https://www.facebook.com/profile.php?id=100007676176548&mibextid=LQQJ4d

Psy Esraa Eldeeβ, Mansoura (2026)

23/01/2026

الأمراض النفسجسمية… لما النفس تتكلم بلغة الجسد
مش كل ألم سببه عضوى.
أحيانًا الجسم بيصرخ علشان النفس ساكتة.
صداع مستمر؟
قولون عصبى؟
آلام ضهر ورقبة؟
خفقان؟
تعب من غير سبب طبى واضح؟
كل ده ممكن يكون رسالة من نفس تعبت،
ضغط مكبوت، حزن متشال، خوف متراكم، أو غضب متبلع.
الأمراض النفسجسمية مش وهم
ومش "دلع"
الجسم بيتأثر زى ما القلب بيتوجع.
العلاج مش بس مسكنات وتحاليل،
العلاج الحقيقى يبدأ لما نسمع نفسنا
وندى مشاعرنا حقها
ونفهم: إيه اللى وجعنا قبل ما وجع جسمنا؟
لو جسمك بيتعب…
اسألى نفسك بهدوء:
إيه اللى نفسى فيه ومش قادرة أقوله؟
🌿
الاهتمام بالصحة النفسية مش رفاهية…
ده حماية للجسد.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

10/01/2026

💥الانهيار النفسي (Psychological Breakdown)
ليس تشخيصًا طبيًا مستقلًا،
بل وصف لحالة من الإنهاك النفسي والعصبي الشديد
تنتج عن تعرض الفرد لضغوط مزمنة أو صدمات متراكمة
تفوق قدرته على التكيّف.
يظهر الانهيار النفسي عندما تفشل آليات المواجهة (Coping Mechanisms)،
فتحدث اضطرابات في:
تنظيم الانفعالات
التركيز واتخاذ القرار
النوم والشهية
الإحساس بالسيطرة والأمان
وقد تتضمن الأعراض: • نوبات بكاء أو قلق حاد
• شعور بالعجز أو الفراغ
• انسحاب اجتماعي
• أعراض جسدية غير مفسّرة طبيًا
• أفكار سوداوية أو إرهاق ذهني مستمر
الانهيار النفسي ليس ضعفًا في الشخصية،
ولا دليلًا على قلة التحمل،
بل استجابة طبيعية لجهاز عصبي تعرّض لتحميل زائد لفترة طويلة.
التدخل العلاجي المبكر
(الدعم النفسي، العلاج المعرفي السلوكي، تنظيم نمط الحياة، وأحيانًا التدخل الدوائي)
يساهم في استعادة التوازن النفسي
ويمنع تطور الحالة إلى اضطرابات أكثر حدة.
الاعتراف بالحالة
وطلب المساعدة
هو أول خطوة في التعافي، 🤍

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

05/01/2026

"لسه فاكر إن العلاج النفسي ضعف؟"
خلّيني أقولك حاجة بهدوء…
الضعف مش إنك تطلب مساعدة،
الضعف الحقيقي إنك تكمّل متألم
وتتظاهر إنك كويس.
العلاج النفسي مش عشان الناس الضعيفة،
العلاج النفسي للناس اللي تعبت
ومش عايزة تعيش باقي عمرها بنفس الوجع.
لو حاسس إنك تايه، متلخبط، قلقان،
أو حتى مش حاسس بحاجة…
ده مش عيب،
وده مش فشل.
دي شجاعة 🤍

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

26/12/2025

فقدان المشاعر مش برود… ولا قسوة
فيه ناس بتصحى تلاقي نفسها
مش فرحانة زي زمان
مش زعلانة زي الأول
ولا حتى متأثرة بالحاجات اللي كانت بتهزّها
وده اسمه فقدان أو تسطّح المشاعر
وغالبًا بييجي بعد:
ضغط نفسي طويل
صدمات متكررة
علاقات استنزفت الطاقة
اكتئاب أو قلق مزمن
العقل أحيانًا بيختار “يقفّل الإحساس”
مش لأنه مش قادر يحب
لكن لأنه تعب
فقدان المشاعر:
مش دليل ضعف
مش أنانية
ومش قلة تقدير للي حوالينا
هو رسالة إن الشخص محتاج:
أمان
راحة
ومساحة يتعالج فيها
لو حاسس إنك “مش حاسس”
ده مش نهاية…
ده بداية احتياجك لنفسك 🤍
الشفا بيبدأ لما نفهم، مش لما نلوم.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

