02/12/2025
تعرف إن الميزان مش بيقولك كل حاجة؟! 😳⚖️
الميزان مش كذاب…
بس مش دايمًا صريح!
وعشان تفهم ليه أوقات ينزل وأوقات يعند… لازم تعرف ٦ حاجات مهمين جدًا:
---
1️⃣ الدهون vs العضلات
ممكن الرقم يزيد…
بس شكلك بيصغّر!
لإنك بتحرق دهون وبتبني عضلات، والعضلة وزنها أكتر من الدهون.
---
2️⃣ الماء المحتبس
يوم ملحتِ أكلك شوية؟ شربتي مية قليل؟
جسمك هيحتفظ بمية وتلاقي الميزان زاد 1–2 كيلو وهما مش دهون أصلاً.
---
3️⃣ وقت الوقوف على الميزان
الصبح غير بالليل…
بعد الأكل غير قبل النوم…
لازم ميزان ثابت يوم واحد في الأسبوع بس.
---
4️⃣ الدورة الشهرية (للسيدات)
قبل الدورة وأثناءها بيزيد الوزن 1–3 كيلو مية… وبعدها بينزل تاني بدون ما تعملي أي حاجة.
---
5️⃣ الإمساك والانتفاخ
لو في تخزين أكل أو انتفاخ…
الميزان هيعلى رغم إن الدهون مازادتش.
---
6️⃣ الملابس والمكان والميزان نفسه
ميزان البيت غير ميزان الجيم…
ولو واقفة بلبس تقيل أو الميزان مائل… الرقم هيبوظ.
---
الخلاصة 🔥
الميزان جزء بسيط من الحقيقة…
إنما الحقيقة الكاملة في:
مقاس الوسط
شكلك في المراية
طاقتك
نومك
هدومك اللي بتوسع
ما توقفش بسبب رقم…
وما تفرحيش برقم لو شكلك ما اتغيرش!
