اعتزال الطب اليوم!
رسالة إلهية على شكل شوكة صغيرة أنقذتني من قرار الندم." !

النهاردة رايح العيادة وانا في العربية طول الطريق عقلي والشيطان عمال يقولي ما تسيبك من الطب والعيون والصداع ده وارجع لأيام زمان واشتغل فنان ورسام وادرس هندسة ديكور وخليك في الروقان وابعد عن جو الطب العصيب اللي ممارسته كلها ضغوطات عصبية وإرهاق ذهني وخليك في سلامك النفسي قبل ما يجيلك الضغط والسكر اللي بوادرهم بدأت تظهر عليك ، وماشي طول الطريق سرحان في الكلام ده حرفيا !

في نفس اليوم حصل معايا النهاردة موقف وكإنه *رسالة ليا من ربنا* للإبتعاد عن الأفكار دي !
إيه اللي حصل بقى !!!
👇
تعال أحكيلك ؛
راجل طيب وجميل عنده ٦٠ سنة من اسبوعين عمل معانا عملية ميا بيضا بالعين اليمين الوحيدة اللي بيشوف بيها ومعتمد عليها في الرؤية !
وكانت العملية ناجحة وجميلة جدًا في المتابعة والرؤية بقت واضحة وهو بقى مبسوط جداً جداً ، وقال حسيت بعد العملية إني رجعت ٢٠ سنة وبقيت بشوف كل حاجة بوضوح الحمد لله 😍

النهاردة دخل العياده هو وابنه شكلهكم قلقانين جداً ، ابنه قالي الحقنا يا دكتور شوف الحاج عينه من بعد العملية كانت كويسة ، بس له يومين بيقول إنه مش شايف كويس والرؤية رجعت أسوأ من قبل العملية، وعمال ياخد في القطرات مفيش أي تحسن واحنا متوترين جداً شكلها العملية باظت !

بكل هدوء فحصت العين على الجهاز ، واضح إن مفيش حاجة ظاهرة والعين من جوه كويسة والعدسة تمام
(زي ما هو موضح في الصورة عند السهم الأحمر) !
بس مع التدقيق في الفحص لاحظت إن في حاجة شفافة مخترقة سطح القرنية الشفافة ، بس مش واضحة لو فحصت العين بالجهاز بإضائته العادية مش هتحس إن في أي حاجة !

للتأكيد عملت اختبار بصبغة الفلوروسين ودي 👇
(صبغة بتتحط على العين وبتصبغ أي جسم غريب أو خدوش أو قُرح على سطح القرنية بلون الفلوروسين المضئ عند تسليط فلتر إضاءة أزرق على الصبغة بسطح القرنية الخارجي )
وشكي طلع في محله ، ووضح مع الصبغة إن في جسم غريب مخترق طبقات القرنية السطحية
( زي ما هو موضح في الصورة عند السهم الأبيض ) وغالبا ده طرف شوكة أو قشاية شفاف ورفيع جداً بيكون في أطراف الزرع زي أوراق القصب والقمح والحلف والنباتات اللي فيها شوك !
فسألته ياحاج إنت رحت الزرع الأيام اللي فاتت ؟
قالي أيوة ، فقولتله خلاص اتطمن دي العين بس اتطرفت من الزرع وانت شغال ودخل فيها شوكة صغيرة وطلعتهالك ، علشان كدة الرؤية كانت مدغششة معاك علشان العين كانت بتدمع كتير ومش قادر تفتحها وسطح القرنية كان ابتدى يلتهب معاك !

قالي يعني العملية والعدسة مفيهمش حاجة يا دكتور ، دي عيني الوحيدة اللي بشوف بيها طمني 💔
قولتله اتفرج على الصور أهو قبل وبعد ما نشيل الشوكة دي ، الحمد لله جت بسيطة وريح نفسك شوية ومتروحش الزرع تاني لغاية ما عينك تخف يا عم الحاج يا طيب 🤍

بعد الحاج ما اتطمن وهدئ من روعه وتوتره وظهر على وشه الهدوء وملامح الفرح اللي بتظهر بعد انفراج الحزن والضيق وعيون لامعة ودامعة من الفرح 🥹
دعالي كام دعوة حلوة من القلب كانت أجمل حاجة حصلت في يومي ❤️
حمدت ربنا كتير على الرسالة دي وحسيت إنها رسالة إلهية مباشرة محتواها إن شغلي ده أحياناً بيكون عامل زي نجدة الملهوف القلقان المتوتر ، اللي وقتها بحس إن ده عمل بالدنيا وما فيها والله ❤️🤲