23/12/2025

الاكتئاب مش دلع… ومش ضعف… ومش قلة إيمان.
الاكتئاب مرض نفسي حقيقي، بيأثر على التفكير، والمشاعر، والجسم، والقدرة على القيام بأبسط المهام اليومية.
مش كل مكتئب بيعيط، ومش كل مكتئب شكله حزين… أحيانًا بيضحك وبيشتغل وبيبتسم، وهو من جوه بيتآكل.
جُمل زي:
شد حيلك
غيرك عنده مشاكل أكبر
قرب من ربنا وهتبقى كويس
مش علاج…
وأحيانًا بتزود الإحساس بالذنب والعجز.
الاكتئاب ممكن يؤدي إلى:
فقدان الشغف
إرهاق دائم بدون سبب واضح
اضطرابات نوم وأكل
أفكار سوداوية أو إيذاء النفس
وتجاهله أو التقليل منه ممكن يكون خطر على الحياة.
طلب المساعدة مش عيب،
والعلاج النفسي مش رفاهية،
والدعم الحقيقي ممكن ينقذ إنسان.
لو حد قالك إنه تعبان نفسيًا… صدّقه.
ولو أنت تعبان… وجودك مهم، ومش لوحدك، وفيه أمل مهما كان بعيد دلوقتي.
🖤 الاكتئاب يُعالج… لكن الاستهزاء به يقتل

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

17/12/2025

🔹 الصدمات الكهربائية في العلاج النفسي

(ECT – Electroconvulsive Therapy)

رغم الاسم المخيف، العلاج بالصدمات الكهربائية هو واحد من أقدم وأنجح العلاجات النفسية في حالات محددة، وبيتم استخدامه لحد دلوقتي تحت إشراف طبي صارم.

📌 إيه هو؟
هو إجراء طبي بيتم فيه تمرير تيار كهربائي بسيط ومتحكم فيه للمخ، بهدف إحداث نوبة تشنجية قصيرة، وده بيساعد على إعادة تنظيم كيمياء المخ.

📌 بيُستخدم إمتى؟ ✔ الاكتئاب الشديد المقاوم للأدوية
✔ الاكتئاب المصحوب بأفكار انتحارية
✔ الاضطراب الوجداني ثنائي القطب (نوبات شديدة)
✔ بعض حالات الفصام
✔ الاكتئاب المصحوب بذهان

📌 هل هو مؤلم؟
❌ لا
بيتم تحت تخدير كلي مع مرخيات عضلات، والمريض لا يشعر بالألم ولا يتذكر الجلسة.

📌 عدد الجلسات؟
عادة من 6 إلى 12 جلسة حسب الحالة، بمعدل 2–3 جلسات أسبوعيًا.

📌 الآثار الجانبية المحتملة:
▪ صداع بسيط
▪ دوخة مؤقتة
▪ ضعف مؤقت في الذاكرة القريبة (غالبًا يتحسن)

📌 مهم نعرف:
🔹 الصدمات الكهربائية الحديثة مش زي اللي بنشوفه في الأفلام
🔹 نسب نجاحها عالية جدًا في الحالات الشديدة
🔹 بتُنقذ حياة مرضى فشل معاهم كل العلاجات التانية

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

✨ الخلاصة:
العلاج بالصدمات الكهربائية مش عقاب ولا تعذيب، لكنه إجراء طبي إنساني بيُستخدم لما يكون الألم النفسي أخطر من أي آثار جانبية مؤقتة.

12/12/2025

العلاقة الإدمانية

في علاقات كتير مش بنكون فيها مبسوطين… بس برغم الألم والوجع، مش بنعرف نسيب.
العلاقة بتتحول من ارتباط… لـ اعتماد، ومن حب… لـ إدمان.

