What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Saturday 9am - 5pm Sunday 9am - 5pm

https://www.facebook.com/117236108065033/

Dr.Heba Mohamed, Port Said (2026)

03/02/2026

تتشرف مبادرة نحو استدامة الصحة النفسية بانضمام سفيرتها المميزة ✨
هبة محمد
صوت ملهم وشخصية حقيقية بتدعم نشر الوعي بالصحة النفسية، وتلهم كل من حولها للعمل على توازنهم النفسي 🌱
معانا في مؤتمر رمضان بوعي جديد – 7 مارس 2026 🤍
انضموا لرحلة الوعي والتغيير الإيجابي مع سفراء المبادرة!

https://chat.whatsapp.com/J7Bmohfc7JK6R8b7YIBzLN?mode=gi_thttps://www.facebook.com/share/v/1AbkNciJFo/

02/02/2026

⚠️ 7 مواقف لا تبتسم فيها أبداً وإلا خسرت هيبتك 🖤

1. عند سماع خبر حزين… أظهر الجدية والتعاطف، لا ابتسامة.

2. عند الاعتذار… كن صادقًا بنظراتك وصوتك، لا بابتسامتك.

3. في المفاوضات أو النقاشات الحساسة… الجدية تمنحك القوة.

4. عند اتخاذ قرارات حازمة… الصرامة تصنع الهيبة.

5. أمام المنافسين أو الأشخاص العدائيين… الجدية هي السلاح.

6. أثناء الاتهامات أو الاستجواب… حافظ على ثباتك ونظرتك القوية.

7. عندما تحتاج لفرض سلطتك… الحزم يجبر الناس على الاحترام.

تذكّر: الابتسامة ليست دائمًا قوة… الهيبة تُبنى حين تختار الجدية على اللطف. 🔥

01/02/2026

هل اللي انت فيه برود ولا مشاعر متخدره !!

في علم النفس ده اسمه Emotional Numbing

مش معناه انك قوي
ولا انك اتعودت
ولا انك بقيت شخص تاني

ده معناه ان جهازك العصبي بالبلدي دخل وضع حماية
Nervous System Defense Mode

بعد ضغط طويل
او صدمات متكررة
او صدمات مكبوتة

الجسم بيشوف ان الإحساس مكلف فنقلل الإحساس

فتلاقي نفسك مش زعلان ومش فرحان ومش مشتاق ومش مستمتع

وده مش سلام
ده بقاء

العلاج مش انك تجبر نفسك تحس
ولا انك تمثل انك كويس

العلاج انك ترجع الأمان لجسمك
Nervous System Regulation

بالعلاج النفسي
وبالفهم
وبالرحمة على نفسك

لما تحس بالأمان وتدي نفسك مساحة تتكلم عن اللي جواك او عن الاحداث اللي عدت بدون حكم على نفسك الإحساس يرجع لوحده

خصوصا ان الصدمات بتخلي العقل مش قادر يميز ويفرق بين اللي حصل زمان وبين دلوقتي

الشعرة اللي بين الماضي والحاضر بتتقطع و ده يخلي الاحداث لسه شغاله جواك بنفس الحده والكيفية في جسمك

فلو حاسس انك مطفي
انت مش بايظ ولا حاجه انت متألم ومشاعرك مكبوته

ومشكلة الصدمات انها بتتنسي فانت مبتكونش مدرك سبب تعبك ايه

لحجز استشارتك عن طريق واتساب علي رقم 👇

010 80827304

30/01/2026

والله الشغل مابيتعبش ولا بيزعل...
اللي بيتعب و يزعل بجد هو الدوشة اللي حوالين الشغل و الوقت و الجهد الي بيضيع في المناهدة و الجدال و الفوضي في القرارات و بعدين إنكار المسؤلية عن نتائجها
اللي بيتعب و يزعل بجد انك تلاقي نفسك بتلف حوالين روحك بحثاً عن معلومة و اول ما توصل تلاقي الي بيتعمد يرجعك لنقطة الصفر من تاني
الكدب و العشوائية و عدم الوضوح من أسوأ مظاهر بيئات العمل الفوضوية لأنها مش بس بتستنزف الطاقات و الموارد ، لكن كمان بتخلّي الناس فاقدة التركيز، و شاكّة إن أي حاجة ممكن تمشي صح وبنظام.
وفي النهاية، المشكلة مش في الشغل…
المشكلة في عقلية بتدير الشغل كأنه ساحة صراع،
مش منظومة لازم تمشي بعقل، ومسؤولية، واحترام للناس اللي شغّالة فيها.

