Dr. Nada Elhossiny د. ندا الحسيني

12/12/2025

✨ لأول مرة بالدقهلية ✨

💚 الفريق المتكامل لعلاج التشنّج المهبلي 💚
Intimate Care Team

لإن علاج التشنّج المهبلي محتاج تدخل شامل ومتكامل…
جمعنالك أفضل خبراء التخصصات المختلفة في فريق واحد، علشان نوفرلك معالجة علمية، محترمة، وآمنة 100%.

🔹 د ندا الحسيني
أخصائي الطب النفسي ومعالج جنسي وزواجي ومعالج DBT

🔹 د ثريا أبوشبانة
اخصائي النساء والتوليد وتأخر الإنجاب والتجميل النسائي

🔹 د. ياسمين أبو شبانة
أخصائي العلاج الطبيعي لصحة المرأة وتأهيل عضلات قاع
الحوض

مع بعض…
بنقدّم برنامج علاجي متكامل بيجمع بين:
✔️ التقييم الجسدي والطبي
✔️ الدعم النفسي والعلاج السلوكي
✔️ التأهيل العضلي والعلاج الطبيعي
علشان نوصل لأفضل نتائج بأسرع وقت، وبطريقة لطيفة ومحترمة ومناسبة لكل حالة.

💚 هدفنا إنك تكوني مرتاحة، مطمئنة، وتسترجعي ثقتك بنفسك وبجسمك.

📍 لحجز المواعيد:
راسلينا على الصفحة أو تواصلي واتساب.
📌 عيادة د. ندا الحسيني — للطب النفسي وعلاج الإدمان
011 12492119
⸻

16/11/2025

يعني إيه أمان عاطفي بجد…

إنك تبقى قادر تعيط، تزعل، تتضايق، أو تفرح… وبرضه تحس إنك مقبول.

إن الخناقة أو الاختلاف مايتحوّلوش لعقاب، وإن الغلط مايبقاش سبب إنك تتشَتَّم أو تتحسس من نفسك.

هو مش مجرد هدوء… ده ارتباط وثقة وإنك تحس إنك متشاف من غير خوف.

إن جسمك ما يشدّش وإنت مع حد، علشان عارف إنه مش هيستغل ضعفك ضدك.

إن اللي قدامك يسمعك علشان يفهمك، مش علشان يهاجم، أو يصلّح، أو يقلّل من اللي حاسس بيه.

إن الفضول يحلّ محلّ الدفاعية… ولما تعبّر عن إحساسك يتقالك: "طب احكيلي أكتر"، مش "إنت بتبالغ".

30/10/2025

بمناسبة افتتاح المتحف الكبير، جه في دماغي سؤال ايه علاقة التاريخ بالهوية وتأصل الشخصية

التاريخ كجذر للهوية

يعني التاريخ هو الذاكرة الجمعية لأي فرد أو شعب من غير معرفة التاريخ، الهوية بتفقد معناها
التاريخ بيحكي من إحنا،
والهوية بتجاوب على سؤال مين أنا دلوقتي،
وتأصّل الشخصية بيحدد أنا رايح فين.

يعني التاريخ هو الأساس اللي بتتبني عليه الهوية، والهوية هي الامتداد ليه

ازاي التاريخ بيشكل الهوية

التجارب التاريخية (زي الثورات أو الاستعمار أو الإنجازات الحضارية) بتخلق قيم مشتركة زي الكرامة، الحرية، أو الإبداع
كمان التاريخ بيخلّق رموز (أبطال، أماكن، أحداث) بترسّخ الإحساس بالانتماء والتميز

تأصّل الشخصية يعني إن الإنسان أو المجتمع عنده جذور راسخة في تاريخه وهويته، وده بيخليه:
أكثر ثباتًا نفسيًا وثقافيًا،
أقل عرضة للضياع أو التبعية،
وأكثر قدرة على التطور من غير ما يفقد أصالته

يعني شخص بيعتز بثقافته وتاريخه بيكون عنده أساس قوي لتكوينه النفسي، وده بيأثر في قراراته، أسلوب حياته، وحتى طريقته في التعامل مع الآخرين

19/09/2025

محاضرة جديدة مع شباب جامعة الفيوم 🙏❤️

🎀 سلامك النفسي أهم من حاجات كتير في حياتك!. ✨️

🎗 جملة بنسمعها كتير، ودلوقتي جه الوقت إننا نفهم معناها أكتر ونطبقها في حياتنا؛ لأننا نستاهل يكون عندنا سلام داخلي مهما كانت الضغوط حوالينا.🪄💗

▫️وعشان نوصل للمعنى ده اختارنالكم ضيفة مميزة جدًا في سيشن (الصحة النفسية)، وهي:-
دكتور: ندا الحسيني.

