Dr.Heba Mohamed

04/01/2026

🧠 مهارة نفسية بتفرق بين شخص هادي وشخص مستنزَف طول الوقت
إدارة المشاعر مش كبت المشاعر

أغلب الناس فاكرة إن الشخص القوي نفسيًا
هو اللي: – ما يزعلش
– ما يتأثرش
– “يعدّي” أي حاجة

وده غلط

في علم النفس،
الشخص القوي هو اللي: بيفهم إحساسه قبل ما يتصرف.

خلّيني أقولك حقيقة مهمة 👇
المشاعر لو ما اتفهمتش
بتطلع سلوك غلط

غضب مكبوت = عصبية
حزن مكبوت = اكتئاب
خوف مكبوت = قلق
ضغط مكبوت = انفجار

وعشان كده: ناس كتير بتبوّظ علاقاتها
وتغلط في قراراتها
مش لأنها وحشة
لكن لأنها مش فاهمة اللي جواها

📌 أول مهارة نفسية حقيقية لازم تتعلّمها:

> قبل ما ترد… اسأل نفسك
أنا حاسس بإيه دلوقتي؟ وليه؟

السؤال ده بسيط
بس في العلاج النفسي
بيعتبروه نقطة تحوّل

ليه؟
لأن لما تفهم إحساسك: – بتعرف تتحكم فيه
– مش هو اللي يتحكم فيك

وده اسمه: Emotional Awareness
وعي مشاعري

المهارة دي: ✔️ بتخلّيك أهدى
✔️ قراراتك تبقى أذكى
✔️ علاقاتك تبقى أنضف
✔️ واحترامك لنفسك يزيد

وهنا
مش بنعلّمك تهدّي نفسك بكلمتين
إحنا بنعلّمك: تفهم
تلاحظ
وتتعامل صح

مهارات نفسية حقيقية
تنفعك في الشغل
وفي البيت
ومع نفسك

لو حابب محتوى مبني على علم
ومعمول للواقع
مش كلام فاضي

اعمل Follow
وخليك معانا 👌💙

02/01/2026

علامات تؤكد أنك متعب وًمرهق نفسيا.
1- التعصب من اتفه المواقف والنرفزه من اقل كلمه ..

2- إدمان التفكير في الذكريات السيئه والمستقبل بأدق تفاصيله ..

3- البعد عن التجمعات والزحام والصوت العالي ..

4- ملازمه الصداع من أي مجهود نفسي جسدي وعصبي ..

5- تأنيب الضمير بدون أي سبب ..

6- خساره أصدقاء بدون أي مبرر أو سبب ..

7- التواجد في مكان واحد لمده شهر أو شهرين أو سنوات بدون ملل ..

8- عدم القدره علي البكاء والفضفضه والتزام الصمت ..

9- فقد الشغف من النواحي العاطفيه وأي علاقه بإنسان ..

10- الشعور بالوحده والصمت والنوم ..

- كم علامة تمتلك ؟

28/12/2025

في شعور كده أنا بطلق عليه إسم "الاندهاش البشع" أبشع وأقذر الأحاسيس اللي ممكن تحسها تجاه شخص غالي عليك، هو أه غالي بس عديم الإدراك، عايش دور الضحيه علطول مبيقتنعش بغلطه، اللي هو عامل كل حاجه وحشه والسبب في كل الخراب بس مش شايف دا، ومقتنع أنه مظلوم علطول، والأبشع أنه معندوش قابليه للفهم، مقتنع بالفكره وقافل عليها ألف باب، بتحاول معاه لكنه بيضطرك إنك تبعده وتبيع أي حاجه تخصه، وتسيبه لنفسه والزمن يعرفوه قيمة اللي كنت بتقدمه له، وإنك كنت شايل ومستحمل إيه وساكت عليه.

27/12/2025

لو مراتك قالتلك الجُمل دي… خلي بالك كويس،
هي مش دايمًا بتقصد الكلام الحرفي اللي بتقوله،
لكن بتقصد الوجع اللي جواها ومش قادرة تعبّر عنه بصوت عالي.

فيه ستات لما بتتعب ما بتزعّقش… ولا بتِخانق،
بتتكلم بهدوء وبكلمات شكلها عادي — بس معناها كبير قوي.

الكلام ده مش عتاب… ولا هجوم،
ده نداء استغاثة من قلب تعب، ولسّه عنده أمل إن حد يسمعه.
افهم المعنى اللي ورا الكلام… قبل ما يكون الوقت فات."**

1️⃣ "ماشي… خلاص أنا هعمله لوحدي."
لو قالتها كتير فده مش استقلال… ده استسلام.
هي بتقصد:
"كنت محتاجة أحس إنك شايل معايا… بس لما مالقيتش، بطّلت أتوقّع."
هي بتشتغل وبتتحمل وبتكمّل…
بس جواها سؤال ساكت:
"هو أنا لوحدي في العلاقة دي؟"

2️⃣ "عادي… أنا اتعودت."
الكلمة دي مش رضا… ولا قوة.
هي معناها:
"اتوجعت كتير… واتكلمت كتير… ولما مفيش حاجة اتغيّرت، قلبي سكت."
الاعتياد هنا مش راحة،
ده تعوّد على كسرة… مش عارفة تداويها.

