https://www.facebook.com/100847995582764/

Dietitian.Mahmoud anan, Mansoura (2026)

23/06/2023

كتير بنشوف شباب صغير في العشرينات وبيبدا يظهر عندهم شعر ابيض. ⚫️في الاول لازم تعرف ان صبغه الميلانيين هي المسؤله عن اعطاء اللون للشعر والجلد صبغه الميلانين عباره عن صبغه بروتينيه يتم انتاجها في الجلد وبصيلات الشعر عن طريق اكسده الحمض الاميني التيروسين. ⬛اسباب الشيب المبكر : بعيد عن العوامل الوراثة هنتكلم النهارده في بعض الاسباب الي بتؤدي للشيب المبكر. ⬅️القلق والتوتر لفترات طويله بيؤدي لارتفاع هرمون الكورتيزول في الجسم وبالتالي الجسم بينتج مركب الهيدروجين بيروكسيد H2O2 وهو ده السبب الرئيسي للمشكله في الطبيعي الشعر لما يبدا ينمو بيتفرز من بصيلات الشعر صبغه الميلانين لما بنكون تحت ضغط عصبي وتوتر بيبدا جسمك يفرز مركب الهيدروجين بيروكسيد علي الجلد فيقوم الهيدروجين بيروكسيد يمسك في صبغ الميلانين بكسره او يتراكم علي بصيلات الشعر ويخلي الشعر يبيض وبالتالي مهم جدا اننا نبعد عن القلق والتوتر لان ارتفاع هرمون الكورتيزول بيسبب مشاكل زياده الوزن وارتفاع السكر والضغط ومشاكل في الشعر والبشره. ⬅️نقص بعض العناصر الغذائية بتؤدي للشيب المبكر زي مضادات الاكسده من اهم مضادات الاكسده: ✔️ فيتامين E: موجود في البيض ومنتجات الالبان المكسرات زيت جنين القمح. ✔️ glutathione: عاوز اقولك ان جسمك بينتج الglutathione بس في اوقات التوتر والقلق لفتره طويله بسبب وجود مركب الهيدروجين بيروكسيد الجسم بيقلل من افراز الglutathione من افضل الحاجات الي بتحافظ علي مستوي الglutathione في مستواه الطبيعي في الدم فايتمن c وعاوز اقولك انك مش محتاج تاخد فايتمن cمن مكمل وان مممكن تغطي احتياجك من الاكل من فايتمن cمن الفلفل الملون والخضروات الورقيه الداكنه زي البروكلي والسبانخ والجرجير. ✔️السيلينيوم ممكن تعوضه عن طريق مكمل غذائي او عن طريق الاكل وموجود في البيض والخضروات الورقيه الداكنه والماكولات البحريه. ⬅️النحاس والزنك نقصهم بيسبب الشيب المبكر ممكن نعوض نقصهم عن طريق مكمل غذائي او من الاكل زي المكسرات الخضروات الورقيه الشيكولاته الداكنه الكبده البيض الماكولات البحريه. 3nan

23/06/2023

كل سنه وانتوا طيبين بمناسبه عيد الأضحى المبارك. خصم ٤٠%علي متابعات التدريب والتغذيه اونلاين بمناسبه عيد الأضحى المبارك. ❤️. ⚫️المتابعه تشمل: ⬅️نظام غذائي محسوب السعرات والماكروز مناسب لهدفك وحسب تفضيلاتك الشخصية من اصناف الاكل. ⬅️برنامج تدريبي مناسب لمستواك وهدفك سواء في الجيم او المنزل. ⬅️متابعه النتائج اسبوعيا والرد علي استفساراتك اليوميه طوال فتره المتابعه. ⚫️للحجز والاستفسار عن العرض ابعت خاص. العرض ساري حتي رابع يوم العيد.