29/01/2026

المعالج النفسي مش محتاج يتعالج لأنه “ مريض”
لكن لأنه معالج !!

جروحه اللي ما اتحولتش لمرض، وأجزاؤه اللي لسه
ما اتشافَتش، مش ذنب المريض.

هتدي المريض أدوات وفنيات… من غير علاقة علاجية؟
طيب ولما يزنقك في حتة محتاجة وجودك مش أدواتك؟
لما يخبط في جرحك؟
دفاعاتك وإسقاطات جروحك هتطلع…هتعرف توقفها
هتشوفها أصلاً؟ هتبص جواك إزاي
ومحدش بص معاك قبل كده؟

المريض مش مسؤوليته
إنك شايف العالم من بؤرة ضيقة إنت عديت منها.

هو محتاج معالج
عنده سعة، وعمق، وخبرة مع نفسه
وده طلب المهنه
لو كأدوات وبس يبقي حقه chat gbt يلعب دورك
وأقعد ف بيتك إنت
مهم زي ما بتطلب شجاعه المريض إنه يبص جواه معاك

تجرب ده إنت كمان إنت مش مختلف عنه والله !
ربنا يمنحنا الشجاعه إننا نبص جوانا .

26/01/2026

التشخيص المتأني أسلم من التسرع في التشخيص ، التشخيص المتعجل بيوصم صاحبه لفترات طويلة
تالية بما شخص به
إن كان التشخيص بالنسبة للمعالج هو فئة تصنيفية تساعده علي تحديد العلاج وخطط التدخل
فالتشخيص بالنسبة للحالة قد يكون سجن داخل فئات تصنيفية مقيدة قد يظل يعاني منها سنوات

25/01/2026

اللبس الواسع كان “بيئة”
بس لما بقى Over Size بقى كيوت

إطلاق اللحية كان “وحش”
بس لما بقى November Look بقى مقبول

“علّموا أولادكم السباحة والرماية وركوب الخيل”
فكر قديم…
لكن دلوقتي لازم Kid Sport

الخمس صلوات كتير،
مع إنك لو صليتهم بالوضوء والخشوع والسنة
مش هيكملوا 30 دقيقة من 24 ساعة،
وربنا غفور رحيم والعمل عبادة…
بس 4 ساعات في الجيم؟ عاش يا وحش

الـYoga والـMeditation ثورة جديدة
لكن عبادة التدبر المهملة
مش مفهومة ولا ليها قيمة

صيام الاتنين والخميس مش لازم ومشقة،
بس لما دكتور الدايت يقول
Intermittent Fasting يبقى عظيم.

نفسنا نسافر ونلف العالم،
لكن الحج
“لمن استطاع إليه سبيلًا”

بنقول

وننسى
“لا يسخر قوم من قوم”
و”من حسن إسلام المرء تركه ما لا يعنيه”

أمثلة كتير
بنغير مسمياتها الدينية
علشان نديها شكل جديد
يكون أسهل قبولًا وأكتر رواجاً …

22/01/2026

النقطه التى نخطها على صفحه من الورق ، تنهي سطراً من الكلمات التى كونت جمله مفيده
لكن النقطه التى نضعها على صفحة الحياه ، تنهي فقره في حياتك لا جدوى فيها ولا إفاده منها
نقطة الورق سهل جداً أن تضعها ، فهي لا تحتاج منك أي مجهود أو شجاعه ، سوى ضغطه رقيقه على القلم
لكن نقطة الحياه تحتاج منك إلى قوة روح وشجاعه ونفس طويل
وعميق كي تضعها..

21/01/2026

لا يُؤتَمَن ذاك الذي يَزرعُ الإضطّراب في قلبٍ كان آمِنًا،
فمَن أفسدَ طمأنينةَ الأرواح لا يعرف للثقة معنى،
ومن علّمَ القلبَ الخوف بعد السكينة .. لا يُعاد إليه الأمان.

