https://www.facebook.com/110545777291628/

الدكتور/ أمير حنا الجندى ,, أخصائي التغذية العلاجية, ش. السنترال القديم متفرع من ش الجمهوريه امام معمل د. رفعت عزيز, Maghaghah (2026)

01/02/2026

مطلوب انسه للعمل بمركز د/أمير حنا الجندى
مؤهل عالى .من مغاغه
للتفاصيل برجاء الاتصال
٠١٠١٠٨١٠٩٣٤

29/01/2026

تعالو أقولكم ع نصيحة مهمة جدا آخر الليل كدا..

المفروض الطفل ف مصر خاصة بداية من 4 سنين ، ياخد جرعة #ميبيندازول 500 مليجرام مرة سنويا ع الاقل!!!

طبعا يفضل تكرار الجرعة بعد 14 يوم..

ليه كل دا ؟

علشان نقتل الديدان إللي بتبوظ صحة ومستقبل طفلك!!

#الإنكلوستوما: بتسرق دم ابنك وتعمله أنيميا وتخليه دايماً دايخ ومش قادر يركز في في المدرسة

#الإسكارس: بتسرق أكله والفيتامينات، وتخليه ضعيف وقصير مهما أكلتيه

#الدبوسية : بتحرمه من النوم الهادي، وتخليه عصبي ومشتت.

ب المناسبة المفروض تكون هناك حملات مدرسية بذلك مرة سنويا ، لا أعلم بتم ولا لا..

ثانيا ممكن تبدأي حتى الجرعة من اول 12 شهر ولكن ساعتها الجرعة ممكن تختلف..

الطبيعي الجرعة تكون من مرحلة ال كج سنويا لغاية 14 سنة ، ولكن لو زادت عن كدا عادي

دمتم بخير
💙💙

#مغاغة
#نحافه #تخسيس

09/01/2026

تعالى اقولك على شويه
🚨 كوارث فى الدايت… أخطاء بتضيع مجهودك من غير
ما تحس

ناس كتير تبقى ماشية دايت
وتتعب
ومش بتخس
أو تخس شوية وترجع تزيد أسرع 🤦‍♂️

السبب؟
مش الدايت نفسه…
لكن كوارث بتتحط جواه من غير ما ناخد بالنا 👇

1️⃣ النوم ❌ (أول وأخطر كارثة)

النوم مش رفاهية في الدايت…
النوم = حرق = توازن هرمونات.

📌 كل الدراسات أكدت:
قلة النوم:
▪️ تزود الجوع
▪️ تقلل الحرق
▪️ تزود الرغبة في السكريات

✔️ لازم تنام 7–8 ساعات يوميًا
غير كده… نزول الوزن هيبقى صعب مهما أكلت صح.

2️⃣ عدم الالتزام بالخطة الغذائية

أكتر غلطة بنشوفها 👇
“أنا ماشي كويس… بس بشوف التلاجة كل شوية” 😅

❌ رايح جاي
❌ لقمة من هنا
❌ حاجة بسيطة من هناك

وبعدها:
❓ مش فاكر أكلت إيه
❓ ولا كام سعر
❓ ولا ليه الوزن ثابت

📌 الخطة الغذائية لازم:
✔️ تتاكل زي ما هي
✔️ في مواعيد
✔️ وبكميات محددة

3️⃣ العجز الكبير في السعرات ❌

“أقلل جامد عشان أخس أسرع”
دي من أكبر الكوارث ❌

النتيجة:
▪️ جوع مستمر
▪️ عصبية
▪️ ضعف التزام
▪️ بوظان دايت بعد أيام

📌 الهدف مش:
أخس بسرعة

✔️ الهدف الحقيقي:
ألتزم أطول فترة ممكنة من غير معاناة

4️⃣ مش كل أكل صحي ينفع لكل الناس

آه… الأكل ده صحي
بس:
❌ مش دايمًا مناسب
❌ ومش دايمًا بالكميات اللي انت فاكرها

زي:
🥜 المكسرات
🥣 الشوربات
🧈 السمنة

سعراتها عالية جدًا
ولو دخلت الدايت:
✔️ تدخل بحساب
✔️ وبكميات دقيقة

5️⃣ طريقة الطهي… الكارثة الصامتة

ودي أخطر حاجة ناس كتير مش واخدة بالها منها 👇

“هسقي الرز شوربة
وأقليه في زيت
وأخد معلقتين بس”

