Dr. Dalia Ahmed Hasan د. داليا أحمد حسن

30/11/2025

25/11/2025

داخل جسدك تعيش عصابة كاملة اسمها الهرمونات. عصابة لا تستأذنك، ولا تُعلن ولاءها لك، ومع ذلك تتحكم فيك أكثر مما تظن. أنت لست القائد هنا… أنت الواجهة

خذ الدوبامين مثلًا:

هذه المادة المخادعة التي تُقنعك بأن السعادة موجودة في أي شيء يلمع نصف ثانية. تجرّك مثل طفل غبي خلف شاشة هاتف، أو لقمة سريعة، أو نَشوة زائفة… ثم تتركك بعدها فارغًا، هشًّا، بلا وزن ولا قيمة.

أما السيروتونين،
فغيابه كفيل بأن يحوّلك إلى أنقاض إنسان. قد تكون ناجحًا، قويًا، مشهورًا… ومع ذلك تستيقظ كل يوم وأنت مقتنع أنك لا تساوي شيئًا. إنه نوع من التعذيب النفسي الصامت؛ لا يترك جرحًا، لكنه يتركك مكسورًا من الداخل.

ونأتي إلى الأدرينالين…
إذا ارتفع، فاعلم أنك ستعيش يومًا أسود. قلبك يركض كأنه يهرب من شيء لا يعرفه، ودماغك يصير ساحة حرب. أصوات صغيرة تتحول إلى تهديد، ومشاكل تافهة تتحول إلى معارك وجودية. شيء يشبه الجنون… لكنه ليس جنونًا بما يكفي لتقرر التوقف.

ثم التستوستيرون :
أخطرهم عل الإطلاق
عندما ينخفض، ينخفض كل ما تبقى منك. الشجاعة؟ تختفي. الطموح؟ يتبخر. القدرة على المواجهة و قول "لا"؟ تسقط في أول موقف. تبقى نسخة رمادية من نفسك… شخصًا يتنفس، نعم، لكنه لا يعيش.

وأخيرًا الأوكسيتوسين…
يعطيك إحساسًا ناعمًا بالخلاص، ويجعلك تتعلق بأشخاص تافهين، مؤذين، لا قيمة لهم. يجعلك تثق بمن لا يستحق ثانية واحدة من وقتك. إنه سبب كثير من الأخطاء التي نظنها «حبًا» وهي في الحقيقة مجرد خلل كيميائي.

هذه “العصابة الهرمونية” لا تُهزَم بالكلام فقط… لكنها أيضًا ليست شيئًا خارج قدرتك. هناك حلول واقعية، بعضها بسيط، وبعضها يحتاج شجاعة مواجهة الذات.

اقرأوا التعليقات 👇

23/11/2025

📌 يعني ايه “هجمة مناعية”؟

مصطلح بنسمعه كتير خصوصًا من مرضى المناعة الذاتية…
بس ناس كتير مش فاهمة معناه بالضبط

“الهجمة المناعية” هي لحظة بيقرر فيها جهاز المناعة إنه يشتغل بزيادة…
بس بدل ما يدافع عن الجسم، يغلط في العدو ويهاجم خلايا الجسم نفسها.

تخيّلي جهاز المناعة جيش قوي، وفجأة اتلخبط…
فبدأ يضرب أبراج الكهرباء بدل المجرمين!
النتيجة؟
🔥 التهاب
🔥 تعب شديد
🔥 لخبطة في أعضاء الجسم

الهجمة مش مرض…
دي مرحلة الجسم بيدخل فيها لما جهاز المناعة يشتغل غلط أو يشتغل أكتر من اللازم.
ممكن تكون قصيرة، وممكن تطول لو مفيش تدخل صح.

وبيكون ليها أسباب كتير:
• ضغوط نفسية عالية
• قلة النوم
• عدوى
• سوء تغذية
• تغيّر هرمونات
• أو أحياناً بدون سبب واضح

الهجمة زي “إنذار” من الجسم بيقول:
اهتمي بيا… أنا مرهق.
مفروض بقي تعملي ايه وقتها 🤔

وقت الهجمة… الجسم بيبقى مرهق ومحتاج معاملة خاصة.
اتّباع شوية خطوات بسيطة بيفرق جدًا في تقليل الأعراض وتهدئة الالتهاب:

🔹 1. الراحة الكاملة

ابعدي عن المجهود، التمرين الشديد، والسهر.
الجسم محتاج يهدى علشان يتوازن تاني.

🔹 2. شرب مياه كتير

الترطيب بيقلل الالتهاب ويدعم جهاز المناعة.