20/01/2026

الصدمة والناقد الداخلي:
لما الخزي يبقى صوتك الداخلي

في ناس كتير عايشة بصوت جواها ما بيسكتش.
صوت بيقلّل، يلوم، ويجلد…
مهما عملت، مهما نجحت، مهما حاولت، دايمًا يقولك:
مش كفاية… إنت غلط… إنت السبب

الصوت ده اسمه الناقد الداخلي،
وغالبًا بيكون واحد من أوضح آثار اضطراب ما بعد الصدمة
الناقد الداخلي اتكوّن جوانا من بدري.
في طفولة كان فيها إهمال، قسوة، تجاهل، أو إساءة متكررة.
طفل سمع رسائل زي:
إنت غلطة،مش مهم،دايمًا بتغلط
وجودك عبء
ومع الوقت، الطفل ما يفضلش يسمع الكلام ده من برّه…
بيبتدي يسمعه من جوّه.
الخزي مش ذنب… الخزي هوية
في فرق كبير بين الذنب والخزي:
الذنب: أنا عملت حاجة غلط.
الخزي: أنا غلط.
في اضطراب ما بعد الصدمة بيربط الألم بالهوية.
يخليك تحس إن المشكلة مش في اللي حصلك،
لكن فيك إنت.
وده أخطر أنواع الألم،لأنه مش بيهاجم سلوك…
بيهاجم وجود.

ليه الناقد الداخلي صعب نتجاهله؟
الناقد الخارجي ممكن نبعد عنه.
شخص مؤذي؟ ننسحب.
كلام جارح؟ نرد أو نسكت.
لكن الناقد الداخلي؟ عايش جواك.
بيطلع في لحظات الضعف، التعب، الفشل، أو حتى النجاح.
عشان كده، الشفاء مش في تجاهله…
لكن في فهمه وتفكيكه.
الناقد الداخلي والخزي في علاقة دايرة مقفولة
الناقد يقول: إنت مش كويس.
تحس بالخزي.
الخزي يخليك تصدق النقد أكتر.
وتدخل الدايرة.
دايرة بتغذي:القلق/الاكتئاب/العزلة/كراهية الذات/فقدان الإحساس بالقيمة
ومع الوقت، الإنسان يحس إنه لا يستحق علاج، ولا دعم، ولا حتى تعاطف.

إزاي نبدأ نكسر الدايرة؟
التعافي بيكون من خلال:.
1. إعادة بناء الفكرة
نسأل:
هل الصوت ده حقيقة؟
ولا صدى قديم؟
دليلُه إيه؟
وضده إيه؟
مش علشان نقنع نفسنا إننا كاملين،
لكن علشان نرجّع التوازن.
2. التعاطف مع الذات
بدل ما تسأل:
ليه أنا كده؟
اسأل:
إيه اللي خلاني أبقى كده؟
التعاطف مش تبرير،هو اعتراف بالألم من غير جلد.
3. فصل الصوت عن الذات
الناقد الداخلي مش إنت.
ده صوت اتكوّن في ظروف قاسية.
لما نفصله عن هويتنا،
نقدر نسمعه من بعيد…
من غير ما نصدّقه.

ممارسات بسيطة تساعد يوميًا
تهدئة الجسد (تنفس، تأريض)
ملاحظة الحديث الداخلي من غير تصديق فوري
كتابة الصوت الناقد والرد عليه بصوت واقعي رحيم
علاقات آمنة تسمعك من غير حكم

الناقد الداخلي مش دليل إنك ضعيف…
هو دليل إنك عشت حاجة كانت أكبر من طاقتك.
الشفاء مش إن الصوت يختفي فجأة،
لكن إن صوته ينخفض،
وصوتك الحقيقي يعلى أكتر.
إنت مش الخزي اللي حسيته.
ولا اللوم اللي شيلته.
ولا الكلام اللي اتقالك زمان.
إنت شخص اتأذى…
وبيتعافى.

20/01/2026

وسِرُّ السعادةِ
أن تكونَ السعادةُ سرًّاً

20/01/2026

🧠 إزاي نتعامل نفسيًا مع Gen Z؟
جيل واعي… بس مُرهق. بيفكر كتير، بيقارن نفسه طول الوقت، وبيخاف يفشل.
التعامل معاهم محتاج:
✔️ احترام رأيهم ✔️ حوار مش أوامر ✔️ دعم نفسي مش ضغط ✔️ مساحة للغلط ✔️ تقدير المجهود مش النتيجة
Gen Z مش كسول… هو بس شايل حمل أكبر من سنه.

Dr.Heba Mohamed

03/02/2026

02/02/2026

01/02/2026

30/01/2026

29/01/2026

26/01/2026

25/01/2026

22/01/2026

21/01/2026

20/01/2026

20/01/2026

20/01/2026

Address

Opening Hours

Website

Alerts

Shortcuts

Share

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Saturday	9am - 5pm
Sunday	9am - 5pm