10/01/2023

من اكتر الانجازات الي فخور بيها في 2022 اني رجعت تاني لاكتر حاجه بحبها في نص شهر مايو الي فات قررت اني ابدا تجهيز لبطوله الجمهوريه الدرجه التانيه في خلال ال٦شهور انا حرفيا كنت كل يوم بتحدي نفسي وبضغط علي نفسي سواء في الدايت والتمرين والكارديو عشان اثبت لنفسي اني اقدر ارجع بمستوي كويس بالرغم اني موقفتش علي مسرح من 2017 وبالرغم ان 2022 كانت سنه صعبه عليا وواجهتني مشاكل كتير سواء علي نطاق البيت او الشغل والاصابه الي عندي في ركبتي الشمال من الحادثه وماثره علي عضلات رجلي الشمال الا ان الحمد لله قدرت اعمل مستوي مرضي ليا واكون في التوب ١٠. حابب طبعا اشكر كل شخص شجعني ودعمني وكان واثق فيا اني هقدر ارجع تاني واعمل مستوي كويس. ماما Amal Abdsalam انا عارف اني تعبتك معايا في التجهيزه دي في تجهيز الوجبات ودعمك النفسي ليا وتشجيعك ليا في الايام الي كنت مش ببقي قادر اقوم فيها من السرير الصبح من كتر التعب عشان اعمل الكارديو واتمرن كنتي دايما بتشجعيني وتقوليلي خلاص هانت ربنا يخليكي ليا وميحرمنيش منك ابدا ربنا يقدرني ان اخليكي فخوره بيا وفرحانه بيا ياحبيبتي. Ayman Anan تعبتكوا معايا فتره التجهيز ربنا يخليكوا ليا وميحرمنيش منكم ابدا.
Mohamed Abdelfatah صحبي واخويا واكتر شخص كان واثق فيا اني هقدر ارجع تاني واعمل مستوي كويس واكتر شخص دعمني نفسيا اوقات كتير كنت بقوله خلاص انا هوقف معدتش قادر اكمل كان دايما يقولي مفيش الكلام ده محمود الي اعرفه قوي مفيش اي ظروف هتوقفه هتكمل وهتعمل مستوي اكتر حد شاهد علي التزامي وتعبي في الفتره دي الوحيد الي كان شاهد علي التطور بتاعي وكان فرحان ليا ربنا يخليك ليا ياخويا. Abdallah El Mogy اخويا وصاحبي وعشره عمري اكتر حد واثق فيا واني هعمل مستوي كويس وهرجع احسن من الاول وقفت معايا كتير ودعمتني في اوقات صعبه كتير عدت عليا ربنا يخليك ليا ياصاحبي واخويا.

24/08/2022

كريم اول مبدا معايا كان حابب يغير من شكل جسمه ويبدا ينزل الجيم ويتمرن ويلتزم بدايت عشان يوصل لشيب كويس بالرغم ان سنه صغير ١٥ سنه بس هو من اكتر الناس المجتهده و الملتزمه الي تابعت معايا في خلال ٣ اسابيع قدرنا نزود كتله العضلات من ١٧.٤ ل١٧.٩ وفي نفس الوقت نزلنا بنسبه الدهون من٤٢.٤ل٤٠.٤ بدايت متوازن محسوب السعرات والماكروز بدون حرمان . 3nan ⚫️اخصائى تغذيه معتمد من Circles Association وكليه الطب جامعه المنصوره والمعهد القومي للتغذيه

