عيادة د.جودة بعتر

10/11/2025

دور فيروسى صعب ورخم فى أعراضه بس ماشى بفضل الله من غير مشاكل كبيرة … قليل من الحالات اللى بيحتاج مضاد حيوى وأقل منهم اللى بيحتاج حجز فى المستشفى بس محتاج كثيرا من الاهتمام وقلة فى الإختلاط.

01/11/2025

24/10/2025

ناخد بالنا كويس من الكلام ده علشان منتشر دلوقتى 👌

09/10/2025

علشان نقول إن طفل عنده تبول لا إرادي يبقي لازم يكون بيعمل حمام علي نفسه علي الأقل مرتين أسبوعياً لمدة علي الأقل ٣ شهور متواصلة في عمر ٥ سنوات أو أكثر.

09/10/2025

إن شاء الله النهارده الخميس ١٠/٩ اجازة فى العيادة

07/10/2025

أول خطوة للتشخيص الصحيح أن تستمع إلى الأم جيدا …. لكن شقلب واقلب مش موجود فى الأطفال 😉

06/10/2025

المفروض اللى ياخد أجازة ٦ أكتوبر الأمهات اللى مش بتنام نص ساعة على بعضها الصبح علشان تصحى أولادها للمدارس.

تحية لكل الأمهات 😍

04/10/2025

الله يكرمكم بلاش لبس شتوى دلوقتى
العيال بتنز ميه

29/09/2025

غالبا متحور أو بدايات للروتا …..دور النزلة المعوية المنتشر دلوقتى

23/09/2025

بلاش ف اللانش بوكس

فينو ❌نبدله ببلدي او شامي او عيش الريف حلو جدا

نوتيلا ❌نبدلها بزبده فول سوداني او حتي حلاوه طحنيه او عسل اسود وطحينه لو الطفل مش بيعاني من السمنه او تمر ٣ تمرات لو الطفل محتاج يخس

جبنه رومي والانشون ❌جبنه قريش او فول او بيض او بطاطس مهروسه بيض

حلويات ❌تمر بالسمسم اوكيكه بيتي

عصاير جاهزه ❌عصاير فريش نتلجها من بليل ونطلعها تفك هاتقعد معاهم طول اليوم

لازم الطفل يفطر قبل ما ينزل
حتي لو كوب لبن او حلبه او نعناع او بليله مش لازم اكل

❌❌❌❌بلاش سوبر ماركت علي اد ما تقدروا

هاصورلكوا افكار كتير باذن الله عشان الحيره بتاع كل سنه

تعديل👇👇👇👇

اه يا ياني منكوا
والفينو لا ليه 😁

فقير جدًا في الألياف → هيعمل إمساك لابنك

وكمان مش بيشبع لفترة طويلة هتلاقيه جعان طول الوقت

بيعلي السكر في الدم بسرعة جدا → فالطالب مش بيبقي مركز ولا متزن وعايز ينام .

غني بالنشويات يسبب سمنة وزيادة في الوزن

مافيهوش اي الفيتامينات اوالمعادن مقارنة بالعيش البلدي أو العيش السن او حتي الرقاق اللي بتعملوه او القرص .

الاستهلاك اليومي ليه ممكن يسبب خمول وقلة تركيز، خاصة للطلاب في المدارس والجامعات.

العيش الفينو ينفع في ظروف استثنائية أو كتنويع، لكن مش بشكل يومي.

يعني يا ست الكل يوم مزنوقه فيه ماعندكيش حاجه بتاع للطوارئ
مش كل يوم

ما احنا متربين عليه وصحتنا زي الفل اهو يا دكتور😁😁

احنا مش زي الفل ولا نيله وجيل مفستك😂🤕🤕 وبعدين زمان ما كانش فيه دكاتره تغذيه يحذروا من اي حاجه فكنا علي عمانا

منقول من صفحة د.عبير ضيف.