14/10/2025
#اتيكيت التمرين 💪💪❤
- لازم نبقي عارفين كويس ان التمرين ليه اتيكيت زيه زي الاكل والشرب وكل حاجه بتعملها في حياتك ، اللي لو فقدت الاسلوب الراقي في ادائها هتتحول لتصرف همجي ✋ ما ينفعش تدخل بدون سابق انذار كده ، لازم تعمل شوية تحضيرات مهمه جداااا قبل ما تبدء التمرين ، علشان تقدر تقول ان تمرينك كان ناجح بكل المقاييس 👌❤
1-الاستحماااااام ........لاااازم يا جماعه قبل ما ننزل علي التمرين ناخد شاو محترم كده ، ويا سلام بقي لو ضفت لحمامك نوع منعش وريحته حلوة ومميزة من الشاور جل ، هتحس ان جسمك بيتنفس بجد 👌 غير ان ده هياثير بالايجاب جدااا علي مزاجك وانتا بتتمرن 😉
2-مزيل العرق ....... وانا قولت مزيل مش مضاد للتعرق ❌ مضادات التعرق بتمنع العرق من الخروج و بالتالي سموم ومياة زايدة محبوسة جوا جسمك وده غلط جدااااا ✋ لكن مزيل التعرق امن جدااااا ، لانه بس بيقتل البكتريا اللي بتنشط في مكان العرق والي بتسبب الريحة الكريهه 😷
-لازم ادقق في انه يكون نوع محترم 👌 لان كل ما كان النوع رديئ كل ما كان مفعولة اقل ومش هيعمل حاجه ✋
-البنااااات ....اللي بيخافو من المزيلات علي اساس انها بتسبب سرطان الثدي ، اولا مافيش الكلام ده خالص بالنسبه لمزيلات العرق ، زي ما قولت اللي خطر هو مضاد التعرق ❌ ...لسه خايفه برضو ، تقدري تستعملي المنتجات الطبيعية زي (الشبه او وللمون او زيت جونسون بتاع الاطفال ) الحاجات دي لو اتحطت بعد الشاور مباشرااا ، بتدي نفس مفعول مزيل العرق لكن بشكل طبيعي ✔✔
-بالنسبة للنقطتين دول 👆 لازم اراعيهم جداااا ، لاننا اكيد عارفين ان حدود حريتك بتقف عند حدود حرية الاخرين ✋ ولما تهمل في نظافتك الشخصية انتا بكدة مش بتاذي جسمك بس ، لا انتا بتاذي اللي حواليك بشكل كبيير وممكن توصل انك تكره في التمرين كله بسبب المشكلة دي ، يبقي نراعي بعض ونهتم جدااا بنفسنا 👌✋ ونرحم الكباتن اللي معانا بردو 😷😷😷
-ولو عاوز تقضي علي مشكلة العرق من جذورها ، داوم علي شرب الجنزبيل ، وده لان بيقضي علي الريحة الكريهه للعرق ، بيعالج المشكلة من المنبع من جوا جسمك وبيخلي عرقك طبيعي ومالهوش ريحه 👌👌
3-الملابس ......من اكتر الحاجات اللي الناس للاسف بتهمل فيه هي ملابس التمرين ، ما ينفعش اتمرين باي لبس والسلام ✋لا اللبس اللي هتتمرن بيه بيبقي ليها موصفات معينه ، ومش معني كده انها لازم تكون ماركات ، بالعكس ممكن تكون بسيطه جدااا بس المهم انها تكون مناسبه للتمرين ولجسمك ✔✔
-اولا لاززززم الهدوم االي هتبقي ملامسه لجسمك تكون الياف صناعية بنسبه اكبرر ، اكبر غلط الناس بتقع فيه هو ان التيشيرت اللي بيلامس الجسم بيكون قطن ❌❌ وده لكذا سبب منهم ان -القطن بيتشرب العرق بسرعه وبالتالي هيلزق علي جسمك وهو مبلول ويسد مسام الجسم وده غلط❌ انتا عاوز المسام مفتوحه علشان تخرج اكبر قدر من السموم والمياة المحبوسه تحت الجلد
-القطن لما بيلزق علي جسمك مع كثرة الحركه والاحتكاك اثناء التمرين ، وخصوصا في مناطق التعرق ، ده بيخلي البكتريا تنشط فيها وتسبب ريحة العرق الكريهه 😷✋