21/08/2022

اتكلمنا في البوست الي فات عن يعني ايه كيتو جينك دايت واليه عمله في الجسم وازاي بنوزع الماكروز بتاعتنا علي سعرات احتياجنا اليوميه وهنكمل النهارده ونتكلم عن انواع الكيتوجينك دايت تفتكر كام نوع 🤔؟ ⬅️في الاول كده لازم تكون عارف ان في نوع اساسي و٣ انواع تانيين متقسمين تبع هدف كل رياضه . ⚫️النوع الاساسي standardوهو الي بنقسم فيه الماكروز زي متكلمنا في البوست الي فات كالاتي 70-80%من سعراتنا اليوميه من الدهون ،15-20%من البروتين ،5-10%من الكاربوهيدرات . ⚫️النوع الاول وهو cyclic keto diet وهو ببساطه نوع بناخد فيه ايام كارب منخفض عادي زي الاستاندرد كيتو وايام كارب عاليه مثلا 5ايام كيتو كارب منخفض من 5-10%من سعراتك ويومين كارب عالي وده اكتر اشخاص بتستخدمه لاعبي كمال الاجسام عشان بيحتاج يملئ مخازن الجلايكوجين من فتره لاخري . ⚫️النوع الثاني وهو الtargeted keto diet وهو ببساطه نوع معدل من الكيتو بيسمح بكميه كارب عاليه في اوقات التدريب وبيستخدم لبعض الرياضيين مثل العدائين . ⚫️النوع الاخير وهو الhigh protein keto diet وهو ببساطه بيسمح بنسبه بروتين عاليه علي حساب الدهون ممكن انها تزيد عن 35%من اجمالي سعرات اليوميه . ⭕️طيب ايه الاكلات المسموحه في الدايت 🤔 ⚫️من الدهون طبعا الدهون الصحيه مثل زيت الزيتون وزيت جوز الهند والافوكادو وزيت بذور الكتان والزبده. الطبيعيه ودهون الحيوانات وطبعا نبعد عن الدهون والزيوت المهدرجه زي الزيوت النباتيه والسمن المصنع . ⚫️من البروتينات اللحوم الحمراء والدواجن والاسماك والبيض والكبده . ⚫️من الكاربوهيدرات الخضروات قليله الكارب والغنيه بالالياف مثل السبانخ والبروكلي والخس والجرجير والفلفل والخيار . ⚫️من الفواكه مسموح بالفراوله والتوت . ⭕️طيب ايه الاكلات الممنوعه في الدايت 🤔 ⚫️الارز والمكرونه والبقوليات بانواعها والدقيق والماكولات المصنعه من الدقيق والسكريات والفواكه ماعدا الي قولنا عليهم فوق تمام لحد كده في البوست الجاي هنتكلم عن فوائده وينفع لمين واضراره ⚪️اخصائي تغذيه علاجيه وسمنه ونحافه وتغذيه رياضيين معتمد من Circles Association وكليه طب جامعه المنصوره والمعهد القومي للتغذيه

19/08/2022

هنتكلم النهارده عن واحد من اقدم انواع الدايت الي ظهرت في بدايه ال1920 وهو الketogenic diet الي وجده العلماء كطريقه لعلاج الاطفال المصابين بالصرع ومرضي المصابين بنقص GlUT1 المسؤله عن حرق الجلوكوز وبالفعل وجدوا تحسن كبير في الحالات واعراض الصرع والتشنجات المصحوبه ليه قلت جدا ومع الوقت بدا يظهر للكيتودايت فوائد اخري في الاطفال المصابين بالسكري وفي تقليل الوزن ايضا. ⬅️طيب يعني ايه كيتوجينك دايت 🤔. ⚫️نظام بيعتمد علي الدهون كمصدر للطاقه عن طريق تخفيض الكاربوهيدرات لاقل من ١٠%وبالتالي يتحول مسار الطاقه في الجسم من حرق الجلوكوز بشكل اساسي الي حرق الدهون او مايسمي بالكيتون باديز . ⬅️طيب مش فاهم بردوا اليه عمله وازاي بيتحول الجسم لمصدر طاقه تاني 🤔؟ ⚫️ببساطه كده لما بنحرم الجسم من الجلوكوز عن طريق تقليل الكاربوهيدرات الي هي المصدر الاساسي لتكوين الجلوكوز الجسم بيبدا يحرق من مخازن الجليكوجين الموجوده عشان ينتج طاقه لحد مخازن الجلايكوجين تفضي وبالتالي في الوقت ده الجسم بيحاول يدور علي مصدر تاني للطاقه الي هتكون في الوقت ده الدهون يبدا يدخل الجسم في حاله اسمها ketosis ويبدا يكسر الدهون وينتج من تكسيرها الketone bodies . ⬅️طيب ازاي بنقسم الماكروز فب الكيتوجينك دايت🙂؟ ⚫️ببساطه في الاول بنحسب احتياجنا اليومي من السعرات لان السعرات الحراريه طبعا هي اساس اي دايت 😇 ولو هدفنا نخس طبعا بنعمل عجز بسيط في السعرات اليوميه وبعد كده نبدا نقسم السعرات اليوميه علي الماكروز بالطريقه التاليه ٧٠-٨٠%من السعرات من الدهون الصحيه ، ١٥-٢٥%من البروتين ،٥-١٠%من الكربوهيدرات تمام لحد كده وان شاء الله في البوست القادم هنشرح الاكلات المسموح بيها والاكلات الممنوعه وانواع الكيتودايت ومميزاته وعيوبه اخصائي تغذيه علاجيه وسمنه ونحافه وتغذيه رياضيين معتمد من ⚪️ Circles Association وكليه طب جامعه المنصوره والمعهد القومي للتغذيه

