Adham Kids Clinic

01/02/2026

بلاش أرجوكم 😩😩

01/02/2026

نزلات معويه وترجيع شديد وجفاف سريع . العلاج الصح بدري بينقذ حياه الطفل . ازاي تتصرفي صح 🫵🏻🫵🏻

31/01/2026

الفيروس التنفس المخلوي يضرب الأطفال بقوه ، بالذات الرضع نزلات شعيبيه والتهابات رئوية.
Take care

31/01/2026

أهم كورس لأي طبيب في هذه الايام ، هيفرق معاك جدا في شغلك وعيادتك 🫵🏻

Nyd de videoer og den musik, du holder af, upload originalt indhold, og del det hele med venner, familie og verden på YouTube.

27/01/2026

أدوار صعبه علي العيال

ربنا يشفيهم 🥲

27/01/2026

مليكه القمر نورتنا اليوم في العياده 🩵🩵

24/01/2026

ومع حاله غريبه وعجيبه زي ما اتعودنا

طفله ٦ سنوات شكوتها وجع بطن مستمر لمده ٥ شهور

ضعف شهيه ، إمساك ، إنتفاخ بالبطن مع أقل وجبه

نقص شهيه ، ترجيع احيانا وإحساس بالغثيان

أنا دماغي قعدت تجيب يمين وشمال 😇😇

يا تري ايه اللي يعمل كل الاعراض دي مع بعض!!؟؟

البنت كشفت واخدت علاجات كتير ،
اتشخصت تشخيصات مختلفه 😎

مره جرثومه بالمعده 😩

مره ديدان 😩

مره حساسيه طعام 🥲

مره قولون عصبي 😔

فحصت البنت بدقه وتركيز

لفت نظري شئ غريب

البنت شعرها متساقط ومتقصف أوي بالذات في أول الرأس من الامام وفي فراغات كتير 🧐🧐

هنا ناقوص التشخيص رن في عقلي

قولت ابص عليها بالسونار كده

لقيت شئ عجيب اووي

كتله كبيره متجمعه داخل المعده ونافخه المعده للاخر

هوبااااااا

معقول هي الحاله الغريبه اللي بنسمع عنها بس في الكتب

معقول أشوفها في عيادتي دلوقتي

Trichotillomania 🤨🤨

حاله نفسيه بياكل فيها الطفل شعره كل شويه

سؤال واحد هيخلص المهمه الصعبه دي

بصيت للام بسرعه وحزن

البنت دي بتشد في شعرها كتير وبتأكله

الام بسرعه وذهول

ايوه يا دكتور فعلا ،. أنا كنت لسه هقولك عن الشكوي دي

بس معرفش ان دي تبع تخصصكم وهتفرق معاك في حاجه

قولت ، دي هي دي اساس المشكله

البنت من كتر أكل الشعر

اتجمع وعمل كوره شعر كبيره في المعده
كرة شعر في المعدة أو الأمعاء trichobizar

وهي سبب كل الاعراض دي

تم تحويل الطفله لعمل منظار علي المعده وأزاله الكوره دي

والاهم من ده كله اننا نركز علي العلاج النفسي للطفله

لان دي بيكون نتيجه توتر وقلق نفسي شديد

علشان نتجنب حدوث المشكله دي تاني

الحمد لله ان ربنا هدانا لتشخيص حاله نادره زي كده

23/01/2026

الاسبوع اللي فات شفت حاله شيقه وعايز اوعي الناس عنها

طفل عمره سنتين ونص كان شكوته سخونيه عاليه من ٣ ايام فاتت

والطفل عنده خمول وضعف شهيه واضح

بس كان في حاجه ملفته ليا وللأهل

الولد رقبته كانت وارمه ومتضخمه والغدد الليمفاوية بالرقبه كانت ملحوظه اوووي

والطفل بياخد نفسه بصعوبه شويه نتيجه تضخم والتهابات الغدد اللي بالرقبه

فحصت الحلق لقيت طبقه من الصديد مغطيه اللوزتين

غشاء من الصديد فعلا

بسرعه قولت في بالي ده مش التهاب لوز عادي من اللي بنشوفه كل يوم

اللي هيأكد تفكيري اني افحص بطن الطفل ده

وبسرعه حطيت جهاز السونار علي بطن الطفل.

