د. احمد سواحل - Dr. Ahmed Sawahel

07/11/2025

لما تكون شايف الحقيقة.. بس إخواتك مش شايفينها:

أوقات بيبقى في بيت واحد.. وولاد كتير، لكن كل واحد منهم عاش "طفولة مختلفة"، حتى لو كانت تحت نفس السقف.

فيه اللي شايف إن الأب أو الأم كانوا عاديين أو طيبين،
وفيه اللي شايف إنهم كانوا مؤذيين، مسيطرين

وهنا يبدأ الألم الحقيقي مش بس من الأهل، لكن من الإخوات اللي بيكذّبوك أو يدافعوا عنهم كأنك بقيت عدو.

البنت أو الابن اللي بيشوفوا الأذي في العلاقة بيكونوا عادةً همّ اللي تعبوا أكتر،
اللي اتعرضوا للنقد، أو التهميش، أو اللي شالوا اللوم دايمًا.
لكن إخواتهم ممكن يكونوا عاشوا تجربة مختلفة:
ممكن يكونوا كانوا المفضلين، أو اللي اتعودوا يرضوا علشان يعيشوا في أمان.
فكل واحد منهم بنى "قصته" عن الأهل، على حسب دوره اللي اتفرض عليه.

طب ايه اللي بيحصل فعلاً في الأسر دي؟!

الأهل اللي عندهم تحكم أو نرجسية بيحبوا يعملوا "تفرقة" بين ولادهم
يخلّوا واحد ملاك، والتاني دايمًا الغلطان.
واحدة تبقى "المدللة"، والتانية "الصعبة".
وبكده يفضلوا همّ مركز الاهتمام، والإخوات يفضلوا مشغولين ببعض بدل ما يواجهوهم.
وده بيخلق حرب صامتة بين الإخوات، تمتد لسنين طويلة.

ليه في إخوات بيعيشوا في الإنكار؟
لأن الاعتراف إن الأب أو الأم مؤذيين وجع كبير جدًا.
يعني لازم تقول لنفسك إن المكان اللي المفروض يحميك، كان بيأذيك.
وده شيء العقل البشري بيقاومه بكل وسيلة.
فبدل ما يواجه الحقيقة، بيقول:
"يمكن أنا كنت حساس"،
"ماما كانت بتربي"،
"هو كان بيحبنا بطريقته".
ده بيخلي الإنكار شكل من أشكال الحماية، حتى لو كان مؤلم.

وفي المقابل، الأخ أو الأخت اللي فاقوا، بيعيشوا نوع تاني من الوحدة:
بيفقدوا مش بس علاقتهم بالأهل، لكن كمان إخواتهم اللي مش قادرين يصدقوهم.
وبيبدأوا رحلة التعافي وهمّ شايلين إحساس إنهم فقدوا العيلة كلها مرة واحدة.

بس ده مش معناه إنك قاسي او إنك بتبالغ.
الحقيقة إن كل واحد شاف زاوية مختلفة من نفس البيت.
الوعي بيخليك تشوف الصورة كاملة،
لكن مش الكل مستعد يشوفها في نفس الوقت.

🌿 طب تعمل إيه لو إنت الوحيد اللي شايف ده؟

1. اقبل اختلاف التجارب.
مش لازم تقنع إخواتك إنك صح. همّ هيشوفوا لما يكونوا جاهزين، لو شافوا أصلًا.
خليك في سلام مع إن إدراكهم مش مسؤوليتك.

2. احمي حدودك.
لو وجودك معاهم بيأذيك أو بيرجعك للوجع القديم، المسافة هنا نوع من الشفاء.
مش قسوة، دي حماية.

3. اشتغل على نفسك.
العلاج النفسي، أو الكتابة، أو مجموعات الدعم
كل ده يساعدك تفرّغ الألم، وتفهم إن اللي حصل مش ذنبك.

4. اختار ونس بديل.
العيلة مش لازم تكون دم،
ممكن تكون ناس بيفهموك، بيحبوك، وبيشوفوك من غير شروط.

5. افتح باب التسامح.. لكن مش الإنكار.
سامح لو تقدر، عشان ترتاح،
بس متنكرش الوجع أو تبرر الأذى.