14/08/2022

معاذ لاعب كونغ فو وطبعا تغذيه الرياضيين بتختلف من رياضه لاخري قدرنا ننزل بالوزن ٢كيلو دهون في خلال ٣ اسابيع ولسه مكملين تجهيز للبطوله بميزان جديد ال٣٥ كيلو. ⬅️انته كمان تقدر تعمل مستوي كويس سواء شخص رياضي او غير رياضي ⬅️لايك وشير ومتنساش تسال علي الخصم ٤٠%علي المتابعه الشهريه للتفاصيل ابعت خاص ⚫️اخصائي تغذيه علاجيه وسمنه ونحافه وتغذيه رياضيين معتمد من⏪️ Circles Association ⏪️وكليه طب جامعه المنصوره

05/07/2022

في خلال 30 يوم قدرنا ننزل بالوزن من 80.3ل78.7 ونسبه الدهون من 13.6ل11.7وكمان نزيد كتله عضليه والقوه العضليه بتزيد وده باين في الزياده الدوريه في الاوزان مع مراعاه طبعا المشاكل الموجوده عنده في الفقرات القطنيه نتيجه اصابه قديمه كل ده قدرنا نعمله بالرغم من بعض المشاكل الصحيه الي كانت بتواجهنا قبل منبدا زي انيميا الحديد الي قدرنا نحسنها والنسبه بقت افضل 😅 . انته كمان تقدر تشترك في خصم عيد الاضحي ونعمل نتيجه كويسه لتفاصيل خصم العيد ابعت خاص . اخصائي تغذيه علاجيه وتغذيه رياضيين معتمد من Circles Association وجامعه المنصوره.