📌 كده إنت:
❌ خدت سعرات عالية
❌ حرمت جسمك من الكاربوهيدرات
❌ جعنت نفسك جامد

النتيجة؟
كنت ممكن تاخد:
🥄 10–15 معلقة رز مظبوطة

لكن بالطريقة دي:
❌ معلقتين
❌ جوع
❌ سوء تغذية

⚠️ الطريقة دي مع الوقت:
▪️ تعمل نقص فيتامينات
▪️ نقص معادن
▪️ إرهاق
▪️ ثبات وزن

وقيس على كده باقي الوجبات 👇
كميات قليلة
قيمة غذائية ضعيفة
سعرات عالية

ودي أكبر كارثة في أي دايت.

⸻

✍️
د. الدكتور/ أمير حنا الجندى ,, أخصائي التغذية العلاجية
🇺🇸 البورد الأمريكي في التغذية العلاجية
🇬🇧 مرخّص من الهيئة البريطانية للسمنة (SCOPE)

#مغاغة #دايت #تغذیه #

31/12/2025

حبايبنا و متابعينا وعملائنا الاعزاء
كل سنه وانتو طيبين وبخير دايما وفى احسن حال
الناس الحلوة اللى جابت معنا نتيجه و وقدرنا نغير حاجه فى حياتكو
بحب اعمل البوست دة كل سنه علشان تكتبولنا
كلمه حلوة ومشجعه وقد ايه استفدتو منى سواء فى المركز او من موضوعات الصفحه
فى انتظار تعليقاتكو ❤️

26/12/2025

لو تم تشخيصك ب
كبد دهني ⛔️
تكيس مبايض ⛔️
مقاومه انسولين ⛔️
سكر نوع تاني ⛔️
قولون عصبي ⛔️

استنى هاقولك خطوات محدده هتعالجي كل ده من شهرين ل٣ شهور بالتحاليل كمان ومقاسات و ببلاش و ف البيت

اولا بالنسبه للأكل 🌀

١ مفيش حاجه اسمها هنقلي اكل ابدا من الان ♦️
بس ممكن نسلق البروتين ونشوفه ف معلقه صغيره ذبده او زيت زيتون

٢ هنمنع زيوت نباتيه زي زيت دره او عباد الشمس ♦️
هنمنع اي شبيه جبن او مكتوب عليها نباتي دهن

٣♦️ البروتين هناكله فريش من الجزار بتاعنا زي لحم أو سجق او برجر

٤♦️ هنختار من النشويات أرز بسمتي او ابيض عادي وبطاطا وبطاطس مسلوقه
هنعتبر البقوليات نشويات زي فول وعدس و حمص

٥ طبق السلطه أساسي ف وجبه الغدا وحط فيه♦️
فلفل رومى بنجر و خيار و بقدونس وفلفل كرومب و جزر
و لو عندك إمساك متكترش من الالياف

٦ اللبن أو الحليب نص كوب ف فقط♦️
الفاكهه ٣ثمره فقط ( مثال تفاح وكمثرى وجوافه)ف اليوم
وممنوع العصير نهائي

٧ اللب بكل انواعه اخرك معلقه صغيرة ف اليوم ♦️
المكسرات زي عين جمل أو لوز ٧ حبات

٨♦️ بالنسبه للمياه هنشرب كوب كل ساعه علي راس الساعه ودي مهم جدا جدا

٩♦️ هنعمل صيام متقطع ٣ أيام أسبوعيا من ١٢ ساعه الي ١٤ ساعه يوم و يوم و ناخد فيه وجبتين فقط
وجبه فيهم فقط فيها نشويات لانها تزيد عن ٥ الي ٦ معالق

١٠ هننام من ٦ الي ٨ ساعات ف الليل ♦️
وده مهم قوي لتظبيط هرموناتك

١١ المكملات بقي الي هنحتاجها من الصيدلية ♦️
فيتامين د
أوميجا 3
هناخد كمان
مغنسيوم جليسينات