العلاقة الإدمانية مش شكلها ضرب أو إهانة بس، ساعات بيكون شكلها:

تعلق مبالغ فيه.

خوف مرضي من الفقد.

محاولات إصلاح مستمرة من طرف واحد.

وعود متكررة "هتغير" ومبتتنفّذش.

زعل شديد… وبعده صلح يدي جرعة أمل تخليك ترجعي تاني.

المدمن في العلاقة مش بيكون محتاج الشخص… قد ما بيكون محتاج الإحساس اللي بيديهوله.
الإحساس اللي بيجي بعد الصلح، بعد الوجع، بعد الجري… الإحساس اللي ملوش علاقة بالراحة ولا بالأمان، بس متعلق بـ الاعتياد.

ولو سألتِ نفسك "ليه مش عارفة أمشي؟"
فالإجابة غالبًا مش إنك ضعيفة…
الإجابة إنك اتعلّقتي على مستوى عاطفي وكيميائي، وده محتاج شغل على النفس، مش جلد ذات.

والحقيقة؟
أول خطوة للنجاة هي إنك تعترفي إن دي مش علاقة حب… دي علاقة إدمان.
والتحرر مش هيكون بيوم وليلة، بس هيبدأ يوم ما تفهمي إن اللي بيكسرِك عمره ما هيبنيك.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

06/12/2025

اخطاء التفكير اللى بتدمر سلامك الداخلى 👇

أغلب معاناتنا مش من المواقف نفسها… بل من الطريقة اللى بنفكر بيها عنها.
دى أشهر أخطاء التفكير اللى لو بدأتِ تاخدى بالك منها حياتك هتهدا:

1️⃣ التعميم الزائد
موقف واحد وحش → “الدنيا كلها وحشة”.
إنسان واحد خذلك → “مفيش حد يستاهل”.
الحقيقة؟ موقف مش هو الواقع كله.

2️⃣ التفكير بالأبيض والأسود
يا إما نجاح كامل يا فشل كامل.
يا إما أحسن حاجة يا أوحش حاجة.
أما الحقيقة فالحياة درجات ومراحل.

3️⃣ قراءة أفكار الآخرين
تسكتِ وتفترضى إنك عارفة هما بيفكروا فى إيه…
غالبًا بيكون كله سلبى ومش حقيقى.

4️⃣ الكارثية
تحولى أى مشكلة صغيرة لكارثة “مش هعرف أعديها”.
وده بيكبر القلق بدون سبب حقيقى.

5️⃣ التقليل من نفسك
تشوفي إنجازك وتقولى: “عادي… مش مهم”.
مع إنه فى الحقيقة خطوة كبيرة عملتيها.

6️⃣ الفلترة السلبية
تركزى بس على الحاجة الوحشة وتنسى ١٠ حاجات كويسة حصلوا فى نفس اليوم.

---

✨ وعىّك بأفكارك هو أول خطوة للسيطرة عليها.
لما تمسكى الفكرة الغلط من أولها… بتصغرى حجم الضغط على قلبك وعقلك.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

05/12/2025

🌫️ الضغط النفسي الخَفي… اللى مش بنشوفه بس بنعيشه كل يوم

في ناس شكلهم ثابت… بيضحكوا، بيشتغلوا، وبيكملوا يومهم عادى.
بس جواهم في ضغط نفسي خفي شغال 24 ساعة…
ضغط مش بيبان فى الكلام ولا فى الملامح… لكن جسمهم وعقلهم حاسّين بيه.

الضغط الخفي بيبان فى حاجات صغيرة:

نوم متقطع

شهية واقفة الصبح ومفتوحة بالليل

تفكير شغال طول الوقت

صداع ملوش سبب

عصبية من أقل حاجة

إحساس بالإنهاك حتى من غير شغل

النوع ده من الضغط أخطر لأنه صامت…
بيستنزفك على الهادي… ومع الوقت تلاقى نفسك مش فاهمة إيه اللى حصل لطاقتك أو لمزاجك.