6. افهم إن الوعي وجع مؤقت.. بس خلاص طويل المدى.
أول ما تبدأ تشوف الحقيقة، الألم يزيد، بس بعد كده يخف،
زي لما تضمد جرح قديم، بيوجع الأول، وبعدين يلتئم.

مش سهل تعيش الوعي لوحدك، بس صدقني، الشفاء دايمًا بيبدأ من الشخص اللي قرر يواجه الحقيقة، حتى لو الكل حواليه لسه نايم.
اللي شايف مش قاسي.
هو بس قرر يبطل يعيش في الظلام اللي اتربّى فيه.

لأن الشفاء الحقيقي مش دايمًا بيبدأ من تصديق الناس ليك،
لكن من إنك إنت تصدّق نفسك.
By:R🕊

07/11/2025

"كل جرحٍ فيك هو شاهد على أنك قاومت، وأنك ما زلتَ حيًّا رغم العواصف.
فلا تندب ما آلمك، بل اشكر الله أنه أبقاك بعد الألم قادرًا على الإحساس.
لأن القلب الذي ما زال يشعر، ما زال حيًّا، وما زال لله فيه رجاء."💚
(الرافعي(وحي القلم

06/11/2025

"الصداقة ليست أن تتحدث كثيرًا مع إنسان، بل أن تجد نفسك حين تصمت معه.
ليست في كثرة اللقاءات، بل في صدق الشعور حين تبتعدان.
الصديق الحقّ هو الذي إذا جلست إليه، أحسست أنك عدت إلى نفسك بعد غياب طويل.
هو مرآتك التي تُريك جمال روحك حين تنساه، وسندك الذي لا يتبدّل وإن تبدّل الناس."🫂

06/11/2025

"أخطر ما يمكن أن يفعله الإنسان هو أن يعيش حياة مفروضة عليه من توقعات الآخرين. لأنك عندما تعيش من أجل أن تُرضي، أو أن تُثبت، أو أن تُشبه، تفقد جوهرك تدريجيًا حتى لا يبقى منك سوى صورة. والناس لا يحترمون الصور، بل من يجرؤ على أن يكون نفسه دون اعتذار."
روبرت جرين

05/11/2025

"الحب هو الشيء الوحيد الذي نحمله معنا حين نرحل.
كل ما عدا ذلك يبقى هنا ( المال، الجسد، المكانة)
لكن الحب الذي أعطيناه، والرحمة التي زرعناها،
والقلوب التي لمسناها بلطفنا،
هي التي ترافقنا في رحلتنا الأخيرة،
وتترك في العالم صدى وجودنا الحقيقي."🕊🌿
إليزابيث كوبلر

04/11/2025

“نحن نتعافى عندما نُعامَل بلطف في أماكن لم نُعامَل فيها بلطف من قبل،
عندما نُرى ونُسمع دون خوف،
عندما نُحتضن دون أن نخشى أن نُكسر.
إن العلاقات الآمنة ليست ترفًا في طريق الشفاء،
بل هي الطريق ذاته.”🌿
بيسل فان دير كولك

04/11/2025

كل إنسان يحمل داخله إمكانات هائلة، لكنها مغطاة بطبقات من العادة والخوف والتقليد.
مهمتك أن تزيل هذه الطبقات واحدة تلو الأخرى،
لا أن تصبح شخصًا آخر، بل أن تعود إلى ما كنت عليه قبل أن يخبرك العالم من يجب أن تكون.”
روبرت جرين

03/11/2025

"الوظيفة الأساسية للعلاج الجمعي ليست في إعطاء النصائح أو الحلول، بل في خلق بيئة يختبر فيها الإنسان ذاته كما هي، دون خوف من الرفض أو السخرية. هناك فقط، في هذا الفضاء الآمن، يمكن للنفس أن تتنفس، وأن تتعلم كيف تحب وتُحب."🌿
إرفين يالوم

لو نفسك تفهم أكتر عن أفكار الكتاب وتعيشها مش بس تقراها، شاركنا دلوقتي مناقشة "العلاج الجمعي" مع د. أحمد سواحل
من خلال اللينك
:https://www.youtube.com/live/xhZCRUO77Qc?si=7DfKaDNyzhVZBPNt

وعيش معانا التجربة دي اللي ممكن تغيّر نظرتك لنفسك وللعلاقات حواليك.