١٢ التمارين ♦️
هنمشي ساعه يوميا حتي لو ف البيت وهنتمرن مقاومة يوم ويوم

١٣ وجبه الفطار مهمه جدااا قد متقدري ♦️

١٤ دايما خدي حاجات فيها بروبيوتيك ♦️
زي لبن رايب و ذبادي و مخمر الملفوف بدون خل
علشان نزود البكتريا النافعه ف المعده و نحسن الهضم

١٥♦️ كلي بروتين كويس ف كل وجبه علشان تشبعي وقت اطول و كمان تغذي جسمك و عضلاتك

١٦♦️ هناخد نص معلقه قرفه علي كوب ماء بعد الوجبه الي فيها نشويات علشان ننزل السكر ف الدم

١٧ ♦️ هناخد مكمل كركمين وفيتامين س علشان نقلل الالتهابات ف جسمنا

بس كده جربي و اوعدك هتلاقي فرق كبير

#دايت #مغاغة #تغذیه #كافيتيشن #
رياضه #كرايو٣٦٠ #

23/12/2025

تعالى اقولك الطرق المضمونة علميا لكسر ثبات الميزان🌀 وزيادة الحرق:

لازم نعرف إن ثبات الميزان فترة لازم يمر بيها كل جسم أثناء فترة الدايت ومع الصبر والالتزام بتعدي والجسم بيرجع يحرق كويس جدا.. وعشان نقصر الفترة دي فيه بعض الحاجات المثبتة علميا إن لما نعملها هنعلي الحرق فالعموم وهنقلل فترة ثبات الميزان:

1- شرب المياة وخصوصا قبل الأكل بيعلي الحرق جدا.. وفي دراسة ان اللي شربوا كوبايتين مياة قبل كل وجبة بنص ساعة خسوا بنسبة 44% اكتر من اللي مكانوش بيشربوا مياة.. ودي نقطة بيلعب عليها كتير من بياعين الوهم بتوع ادوية التخسيس.. انه يقولك اشربه بكوبايتين مياة قبل الاكل بنص ساعة.. والحقيقة ان التأثير بيكون بسبب المياة مش التركيبة اللي بيبيعوها.
المياة الباردة مع الليمون عالريق بتغسل الجهاز الهضمي وتحسن آداء الكبد وتعلي الحرق... وإلى الآن مش معروف السبب بالظبط.

2- أكل البيض عالفطار افضل بكتير من اي انواع فطار تانية.. وفي دراسة لقوا فيها إن أكل البيض عالفطار بيخليك تاكل كميات اقل على مدار ال36 ساعة اللي بعدها.. غير انه بروتين كامل وفيه كل العناصر الل بيحتاجها الجسم.

3- اشرب قهوة او نسكافيه ويفضل تبقى بلاك او بلبن قليل جدا... القهوة ليها فوايد كتير جدا من محاربة الشيخوخة لتحسين الذاكرة لمحاربة الاورام وتقليل الاصابة بمرض السكر وامراض القلب (باستثناء مرضى الضغط العالي) لكن كمان بتعلي الحرق جدا.

4- اشرب شاي اخضر فوايده كتير وبيعلي الحرق.
5- جرب الصيام المتقطع من افضل واصح الانظمة لفقدان الوزن وبيعلي الحرق جدا.
6- قلل السكر الابيض فأكلك وشربك وامنع الدقيق الابيض فالمخبوزات.
7- بالشكل ده كمل فنظام منخفض النشويات او لو كارب ده افضل من الانظمة المنخفضة الدهون ومعتدلة فالنشويات واسرع بكتير فخسارة الوزن.

8- استخدم اطباق اصغر للأكل واحسب سعرات اكلك بانتظام.

9- خلي دايما متاح حواليك سناكس صحية خضار وفاكهة ومكسرات وبيض مسلوق ومتخليش الاكل المضر متاح بسهولة قدامك حتى لو داخل عدد السعرات.

10- كل زبادي كل يوم.. فسلطة او مع فاكهة او سادة او بأي طريقة... بيحسن الهضم وده بيخلي الحرق افضل.