▫️Psychiatrist and psychotherapist for adults and adolescents.
▫️Specialist in addiction treatment and mental health disorders.
▫️Member of the American Psychiatric Association and EMDR Egypt, Certified Dialectical Behavior Therapist and EMDR Therapist.
▫️Experienced in mental health hospitals and training medical teams with doctors without borders.

▫️متنسوش ميعادنا:-
🗓 يوم: السبت
🕛 الساعة: 8:30 مساءًا
📌 أونلاين على زووم

🎗 سيشن مختلفة، وهتخليكم تعيدوا ترتيب أولوياتكم، وتبدأو بنفسكم. ✨️

📌 مستنيين إيه عشان تدخلوا جروب الواتساب🫵🏻😉:-
https://chat.whatsapp.com/G9cEWUni60f3NFb4IPjXf2?mode=ems_copy_t

08/09/2025

تعلن عيادة د ندا الحسيني عن حاجاتها لأخصائيين أو أخصائيات
-خبرة اربع سنوات او اكتر بعد التخصص
-تخصص أطفال
-مراهقين وكبار
-متمرسين لواحدة او اكتر من مدارس العلاج النفسي

رجاء ارسال cv انبوكس
سيتم عمل مقابلة بعد الاختيار

06/09/2025

تم الانتهاء منذ قليل من إلقاء محاضرة ونقاش شيق جدا مع شباب جامعة MUST
اتناقشنا فيها سوا عن مفهوم الصحة النفسية
الحقايق والخرافات عن الصحة النفسية
مفهوم الدعم النفسي والتفرقة بين الدعم الإيجابي والسلبي
المحتوى الي بتقدمه السوشيال ميديا عن الصحة النفسية بين الحقيقة والترند
امتى اطلب الدعم النفسي

د ندا الحسيني

02/09/2025

بما إني بمر بظروف صحية الأيام دي قلت افكركم معايا اننا اما بنتعب مش بس جسمنا الي بيتأثر .. مشاعرنا كمان بتتأثر ممكن نحس بقلق بملل او بخوف او حتى غضب ..

كل المشاعر دي طبيعيه ومش دليل على ضعف شخصية ..
قبول مشاعرنا وقت والمرض بيساعدنا نخف اسرع ، لاننا بدل ما بنستهلك طاقتنا في مقاومة الاحساس بنستخدمها في الراحة والتعافي..

اسمح لنفسك تحس… خد وقتك للراحة… وافتكر إن التعاطف مع نفسك جزء من رحلة الشفاء.

د

18/08/2025

امتى اعرف ان نفسيتي بتبتدي تتدهور؟

13/08/2025

البانيك أتاك مش ضعف، ومش جنون

أوقات بيجي إحساس مفاجئ بخوف شديد، قلبك يدق بسرعة، نفسك يضيق، وإيدك تعرق، وتحس إنك هتفقد السيطرة أو هتموت.
ده غالبًا بيكون هجوم هلع.

📌 هو مش خطر على حياتك، لكنه تجربة مرعبة وقت ما بتحصل.
الجسم في اللحظة دي بيكون فاكر إنه في خطر، حتى لو مفيش حاجة حقيقية حواليك.

معرفة الأعراض وفهمها بيخفف من رعب الموقف، وفيه طرق وتمارين ممكن تساعد على التعامل معاها.


011 12492119

13/08/2025

في ناس لما تجرحك، تلاقيهم بيقولوا:
“ما كنتش أقصد”… أو “هزار يا عم!”
القلب ما عندوش زرار Restart.
سواء كان الأذى مقصود أو عن غير قصد… حدودك هي خط الدفاع الأول.

الحدود مش إنك تزعل أو تعاقب…
دي زي حزام الأمان، بتحميك قبل ما تتخبط.

فـ المرة الجاية اللي تحس فيها إن الكلام أو التصرف مش مريحك…
ابتسم، وحط حدودك… لأن سلامك النفسي أهم من أي مجاملة