Dr Nada Elhossiny د ندا الحسيني

19/09/2025

🎀 سلامك النفسي أهم من حاجات كتير في حياتك!. ✨️

🎗 جملة بنسمعها كتير، ودلوقتي جه الوقت إننا نفهم معناها أكتر ونطبقها في حياتنا؛ لأننا نستاهل يكون عندنا سلام داخلي مهما كانت الضغوط حوالينا.🪄💗

▫️وعشان نوصل للمعنى ده اختارنالكم ضيفة مميزة جدًا في سيشن (الصحة النفسية)، وهي:-
دكتور: ندا الحسيني.

▫️Psychiatrist and psychotherapist for adults and adolescents.
▫️Specialist in addiction treatment and mental health disorders.
▫️Member of the American Psychiatric Association and EMDR Egypt, Certified Dialectical Behavior Therapist and EMDR Therapist.
▫️Experienced in mental health hospitals and training medical teams with doctors without borders.

▫️متنسوش ميعادنا:-
🗓 يوم: السبت
🕛 الساعة: 8:30 مساءًا
📌 أونلاين على زووم

🎗 سيشن مختلفة، وهتخليكم تعيدوا ترتيب أولوياتكم، وتبدأو بنفسكم. ✨️

📌 مستنيين إيه عشان تدخلوا جروب الواتساب🫵🏻😉:-
https://chat.whatsapp.com/G9cEWUni60f3NFb4IPjXf2?mode=ems_copy_t

06/09/2025

تم الانتهاء منذ قليل من إلقاء محاضرة ونقاش شيق جدا مع شباب جامعة MUST
اتناقشنا فيها سوا عن مفهوم الصحة النفسية
الحقايق والخرافات عن الصحة النفسية
مفهوم الدعم النفسي والتفرقة بين الدعم الإيجابي والسلبي
المحتوى الي بتقدمه السوشيال ميديا عن الصحة النفسية بين الحقيقة والترند
امتى اطلب الدعم النفسي

د ندا الحسيني

02/09/2025

14/08/2025

البانيك أتاك مش ضعف، ومش جنون

أوقات بيجي إحساس مفاجئ بخوف شديد، قلبك يدق بسرعة، نفسك يضيق، وإيدك تعرق، وتحس إنك هتفقد السيطرة أو هتموت.
ده غالبًا بيكون هجوم هلع.

📌 هو مش خطر على حياتك، لكنه تجربة مرعبة وقت ما بتحصل.
الجسم في اللحظة دي بيكون فاكر إنه في خطر، حتى لو مفيش حاجة حقيقية حواليك.

معرفة الأعراض وفهمها بيخفف من رعب الموقف، وفيه طرق وتمارين ممكن تساعد على التعامل معاها.


011 12492119

14/08/2025

في ناس لما تجرحك، تلاقيهم بيقولوا:
“ما كنتش أقصد”… أو “هزار يا عم!”
القلب ما عندوش زرار Restart.
سواء كان الأذى مقصود أو عن غير قصد… حدودك هي خط الدفاع الأول.

الحدود مش إنك تزعل أو تعاقب…
دي زي حزام الأمان، بتحميك قبل ما تتخبط.

فـ المرة الجاية اللي تحس فيها إن الكلام أو التصرف مش مريحك…
ابتسم، وحط حدودك… لأن سلامك النفسي أهم من أي مجاملة

08/08/2025

لو حابين أشارك معاكم خطوات تطبيق مهارات DBT في جلساتكم، قولولي في الكومنتات

06/08/2025

04/08/2025

من فترة، وأنا بشتغل على تدريب متخصص لممارسي الصحة النفسية عشان أشارك معاهم خبرتي مع DBT.

التدريب معمول مخصوص للي عايز يتعلم إزاي يستخدم مهارات DBT بشكل عملي، وبطريقة واضحة ومختلفة تساعدك في الجلسات اليومية.

لو مهتم/ة تعرف التفاصيل أول ما تجهز، ابعتلي “مهتم” في الكومنت أو على الخاص.”

د ندا الحسيني

02/08/2025

فاكرة كويس حالة جاتلي من فترة…
كل ما تحاول تغير، المشاعر الشديدة بتشدها لورا.
اللي ساعدنا نتحرك خطوة لقدام… كان تمرين بسيط من DBT اسمه Opposite Action.

لما شرحتلها يعني إيه تتصرف عكس اندفاع مشاعرها في لحظة معينة… وشافت بنفسها النتيجة… كانت دي نقطة فارقة في شغلنا سوا.

‏DBT مش بيغير الناس… DBT بيعلمهم إزاي يتعاملوا مع نفسهم بشكل مختلف.”

14/07/2025

الابتسامة لا تعني دائما السلام النفسي..

في ناس كتير بتعيش كل يوم وهي بتضحك وتهزر وتشتغل، لكن جواهم تعب مش باين.
الحالة دي اسمها في الطب النفسي “الاكتئاب المبتسم” – يعني الشخص بيبان طبيعي جدًا، لكن جواه مشاعر حزن أو ضغط نفسي مش قليلة.

المشكلة إن الناس دي ساعات نفسها مش بتاخد بالها، أو بتحاول تقنع نفسها إنها تمام علشان ما تقلقش اللي حواليها… أو علشان شايفة إن “ما ينفعش أكون تعبان وأنا عندي حاجات كويسة في حياتي”.

بس الحقيقة إن وجود ضحكة، أو نجاح في الشغل، أو خروج مع الناس… مش معناها إن مفيش حاجة غلط بتحصل جواك.

لو بتحس إنك مرهَق من جوا، حتى وإنت بتضحك… ده مش ضعف، ومش قلة شُكر، ده ممكن يكون محتاج حد يسمعك ويحتويك.