🔹 3. تقليل التوتر

اعملي أي حاجة تهدي أعصابك:
تنفس – مشي بسيط – اسمعي حاجه تطمنك .

🔹 4. أكل مضاد للالتهابات

ركّزي على:
🥑 الأفوكادو
🐟 السالمون
🍓 التوت
🥦 الخضار الورقي
🌰 المكسرات النيّة
وابعدي عن: السكر-الجلوتين – الأكل المقلي – الأكل الجاهز.

🔹 5. النوم الكفاية

نامي 7–9 ساعات، خصوصًا أول يومين من الهجمة.

🔹 6. تخفيف القهوة والمنبهات

علشان ما تزودش الخفقان والتوتر.

🔹 7. مراقبة الأعراض

لو الحرارة بتزيد أو الألم بيزيد…
يبقى لازم متابعة دكتورك.

🔹 8. مكملات مسموح بها

لو الدكتور سامح:
• أوميغا 3
• فيتامين D
• بروبيوتيك
• مغنسيوم
(حسب حالتك طبعًا).

💗 أهم حاجة؟

اسمعي جسمك… وقت الهجمة مفيش بطولات.
راحة + تهدئة = خروج أسرع وأخف من الهجمة.

🖊️داليا أحمد

17/11/2025

رحلتنا في ال Diet بتكون مجرد Challenge
بنحدد فيه Target وبنسعي كل أسبوع نوصل ليه
بساعدك نوصل للهدف دا بكل راحة لأن النفسية مهمة جدا وبتوصلنا أسرع لهدفنا 🤗
وبكون سعيدة أكتر منك لما بنوصل ليه وبكتب
🌟The end 🌟
انت كدا تمام مش محتاجالي☺️

بطلتنا الجميلة اللي بحبها جدا بشكل شخصي وصلت معانا ل Target اللي بتحلم بيه رغم انها Breastfeeding بس الرضاعة متأثرتش بالDiet الحمد لله

👈خسرنا 20k.g وزن كلي 🔥🔥🔥
👈منهم 18.6k.g دهون 🔥🔥🔥
👈من الدهون دي الدهون الحشوية نزلت 12point💥💥

برافو بطلتي الجميلة فخورة بيكي جدا 🫶👏

💪



#دايت ، #تغذية ،
#تغذية #صحة
#صحي #رجيم #دايت



🔸👈العنوان :شارع أوجينا وأبو الحسن برج أوجينا بجوار
جولدن لوك للنظارات

📍 اللوكيشن 📍
‏https://goo.gl/maps/fX7LrFQciT1XSvpb8

🔸👈التواصل📱فون او واتس اب : 01149008098

🔸لينك جروب التليجرام 👇

‏https://t.me/+xS6lLFBHF6dkYmM8

🔸لينك جروب الفيس بوك للسيدات فقط 👇

‏https://www.facebook.com/groups/757750584680484/?ref=share_group_link

🔸لينك الصفحة الرسمية فيس بوك 👇

‏https://www.facebook.com/DrDaliaAhme

10/11/2025

أخرجوا كلكم برة عاوزة أقيس الهدوم الشتوى لوحدى

كلمينا عن إحساسك وانتي بتطلعي هدوم الشتا🙈

حان وقت 😅

03/11/2025

يومك هيفرق كتير لو نفذتي عادة ايجابية بسيطة هتغيرلك مودك وتحفزك تبدأي يومك ب حب ونشاط 😊

☀️ ليه بنعمل توكيدات صباحية؟ وبتفرق في إيه أصلًا؟ 😌

✨ أول ما بنصحى دماغنا بتبقى “فايقة زيادة”
يعني أي كلمة بنقولها لنفسنا بتدخل جوا بسرعة…
لو بدأتي اليوم بـ“أنا تعبانة ومش قادرة” → يومك هيكمل كده.
إنما لما تقولي “أنا قدها وهعدّي اليوم بهدوء” → دماغك بتشتغل في الاتجاه ده.

✨ بتسكت الصوت اللي بيزن جوانا
عارفة الصوت اللي يقولك “إنتي مقصّرة… مش كفاية… مش قدها”؟
التوكيدات بتقفله خالص ✋

✨ بتحسسك إنك ماسكة يومك وإنتِ اللي بتسوقي
مش اليوم هو اللي بيجري بيكي.

✨ بتهدي الأعصاب وتزوّد الطاقة
شوية كلام حلو + نفس عميق = مود ألطف ودماغ أروق.