11- زود البهارات والشطه والحاجات السبايسي او الحراقة فأكلك طبعا بنسب معقولة.. كلها بتعلي الحرق.

12- تمارين كارديو كل يوم وياريت شيل حديد او حاجات تقيلة عشان تقوي العضلات ومتفقدهاش مع نزول الوزن.. كمان زيادة حجم العضلات بيعلي الحرق جدا.

13- كل خضار كتيروفاكهة باعتدال.. مليانة ڤيتامينات ومياة وألياف.. فبتحسن الهضم جدا والحرق بيكون فأفضل حالاته.

14- نام كويس.. لخبطة النوم بتلخبط الجسم وبتبوظ الحرق وبتلخبط هرمونات الجوع والشبع.

15- وقف إدمانك لأي نوع أكل... لو فيه حاجة معينة متقدرش تعدي الاسبوع من غير ما تاكلها يبقى انت مدمن للنوع ده.. وقفه فورا أيا كان.. متخليش فيه نقطة ضعف مسيطرة عليك وبتتحكم فحياتك وصحتك.

16- كل بروتين في كل وجبة سواء نباتي او حيواني ألبان اجبان بيض... عشان هيزود العضلات عندك وهيزود الاحساس بالشبع وهيزود حرق الدهون.

17- متعملش دايت قاسي عشان هترجع تزيد اكتر من الاول بعد فترة.. لكن اعمل نظام صحي تعيش بيه عمرك كله مش متأذي منه.. منخفض النشويات وفيه بروتين وخضار وفاكهة ودهون صحية ورياضة وحساب سعرات ومش محروم من حاجة لكن عارف الكميات المظبوطة.

18- امضغ اكلك ببطء عشان مخك بيحسبلك فترة الاكل بمدة معينة.. لو كلت ابطأ هتاكل اقل وهتشبع وهتستفيد كمان بالاكل اكتر.
دمتم بخير ❤️❤️❤️

#دايت #مغاغة #تغذیه

19/12/2025

❗️هو ممتنع🚫،بس عندنا احنا خلاناه سهل جداااا😍

الدهون وبالذات السمنه الموضعيه زى سمنه البطن والارداف،
كانت لحد وقت قريب تحدى صعب 🥶لاى حد نفسه 🤰ينزل وزن🙈 و فى نفس الوقت جسمه يكون مشدود
بس حاليا الموضوع بقى سهل جدا و مضمون1️⃣0️⃣0️⃣ %
دة لانى عندنا افضل 5️⃣ اجهزة فى مجال التخسيس الموضعى
⛔️النتيجه بعد الجلسه مباشرة ⛔️

والعرض بتاعنا لسا متاح لحد اول السنه
😍💯كورسين جلسات عليهم كورس كامل هديه

ابعتولنا على رسايل الصفحه او اتواصلو معانا واتساب و اعرفو التفاصيل
كل سنة وانتم طيبين

#كرايو #كافيتيشن #ليزر #تجميل #كرايو٣٦٠ #مغاغة #دايت
٠١٠١٠٨١٠٩٣٤ #
٠١٥٥٦٠١٤٣٤١ #

18/12/2025

نكمل مع بعض مجموعه موضوعات عن صحة وتغذيه الاطفال
🌀🌀🌀🌀🌀

في فصل الشتاء ، متنساش حاجتين مهمين..

فيتامين دال للاطفال من شهر ديسمبر لغاية مارس ع الاقل بجرعات تصل ل 1200 وحدة ، ويفضل اجراء تحليل فيتامين دال.
والفايدة هنا هيقلل أعراض الانفلونزا وكل الاتهابات ، بنسبة تصل ل 50% ، نفس الفايدة هيحصل عليها الكبار بس ناخد جرعات أعلي ، وانا دائما ب أفضل اننا نحافظ علي نسبة فيتامين دال في جسمنا من
40 ل 60 ng/ml

تاني حاجة وهي الحفاظ علي شرب الماية للناس ككل ، وخاصة الناس الاكثر عرضة للجفاف او التجلطات ، زي مرضي السكر والضغط والقلب..

ربنا يمتعكم دائما ب الصحة وراحة البال 💛💛

17/12/2025

هقولكم كم معلومة كدا لما تيجي تتعامل مع الاطفال في موضوع الاكل ، مهمين جدا..

