08/08/2025
ما أخذ بسيف الحياء فهو حرام
ماتحرجش حد في أمر انت علي علم كافي أنه غير قادر علي تنفيذه أو غير مؤهل للحديث
ماتحرجش حد انت عارف انه مش قادر ووضح ده ليك كتير
سيبوا للناس مساحتهم في التواجد
ممكن يكون الشخص مش قادر يقوم بالمهمه دي لانها تتعارض نفسيا مع طاقته هو مش طاقتك انت
انت قادر تتكلم هو لا
أنت عاوز تفضفض هو مش عاوز
انت محتاج تخرج هو محتاج يقفل علي نفسه
انت زهقان ..هو مرهق
الأمور نسبيه ولازم تحترم
وهنا يأتي دور مهارة التوكيديه وحماية الحدود
أنك تعبر عن قدرتك بشكل واضح أو عدم قدرتك علي تنفيذ مهمه أو الدخول في حديث
ولكن السؤال
هل الناس ممكن تلتزم بكلامي ولا هيتم تكرار الطلب بطرق ملتوية فيها احراج تحت بند العشم ومفاهيم سامه بتخدم أغراض خبيثه ؟
في الحقيقه انت ممكن تتكلم بوضوح في حدودك ويظل الشخص بيحاول انتهاكها
وهنا يأتي دور التجاهل
انت وضحت ماتستطيع فعله باحترام
وليس عليك أي تكليف سوى التوضيح
اما ردات الفعل فدعها تأخذ مجراها دون تأنيب ضمير
✋️✋️