3️⃣ "إحنا بقينا زي اتنين عايشين في بيت واحد بس."
هي مش بتقصد البيت ولا الجدران،
هي بتقصد القُرب اللي اختفى.
بتقول:
"إنت موجود… بس مش معايا."
بقى فيه وجود جسدي… من غير وجود قلبي.
صحبة قلت… كلام قل… ودّ قل…
وبقى بينهم مسافة مالهاش شكل… بس موجوعة.

4️⃣ "مافيش حاجة… كله زي ما هو."
الجملة دي علامة خطر… مش هدوء.
هي معناها:
"كنت بشتكي وبتكلم وبتحاول أفهّم…
بس لما محدّش سمعني بجد — بطّلت أتكلم."
الصمت هنا مش راحة…
الصمت هنا آخر مرحلة بعد التعب.

5️⃣ "أنا بعمل اللي عليّ وخلاص."
شكلها مسؤولية… لكن جواها تعب كبير.
هي بتقصد:
"بقيت بعيش على الوضع التلقائي…
بؤدي دوري… بس روحي مبقتش موجودة زي زمان."
بقت تدي… من غير ما تحس إنها متحضنة ومتقدّرة.

في الآخر… الست لما تبطّل تِعاتِب — ما بتكونش ارتاحت،
هي بتكون تعبت من المحاولة.
اسمعها قبل ما تسكت أكتر…
واهتم بيها قبل ما المسافة تكبر."

27/12/2025

لا يُقدم إنسان على فعلٍ في هذه الحياة، صغيرًا كان أو عظيمًا،
إلا وكان في قلبه قدرٌ من الخوف،
خوفٌ لا يراه الناس، لكنه يسير معه كظلٍ لا ينفصل.

والمفارقة ليست في وجود الخوف،
بل في السؤال الصامت الذي يقف أمامه المرء:
هل يملك من القناعة بنفسه وبما يفعل ما يُوازن هذا الخوف، أم يتركه يقوده؟

وتلك القناعة لا تُولد فجأة،
إنما تتكوّن من تراكم لحظاتٍ أدرك فيها الإنسان أن نجاحه كان امتدادًا لقدرته،
لا صدفةً عابرة ولا ظرفًا مُواتيًا،
فيتعلم أن يقول في سره: نجحت لأنني حاولت، لا لأن الحظ ابتسم.

وحينها يخفُّ وطء الخوف،
لا لأنه غاب، بل لأنه فقد سلطته،
فيغدو الفشل عثرة في الطريق لا خاتمته

فالحياة، في جوهرها، ليست ضمانًا للنجاة،
بل حركة دائمة…
ومن يتوقّف عن المحاولة، يتوقّف عن الحياة قبل أوانها.

14/12/2025

بعد ما تتخطى هتكتشف إن الشخص اللى كان فى حياتك بعد ما خرج كان موجود عشان يعلمك درس أو ينقلك رساله معينه وإنه سابك فى أنسب وقت ليك.

14/12/2025

ريستارت مش هروب… الريستارت شجاعة.
إنك تقرر تبدأ من جديد، دي خطوة شخص قرر يعيش الحياة اللي يستحقها، مش اللي اتفرضت عليه
الريستارت مش نهاية طريق…
الريستارت بداية لحياة اتأخرت، بس لسه ممكنه..

10/12/2025

“أحيانًا مش محتاج تغيّر حياتك كلها… محتاج بس تغيّر اللي بتأكله.”

التغذية السليمة مش مجرد سعرات ووزن؛ هي رسالة يومية لجسمك وعقلك: أنا باهتم بيك.
كل نقص فيتامين، كل وجبة سريعة، كل سكر زيادة… بيأثر في هرمونات مزاجك، في طاقتك، في تركيزك، وفي قدرتك على التعامل مع الضغوط.

الأكل مش بس بيبني جسمك،
الأكل بيبني مزاجك… وصبرك… وهدوءك الداخلي.

لما تختاري وجبة صحية، إنتِ مش بس بتشبعي،
إنتِ بتقولي لنفسك:
"أنا أستحق أن أشعر بخفّة… بقوة… وبسلام."

اهتمي بصحتك النفسية من طبقك قبل مكتب الطبيب.
فأحيانًا… العلاج يبدأ من الملعقة.

10/12/2025

09/12/2025

عليك أن تعلم علم اليقين بأن المرء يخوض صراعًا كبيرًا بينه وبين نفسه كل يوم
مع ألف هم وألف حزن وألف ضعف ليخرج أمامك بكل هذا الثبات.

09/12/2025

«في عمق الألم يُولد بريق الأمل — لا تهرب من جروحك، بل اقف أمامها، وانظر كم أصبحت أقوى.»