24/06/2022

هنتكلم النهارده عن اخر نوع من المغذيات في سلسله الmacronutrients : ⬅️البروتين في الاول كده ايه هو البروتين . ⚫️البروتين عباره عن جزيئات كبيره تتكون من سلاسل من الاحماض الامينيه وتتميز البروتينات عن غيرها من المغذيات بمجموعه النيتروجين وتتواجد الاحماض الامينيه في المصادر المختلفه للبروتينات سواء نباتيه او حيوانيه . ⬅️انواع الاحماض الامينيه؟نوعان هما ⚫️الاحماض الامينيه الاساسيه (essential amino acids) وهي احماض امينيه لايستطيع الجسم تكوينها ولذلك يجب توافرها من الطعام وهم (leucine-isoleucine-valine-methionine-threonine-phenylalanine-tryptophan-lysine-arginine-histidine) ⚫️الاحماض الامينيه الغير اساسيه (non-essential) وهي الاحماض الامينيه التي يستطيع الجسم تكوينها بنفسه دون الحاجه اليها من الطعام مثال (cysteine -glycine-glutamine) ✔️لازم تكون عارف ان المصدر الحيواني للبروتين يوفر كميه جيده من الاحماض الامينيه الاساسيه ذات القيمه البيولوجيه العاليه مقارنه بالمقارنه بالاحماض الامينيه من المصدر النباتي والسبب ان البروتينات النباتيه غير كامله الاحماض الامينيه الاساسيه . ⬅️وظائف البروتين واهميتها ؟ ⚫️مسئول عن النمو واصلاح خلايا الجسم ونمو الكتله العضليه ومهم لصحه العظام . ⚫️يدخل في تركيب الانسجه مثل بروتينات انسجه الجلد والعضلات (الكولاجين والاكتين والميوسين ) . ⚫️يعمل كناقل للعديد من الجزيئات والمغذيات في الدم وسوائل الجسم مثال (الهوموجلوبين المسئول عن نقل الاوكسجين لخلايا الجسم واللايبوبروتينات المسئول عن نقل جزيئات الدهون من الكبد لخلايا الجسم ). ⚫️يدخل في تركيب الهرمونات والبيبتيدات مثل (الانسولين ). ⚫️جميع الانزيمات بروتينات سواء انزيمات الخلويه او الغير خلويه او حتي الانزيمات الهاضمه. ⚫️الاجسام المضاده التي ينتجها الجهاز المناعي عباره عن جزيئات بروتين . ⚫️بروتين الالبومين يعمل كbuffer للحفاظ علي درجه حموضه الدم في مستواها الطبيعي . ⬅️مصادر البروتين ؟ ⚫️المصادر الحيوانيه وتعرف ب(complete proteins)لانها تحتوي علي جميع الاحماض الامينيه الاساسيه مثال للمصادر البروتين الحيواني(اللحوم -الدواجن-الاسماك -البيض-اللبن-منتجات الالبان ). ⚫️المصادر النباتيه وتعرف ب(incomplete proteins) لانها تفقد لعدد من الاحماض الامينيه الاساسيه ولذلك يجب التنويع في مصادر البروتين النباتي في الوجبه الواحده حتي تحصل علي الاحماض الامينيه الاساسيه كامله وده طبعا الي بيعملوه الاشخاص النباتيين 😄 مثال للمصادر البروتين النباتي (الصويا-المكسرات-البذور-البقول كالعدس والفاصوليا). ⬅️طيب حد هيسالني ويقول ايه هو الاحتياج اليومي للجسم من البروتين 🤔 ؟بص الاحتياج اليومي للبروتين بيتوقف علي عمرك وطبيعه شغل او تمرينك بس الRDAمن (8.ل2 g)متقسم لكذه فئه لو انته شخص مش رياضي هتحتاج بروتين من (8.-1 g/kg. ) ولو انته شخص رياضي تقدر تاخد كحد اقصي 2g/kg حسب طبيعه تمرينك والشده بتاعته وطبعا كميه البروتين اكتر من 2جرام لكل كيلو ماثبتتش اي افضليه للشخص الرياضي الطبيعي في بناء العضلات وبالعكس ممكن تعمل مشاكل في الكلي والكبد علي المدي البعيد . اخصائي تغذيه علاجيه وتغذيه رياضيين معتمد من مؤسسه Circles Association والمعهد القومي للتغذيه ومؤسسه السمنه العالميه wof