💛 لو حسيتي بكده… اعرفي إن ده مش ضعف، ولا دلع.
ده جسمك بيقولك “كفاية… محتاجة تهدى شوية”.

جربى:

تهدى إيقاع يومك

تاخدى راحة ولو 10 دقايق لنفسك

تكتبي اللى جواكى

تبعدى عن الناس اللى بتمتص طاقتك

وتسمحى لنفسك إنك “مش تمام” شوية

إعادة شحن النفس مش رفاهية…
دى ضرورة عشان تكمّلي.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

02/12/2025

💭 الألكسيثيميا… لما مشاعرك تكون جواك بس مش لاقية صوت!

في ناس بتحس… بس مش بتعرف تسمي الإحساس، ولا توصفه، ولا حتى تفهم سببه.
وده اسمه الألكسيثيميا أو صعوبة تمييز والتعبير عن المشاعر.

🧠 إزاى بتظهر؟

تحس بحاجة جواك بس مش عارف تحددها: قلق؟ زعل؟ ضغط؟

لما حد يسألك: "مالك؟" مش بتلاقى إجابة.

تميل للعقلنة أكتر من الكلام عن الإحساس.

تميل للانسحاب أو الصمت وقت الزعل.

صعوبة فهم مشاعر الآخرين برضه.

❤️ ليه بتظهر؟
مرتبطة أحيانًا بصدمات طفولة، أو ضغط نفسى مستمر، أو طريقة التربية اللى ماكانش فيها مساحة للتعبير.

🌿 والخبر الحلو؟
الألكسيثيميا مش شخصية… ومش عيب فيك!
وممكن تتحسن بالتدريج من خلال:

الوعى بالنفس

كتابة المشاعر

العلاج النفسى

التدرّب على تسمية الإحساس لحظة حدوثه

✨ اتكلم عن مشاعرك حتى لو بكلمة واحدة… المهم تبدأ.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

30/11/2025

✨ تخزين الجسم للمشاعر السلبية… وكيف نعيد التوازن النفسي والجسدي؟

الجسم مش مجرد عضو مادى بنعيش بيه، لكنه خريطة كاملة لمشاعرنا وتجاربنا. أى مشاعر سلبية مش بنعبر عنها—زى الغضب، الخوف، التوتر، الحزن—بتتحول مع الوقت إلى توتر عضلى، آلام مزمنة، إرهاق، اضطرابات نوم، ومشاكل فى التركيز.

🔹 ليه الجسم بيخزن المشاعر؟

لأن:

العقل وقت المشاعر الشديدة بيحاول يحميك، فيكتم الإحساس بدل التعبير عنه.

الجهاز العصبى بيفضل فى وضع “التأهب”، وده بيخلى العضلات مشدودة طول الوقت.

الهرمونات المرتبطة بالتوتر زى الكورتيزول تفضل عالية… ومع الوقت تتحول لأعراض جسدية.

مشاعر ما اتعبرتِش عنها = طاقة محبوسة… والطاقة المحبوسة = ضغط على الجسم والعقل.

---

🌿 أهمية التفريغ النفسى-الجسدى

التفريغ مش رفاهية… ده أداة علاجية لإعادة الجسم لحالته الطبيعية.
لما نفرّغ، إحنا بنسمح للطاقة السلبية تخرج بدل ما تتحول لألم أو قلق.

فوائده:

تهدئة الجهاز العصبى

تقليل التوتر العضلى

تحسين النوم

منع تراكم المشاعر المكبوتة

زيادة التركيز والراحة النفسية

الحفاظ على توازن “العقل – الجسد”

---

🌀 طرق عملية للتفريغ (سهلة وممكنة يومياً)

1) الكتابة التفريغية

اكتبي كل حاجة جواكى بدون ترتيب…
سيبى الورق يشيل الحمل عنك.
10 دقايق يومياً كافية تخفف الضغط.

2) التنفس العميق

تنفس 4 ثواني… احبسى 4… طلّعى 6.
بيهدى الجهاز العصبى ويطمن الجسم إنك بأمان.