لقيت تضخم واضح بالطحال ، وتضخم بالغدد الليمفاوية بالبطن كمان

هوباااااااا

كده بقي نطلب الاجسام المضاده للفيروس المشهور اوووي

فيروس الايبنشتين EBV

التحليل أكد اصابه الطفل بالفيروس
فعلا

الطفل أخد جرعه بسيطه من الكورتيزون الشراب فقط

والحمد لله في الاعاده كانت الأمور افضل كتير من حيث الشهيه والنشاط والتنفس

وده درس هام ليا شخصيا

مش كل التهاب حلق علاجه مضاد حيوي

النصيحه الاهم للطفل ده ولاهله كانت تجنب التنطيط والشقاوة الزايده الشهرين الجايين

لان الطحال بيكون طري او هش وبسهوله ممكن ينفجر ويسبب نزيف داخلي بالبطن

معلومه جميله ومفيده 😊

الشكر لله علي توفيقه وكرمه والشكر لأخي الجميل د علي غانم اللي علمنا وما زال يساعدنا في الفحص بالسونار لاي طفل حتي لو شكوته بسيطه ، لأن ده عينك جوا العيان 🩵

23/01/2026

كل العيال بتكح حرفيا الايام دي 🥲

ودي أهم النصائح عشان نعالج الكحه اللي عند العيال 🤧😤

👈أحسن مذيب للبلغم عسل النحل مع الليمون علي كوبايه ينسون

👈أشهر سبب للكحه في الاطفال هو الرشح بسبب دور برد ودي غالبا بتقعد ٥ ايام الي اسبوع وتخف وعلاجها تنضيف الأنف بالنقط أو البخاخه أو محلول ملح واستخدام الشفاط اذا لزم الأمر

👈 الطفل ما بيتعودش علي الجلسات 🤫

👈 أي طفل أقل من ٦ شهور وبيكح يبقي لازم كشف فورا ، مفيهاش واتس خالص دي 🤗

👈 علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه )

👈لو الكحه متكرره كل شهر أو أقل ومعاها رشح أو انسداد وشخير في الانف احتمال حساسيه انف أو لحميه علاج اللحميه عمليه بعد ٣ سنين و علاج حساسيه الأنف بخاخه فليكس أو نازوفلوتين أو تيكوناز

👈 أما لو الكحه متكرره ومعاها تزييق في الصدر والطفل غالبا بيحتاج جلسات بخار عشان يرتاح .كده الطفل ده عنده حساسيه صدر .
علاج حساسيه الصدر الوقائي أكياس
سنجيولار أو ستاتيوكاست
مع بخاخات فلكسوتايد أو سيروتيد عشان تمنع تكرار الكحه
والله يباركلكم بلاش موضوع الطفل هيتعود علي البخاخات

👈 الكحه لو استمرت اكتر من اسبوعين لازم نعمل اشعه علي الصدر لان كده احتمال التهاب رئوي ودا بعد رأى الطبيب
أو شرقه بجسم غريب ذي قشرة لب او قشرة سوداني من ضمن اسباب الكحه المستمره علي فكره
أو ممكن يكون إرتجاع المرئ هوا السبب وراء الكحه المزمنه

👈 الأطفال أقل من ٦ شهور هتلاقي علي طول الأنف مسدوده لازم تسليك الأنف باستمرار ذي ما قلت

👈علي فكره الطفل ما بيتعودش علي الجلسات 😊

👈لو طفل بيكح والدكتور اداله دواء ترجيع ما تستغربيش لان من ضمن اسباب الكحه عند الاطفال ارتجاع المرئ

👈 ممنوع التدخين جنب الاطفال وأي حد عنده برد ما يقربش جنب الاطفال خصوصا اللي اقل من ٦ شهور لأن دور برد عن الكبار يقلب بالتهاب رئوي في الاطفال دي 🥹

👈 الكحه لو متقطعه كل ٤ ساعات او اكتر وما زادتش عن ٥ ايام ما تخوّفش

👈لتقوية مناعة طفلك أهم حاجه النوم كويس والرضاعه الطبيعيه والتغذيه الصحيه
ومعاكي
ڤي دروب ٤ نقط يوميا
سي فيت ١٠ نقط يوميا
أ ڤيتون ٢ كبسولة تحت سن السنه
و ٤ كبسولات فوق سن سنه تفرغ
علي عصير مره كل ٦ شهور

👈 تطعيم الانفلونزا قبل كل شتا للأطفال أكبر من ٦ شهور
تطعيم المكورات الرئويه عند ٢ و٤ و ٦ و ١٥ شهر من العمر

👈أخيرا الطفل ما بيتعودش علي الجلسات 😁😁
وتحت أمركم فى اى حاجة
دمتم بالف صحه ♥️

د أدهم عبدالفتاح
أخصائي الأطفال وحديثي الولاده
عضو الجمعيه المصريه لطب الأطفال
أخصائي علاج حساسيه الصدر وسوء التغذيه

23/01/2026

الفيديو ده هام جدا جدا الفتره دي ، اهم خطوه في علاج النزله المعويه ، عوضي الاسهال عوضي الاسهال اهم خطوه ، الخوف كله من الترجيع😬

23/01/2026

بنشوف الديدان بالسونار عادي يعني 🤭😊

22/01/2026

دور نزلات معويه غريب منتشر الايام دي. بس ما شاء الله الامهات كانوا علي قدر المسؤولية واتعاملوا باحترافيه وخبره عاليه ، عاش بجد 🫵🏻💪🏼