-لكن الالياف الصناعية ......مش بتشرب العرق ولا بتلزق علي الجسم وبالتالي جسمك هيبقي عنده مساحة يتنفس فيها ، وغير انك هتتجنب مشكلة العرق 👌
4-الكوتش ......من الحاجات المهمه جداااا في التمرين هو الكوتش اللي بتتمرن فيه ، مش اي كوتش عادي ينفع تتمرين بيه ✋ حاااول ان الكوتش يكون مخصص للرياضة ، ويكون نوع كويس ومافيش مانع يكون غالي شوية وده توفير ليك 😉 ازاي بقي ؟
-اكتر حاجه مستهلكه في التمرين هي الكوتش ، لو كان نوع رديء وقتها انتا ممكن في الشهر الواحد تستهلك اتنين منه ده بالميت ، لكن الانواع الماركة الكويسة ، بتقعد معاك اطول وقت ممكن وبتستحمل ، ده غير انها بتبقي مريحه جدااا لجسمك ورجلك خصوصا أثناء التمرين
-فيه حاجه محدش بياخد باله منها ، وهي ان الكوتش لما يكون نوع رديء ومش رياضي ، ده هيخليك عرضه للاصابات بشكل اكبر ، اكتر الاصابات بيبقي سبب سوء اختيار الكوتش ، وده لانه بيحمي الرجل بشكل كبيير أثناء تمرينك 👌✔
5-الشعر ........ اثناء التمرين يكون مرفوع لفوق بشكل كويس علشان ما يفكش كل شوية ويخليكي تفقدي تركيزك واندماجك مع التمرين 👌 لو محجبة يفضل ما تحطيش الحجاب وقت التمرين لو في جيم (بنات بس ) ، ولو محجبة وفي جيم ميكس ، يبقي حاولي برضو ان الحجاب يبقي مريح ، وفضفاف علي شعرك بلاش قمطة الطرح اللي بتعملوها دي بتدمر الشعر يا جماعة😂😂✋
-بالنسبه للبنات لازم وقت التمرين تبقي لابسة (سبورت برا ) ماينفعش اي نوع عادي ، لازم يبقي مخصص للتمرين علشان يحافظ علي المنطقة دي من الترهات ، ولان البرا العادي مع التمرين هيشوه الشكل الجمالي ليه ✋✋
6-محتوياات شنطة التمرين ✔✔✔
-اول حاجه ودي اساسية فوطه قطن عالي الامتصاص ونوع ناعم وكويس 👌
-برفان او اسبراي المفضل ليك 😍
-زجاجة ماية كبيرة .
-مناديل معقمة
-دي الاساسيات اللي هتبقي في شنطتك ، ممكن تزيد حسب احتياجاتك لكن ما ينفعش تقل ✋
✅✅✅ اداب الجيم ......اول ما تدخل من باب الجيم ، فتاكد ان اي سلوك ليك جوا بيعكس جزء كبيير جدااا من شخصيتك 👌
-اولا لازم تبقي عارف انك داخل تتمرن ، علشان صحتك وسلامة جسمك ، مش علشان تعمل فوتو سيشن جوا😁 خلي كل تركيزك علي اسلوب واداء تمرينك احسن وافيد ليك ، الصور مش هتنفعك لما تفقد تركيزك وتعمل حركة غلط تجبلك اصابة تقعدك في البيت لا قدر الله ✋
-لازم ابقي متواضع مع اللي حواليا ، سوء في طلب المعلومة او اعطائها ، وافتكر ان المبتدء انهاردة بكرة يبقي محترف ويسبقك و تتقلب الاية وتبقي انتا اللي محتاجه ، اسرار اللعبة مش حكر علي حد ✋👌
-بلاااش تتعامل مع الاجهزة بسياسة الاستهلاك لمجرد انك دافع اشتراك ✋ مش معني انك دافع علشان تستفيد من الجهاز انك تستعملة بطريقة تحرم غيرك من الاستفادة منه ....الرحمة يا جماعة وخصوصا علي التريد ميل بنشوف عليها العجب 😂😂😂
-اللي ما تعرفوش بلاش تتصرف فيه من دماغك مش عيب لما تسال فيه اللي جنبك ، تمد نفسك بالمعلومة اللي محتاجها ، وفي نفس الوقت تنميها لصاحبها 😉
-اتمرن وانتا بتسمع الميوزيك المفضلة عندك ، ده هيديك باور عالي في التمرين ، غير انه بيخليك تفرغ الطاقة السلبية اللي جواك ويحسن مزاجك💪❤❤
