27/11/2025
أنا بزعق علشان ما أضربش، بس ابني سلوكه بيزيد سوء! ❌
قبل ما تسألي "ليه؟"، اسألي نفسك:
إنتي مستنية إيه يحصل بعد ما صوتك يعلى؟
هل متوقعة إن الزعيق هيعلّم ولا هيصلّح؟!
حتى لو ابنك سمع كلامك وقتها، استعدّي للي جاي :
1. عناد بيزيد كل مرة!
2. ردود أفعال عنيفة سواء مع إخواته أو حتى معاكي.
3. إحساس داخلي إنه قليل ومش محبوب.
4. ثقة بنفسه بتنهار بالتدريج.
5. العلاقة بينك وبينه بتتهز… وممكن ما ترجعش زي الأول.
طيب إيه البديل؟
1. خليه يحس إن له رأي واختيارات (في الحاجات اللي مش خطر عليه).
2. لما تدي له بدائل، بتقللي الصدام وبتخليه يتعلم يختار.
3. كل ما يتصرف صح، شجّعيه، احضنيه، أو حتى ابتسمي له… الحب مكافأة.
4. مش كل غلطة محتاجة عقاب، ساعات بس محتاجة شرح.
5. وإنتي؟ حاولي تهدي، خدي نفس، وافتكري إنك القدوة.
في لحظة غضب… ترفعي صوتك 🚫
وفجأة تلاقيه بيرد عليكي بنفس الطريقة، نفس الأسلوب، نفس الحدة!
ابنك مش بيمشي على كلامك ، هو بيمشي على أفعالك 👌🏼
وبيحس بنبرة صوتك، نظراتك و التوتر اللي مالي الجو !!(افهمي إن الزعيق بالنسباله مش عقاب (ده تهديد) بيحس إنك مش حبه، وده بيوجعه أكتر من الضرب 🤦🏼♀️
وممكن يحصل له حاجات مرعبة:
يتبول لا إرادي ـ
يخاف ينام لوحده ـ
يتشلّ من الخوف أو يسكت فجأة ـ
يكره المدرسة أو يخاف من الناس ـ
يتعلق بيكي بشكل مرضي أو يبعد عنك تمامًا ـ
وبيفضل السؤال في دماغه: "لو ماما مش أمان… مين هيكون؟"
كل طفل بيترجم الزعيق بطريقة:
في طفل بيطلع عدواني
وفي طفل بيحاول يرضي أي حد
وفي اللي بينطوي جوا نفسه
والكارثة؟
إنه يتعود على إن الإهانة "عادية"، لأن أمه كانت بتعمل كده!
بس دايمًا في أمل ✨
مشكلتك مش إنك أم فاشلة… إنتي أم مجهدة.
وتفكيرك في التغيير دليل إنك قوية.
ابدئي بخطوة بسيطة:
أول ما تحسي إنك هتنفجري، امشي بعيد 30 ثانية
وقت الغلط، اسألي نفسك: "هعلّمه؟ ولا هكسّره؟"
لما يزعق زيك، فَكّري… إنتي بتبني فيه إيه؟
الهدوء قوة ✅
والاحتواء مش ضعف… ده أمان.
وكل مرة بتحاولي، انتي بترجعي تعيدي بناء قلبه، وثقته فيك، وفي نفسه ❤️
للحجز والاستفسار أكثر يرجى التواصل :
01004341378 - 01143645105
📌 العنوان - المنصورة
مجمع المحاكم - برج السوسن - مدخل أ - الدور الإداري.