لو مثلا طفلك رفض أكل معين ، عملتي الكوسة مثلا ، فهو مش حاببها ، اياكي تيأسي ، ليه ؟

الطفل بيكون عنده خوف من الاكلات الجديدة ب النسبة ليه ، والدراسات بتقول إن الطفل بيحتاج يتعرض من 10 ل 15مرة للاكل الجديد قبل ما يقرر ياكله!! متخيلين!!

طيب خد المعلومة التانية ، ان إياك تغصب طفلك ع الاكل!! دي كارثة ، بل استجيب لرغبته ف حالة الجوع او الشبع ، لان انت لو عملت غير كدا غير النتايج العكسية ف انت بتبوظ الترموستات بتاعة الجوع والشبع ، مستقبلا هتعرضه للسمنة أكيد وأمراض كتيرة..

خد بقى المعلومة التالتة!!! إن الطفل بيحتاج من الرز بمعدل معلقة لكل سنة ، انتم متخيلين ، يعني طفل ٣ سنين ، ٣ ملاعق يا مدام مش حلة رز 😁

طبعا مهم جدا الاكل الصحي ع مدار اليوم..

💙💙 الاكل الصحي أسلوب حياة

15/12/2025

لو طفلك عنده سِمنة مع أنيميا
، أعرف إنك ف أسوأ مراحل سوء التغذية
، وك معالجين مع بدايه العلاج لازم تحسن الاكل وتحوله ل أكل صحي ، لان الطفل دا اكييد معتمد على الاكل عالي السعرات من السكريات والدهون ، شيبسي وبيبسي ووجبات سريعة..

خلي بالك مستقبلا الطفل دا معرض ل أمراض الضغط والسكر وأنواع خطيرة اخرى من الامراض..

دة غير طبعا التقزم و تأخر البلوغ
عملتي ل ابنك او بنتك ساندوتشات العيش الفينو النهاردة 😁😁

مساءكم صحي 💙💙

13/12/2025

كل سنة وانتو طيبين
بمناسبة السنة الجديدة و اعياد الميلاد 🌟🎠
فكرنا نعمل عرض ♨️يفرحكو 😍
للناس اللى نفسها ان شكل جسمها يكون احلى
او خست على الميزان 🙋🙋‍♀️🙋‍♂️
بس فى مناطق فى جسمها مش بتنزل بالدايت او الرياضه
🛑 طبعا الحل فى جلسات نحت الجسم 🛑
🎯باحدث اجهزة موجودة عندنا
واللى نتيجتها بتظهر من اول جلسة
وعندنا عملاء كتير جربو ويشهدوا بكده❤️
🎯🎯🎯🎯🎯العرض هو 🎯🎯🎯🎯🎯
👈👈انك لما تحجزى [ ٢ ] كورس جلسات نحت الجسم
💢💢💢هاتخدى كورس كامل هديه 💢💢💢
ايووووة
💙 كورس ٥ جلسات كاملين هدية 💙
طبعا العرض دة مش على طول ولعدد محدود وهايخلص مع اكتمال العدد
الجلسة الواحده فيها ٤ اجهزة
#كرايو٣٦٠ ^ #كافيتيشن. .. #ليزر
طبعا مش هاقدر اكتب كل التفاصيل
للاستعلام والحجز برجاء الاتصال
♦️♦️♦️٠١٠١٠٨١٠٩٣٤ مكالمات و واتس اب
♦️♦️♦️٠١٥٥٦٠١٤٣٤١ مكالمات فقط
مركز
مغاغة ♦️ش.السنترال القديم متفرع من ش الجمهوريه أمام معمل د رفعت عزيز،

#تخسيس #دايت #تجميل
#كرايو #كافيتيشن #تغذية #مغاغة I

الدكتور/ أمير حنا الجندى ,, أخصائي التغذية العلاجية

01/02/2026

29/01/2026

09/01/2026

31/12/2025

26/12/2025

23/12/2025

19/12/2025

18/12/2025

17/12/2025

15/12/2025

13/12/2025

Address

Telephone

Website

Alerts

Shortcuts

Share

Category