05/06/2022

مكمل البيتا الانين ايه هو ؟ ⚫️البيتا الانين حمض اميني من الاحماض الامينيه الغير اساسيه التي يستطيع الجسم تكوينها ⚫️يعمل البيتا الانين عن طريق الارتباط بحمض اميني احر وهو l histidine وينتج من ارتباطهم مركب اخر وهو الكارنوسين . فوائده؟ ⚫️الكارنوسين يعمل علي تقليل تراكم اللاكتك اسيد الناتج من التمارين اللاهوائيه وبالتالي يقلل من الاجهاد العضلي وبالتالي يحسن من قوه التحمل ⚫️يعمل البتا الانين كمعادل للحمضيه داخل الخليه وبالتالي ينظم مستويات الphداخل العضلات الذي يمكن بعد ذلك ان يحسن الاداء العضلي . ⚫️الخلاصه ان البيتا الانين يزيد من التحمل ويحسن الاداء ويقلل الاجهاد في كلا من تمارين المقاومه والكارديو ⬅️الدراسات اثبتت ان تناول البيتا الانين بشكل يومي لمده لا تقل عن ٤ اسابيع بجرعه من ٢ل٥ جرام يعمل علي زياده الكارنوسبن في العضلات بنسبه من ٤٠ل٦٠% ⬅️وجب التنبيه ان البيتا الانين لاتظهر نتائجه الا مع الاستخدام اليومي لمده لاتقل عن ٤ اسابيع للحصول علي افضل نتيجه لاستخدامه وتبدا تحس بتاثيره ⬅️بالنسبه للسيدات التي تمارس تمارين الكارديو او المقاومه البيتا الانين مهم للسيدات لان مخازن الكارنوسين في المخ والعضلات غي الاناث اقل من الرجال . ⬅️الجرعه من البيتا الانين من ٢ل٥ جرام ⬅️البيتا الانين يمكن ان ياخذ باي وقت خلال اليوم ولكن امتصاصه يكون افضل عند اخذه مع الوجبه. ⬅️من الاثار الجانبيه لاستخدامه الاحساس بتنميل في الاطراف . Coach anan ◾️اخصائي تغذيه علاجيه وسمنه ونحافه وتغذيه رياضيين معتمد من 🔹️Circles Association 🔹️والمعهد القومي للتغذيه وكليه طب جامعه المنصوره ومنظمه السمنه العالميه wof

28/05/2022

الصيام المتقطع ؟ ⚫️نمط من أنماط تناول الطعام تتناوب فيه فترات الاكل والصيام وبالتالي هو لايعد نظام غذائي وبالتالي لو مش حاسب احتياجك اليومي من السعرات مع عمل عجز في سعراتك اليوميهمش هيساعدك في نزول الوزن 😅 ⚫️أنواعه؟ ⬅️alternate day fasting: وهو صيام ٢٤ساعه يليهم ٢٤ساعه بدون صيام وفي نوع آخر معتدل منه نقدر في خلال ٢٤ ساعه صيام ندخل ٢٥%من سعرات احتياجنا اليوميه . ⬅️whole dayfasting:وهو صيام يومين في الأسبوع و٥ ايام بدون صيام . ⬅️time restricted feeding:وهو اشهرهم عباره عن صيام عدد معين من الساعات خلال اليوم مثل نظام ١٦:٨. ⚫️فوائده : ⏮️يحسن من صحه القلب وضغط الدم والlipid profile. ⚠️غير مناسب وغير أمن للحوامل والمرضعات الاطفال. تحت ١٨ سنه ومرضي السكري ومرضي سوء التغذيه . ⚫️المسموح بيه خلال فتره الصيام : ⏮️الماء والمشروبات الخاليه من السعرات. 🚫ملحوظه الصيام المتقطع بدون حساب سعرات ملوش اي لازمه ومش هيساعدك في النزول في الوزن. اخصائي تغذيه علاجيه وسمنه ونحافه وتغذيه رياضيين معتمد من◾️مؤسسه Circles Association ◾️المعهد القومي للتغذيه وكليه طب جامعه المنصوره ومنظمه السمنه العالميه

Dietitian.Mahmoud anan

23/06/2023

23/06/2023

10/01/2023

24/08/2022

21/08/2022

19/08/2022

14/08/2022

05/07/2022

24/06/2022

05/06/2022

28/05/2022

Address

Telephone

Website

Alerts

Contact The Practice

Shortcuts

Share

Category