فاستشعرت حينها أن هذه الرسالة تذكير لي بمدى قيمة العمل اللي ربنا وهبه ليا بعد تعب سنين طويلة في الدراسة ، وإن ده من إحياء النفس البشرية ،
كمال قال تعالى( ومن أحياها فكأنما أحيا الناس جميعاً)
فربنا يبعد عنا جميعا كل سوء وكل أفكار هدامة تبعدنا عن عمل الخير النافع للبشرية !
ونسأل الله أن يستعملنا ولا يستبدلنا 🤲

وياريت كمان لما حد يحس بحاجة غريبة في عينه ، ميعتمدش على القطرات والعلاج فقط ، الفحص الدقيق فقط هو اللي بيبين إيه هي بالضبط المشكلة اللي بالعين وإيه هو تشخيصها وإيه هي طريقة علاجها !

لو استفدت من المنشور ، سيب أي تفاعل وشاركه على صفحتك لعل الناس اللي عندك تستفيد بإذن الله ❤️

خالص تحياتي لحضراتكم جميعاً
محبكم معاذ عطيتو 🤍




#الإنسانية

حبيب القلب ونور العين أنس معاذ عطيتو ❤️كمل النهاردة ٣ سنين أسأل الله أن يبارك فيه والبراء أخيه وأن يرزقهم الصحة والعمر ا...
26/09/2025

حبيب القلب ونور العين أنس معاذ عطيتو ❤️
كمل النهاردة ٣ سنين
أسأل الله أن يبارك فيه والبراء أخيه وأن يرزقهم الصحة والعمر الطويل
وأن يجعله وأخيه نبتاً صالحاً نافعاً لنفسه وأهله وأمته اللهم آمين

٣ أيام داخل العين مستخبية تحت الجفن والمريضة كانت تعتقد أن العين بها بعض الإلتهابات البسيطة اللي هتروح مع العلاج !هي لو ...
23/09/2025

٣ أيام داخل العين مستخبية تحت الجفن والمريضة كانت تعتقد أن العين بها بعض الإلتهابات البسيطة اللي هتروح مع العلاج !

هي لو كانت اخدت كل قطرات العيون اللي في الدنيا كانت الأعراض هتفضل موجودة ومش هتخف أبدا، لإن سبب المشكلة لازال موجود ، ولذلك بننصح دائماً بضرورة فحص العين جيداً عند الشعور بأعراض غير طبيعية بالعين ، ولذلك مش بقدر اوصف علاج لكل اللي يبعتلي ويقولي عيني فيها أعراض كذا وكذا !
الفحص هو أساس التشخيص الدقيق والعلاج المناسب والفعال 👌

النملة في الحالة دي مش بتكون على سطح العين ، دي بتكون غارزة بإيديها ورجليها في غشاء الملتحمة الشفاف الرقيق اللي بيغطي سطح العين ونايمة بداخله !
هي بمجرد دخولها وملامستها لسطح العين بتعلق بداخله وتفضل تعضعض وتقاوم وتفرز كل موادها السامة علشان تخرج منه مش بتقدر ، لإنها كإنها وقعت في بحر غراء لاصق ربنا عاملة حماية لأنسجة العين الحساسة !
الملتحمة تكلبش في الجسم الغريب ده لحد ما يتنبه ساعتها الجهاز المناعي اللي بيدور في الدم بجسم الإنسان ، واللي بيبدأ يهاجم الجسم الغريب ده بكل أسلحته المدمرة والفتاكة واللي بتقوم بها مدافع كريات الدم البيضاء وتستدعي أقرانها من سائر الجسد فتقوم بهجوم طاغي وضاري لحد ما الكائن الغريب ده يموت ويتحلل ، وده اللي بيتسبب في ظهور إلتهاب عنيف بأنسجة العين ينتج من مخلفات الحرب الضارية الدائرة على سطح العين بين الجسم الغريب والجهاز المناعي !

وانا بالفعل بمجرد ما مسكت النملة علشان اطلعها حسيتها بتتفتت لقطع وكإنها بدأت تتحلل بالفعل ، وكانت وفاتها منذ اليوم الأول لدخولها الحرب مع الجيش الرباني بجسم الإنسان!

