01/10/2025
امبارح حصل زعر كبير للأمهات و الأباء و على منصات السوشيال ميديا و على القنوات الفضائية لما تناولو موضوع غلق فصل في مدرسة بالجيزة لانتشار متلازمة اليد و الفم و... وطبعا جتلي رسايل كتير تسال عليه فلازم نطلع نتكلم بكل أمانة ونطمن الناس الاول ونقول العلم بيقول ايه :
أحد أشهر الأمراض اللي بنشوفها في الأطفال في الصيف و الخريف وتغيير الفصول
مرض اليد🖐️ و القدم 🦶و الفم👄 .. بنسميه Hand Foot Mouth Disease واختصارا HFMD🦠
له اسم تاني لما كان بيصيب الحيوانات .. الحمى القلاعية
💥تاريخ اكتشافه:
يعد اول اكتشاف للمرض عام 1957 وتم اكتشاف الفيروس EV71 لاول مرة في عينه براز لطفل مصاب بالتهاب بالمخ عام 1963 بولاية كاليفورنيا الأمريكية.
💥أسبابه وعوامل الخطورة:
*الفيروسات التي تسبب اليد والقدم والفم
coxsackievirus A16 كوكساكي
والفيروس المعوي 71 Enterovirus
(EV 71)
*يمكن أن يصاب أي شخص بالمرض ، ولكن الأطفال الذين تقل أعمارهم عن 5 سنوات هم الأكثر عرضة للإصابة به.
*تميل إلى الانتشار بسهولة في الصيف والخريف وتغيير الفصول.
*طرق العدوى:
🖐️تكمن الفيروسات التي تسبب HFMD في السوائل في جسم الشخص المصاب ، بما في ذلك:
1️⃣ اللعاب و المخاط من أنفهم أو رئتيهم.
2️⃣سائل من البثور.
3️⃣ البراز.
🖐️ ينتشر مرض اليد والقدم والفم من خلال:
1️⃣السعال أو العطس.
2️⃣الاتصال المباشر مثل التقبيل أو العناق أو مشاركة الكؤوس و الأواني.
3️⃣ملامسة البراز ،وده يحدث عند تغيير الحفاضات.
4️⃣لمس الأسطح بالفيروس عليها.
💥الأعراض:
🖐️الأعراض المبكرة:
1️⃣سخونية ، إلتهاب الحلق، صداع ، همدان ، الم بالجسم.
2️⃣بثور مؤلمة داخل فم الطفل ، عادة في سقف الحلق أو على اللسان. .. بتبقى مصحوبة بنزول لعاب كتير وتيجي مامة الطفل تقول بيريل.
3️⃣فقدان الشهية زي اي عدوى ما بالك دي قرح في فم الطفل.
يبقى اي طفل فقد الشهية و بيريل مع حرارة عالية شكي في قرح في الفم سواء كانت بسبب المرض ده او ال herpes و ال Herpangina
🖐️ بعد يوم أو يومين ، قد يعاني الطفل من:
1️⃣طفح جلدي يتحول إلى بثور
2️⃣بقع مسطحة أو تقرحات على اليد و القدم وممكن الركبتين أو المرفقين أو الأرداف.
🔹هناك نوع غير تقليدي Atypical بيكون شكله مختلف وبيجي ف اي مكان في الجسم زي الصور.
هسيبلكم صور أكثر في التعليقات 👇👇
🖐️المضاعفات نادرة الحدوث بس الاشهر لو الطفل رفض الاكل انه يدخل ف جفاف خاصة عمر الرضع.
ممكن بعد أسابيع يحصل انفصال للاظافر ودي بنشوفها كتير بس بترجع تنمو تاني بدون مشاكل
💥الوقاية :
غسل الايدي بانتظام وتعقيم الاسطح و أوكر الابواب وعدم مشاركة الاواني و الكؤوس بين الافراد ، خاصة المرضى.
💥العلاج:
👨🏼⚕️يجب زيارة الطبيب لاستبعاد الامراض الخطيرة التي تتشابه أعراض المرض معه.
🖐️ننبه كتير انه ده ڤيروس مبناخدش مضاد حيوي .. ومبنديش له اسيكلوڤير زوڤيراكس ولا ڤيروستات شراب لانه ده مش هربس... كمان الاسيكلوڤير بيشتغل على DNA virus انما ده RNA virus.
تفصيل عمل الاسيكلوڤير ازاي في اللينك ده
https://m.facebook.com/story.php?story_fbid=428276895690717&id=110450427473367
1️⃣مسكنات وخوافض حرارة :
زي الابيوبروفين و البارسيتامول.
2️⃣مسكن موضعي:
زي Orex , Sucair ، unifresh , Fly بخاخ للفم عشان القرح قبل الاكل ... ممكن الاكل بتاعنا يبقى في حاجات باردة تخفف الم القرح زي ايس كريم طبيعي و زبادي و مهلبية وكريم كراميل و رز بلبن ساقع ... بلاش مشروبات غازية ولا عصائر حامضية لانها هتهيج القرح.
3️⃣لو في طفح وهرش:
ممكن نستخدم لوشن كلاميل او ديرموكالم.
4️⃣مضادات الحساسية في حالة وجود حكة أو هرش.
وفي خلال أيام الطفح بينشف و يختفي و الطفل يتحسن بدون أي آثار .
🌺دكتور /أحمد رمضان السيد🌺
📍مدرس طب الأطفال وحديثي الولادة (م) بكلية الطب .
