01/04/2023
حضرتك طبيب عيون ؟
بتقضي وقت كتير على مواقع التواصل الإجتماعي .. (فيسبوك / تويتر / يوتيوب) ؟!
طيب .. ممكن نستبدل ال ٣ مواقع دول ..
ب ٣ تانيين .. زيهم بالظبط .. بس في ؟!
واهو منها تسالي .. ومنها علم ينتفع به!
تعالى نجرب:
** الموقع الأول :
بدل الفيسبوك .. استعمل EyeRounds.org
ده موقع لطيف خالص .. عملته جامعة IOWA الأمريكية .. صاحبة واحد من أقوى أقسام طب وجراحة العيون .. على مستوى جامعات الولايات المتحدة
الموقع ده .. فيه جوهرتين :
& Atlas
والاتنين عبارة عن مناقشة حالات .. متقسمة طبقاً لكل قسم في طب وجراحة العيون ..
عرض الحالات رائع .. والمناقشات ثرية جداً ..
وأفضل بديل ل "هري" الفيسبوك اليومي ..
ولو حالة واحدة كل يوم من الموقع !
** الموقع الثاني :
بدل تويتر .. استخدم EyeWiki.org
ده موقع #ويكيبيديا بتاعنا احنا كرمديين ..
مقالات عن موضوعات طب وجراحة العيون .. بتقدمها الأكاديمية الأمريكية لطب وجراحة العيون AAO ..
المقالات معروضة في نقط بسيطة .. وكأنها "تويتات" .. بشكل شيق جداً ..
مع أبواب للمناقشات اللطيفة داخل موضوعات محددة ..
و فيه صور كتير توضيحية .. خاصة بكل موضوع وكل حالة مرضية
لو مش عارف تبدأ منين .. ممكن تدخل تقرأ "مقال اليوم" المعروض في الصفحة الرئيسية .. وتخرج من الموقع !
** الموقع الثالث :
بدل يوتيوب .. اتفرج على EyeTube.net
واحد من أكبر شبكات مقاطع الفيديو الخاصة بطب وجراحة العيون ..
فيديوهات قصيرة وطويلة .. حسب وقت فراغك المتاح .. وحسب تركيزك ورغبتك في المتابعة ..
شامل موضوعات طبية وجراحية .. في كافة فروع العيون.
** اسمع مني ..
اخرج شوية بره مثلث هري السوشيال الميديا ..
وادخل اتفرج على المثلث بتاعنا احنا كرمديين 👀💪🔬
واستمتع ... Just Enjoy
EyeRounds is a service to the profession by the Department of Ophthalmology at the University of Iowa. Case reports, tutorials, ophthalmology images and videos.