فلو علمنا بحور النعم التي منّ علينا بها الخالق ، لما تذمرنا ولا اشتكينا لحظة في حياتنا ، بل نبقى طول العمر حامدين شاكرين مستغفرين

فسبحان الخالق الذي أودع بداخلنا جيوش تحمينا بغير حول منا ولا قوة ❤️🤲

سبحان الله وبحمده ، سبحان الله العظيم ❤️
( وفي أنفسكم أفلا تبصرون )
صدق الله العظيم 🤍

شارك المنشور لتذكر نفسك وغيرك بمدى عظمة خلق الله للإنسان ومعجزاته في جسده لنكون جميعا من الشاكرين الحامدين ❤️🤲

رمضان القادم بإذن الله 2026/2/18بأجواء باردة وسحور ممطر 🌧️اللهم بلغنا رمضان ونحن في أحسن حال♥️وكل من قال آمين 🤲
23/09/2025

رمضان القادم بإذن الله
2026/2/18
بأجواء باردة وسحور ممطر 🌧️
اللهم بلغنا رمضان ونحن في أحسن حال♥️
وكل من قال آمين 🤲

20/09/2025

‏"كل فوز في القرآن عظيم"
"إلا الأنعام والجاثية فوزهما مبين"
"والبروج فوزها كبير"

الحمد لله رب العالمين بعد العودة من المؤتمر الدولي لطب وجراحات الشبكية نستأنف العمل بالعيادة غداً السبت 20 سبتمبر بمشيئة...
19/09/2025

الحمد لله رب العالمين
بعد العودة من المؤتمر الدولي لطب وجراحات الشبكية
نستأنف العمل بالعيادة غداً السبت 20 سبتمبر بمشيئة الله
من الساعة 5 مساءً حتى الساعة 9 مساءً
للتواصل والإستفسار 01029914596

سبحان الله العظيم ❤️الصورتين دول بينهم ١٨ سنة وللمفارقة العجيبة ، الصورة الأولى كانت لأول مرة في حياتي أمسك فرشاة 🖌️🎨وأك...
15/09/2025

سبحان الله العظيم ❤️
الصورتين دول بينهم ١٨ سنة
وللمفارقة العجيبة ، الصورة الأولى كانت لأول مرة في حياتي أمسك فرشاة 🖌️🎨وأكتب بها على الحائط سنة ٢٠٠٤ وكان عمري وقتها ١٣ سنة وكنت أدرس في الصف الثاني الإعدادي الأزهري ، كتبت الآية دي بخط النسخ الشريطي على مقام الشيخ أحمد الطيب الحساني والشيخ محمد أحمد الطيب والد فضيلة الإمام الأكبر
الدكتور أحمد محمد أحمد الطيب الحساني الحسَني ..
والصورة التانية
بعد ١٨ سنة كانت على حائط منزل جدي الحاج محمد حسن عطيتو سنة ٢٠٢٢ كنت طبيب عيون ، كتبت نفس الآية بخط الثلث وكانت حرفياً آخر حاجة كتبتها بالفرشاة بعد ١٨ سنة مستمرة في رسم وكتابة الجداريات واللافتات!
والغريب ؛
إن أول حاجة كتبتها ومسكت فيها الفرشاة في حياتي هي آخر حاجة كتبتها ومسكت فيها الفرشاة في حياتي ، وما أعظمها من آية وما أعظمه من شرف عظيم ، ومصادفة رائعة لأول مرة ألاحظها وانا بقلب في الصور ❤️
في أتمنى نتفاعل ونشارك المنشور ونصلي على سيد الأولين والآخرين
(يا أيها اللذين آمنوا صلوا عليه وسلموا تسليما) 🤍

صورة تذكارية مع علَم من أعلام طب وجراحات الشبكية في مصر البروفيسور الأستاذ الدكتور سمير البَحة ، وضيوف مصر من علماء الوف...
15/09/2025

صورة تذكارية مع علَم من أعلام طب وجراحات الشبكية في مصر البروفيسور الأستاذ الدكتور سمير البَحة ، وضيوف مصر من علماء الوفد الهندي المشارك بمؤتمر الإسكندرية الدولي للشبكية 📸

شرفت وسعدت بلقاء دكتورنا البطل الشجاع الأستاذ الدكتور محمد توفيق أستاذ جراحات الشبكية والطبيب المصري اللي راح أول سنة في...
12/09/2025

شرفت وسعدت بلقاء دكتورنا البطل الشجاع الأستاذ الدكتور محمد توفيق أستاذ جراحات الشبكية والطبيب المصري اللي راح أول سنة في حرـ ب عْزة وعمل عمليات عيون وشبكية وجراحات عيون معقدة لمئات المصابين هناك ، قدوة حقيقية ويستحق كل التحية والتقدير 🤍👏

Address

شارع معدية الأهالي بجوار كمين القرنة أعلي صيدلية د. طارق الجديدة
Luxor
85831

Opening Hours

Tuesday 3:30pm - 9pm
Thursday 3:30pm - 9pm
Saturday 3:30pm - 9pm
Sunday 3:30pm - 9pm

Telephone

+201029914596

Alerts

Be the first to know and let us send you an email when د معاذ عطيتو للعيون والليزك posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د معاذ عطيتو للعيون والليزك:

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category