Nyd de videoer og den musik, du holder af, upload originalt indhold, og del det hele med venner, familie og verden på YouTube.

03/11/2025

أحيانًا لا يكون التعافي في أن تتوقف عن البكاء، بل في أن تبكي أخيرًا بعد سنوات من الصمت.
لا شيء يُعيدنا إلى الحياة مثل لحظة نواجه فيها ضعفنا دون خجل.
التعافي ليس صلابة، بل ليونة؛ هو أن تتعلم أن تكون رقيقًا مع نفسك بعد كل هذا القسوة.”
إرفين يالوم

02/11/2025

نحن في عيون الاخرين:

هناك نوعٌ من الوحدة لا يُقاس بعدد الأيام التي نقضيها وحدنا،
بل بغياب العيون التي تُرى فينا ملامحنا،
وتعيد إلينا إحساسنا بأننا ما زلنا حقيقيين.

نعلم من حكايات السجناء في الحبس الانفرادي،
ومن المستكشفين الذين قضوا شهورًا في عزلةٍ قاسية،
أن العيون حين تغيب،
يبدأ الإنسان بالابتعاد عن واقعه،
كأن روحه تتفكك ببطء في صمت المكان.

فالإنسان لا يضيع من فرط الوحدة،
بل حين لا يراه أحد.

منذ طفولتنا الأولى،
حين كنا نرفع وجوهنا الصغيرة نحو أمهاتنا،
كانت نظراتهنّ تخبرنا من نحن،
تقول لنا دون كلام: أنت هنا، أنت حقيقي💚

ومنذ تلك اللحظة،
صرنا نحتاج نظرة الآخر كي نطمئن أننا ما زلنا موجودين،
أن العالم ما زال يعترف بنا.

لكن حين تطول العزلة،
وحين تغيب تلك المرايا البشرية التي تعكس ملامحنا،
يبدأ العقل في نسج وجوهٍ من الخيال،
وعيونٍ من الذاكرة،
فهو لا يحتمل أن يختفي تمامًا من نظرات الآخرين.

🌿 لأن الإنسان لا يشفى في العزلة،
بل في العيون التي تراه وتقول له: ما زلت هنا.🫂

مستوحي من كتابات روبرت جرين

By:R🕊

02/11/2025

"الطفل الذي كبر على حبٍ مشروط يتعلم أن الحب يُمنح مقابل الهدوء والطاعة والتضحية.
لذلك حين يدخل علاقة في الكبر، يُحب بنفس الطريقة — يقدم أكثر مما يحتمل،
ويحاول أن يكون مثاليًا ليُبقي الآخر.
لكنه لا يدرك أن الحب الحقيقي لا يحتاج إلى مجهود خارق،
بل إلى أمان يسمح لك بأن تكون نفسك دون خوف من الفقد."

ليندسي جيبسون

01/11/2025

من معالم النضج هو قبولي لفكرة الاضداد ..

يعني ان الحاجة وعكسها ينفع يكونو موجودين مع بعض في نفس الوقت من غير تعارض ..
ومن غير ما يحتاجو يبقو حاجة وسط ..

زي بالضبط الحمار الوحشي .. ابيض واسود مجتمعين مع بعض من غير حتي احتياج انه يبقي رمادي..

يعني ايه الكلام ده ؟
يعني ينفع احب واكره نفس الشخص
ينفع الومه واعاتبه واحبه برضه
ينفع اضايق من حاجات في اهلي واحب حاجات تانية..

ليه بنقول كده ؟
عشان كتير مننا بيلاقي نفسه مزنوق في خانة يمين وشمال ، احبهم ولا اكرههم.. اقبلهم ولا ارفضهم..

قدرتي علي قبول واستيعاب الحاجة وعكسها بتريح كتير..
بتسكن اصوات مختلفة موجودة جوايا..
لان في النهايةزي ما جوانا الشئ وعكسه الاخر كمان الاخر جواه الشئ وعكسه ..

فالاهل المتسلطين المتحكمين مثلا ممكن يكونو داعمين جدا في مواقف مختلفة زي الامور المادية مثلا
وبالتالي مفيش تعارض بين اني احب دعمهم واكره تسلطهم وتحكمهم.