✨ بتزوّد ثقتك بنفسك
عشان انتي مش روبوت…
انتي إنسانة بتتعبي وبتشيل وبتتحملي… وتستاهلي كلمة حلوة كل صبح ❤️

طب إيه اللي هيحصلك مع الوقت؟ 🎯
• هدوء
• تركيز
• طاقة أحسن
• صبر مع العيال والبيت
• جلد ذات أقل وثقة أعلى
• إحساس إنك واقفة على رجلك

ازاي نعملها؟ 👇

🔸 قولي الكلام بصوت
🔸 نفس عميق قبلها
🔸 حسي بالكلام… مايبقاش مجرد ترديد
🔸 يوميًا حتى لو دقيقتين

ابدأي يومك بجملة حلوة لنفسك…
قبل ما تدي روحك وطاقتك للكل ❤️

إنتي كفاية… وإنتي قدها… وربنا معاكي دايمًا 🤍✨

26/10/2025

فليرحل من يرحل أصبحت لا أهتم لبقاء أحد
=بس أنتي خسيتي
-لا انت خليك 😊😂

26/10/2025

🌿 الحلبة… الكنز اللي ناس كتير مش عارفين قيمته!

في ناس بتنفر من ريحتها، لكنها لو عرفوا قيمتها الحقيقية، كانوا شربوها كل يوم 👇

💫 الحلبة مش بس مشروب شعبي، دي علاج طبيعي للجسم من جوّه.

✨ بتساعد في تنظيم سكر الدم وتحسين مقاومة الإنسولين، وده مفيد جدًا للي عندهم بداية سكر أو مقاومة أنسولين.

✨ بتقلل الكوليسترول الضار وتنشّط الدورة الدموية، وبتحافظ على صحة القلب والشرايين.

✨ بتساعد على الهضم وتعالج الإمساك لأنها غنية بالألياف.

✨ بتزوّد حليب الأم المرضعة بطريقة طبيعية وآمنة.

✨ فيها مضادات أكسدة بتقوّي المناعة وتمد الجسم بالنشاط.

🌸 مكوناتها الغذائية المذهلة:
• فيتامينات B: لتغذية الأعصاب وزيادة الطاقة.
• الحديد: لتحسين الهيموغلوبين والدورة الدموية.
• الإينوسيتول والسابونين: لتنظيم الهرمونات والمساعدة في التوازن العام.
• البيوتين: لتقوية الشعر والأظافر.

في بوست منفصل هنتكلم عن طرق تناول الحلبة علشان نقدر نستفيد من فوائدها

24/10/2025

#الكورتيزول : !
أن التوتر يمكن أن يـدمر جسمك بصمت؟ الكورتيزول ، هرمون التوتر ، يمكن أن يسبب مشاكل صحية خطـيرة إذا ارتفع لفترات طويلة .
:
1. اضطـراب عملية الأيض : يؤثر على طريقة تعامل الجسم مع الطعام .
2. ضـعف العضلات : يؤدي إلى فقدان القوة والكتلة العضلية .
3. ضـغط على القلب : يزيد من خطـر الإصابة بأمـراض القلب .
4. تأثير على الدماغ : يؤثر على الذاكرة والتركيز .
:
1. دهـون في البطن والوجه .
2. ضـغط دم مرتفع .
3. قلق وتفكير ضبابي .
4. ضعف في الذاكرة .
5. اضطـرابات النوم .
؟
1. تناول أطعمة مضادة للتوتر مثل الخضروات الورقية والشيا وأوميغا 3 .
2. تجنب الأطعمة الضـارة مثل السكر والأطعمة المصنعة والكافيين الزائد .
3. مكملات طبيعية مثل الماغنسيوم وفيتامين B بعد استشارة الطبيب .
4. مارس الرياضة بذكاء ، مثل المشي وتمارين القوة والمرونة .
- ابدأ الآن .
- اتبع هذه النصائح لتحسين صحتك وتقليل مستويات الكورتيزول في جسمك .

02/10/2025

☕✨ خلي شرب القهوة مزاج مش احتياج ✨☕
لو لقيت نفسك مش قادر تبدأ يومك أو تتعايش من غير فنجان قهوة، هنا لازم تقف وتطمن على:
• نومك: هل بتنام كفاية وبتنام نوم عميق مريح؟
• مستوى التوتر: ممكن يكون جسمك بيدور على محفز خارجي عشان يعوض الضغط النفسي.
• التغذية: نقص بعض الفيتامينات والمعادن (زي الماغنيسيوم والحديد) بيخلي الجسم محتاج منبهات زيادة.
• الترطيب: الجفاف ساعات بيظهر في شكل خمول وإحساس إنك محتاج قهوة.

💡 القهوة حلوة للمزاج، لكن لما تتحول لاحتياج إجباري.. هنا لازم تراجع جسمك قبل ما تزود الجرعة.

🖊️داليا أحمد

28/09/2025