3) الحركة

المشى، تمارين خفيفة، أو حتى هز الجسم لمدة دقيقة.
الحركة = خروج للطاقة المكبوتة.

4) البكاء الصحى

البكاء مش ضعف… ده تفريغ حقيقى للجهاز العصبى.

5) التحدث لشخص موثوق

الكلام بصوت مسموع يفك العقد اللى فى الدماغ ويحرر المشاعر.

6) تمارين الإرتخاء التدريجى

شدّى العضلات 5 ثوانى… واسيبيها.
كررى من الرأس للقدم… هتحسى براحة فورية.

---

🌟 الخلاصة

الجسم والعقل مش منفصلين…
والمشاعر اللى بنطنشها مش بتموت، هى بتتنقل للجسم وتستنى وقتها تعلن عن نفسها.

التفريغ هو المفتاح اللى بيحمى صحتك النفسية والجسدية، وبيمنع تراكم المشاعر لحد ما تتحول لألم أو ضغط.

احمى جسمك… واسمح لنفسك تحس، وتفرّغ، وتتنفس.

#معًا_لصحة_أفضل

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

09/09/2025

💥
-قصة مدمن متعافي اتعرضت على السوشيال ميديا....واحد من أكتر من مليون قصة ادمان بنقابلها يوميا فى المسحات والعيادات النفسية ومراكز التأهيل
- زيها زى كل القصص شخصية ادمانية + بيئة صالحة لظهور المرض + استعداد وراثى للإصابة بالمرض
- مثلث ادمانى متكامل بداخله استياءات وخزى وعار وقاع نفسى ومادى وجسدى
- بس فيه حاجة بقى 😎🤓😎🤓..دلوقتى بوجى فى كلامه رغم كل أنواع القاع اللى جابها قال انا قررت أبطل لما عرفت ان أمى هتطفش = ده بيساوي عندنا التبطيل المشروط "اللى هو انا ببطل عشان حاجة مش عشانى ..... أه هو بعدها بدأ يحس ان ده عشان نفسه لما فاق بس ده فى حد ذاته منذر انتكاسة لان لو والدته توفت هنا هيجيب قاع تانى"
- تانى حاجة بقى ظهوره ك ترند شيء ايجابى وسلبى مع بعض 😎🤓😎🤓
أه هو ده بيعزز ثقة المدمن فى نفسه ويشجعه ويزود قبوله الشخصى والاجتماعى وده نفس الاحتياج اللى كان مفتقده أيام الضرب......لكن فى نفس الوقت هو منذر انتكاسة ليه هو لانه لو غاب عنه وخلص ممكن يفتح جوع الاحتياجات دى عنده من تانى.....ولو انتكس جنة النريند هتطرده من جنتها دى لان قبولها ليه مشروط بانه يفضل متعافى 💔

💥أما عن الحل 👌👌👌👌
= الحل فى بوجى نفسه ....
- وعيه الشخصى + أساليب وأسلحة التعامل مع الاحتياجات النفسية "سواء بالمشاركات او الاستشارات أو المهارات الشخصية اللى يتعلم يمارسها مع نفسه لتجنب ده" + البيئة المحيطة اللى هيفضل فيها
- يعنى زى ما المثلث باظ بضلوعه يتصلح بكل ضلوعه مش ضلع أو ضلعين والباقى لاء

💥أنا من وجهة نظري أعتقد ان بوجى حاليا مازال فى خطر من اللى حواليه ومن نفسه..... اتمنى يكون حكمى خاطئ ويفضل بخير دايما 🥰

🤓

✍️

للحجز والاستعلام/

٠١٠٦٦٩٤٤٨٥٣☎️
المنصورة/ الأتوبيس الجديد- موقف دمياط-جانبى ناصية شارع حلوانى الجندى - الدور الأول العلوى

👌

Psy Esraa Eldeeβ

23/01/2026

10/01/2026

05/01/2026

26/12/2025

23/12/2025

17/12/2025

12/12/2025

06/12/2025

05/12/2025

02/12/2025

30/11/2025

09/09/2025

Address

Telephone

Website

Alerts

Contact The Practice

Shortcuts

Share

Category